|
عطوني حل...........تعبت
السلام عليكم ورحمة الله وبركاته مشكلتي مع زوجي انه ما عنده اسلوب بالرد علي بتاتا يعني ماادري شنو الحل اي شي اساله حتى لو شي عادي ما عنده اسلوب مثلا اذا يرن تلفونه ما يقولي سكتي يقولي سدي بوزج واذا مثلا يبيني اييب له شي يقول لي فجي يبي لي.....اذا اسولف وياه يقولي بس قومي فجي انتي ما تنعطين ويه واللي يقهرني اكثر شي انه ما يعطيني السياره يقولي تبين تكسرين السياره ما عندي الا هي اقوله اذا تكسرت بيعوضوني وباشتري لك سياره يقولي واذا ما تكسرتي انه شاسوي يعني اسلوبه كللللش واطي لدرجه ان مره كنت بالغرفه انه وهو واخته يقولي جدام اخته فجي عن ويهي قاعده في ويهي جنج بومه ومتحكم فيني لدرجه ما تصورونها ما يخليني اطلع كلللللش الا بيت امي وما اطلع منه بعد واذا ابيه يوديني مكان يقولي مره ثانيه او باجر المهم انه ما يوديني واذا اتصل له احد من ربعه على طول يفز ويتسبح ويطلع عطوني حل الله يخليكم والله تعبت وااايد افكر بالطلاق
|
الله يكون في عونك ويهدي زوجك يارب
|
الله يعينج عزيزتي
ليش ماتصاريحه وقولي له اللي بقلبج وسأليه ليش يعاملج جذي؟ والله يسعدج ويوفقج يارب |
والله حاولت وانه اقوله يقولي انه جذي عاجبج زين مو عاجبج كيفج وعشان ما اصير جاحده وناكره للجميل هو مو مقصر علي ولا على عياله بشي اي شي الصراحه اطلبه احصله مقصر على روحه ولا مقصر علينا حتى في الاعياد ما يشتري له شي فلوسه كلها لنا بس هاذي عيبه اللي ما استحمله
|
الله يهدى لك زوجك
عليك بالدعاء |
لازم تقعدين و ياه و تشوفين ليش جي يعاملج ,,,
حاولي انتي تغيري من اسلوبج معاج وجددي دايما و ياه ,,, يعني انتي دلعي سمعية كلام حلو و هو بيتعود ان شاء الله يقولج نفس الشي ,,, بس اعتقد ان نفسيته متسكرة من صوبج اكيد فيه خلاف من بينكم او فيه موقف خلاه انه يبتعد عنج او يكره التعامل وياج ؟؟ الله يسعدج خويتي |
الله يكون في عونك أختي عليك بالدعاء المستمر وتيقني الإجابه من الله وحاولي تحكي معه وعن اللي إنتي حاسه فيه بس خليكي هاديه خلال النقاش والله يوفقك في حياتك ويهدي زوجك
|
|
الله يكون في عونك
|
عندي طريقة حلوة
ريل خالتي جي كان وياها إسلوبه زفت لين مرة يت تشكيلي قلتلها إذا قلج فجي عن ويهي قوليلة على أمرك يا بو .......... وإذا قالج فجي يبيلي شي قوليلة تامر أمر وإذا قالج إتي وهالويه قولي طبعا أنا جنبك ولا شي غلطانين أهلي زوجوني بواحد أحلى مني كنه الشمس وكني القمر ضوءة يوصلني خفيف وضوءة ماشاء الله ينور دهر وإذا قالج أوف منج اطلعي من عنده بسرررررررررررررعة واكتبي ورقة وقوليلة روحي إنت لو تبى ما تشوفي أبد قولي وأنا حاضرة كم عندي بو............. وإذا ضحك عليج قدام أحد قولي يعلها دايم الضحكة يارب انا أبغاك تضحك وأحلى شي يوم تضحك علي أحسها من قلبك يعلها دايم إن شاء الله و أهم شي لما تقوليلة أي كلمة من هذيل طلعي أي مكان بسررررررعة يعني لوكنتي في الصالة روحي الغرفة وكذا يعني الزبدة: إذا عصب عليج أو أهانج ؟...علطوووووووول ردي عليه بالطيب صدقيني خالتي ريلي الحين لو يقدر بيسويلها تمثال يموووووووووووووووت عليها وقالها كيف قدرتي تغيريني مع إني كنت كارهج الحين حسيت بقيمة غلاتي صدقيني الرجل مثل الطفل الصغير كلمة حلوة تجيبة وكلمة حلوة تودية.. جربيها وردي علي يمكن في البداية تحسيه زاد وتحسيها صعبة بس ولا بد للشهد من إبر النحل شدي حيلج ولا تنسي الابتسامة في كل وقت صح تقهرة الابتسامة بس عشان يلين قلبه و الله يهديه وسمعينا أخبارج Al Ameer |
مشكورين على الردود بانفذ ان شاءالله وعلى الله
(إن شاء الله) تكتب بهذه الطريقة |
ما هي الأسباب لذلك حتى نقترح الحلول ؟
|
الله يعينك
ليش ما تجربين لما يقولك كذا تجيبين الشغلة اللي يبيها بدون اي تعليق وتبينين له بوجهك انك متضايقة |
اقتباس:
:22: نصيحة ولا أرووع:22: |
يا حبيبتي
هذي ماهي مشكله تخليك تفكرين ب,,,(( الطلاق )) فيه رجال ما تعرف ولا تميز هذي زوجه والا واحد من اخوانه الشباب أو يمكن هو في صغرته مايشوف ابوه يكلم أمه بطريقه زينه ومؤدبه شوي شوي يتعدل زاذا انه يجلسك بالبيت ولا يسمح لك تروحين الا بيت امك هذا شي راجع له احمدي ربك فيه بعض الرجال مايسمحون لحريمهم يروحون لأهلهم الا بالشهر مرة وانتي صارحيه وتكلمي معاه بأسلوب حلو وجميل وبهدوء وبنعومه قولي له بلباقه ليش طريقتك كذا وليش ماتغير اسلوبك معاي شوفي الزوج من روحه يتعدل لا لازم الزوجه تعلمه وتقوله شو تحب وشو تكرهه وبعدين أنا ما أظن ان زوجك بيتعدل وانتي مع احترامي الشديد لك تقولين عنه(( واطي)) هذا زوجك عيب تقولين عنه هالكلام مهما صار الزوج على ماتعودينه انتي عوديه على الكلام الحلو انتي تكلمي معاه كلام حلو وبكل أدب صدقيني بيستحي من حاله وبيتكلم عدل بس ماهي مشكله تطلبين منه الطلاق عشان شي تافهه مرة أنا زوجي اول زواجنا لما يتصل علي لما يرد اقوله هلا حبيبي يقول لي (( هاه وش تبين )) ولما يتصل واحد من ربعه يقول (( هلا وغلا )) يعني عادي هم بالبدايه كذا بس لازم انتي تكونين وراه لحد مايتعود على الكلام الزين... |
اقتباس:
|
هوني عليك.... ياخــــــــتي
لاتوصلينها للطـــــلاق من حقك تدافعين عن نفسك وافضل شي بنظري انك تعرفيـــــــــــــــــنه انك مو راضــــــــــيه عن هذا الاسلوب ابــــــــــــــــــــــــــبدددداااا باي طريقه في معاملتك معه ،،،،،،،،، اوفي النوم واياه وابسط امر هو ان تقولين له خلاص كفايه انا انسان وطريقتك هذي واسلوبك ما احبه ولا تســـــــــتغرب اذا انا تغيــــــــــــرت علـــــــــيك لانه من حـــــــــــــــقي ان ارفـــــــــــــض واقـــــــــــــــول لا لا لا لالالالالالالالالالا تعرفـــــــــين وين المـــــــــشكله غير احســـــــــاسك بالمهــــــــــانه قدام اهلـــــــــه اليوم بكره عند غيرهم ... انا اشوفها ((((((بــــــعــــــــــيا لـــــــــــــــك )))))))) وهم يكبرون على هذا الاسلوب من ابوهم اتوقع بيصيرون يتكلمون مع بعض ويتعاملون بنفس الاسلوب وهذا اكبر غلط بتورثونه لعيالكم من ناحيتك السكوت والاحتمال على نفسك .. بسبب لك لاسمح الله ضغط نفســـــــــي .... ومن ناحــــــيته - بيقل احترام اطفــــــــاله له - وبيـــــتعلمون مـــــــــنه اعانك الله ياختي ياليت توضحين له انه مايقصر معكم وانك تحبين فيه كرمه ومحبته لك ولعياله بس ماهي الحياه كذا لازم يكون له حق انه يصرف على نفسه يمكن يكون عنده"" نكران الذات """ وهذا اللي يخليه يتصرف معك بهذي الطريقه لانه"" مايحــــــــس انها تجـــــــــــــرح"" يمكن زوجك بحاجه لك ومايعرف يعبر يعنــــــــي بحاجـــــــــه الى دعــــــــــم معنـــــــــــوي |
اقتراح الاخ الامير :22: :22: :22: :22: :22:
|
اقتباس:
اشكرك على هالرد الحلو لأني أعاني من نفس مشكلتها و زوجي حاله مستعصيه بس بحاول أطبق الطريقه هذي أختي الغاليه العيون الفتانه زوجي نفس زوجك بس بدل ما يقول فكي عن ويهي يقول (( انقلعي )) بس هذا اسلوب اهله في الكلام يعني هو وقح في كلامه مع سذاجه يعني مو حاقد علي صرت اطنشه ولا كانه قال شيء بس ما أبي عيالي يكبرون ويسمعون هالكلام ينقال لي ويستسهلونه ويصيرون يقولونه أشكر الأمير مره ثانيه لأنه نصيحته مره حلوه وراح اطبقها و شكرا |
| الساعة الآن 07:03 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©