|
زوجي ابتدا ريجيم .... و الآن معصب علي
أدري سببت ازعاجات لكم ياا خواتي واخواني
بمشاكلي ,, بس والله مالي غير الله ثم أنتم أفضفض لكم أبشركم زوجي هالدبدوب قرر يعمل رجيم ويلتحق بالنادي حتى يعمل تخسيس ورياضه لجسمه :23: :23: :d :d :23: :23: طبعا :29: :29: بعد جهد جهيد مني وبعد محاولات أقناع شديده المهم ماطوووول عليكم صار له تقريبا 3 أيام وهو بادي في الرجيم طبعا رجيم قاسي قليل الاكل حتى ينزل وزنه وهال3 أيام كله :( :( مغلق ونفسيته شينه وحالته حاله ويدور الزله علي:29: ما يحاكيني واذا كلمني صرخ علي صاير لايطاق والله انا مو مقصره معه جالسه:17: أشجعه للرياضه وأخليه يتحمس زياده وارفع معنوياته بس مادري وشفيه علي:rolleyes: :rolleyes: :( :( طول الووقت صامت وحزين و :mad: ومكتئب وحالته دمار وأخيرا تهاوشنا اليوم نرزفني :19: جالسه أقطع له السلطه الخاصه بالرجيم واعمله السنتدوتشات الخاصه بالرجيم وبنفس الوقت اعمل له الشاهي وهو أعتقد يتخيل أن عندي 6 يدين :18: ويصارخ علي هيـــــــه خلصتي هيــه خلصتي ويصارخ علي,واخرتها عصبت عليه وجلست أصارخ :16: :16: :19: :29: :29: أقوووووله انا مالي غير يدتين ثنتين اصبر شوي وهو يصارخ علي طبعا خرشني وبسرعه فاائقه خلصت وعطيته أكله يوم شبع الأخ راح نام بدون حتى مايقوول كلمه وحده علموووووووووووووني وش الحل مع هالرجال أعرفه اذا راح ينوم وسفهني معناه انه بيسفهني لمده اسبووع وش الحل معه وهالعصبيه اللي من دخل هالنادي وصار مزاجه منقلب أول الابتسامه ماتفارق شفايفه :d :d والضحكه ماليه البيت والمزززح من يصحى الى ينوم وهو يمزززح :22: :22: والان معبس ومحزن ومكتئب ويجيب ضيقه الصدر وش الحل معه أقوله يبطل عن النادي بس ماقدر اخاطر بترك النادي لأن بصراحه هو سمين شوي أبيه يخفف وماصدقت خبر يوم سجل بالنادي اخرب نظام الحميه الخاص فيه بس كذا ماراح ينقص وزنه قولوا لي وش العمل معه؟؟؟ أنتظر تفاعلكم.. |
ههههههههههههه الله يعينك عزيزي
بس تحمليه احس انه يتنرفز لنه خل شي هو متعود عليه وهو الاكل اصبري عليه اذا بغيتيه رشيييييييييق والله يكون في العون |
اختي ريم
كان الله في عون زوجك لكن حميه قاسيه جدا و اكل قليل من البدايه اكيد يصير عصبي اعتقد لو تزوديله الجرعات في الاكل الفاكهه و السلطه و الجبنه البيضاء ولبن الزبادي بين الوجبات سيكون مزاجه رايق مثلا بين الوجبات وهو يشاهد التلفزيون صحن فاكهه تفاح و موز و كمثرى و عنب بطيخ احمر او صحن سلطه مقطعه بالطول خيار و جزر و خس معها لبن زبادي صحن سلطه منوع و معه جبنه بيضاء خفيفه الدسم بكميات كبيره للرمرمه و ما دام يذهب للنادي فان هذه الوجبات لم تزيد من وزنه بل تشعره بالشبع ولا تنسي الرجال لهم قابليه على انزال الوزن اسرع من النساء لقد اعتاد زوجك على عاده ان يقطعها فجاه و بدون ما يعصب وتريديه يكون رايق كذلك عليكي بمجاراته بالرجيم الله يصلح الاحوال |
عادي اتحملي اول اسبوع المزاج سيء بعدين يتعود على الرجيم والاحساس بالجوع ويرجع طبيعي
بصراحه معظم الرجال الاحساس بالجوع يخليهم عصبيين وثايرين وبعد مايشبع يتغير 180 درجه والافضل تشجيعينه على الحميه والبرنامج لان الرشاقه صحه والله يصبرك الى ان يحصل المراد |
كلها ان شاء الله كم اسبوع ويتعود على الرجيم والجــــــــــــــــــــــــــــــوع ويرجع زي اول واحسن كمان بعد مايحس بالرشاااااقه وخفة الحركه...والله يعينك عليه هذي اليومين الجايه.........
|
أشكرك ياا غارقه بهمي
ومشرفتنا الرائعه أم أثير ورسول الغرام والساعه كم أشكركم جميعا على تفاعلكم وعسى الله يقدرني واتحمل عصبيته الزايده أنتظر تفاعل البقيه |
ماعليش تحمليه يا أختي ... هذا زوجك وأنتي تدرين أنه يعصب بسبب أو بدون سبب ....
من وجهة نظري أنه معصب ذا اليومين و واصلت معه لأنه جائع و ما حس بشبع بسبب برنامج الحمية اللي ما شي عليه ... فهي كلها إن شاء الله مسألة وقت لا أقل أو أكثر .... وبيضبط معك . شكل زوجك من النوع اللي ما ينبسط االا إذا شبع :d فا نصيحتي لك هذه الأيام " فترة الحمية " إنك تعاملينه بكل إحترام حتى لو صارخ عليكي حسسيه إنك مهتمه فيه وتبينه يخفف من وزنه علشان مصلحته وإن تكثرين له الأكل الذي لا يخل ببرنامج الحمية " خضار فواكه ... خبز مع زبادي ... فطائر على خفيف مع عصير ..." حتى يحس بالشبع وتزين أخلاقه . فهذا السبب من وجهة نظري والله يهنيكي معك زوجك ويوافق بينكم |
النادي خليه يستمر فيه عشان صحته ما يندرى بعد 10 سنوات كيف بيكون الواحد خاصة والأمراض منتشرة وسببها السمنة المفرطة واللخبطة في الأكل مع الوقت رح يتأقلم وهو اللي بيكون حريص أنه يروح
أما سالفة التطنيش فطنشيه ولو مرة جربي/ جربي وشوفي النتيجة أشغلي نفسك قدامه بأي شيء مصيره يجيك... عن تجربه صدقيني |
هههههههههههههههههههههههههههههههههههههه
والله ياعزيزتي وانا اقرأ موضوعك اضحك على حالك اللي ذكرني بوضعي قبل ثلاث سنين مع زوجي نفس الامور اللي ذكرتيها صارت معي وكانك تتكلمي بلساني عندما كنت احكي اخواتي زمان .. عموماً اذا تبغي زوجك ينحف لازم تصبري على العصيبه الزائده لانها نتيجه حرمانه من الاكل اللي يحبه الله يعينك ويساعدك ,, |
أشكركم ياا almkann3
ساره333 nedaa أشكركم على تفاعلكم معاي وعلى نصيحتكم |
هذه ضريبة الرشاقه الي تبينها بس تحملييه شوي لين يصبر ويتعود على الجوع لان الجوع من جد يزعل وانا مريت بالحاله ذي بس ماعندي احد ازعله اذا يبي ريجيم كويس انا مجربه وبعيد عن النادي لان النادي يطفش ويفقد حوالي 9ك في الشهر يبعد عن الارز لاياكله مره والدقيق لانك تقولي اعطيه سندويشات والخبز والمشروبات الغازيه وعليه بالفاكهه والاكثار من المويه وقليل من التمرقبل مايخربها واهم شي انه مايشبع انا عن نفسي مشيت على النضام ذا وبعد شهر ونص غيرت ملابسي كلها لانم صارت وااااااااااسعه بس اهم شي يكون الواحد جااااااازم وااااااااااااااسف على الاطاله |
مشكور يا أخ الفضي
هذا انا أحاول معه بس ياله ياله شوي احسه بيقول خلاص ببطل تمارين ورجيم |
احمدي ربك أنه زوجك وافق على الحمية والرياضة ........
أنا زوجي من ثلاث سنوات اشترى سير بحوالي 3000 ريال بعد إلحاح مني وما استعمله إلا مرات بسيطة والآن السير مركون والأكل ماشاء الله ......... حتى الإشباع |
إختي خلي على وزنه ;)
ليش تبينه يتغير .. إذا صحته زينة عيل ، لو أنا مكانج أخليه على راحته .. بتستوي معنوياته توب :) ما أدري ليش شو الفرق بينه وبين الظعيف .. تدرين إن أخف الناس دماً هم الدباديب ;) الله يحفظه لج .. |
يا اختي خلك ايجابي او اخوي مادري بصراحه
بس جسمه مو حلو دبدوب حيل وأنا الحمدلله جسمي حلو لا نحيفه متهالكه ولاسمينه لها بطن وهو العكس فظيع جسمه مقرف سنه من تزوجت وانا اتمنى اشوفه رشيق مو شرط ضعيف أبيه يكون جسمه رياضي معضل له عضلات صدره مشدود ماله كرش ويوم دخل النادي واتبع الحميه اتنازل لا والف لا مستحيل |
هلا وغلا ريم
لا ازعاج ولا شي يا سكر احنا هنا لبعض وبالنسبه لزوجك تحملي هو بس معصب من قلة الاكل يحسبون ان السلطه مو للرجاجيل اسأليني انا لما تقولين له خفف او قلل او غير نوعية اكلك كأنك تقولين ياشينك الله المستعان عليهم والله لما اقول لبو وليد نخفف ونعتمد السلطه ونبطل كبسات اني كأني اقول له انا بأرتد عن الاسلام يصير شيييييييييييييييييييين ويسفهني ويسفه الفكره واتحسف اني من الاساس فكرت وشغلت مخي تحملي يا حبي والله يعينك وطنشيييييييييييييييييييييييي |
الريجيم القاسي يسبب العصبية والاكتئاب لكن المفروض انه يتدرج
في النظام الغذائي شوي شوي وراح تتحسن نفسيته. وبعدين ماعرفنا لك مره تصيحين من وزنه ومره من اخلاقه الله يعينه عليك |
مشكورة اختي مشكلتي أصدق على مشاركتك ياا ام وليد
و واختي او اخوي وجه الحقيقه أنا أصيح من الجهتين لأن ما حد جرب يعيش مع كائن غامض نسبيا (( اللي هو زوجي )) متعب جدا جدا هلكت منه وتعبت منه عجزت أفهمه |
أختي ريم..
الرجيم دايما يعكر المزاج.. شوفي في طريقه تقلل الوزن وإللي هي تنظيم موعد الأكل.. ولازم وجبة الفطور تكون كاملة والغدا أقل والعشا أقل شي وتكون بدري يعني قبل الساعه 7 وإذا جاع بعدها ياكل ثمره وحده خضرا أو فواكه.. ولازم الرياضة والمشي.. ولازم أنتي تتقبلين كل شي لانه إذا زعلتي كل شوي راح ياخذ زعلك عذر ويرجع للأكل.. فطولي بالك عليه شوي.. |
انا رايي ان لا تتبعي ريجيم و لا ما يحرنون
افضل شيء ان يتبع النظام الغذائي العادي يعني متل ما ذكرت الاخت ام فيصل يكون في فطور و غذاء و عشاء ولكن طبعا العشاء يكون كثير خفيف وان يخفف من النشويات ولكن لا تلغي النشويات ابدا من الوجبات بحجة انها تريد الورن لانه حسب الدراسات ان النشويات مهمة جدا لجسم الانسان ليكسب الطاقة الارمة لاداء الوظائف العملية و الذهنية ايضا لذلك ينصح بتخفيفها فقط كما ان حسب الدراسات ايضا انه عندما يتعرض الانسان لريجيم قاسي فان جسم الانسان لا شعوريا ينتقم من هذا الريجيم - فمثلا في اقرب فرصة تسنح له بالاكل دون رقيب- فانه يبتلع ضعف ما كان ياكله قبل الريجيم كما انه سيعود يكتسب الورن _الذي نقصه بسبب الريجيم القاسي_ بسرعة كبيرة بل سيكسب اكتر من ورنه السابق قبل الريجيم لذلك ينصح بان يتبع نظام غذائي متكامل و عادي لكن مع تخفيف النشويات و الوجبات الدسمة طبعا و الحلويات و اكثار الخضار و الفواكه و التركير على وجبتي الفطور و الغذاء اما العشاء فتخفيفها شوي شوي حتى تصبح مقتصرة على صحن سلطة او شوربى متلا واهم شيء الرياضة طبعا و ممارستها باستمرار و اسهلها و اقلها تكلفة و افيدها رياضة المشي واهم من ذلك كله المواظبة على ذلك حتى يتعود جسمه على ذلك دون ان يشعر و لا تذكري امامه كلمة ريجيم و لا شيء لان الكلمة اساسا تعمل اكتئاب اما بالنسبة للغموض و انك لا رلت لم تفهمي روجك فعادي حبيبتي انا صار لي 6 سنوات متروجة و هذه اول سنه الحمد لله بدات افهمه شوي و خفت المشاكل عن قبل بكتير بس بدها نفس طوييل و طولة بال و صبركتير الله يلهمنا الصبر و يحنن ارواجنا علينا يا رب ان شاء الله اكون افدتك حبيبتي و ربي يوفقك |
والله يا أخت ريم2006 لو كنتي أختي وجيتي تشتكي من زوجك .. لأرجعك حالا
وأقولك تقي الله في هالمسكين ما خليتي عقدة ما طلعت برأسه........!!! مزح معاك قلتي وووويييي مزح ثقييييييييل.....:18: عمل رياضة وريجيم والمسكين تعبان قلتي عابس وكئيييب!!:( الله يكون بعونه... بس الصراحة أحس انه كل هذا من حبك لزوجك والله يديم المحبة بينكم أخوك بحر الشمال |
اختي ريم2006
ممكن اساعدك بطريقة وحدة بس اقراي كتاب رجال من المريخ ونساء من الزهرة ولن تندمين على قراءته اخوك هلال العالم |
ما دامج تبينه يضعف تحملي عصبيته والله يعينك انشالله
|
اختي والله اسلوبك ضحكني جد انتي خفيفة دم ونيالو فيكي ان شاء االله برجع متل ما كلن اقرئي موضوعي عن التنويم المغناطيسي وان شاء الله تستفيدين منو كتير هو بعاج كمان هادي الحالات وباسلوب رااااااااااااااائع وبالبيت ما في داعي تغلبي حالك وتتطلعي وان شاء الله خير وبرتاح نفسيتو
|
حبيبتي ما اضيف على الاخوان ابدعوا بس
زي ماانتي عارفه انه الرجال مايحبون الجوع ومثلك اخبر بالجوع عندهم والمثل يقول الجوع كافر اتحملي بس اسبوع وبيهجد والله يوفقه وانا بعد قاعده اسوي لزوجي رجيم |
يجب ان تتحملى قليلا يا الغالية ليس بالسهل على الانسان بعد ان تعود على شى
ان يتركه بهذه السهولة وخصوصا لبى لك رغبتك هذا اقل شى تتحملين على شانه ويجب ان تساعدينه على برنامج معين وانا سمعت عن برنامج للدكتور كويتى اعتقد دشتى جيد جدا وسهل اتمنى لكن ولى التوفيق....... |
| الساعة الآن 05:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©