|
ام زوجي والملابس القديمة
العنوان اكيد مو مبين ايش القصد من موضوعي بس ابغى ادخل في الموضوع على طول ام زوجي اعطتنى ملابس قديمة لبناتها وانا في بداية حياتى مع زوجي يعنى كان ليه 8 شهور زواج يعنى بالاصح عـــروســـة جديدة
والله يا عالم ملابس قديمة واللي يقهر تقولى هذا حقت بناتى ما يبغوها خذي البسيها انتى وانا ولله الحمد اهلى من عائلة مرموقة وابدا ما عندي شيء اسمه تلبسي ملابس قديمة دائما جديد في جديد فا ايش رايكم في الموضوع ايش اسوي وزوجي ماشاءالله علية مو مقصر معايا بشتريلي من ماركات معروفة جدا والحمدلله حالنا ميسور ايش قصدهاااااااا ؟؟ نفسي احد يقولى هل هو احتقار او تحطيم او ذل او غيرة مانى عارفة او شيء عادي الا سوته وانا شفته شيء كبير مانى عارفة تم تعديل العنوان بواسطة الإدارة |
انا لو منك كنت قولتلها لا والله اصلى انا ما البس من جسم حد ياريت تشوفى حد يحتاجهم وتقولى لانى انا كمان عندى هدوم كتير قديمة مو البسها وبدى اعطيهم لحد يستفاد بيهم بس انا اقصد توصللها كده من غير اساءة
|
أختي لامير
شوفي هذي الحركه هي نوع من الاستحقار أو انها تبي تستفزك في نفسك وتقهرك أنتي اعملي حالك مو حاسه بشي او فاهمها حركتها واذا هي ما تستاهل انك تمشي الموضوع عشان زوجك صدقيني هذي أمه مهما عملت بتظل امه وبعدين راح تشتعل الحروب في بيت وحياتك الزوجيه بسبب أمك قالت وامك سوت وامك علمت كذا والا كذا طنشيها وعيشي حياتك وشوفي بقولك نقطه لا تلومين ام زوجك على تصرفاتها هي فرحه بولدها وتعبت فيه ووتحملت كل شي عشانه والان انتي اخذتيه منها طبعا هذي وجهه نظرها هي فهي تبي تستفزك انتي اكسبيها بطيبتك وحنانك وعامليها مثل ماتعاملين أمك كل فتره وفتره اهدي لها هديه لو كانت بسيطه سلمي عليها زوريها كل نهايه اسبوع بوسي راسها لما تسلمين عليها أسألي عنها اذا كانت مريضه اتصلي عليها بالتلفون واسألي عن احوالها احترميها وحطيها فوق راسك صدقيني بتحترمك وبتحبك وبتصيرين بغلاه بناتها وتحبك مثل حبها لبناتها وتعتبرك وحده منهم وهذا غير أنك انتي راح تكبرين بعيون زوجك شوفي الوحده لما تتزوج لازم تحافظ على بيت الزوجيه وتخليه بسعاده دايمه وأعظم سر من أسرار السعاده الزوجيه (( أم الزوج)) اذا احسنتي معاملتها و احترمتيها راح يحبك زوجك وام زوجك بتغير معاملتها معك |
السلام عليكم ورحمة الله وبركاته
ما اتوقع انها تقصد شيء
وقلة أدب مرة وحده ؟؟؟؟؟؟؟؟؟؟؟ هذي أم زووووجك يعني لولا الله ثم هي كان ما عندك زوج !!!!!!!!! تمدحي زوجك وتسبي امه واذا هو اخلاق وكريم فهو تربية امه الانسانه الطيبة ترضي احد يقول عن امك قلة أدب ؟؟ الرسول اللهم صلي وسلم عليه قال : ( لا يؤمن احدكم حتى يحب لأخيه ما يحب لنفسه ) ما اتوقع ترضيها على نفسك او احد من اهلك بكره راح يصير عندك عيال وتزوجيهم ........ عائلة مرموقة وتقووووولي هالكلام الله المستعان وكبار السن يحبون يحتفظون بالشيء إذا هم شافوه جديد يعني ممكن يكون بطيب خاطر اتمنى من المشرفين مشكورين مأجورين بتغير العنوان عذرا ممكن الرد يكون قاسي لكن لازم تكوني واقعية اكثر ان هذا الكلام غير لائق حتى لو كانت ام زوجك قوية ومتسلطة تحملي عشان زوجك لأنها هي جنته وناره وزوجك جنتك ونارك عامليها بما يرضي الله ياحريم اتقوا الله في امهات ازواجكم وآبائهم اتقوا دعوة المظلوم فإنه ليس بينها وبين الله حجااااااااب |
إذا ام زوجك حرمه كبيره في السن مااتوقع ان قصدها اهانتك او جرحك الحريم الكبار يتصرفون بطريقه عفويه يمكن مانفهمها او ننجرح منها خصوصاً انك ماتعودتي على مثل هالتصرفات في بيت أهلك.. انتي جديده وللحين ماعرفتيها كويس.. من رايي انك تسكتين وتتناسين الموضوع ولو تكرر في وقتها قولي لها شكراً ما قصرتي بس عندي ملابس ودولابي مليان شوفي يمكن فلانه محتاجتها.. أهم شي ما تحس انك متضايقه بالعكس ومافي مانع تقولين والله انا بعد جمعت ملابس ما احتاجها وش رايك احطها مع هذي وتعطينها أحد ولا آخذ هذي واحطها مع اللي عندي واعطيها أحد محتاج.. وانتبهي تشتكين لزوجك من امه.. لأنه بيكبر الموضوع وهي يمكن ما تقصد تجرحك.. خذي الأمور ببساطه.. |
اخت طليقي قبل الزواج قالت لي انها ستعطيني ملاسها القديمة!!!! وحتى القديمة لم تعطيني أياها
يعني لم تعطينا لا هدية في الزواج ولا قبل ولا بعد وفلستنا وخربت زواجي بعد...الله ينتقم منها اختي الحبيبة..اكيد ام زوجك طيبة وليست مثا اخت طليقي الشريرة التي توعد بملابس مستعملة ثم حتى هذا تخلف رغم انني كنت أيضا ميسورة الحال واقل مستوى منهم أكيد اختي اما هي بسيطة جدا على نياتها وعندهم عادي في العائلة يلبسون لبس بعض هل ام زوجك ميسورة الحال؟ اذا لا..فتعلمين انها عادات ان كانت جيدة الحال فلا اعرف ما قصدها بهذا |
أختي الكريمة
نقدر تفاعلك وانفاعلك ولكن آمل أن تختاري الكلمات المناسبة للنصح فالمنتدى منبر للتقويم والتهذيب.. وليست للترهيب الإدارة |
والله انا من وجهة نظرى يمكن هى مسكينه وعلى نياتها ويمكن الملابس عاجبتها وشايفتها شى حلو انه تعطيك اياهم
وشايفه ان بناتها غلطانين يرمونها من حلاوتها اذا كانت جايتك زياره ولوحدها البسيها علشان ترضينها وبعدين صرفيها |
حصلت مره حادثه مشابهه لامي انه لما كنا صغار انا واخواتي وحده قريبه لنا جابت لامي ملابس مبين مستعمله وتعبانه هديه لامي عشان نلبسها احنا هي كانت ملابس اطفال تدرين وش سوت امي ؟؟؟؟؟؟؟؟
ودتها للجمعيه للفقراء ولما سألت عنها بعدين هذي القريبه امي قالت لها الصدق وقال توقعت انها للفقراء وعشان كذا وديتها ماكنت عارفه قصدك , وبعدين ماتجرأت تتكلم وخجلت من نفسها . |
شوي شوي على البنيه
ردودكم قاسيه.. يمكن هي تسرعت في كتابة العنوان .. بالنسبه للمشكله.. سوّي نفسك عادي .. وعدّي الموضوع ولا كأن صار شي.. و نصيحتي لكِ.. انك تطنشي , لان ياما بتواجهك مواقف في حياتك اصعب من كذا .. فلا تكوني حساسه زياده عن اللزوم.. وهذا في مصلحتك وعشان المركب تمشي بالتوفيق |
والله انابصراحة بدي اوجه حديثي إلى الاخ الكريم mamuon:
ماكان لازم تجرح لاخت وتستخدم لاتليق بك كعضو في المنتدى انا متأكدة وعارفة انك كنت بدك توصل فكرة لاختنا بس كانت بطريقةخاطئة واتمنى من جميع الاخوة والاخوات الكرام الالتزام بالردود بطريقة طيبة... اماالاخت لامير: سواء كانت حماتك غلطت ام لا يجب عليك ان تتحلي بالصبرياحبيبتي وتضل بمقام امك واذا واجهت منهااي شيء فلا تقابليهالا بالفعل الطيب وهذا ماحثنا وعلمنا رسولنا الكريم فكيف اذاكانت ام زوجك. غاليتي وستجدي انها بدأت تحبك لانك لاتردين الا بالحسنة.وفقك الله |
أختي الكريمة أحسنوا الظن بمشرفيكم ومراقبيكم
هم اشد حرصاً من اي عضو على متابعة المواضيع وتطبيق القوانين ولكل إنسان ضروفه فهل يعقل ان يكونوا على مدار الساعة والدقيقة بالمنتدى آمل منكم المساعدة والابلاغ عن المخالفات في قسم الرسائل الخاصة حال وقوعها افضل من الانتقاد بدون علم وروية تركي وش هالتهجم تقدرين تنتقدين كلمتها باسلوب ارقى من كذا انتي نقصتي نفسك بهالكلام الجارح كان ممكن تفهمينها انها غلطت بهالكلمة باسلوب راقي ومو جارح واذا انتي تعتبرينها غلطت في حق ام زوجها فانتي غلطتي بحقها بشكل اكبر وعمر السلوك مايتعدل بهالاسلوب ابدا واسمحيلي اقولك ياختي لامير ان ام زوجك قاصده تستفزك لكن اذا انتي شاطرة ماتسوين اي شي لانها واضح تبحث عن مشكله وانتي مارح تنولينها اللي في بالها بكل بساطه قولي لزوجك امك عطتني ملابس قديمه وبوديها الجمعيه الخيريه لاني ماعرف فقراء بعايلتنا شف لو الفراش بالدوام عنده بنات ولا شي وبعد كذا بيوصلها الكلام وبتفهم قصدك يعني دايم خلي تعاملك مع ام زوجك مهما كانت تستفزك راقي ومحترم لا تخلين احد يلقى عليك شي وخلي مشاكلك معها بس لا تدخلين زوجك في مشاكلكم وتقلبينه عليها خلي كل شي بينكم ودايم حلي المسائل بهالطريقه |
ياناس اشفيكم على البنت
حبيبتي ....لاتحمليها الا على محمل من خير لانك ماتعرفين شنهو قصدها والارجح ان بناتها عاطينها الملابس من زمان وهي معجبه فيهم وشافتك قالت تعرضهم عليك .....اختي ان عطتك اياهم خذيهم لاتحرجيها خاصة ان كانت كبيره بالسن ورد الاخت اللي قالت اخذتهم وعطتهم الفقراء جدا حلو ادفعيهم كصدقه . |
عزيزتي كثير من كبار السن كذا..عادي عندهم.
انتي قولي لها الله يجزاك خير ترى الملابس اللي عطيتيني اياها وديتها الجمعيه الخيريه.. صدقه عنك وعن بناتك :) وهي اذا كانت نيتها طيبه بتفرح..وان كان غير خلاص بيصير انتهينا على خير. |
سبحان الله
والله،،،،،،،،،،،،،،،،، ما توقـــــــــــــــــــعت اني اشــــــــــــــوف هجـــــــــــــوم مســــــــتفز مـــــــــــــثلك يـ manuom بنسبه لك يا اختـــــــــــي لاميـــــــــر نصيــــــــــــحتي او اقـــــــــتراحــــــــــي انك توضـــــــحيــــــــن لام زوجــــــــــك ... بانك سوف تبعثينها الى جمعيه خيريه مع ملابس عندك .. وتقولــــــــــين لها " الله يجــــزاك خير ياخــــــــالتي اللي عنــــــــتيني على فعل الخـــــــــير"" وبكذا بتكوني رميتي عصفورين بحجر واحد ... يعني ارضيتي ام زوجك وفهمتيه بطريقه مبطنه بانك لا تقبلين بهذا العمل ......... والذي اظــــــن انها ســـــــوته عن ( حــــــــــســــــــــــــن نـــــيـــــــــــــــــــه ) بس انت لاتا خذين الامــــــر بحساســـــــــيه /// حسن الظن واجب في مثل هذه الامور لك وللاخوان المشاركين لان الله سبحانه هو المطلع على الصدور/// |
تخيلي ان حماتي راحت واعطت امي بقيه ملابسها
قهر في النفس واه لداخل وبس |
السلام عليكم ورحمة الله وبركاته
أنا رأيي أن تأخذي الملابس ولا تلبسي أي قطعة منهم ولا تدخلي في مشاكل معها خليك على طول هادئة ويوم تسألك ليش ما تلبسي منهم تردين عليها: الحمد لله زوجي كافيني ومش مخليني محتاجة ألبس شي منهم وبعد فترة لمّي القديم اللي عندك مع القديم اللي عطتك إياه ووديه جمعية من دون ما حد يدرى. اكيد هي سوف تلاحظ انك ما لبست شي منهم ومش حتكرر هيدا الموقف مرة ثانية هذا إذا كانت نيتها طيبة وأساءت التصرف. ولو كانت نيتها سيئة وبدها تستفزك تصرفي كأن شيئاً لم يكن ولا تعطيها مجال لتبدأ المشاكل. خليك هادية عل طول إكراما لزوجك تحيتي. |
احسني الظن وتبرعي بها للمبرة القريبة منكم وقولي اجرها وثوابها لي ولعمتي و انسي الموضوع ............. وادعيلها فقد تكون بسيطة لدرجة السذاجة
|
اقتباس:
:22: كلام الإخت رائع جداً ... بس من دون كلمة : أي شي منهم لأنها قوية !! إن سإالتج فيوم ليش ما لبستيهن ، امدحي فولدها وزيدي وطلعيها برة الموضوع إنه مب مقصر معاج فشي ، الله يطول بعمره ،ويزيده ويفتح بويه.......والخ ،لأنها بتفرح لمدحك للولد وبتنسى الموضوع الأصلي ! ;) ومن بعدها خذيهن مثل ما قالت الإخت مع ملابسك القديمة ( اخلطيهن ببعض) :d و وديهن لأي جمعية . ومحد بيدري . حاولي تعطينها هدايا مثل هذي ( لأنها بتأثر عليها بطريقة إيجابية) ، فإن كانت تقصد، بتوقف هالشي ،وإن لم تعني بتلاحظ الفرق !!! لكن تكون جديدة + غالية شوي وألوان يحبونها العجايز ، كقطعة ( قماش ) ، أو كندورة مخورة ، سراويل ، شيل و... الخ لكن تكون جديدة من بين فترة والثانية ..:25: :22: :25: :22: |
اقتباس:
لن اتحدت عن ام زوجك طيبة او شريرة هدا بينها و بين ربنا هو الحسيب على كل شى و لكن اقول لكى كيف تتصرفين لما تعرض عليكى هده النوعية من الملابس اشكريها وقولى لها انك ما تحتاجينها لان عندك كتير الحمد لله و انصحيها انها تعطيه لحد تانى يستفيد منه بهده الطريقة تكسبى راحتك و تعيشين حياتك مع زوجك تم انسى الموضوع نهائيا و لا تفكرى فيه ابدا |
الإخت ماريا كلامك رائع جداً ...
|
|
نصيحه:رجعي الملابس الي أعطتك اياها أم زوجك وقولي لها انا عندي الي مكفيني وزياده وأنا مومحتاجه لها......وبس وقفلي على الموضوع عشان ماتسويها مره ثانيه.........وأحسني الظن ياأختي
|
اقتباس:
تصدقي فيها واقهريها ، وروحي قولي لها بعفوية تصدقت فيها ياخالة الله يجزاك خير كسبتي فيني أجر .. عشان تعرف بس من أنتي ، وإنك ماينلعب عليك ، بس أفضل إن زوجك مايدري عن شئ .. |
السلام عليكم انا اول مره اشارك بالمنتدى
ودخلت موضوعكلما شفت الردود القاسيه ليش انتو اخذتوام الزوج انها قاصده حرام عليكم انتو كذا تدخلون المشاكل يااختي العزيزه والله اني انصحك لانها يمكن عادي عندها هالشي وتبغى تقربك اكثر ماقصدها شي ثاني والله اعلم شوفي انا واخت زوجي نتبادل الثياب ومن اول ماجيت عندهم اعطتني ملابس ماقلت شي وكلنا والحمد لله اهلنا مرتاحين وان شا الله الايام تثبت لك |
طنشي وتصدقي بها على نيتها لأقرب جمعيه خيرية
والحمد لله رب العالمين لا أحـــــــــــد يحتقر النعمة غيرنا يتمناها وينبسط إذا جاته مثل ما ننبسط لمانشتري ملابس جديده سواء كانت من محلات ماركه أو لا |
اقتباس:
أنا رأي من رأيها |
اضم صوتي الى اصوات الاعضاء الذين نصحوك بان تقولي لها ان خزانتك مليانة و انك كنت مقررة انك تعطي ملابسك التي لا تستعملينها للجمعيات الخيرية, و اضيفي : تعرفي شي جمعية تاخذليها ملابسي و ملابس بناتك و يكون لك الاجر, و بدون ان اضيف ان لرد يكون بطريقة مهذبةو غير جارحة
|
مشكوررررررررررررررررررررررررررررررررررررر اخواتى كلكم اناوالله الا سويته اخذت الملابس كلها واعطيها لبنتها وقالتلى ايش هذا قلتلها الملابس الا خالتى اعطتني هي مالبستها ذي ما هيا قلت ارجعلكم هي بدل ما تترمي وام زوجي ترى ماهي كبيرة اتزوجت صغيرة وعندها 8 عيال 5 بنات و3 اولاد وتعتبر لسه شبه تلبس بنطلونات وفساتين عريانة وقصيرة ومرة مرتبة نفسها ومرتبه بناتها الللللللللللللللللللللللللللللللللللللللللله يسامحها وقلت لزوجي على الحركة مرة زعل بس اتصرف بطريقة لبقة وقلى طلعيها وقولى (( الملابس الا خالتى اعطتني هي مالبستها ذي ما هيا قلت ارجعلكم هي بدل ما تترمي )) والله ما عمري اساءت لها دائما في بيتى وحالى حال نفسي خيري وشري على نفسي الحمدلله على كل حال
|
اقتباس:
انا معها في هذا الكلام |
أختي
مشيها وعديها لها لو كانت اخته أو وحده مقاربه لسنك بقولك تبي تستهزي فيك او استحقار او اي شي خلافه بس هذي امه حتى لو هي قصدها تستحقرك خذي الملابس وقولي لها شكرا وبعدين ارميها ولا تصدقي فيها بتكونني استفدت تدرين شلون 1 ما سببتي مشكله بينك وبين امه وجاريتيها على قد عقلها 2 تصدقتي فيها ولك الاجر طنشي الموضوع حتى لو تكبرينه صدقيني ماراح تواجهين الا المشاكل بينك وبين زوجك او امه |
لاتلومون النساء الكبار يازوجات
يمكن هي تعطيك الملابس بطريقه عفويه وليس الاحتقار يمكن من حبها لولدها تسوي لك كذا ولانك بتكونين ام لاحفادها راجعي نفسك واهم شي احترام ام الزوج فهي مهمه |
الله يسامحك أختي ليش سويتي كذا ؟ ، كان المفروض سويتي كذا : اقتباس:
|
خذيها منها وقولى لها جزاك الله خيرا يا اماه الكريمه
وسوف يرفع هذا من قدرك عند زوجك خذيها واشكريها ولا تلبسيها |
ريم2006/ترفه/أم قمر/marjanah/زرقة البحر /واخيراً لامير :
سبحان الله علشان الموضوع فيه أم الزوج (هجوم ) اقهريها ، طنشيها ، تبي تستفزك ، استحقار ..... أين حسن الظن ؟ والله سبحانه يقول ((إن بعض الظن أثم )) وهي امرأة طاعنة في السن ما تراه مناسباً قد لايكون مناسباً لجيل اليوم لفارق السن والتعليم والثقافة الخ.... أين احترام وتوقير الكبير ؟الذي حثنا ديننا عليه هل جزاء الإحسان إلا الإحسان ؟ أين حثكم على احترام الزوجة لزوجها والمتمثل في احترام الزوجه لوالدة زوجها ؟ ما الذي حدث من هذه المرأة الطاعنة في السن سوى الهدية نعم الهدية وليس الأذية ؟ سبحان الله لو بدر منها شيئاً سيئاً ماذا سوف تقولون ؟ وبعدين ياأخت /لامير الماركات الي تتكلمين عنها ليست في قاموس أم زوجك ، انظري للناس من زاويتهم وليس من زاويتك . ** السنين تمشي بسرعة البرق وكل شابة إن عاشت بإذن الله ستصبح عجوزاً لديها أولاد والأولاد سوف يتزوجون..... والباقي معروف ........ قدموا في شبابكم لمشيبكم وكما قيل (كما تدين تدان!!! ) **اتمنى الإجابة على الأسئلة المطروحة أعلاه وآمل من الجميع عدم الهروب !!!!!! ولا استطيع إلا أن أقول ( قاتل الله زوجة لا تخاف الله في أم زوجها) التي ربته وراعته وتعبت وسهرت عليه حتى أصبح طول الباب ، رجلاً موظفاً قادراُ (بعد السنين) وتأتي هي لتعيش في رغد من خلال كد وتعب وسهر والدته . الزعيم55 |
كأنها ما أعطتك شي
من لحظتها قولي لها ما تجي علي ودي أطلع من اللي عندي من كثرتها يمكن البنات يرجعون لها اعتذري بأي شكل ولا تأخذينها علشان ترتاحين من الشك |
انا من وجهة نظري ان قصدها خيروهي من حبها لك فضلتك تقبليها بروح طيبه والدنيا رضا0
ارضاك الله في الدنيا والاخره |
الناس الكبيره فى السن الحاجات القديمه عندها خسرا تترمى وكده
دا عقلهم ولازم نحترمه |
| الساعة الآن 09:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©