|
اول موقف او مقلب سويتوه بزوجك او زوجتك
تذكرت ليالً قد مضت لي...
ومواقف عملتها مع زوجي في اول ايام الزواج فتذكرت هذا الموقف اعتدت انا واخوتي عند فتح البيض المسلوق ان نفتح البيضه على جباه بعض حتى تنكسر طبعا يحدث هذا على غفله من الطرف الاخر يعني فجاه يلاقي جبهته توجعه المهم بعد زواجي تقريبا في الشهر الاول كنت اتعشى مع زوجي فتذكرت طريقتي مع اخواني فجاه وبدون مقدمات اخذت البيضه وفقشتها(فتحتها) على راسه......... موقفه صراحه مدري ايش اقول هو ما قال شي بس......... ووجهه تحول صار كله عيون.. ...(من كثر مهوب مطير عيونه) وانتم وشو اول موقف او مقلب سويتوه بزوجك او زوجتك |
اضحك الله سنك
انا لسه مش متزوج خاطب بس بس موضوع جميل ورائع ومنتظرين مواقف جميله علشان نذاكر ونطبق ههههه |
شكرا اخ عبد الله
بانتظار البقيه ********* |
انا عن نفسي اول ماتزوجت هادئه ولاينسمع لي حس <<<<الحين ماشاء الله علي :d
الموهم اولاسبوع من زواجنا حطينا العشا ومن ظمن الموجود صحن بطيخ ...فقام زوجي حط ملح على البطيخ :11: وقالي ا كلي انا رفضت طبعا الا يقوم يغصبني الا اضوق الخلطه اللي مسونها ....لين مامسح بوجهي ذاك البطيخ لاان طول الوقت فمي مغلق:23: شكرا على الموضووووووووع الرايق |
هههههههههههههه
أنا بصراحة ما أحب المقالب أحب أسمع عنها بعيد لبعيد واضحك بس ما اعرف اسويها لأحد ولا أحب أحد يسويها فيني موضوعك حلوووووووووووو |
انا بعد اول سنة زواج
زوجي كثير السفر بحكم عمله فكنت اظل ببيت اهلي ولما اروح الشقة انظفها اقله ترى الشقة مسكونة فيها جن وعفاريت بيني وبينكم زوجي كان يصدق هالسوالف لان جدته الله يرحمها ويغمد روحها الجنة كانت تخرعه بهم وهو صغير مرة ابن اخوي كان جايب شريط رعب ( كاسيت ) حق اليوم المفتوح بيسوون بيت اشباح دقت السالفة براسي ولعب الشيطان اخدت الاقنعة واللبس والالوان والشريط وعفست الشقة مع ولاد اخوي وسوينا الشقة مثل المسكونة اول ماجى زوجي فتح الباب طلع صوت باب مصدي وتتابعت الامور من لمسات الاطفال الخفية الى الالوان الفسفورية على الارض الى الاقنعة في اخر المشوار للاختصار فاجاني موقف زوجي وهو حامل شمعدان زينة بيده وهو يصرخ انا مب خايف منكم سمعوتني انا ماخاف منكم وظل يكرر هالجملة الصراحة كسر خاطري ورحت اركض حضنته من الموقف انا نسيت اشيل قناع العجوز وزوجي من الخرعة الله لايرويكم وجهه انا تندمت على هالموقف قد شعر راسي مادري ايش كنت بسوي لو صار فيه شي لاسمح الله بس اخدت عقاااابي واعلنت التووووووووووووووبة ودمتم |
السلام عليكم جميعا ......
اول سنة زواج ....وكان نص الليل ....زوجي سكر التلفزيون وقال خلاص بنام .....وراح مكرم السامع المرحاض عشان يغسل ..... خطرت في بالي الفكرة في لمح البصر ...وقمت وأنخشيت داخل الكبت وري الثياب المعلقة ....وخليت فتحة صغيرة جدا جدا أشوف شنو يصير ..... طلع زوجي من الحمام ويدورني ....يدورني ....ويناديني ودور الشقة كلها ركن ....ركن ....حتي الكبت اللي أنا فيه ....بس ماشافني....بعدين قعد علي السرير ....وكان شكله مهموم جدا ومضايق .....بعد شوي طلع من الحجرة يدور من جديد ....أنا طلعت من الكبت وقعدت علي السرير ...وميته من الضحك .... بس زعل علي زعله كبيرة ....وقال فكرت الجن خطفوك بجد ...... وسلامتكم.... |
هههههههههه
حلو الموضوع مره كان زوجي يطالع التلفزيون وانا متملله قلت اسوي فيه حركه دخلت غرفة النوم ،، وطلعت سويت روحي مفزوعة واركض ومرتبكه اهو فز من مكانه يركض ،، شفيج وشصاير قلت له قطو في غرفة النوم روح شوفه قام يركض المطبخ يبي شي يطقه فيه ،، مايدري يحمل المخمه ولا يدور حطبه ويركض غرفة النوم ويدور وينزل تحت السرير ويفتح الكبت ويدخل غرفة التبديل والحمام وانتو بكرامه مالقى شي وطلع يركض في الصالة وما طلع الا وآنا قاعده مكانه واشرب عصير وحاطه ريول على ريول قال شالسالفه ؟؟ ضحكت وقلت له شرايك في المقلب !! |
ياحليلكم
مواقفكم تجنن. اما انا فحياتي مافيها مواقف مرة . |
هههههههههههههه
ياخف دمكم انا اول موقف عملته لزوجي بثاني يوم زواج كان رايح يجيب كاس مويه وانا تخبيت بالدولاب بين الملابس وهو جا يدور علي ويناديني بقوووة ونفش البيت علي خاف المسكين صدع راسه ((( كان يقول بنفسه كيف طلعت بسرعه وراحت بيت اهلها من جا واخذها)))) وبعدين فجاءه فتح الدولاب حصلني جواته بصراحه المسكين بيضحك ومعصب بنفس الوقت وانا ميته من قوة الضحك |
اما نا من اوئل ايام الزواج كنت ساكن بيت ابوي في شقه
الدور الثاني مفتوح مع بعض المهم طلبت من زوجتي تجبلي عصير من الثلاجه في الدور الارضي من بيت الوالد وكانت الساعه تقريبا 1 بليل هي كانت خايفه وشجعتها في النزله المهم وهي نازله نزلت وراها دون ماتدري وهي خشه المطبخ انا ايش سويت خت العباه وحطيتها على راسي ونبطحت على وجهي كني متحجب وديني تحت لحيتي مجردما طلعت رمشت بحواجبي وبتسمت بسمه قويه اهي المره هههههه صلبت مكانها بتناديني ماعرفت تتكلم ثمها بقى مفتوح ومعارفه تنطق اسمي عدل وجها صار ازرق وطاح الكاس من يدها ههههههههههههه انا خف تموت من الروعه وجلست ترتجف لمده ساعه واكثر... تبكي يالله هدئتها ...بعدين رضت بلموت ههههههههه تحياتي... |
هههههههههههههههههههههه
بطني يعورني من الضحك بس عن قريب اذا تزوجت بقول لكم موقفي |
نرجس
باين على زوجك جرئ بالمقالب ضحكني موقفك الله يهنيكم ويسعدكم |
هههههههههههههههههههه
عن جد بطني عورني من الضحك يالله بانتظار سماع مقالبكم |
اختي ساره
الله يحلي ايامكم |
الظاهر كل مقالب اول ايام الزواج الي تسويها الحرمه وتنخش عن ابو عيال المستقبل عشانها تبي تعرف قدرها عنده انا اول الايام كان رايح يصلي الجمعه وتاخر طبعا شوي ورجع ومعه اغراض فرحان فيها مرررره ويبي يوريني اياها انا عاد ناويتها منخشه وراء الشماعه ايام الرشاقه والنحف مابينت واختفيت المهم الرجال جاي ومعه اغراضه ويدور فيهم احس فيه من السطح للغرفه للمطبخ وانا اراقبه من خلف الملابس يوم شفت وجه الرجال اعتفس طلعت كان روحه ردت له وقال والله اني خفت انك انحشتي ورحتي بيتك اهلك رحمته مره المسكين
اما الحين الله المستعان احنا الي ندوره مو هو ههههههههههههههههههههههههههههههههههههههههه |
مره كنا على وشك الانطلاق بالسياره للسفر بالبر
المهم زوجي قام يحضر السياره ....من.....الى كانت السياره باقي ما لها الا شهر والرجال بيعرفون ان الانتن...او الهوائي تبع السياره لما تكون جديده يكون عليه مثل الشحم الاسود يضمن حركه سهله وسلسه للأنتن زوجي خرج من السياره وجاب اغراض من البقاله لمح الانتن والشحم اخذ مناديل وبدا يمسحه انا مدري ايش جا على بالي وقمت ضغطت الراديو طبعا طفيته ولما اطفيه يدخل الانتن في مكانه ضغطته مرتين ورا بعض والانتن نزل وطلع بسرعه زوجي خاف واستغرب وطلعت عيونه مو مستوعب اني العب عليه لانه مو من عادتي اسوي مقالب المهم رجع ينظفه واندمج في التنظيف رجعت اضغط في الزر والانتن برا ينزل ويطلع زوجي خاااااااااااااااف وانتفخ وجهه وابتعد وصار كل ما جا بينظفه يلمسه يحسب فيه كهربا وانا ميته ضحك عليه اول ما دخل السياره قال .........وهنا النكته........... تصدقين هذا الانتن عجيب.....الظاهر انه مصمم ضد السرقه.....او فيه قبيلة جن..... انا هنا خلااااااااااااص مت ضحك قال الله ياخذ عدوك وهو انتي ........... |
هلا بالحب هلا
صراحه انتي خطيرررررررره وزين ماصار للرجال شي مقلبك موب عادي لا والله فلم مرعب يمكن زوجك تمنى انه يكون حلم عموما مشكوووووووره وباين دمك خفييييييف |
عاد تصدقون ضحكت لما خفت أحد يشوفني يقول مجنونه
أقول لكم وش حصل لي ثاني أسبوع من زواجي طبعا اسبوعين ملخبطين سهر بالليل ونوم بالنهار وكان نوم قليل وحوسه المهم كنا برا وجا وقت المغرب ووقف زوجي يصلي المغرب ودخلت قسم النساء وصليت المهم انتهت الصلاة وتسنن زوجي وخرج السيارة وينتظر وينتظر وينتظر وخاف خرج من السيارة ودق مصلى النساء وما حد رد فتح الباب وصار يناديني ما حد رد دخل راسه وهو متأكد ما فيه أحد لقينيييييييييييييييييييييييييييييييييييييييييييييي لقيني ساجدة ونايمه .. يا فشله من الركعه الاولى نمت الحين حكيت ولدي وصار كل ما احد يساله عن موقف مضحك يقوله اللهم لا شماته وسلامتكم |
صبر ال ياسر
قطعتي بطني الله يسعدك لها الدرجه نعسانه ههههههههههههههههههههه |
خليتونى اضحك كاننى مجنونه ماعندى احد الا بنتى الصغيرة عمرها سنتين من كثر ماتشوفنى اضحك تضحك على بالها انى معاها اضحك على توم وجيرى
يالله همتكم ضحكونا الله يسعد ايامكم |
مهد فكرتك حلووووووووه
مقلب على خفيف وحلوه فكرة خطفوك الجن والله ضحكت عليها من قلبي الله يسعدكم ويهنيكم |
هههههههههههههههههههههه
....ههههههههههههههههه...... خوووووووش مواقف.... يا كثر ما اسوي مقالب بزوجي......بس والله ناسية.....فيني نوم وراي دوام بعد ساعتين..... لي عوده باذن الله دوووووووت |
ياملحكم ...... انا عني فأنا مخطوووووووبه ( يعني مكتوب كتابي) لكن اللي حصل اننا كتبنا الكتاب قبل اجراء فحص الدم .هو سوا التحليل ثاني يوم من كتب الكتاب اما انا تاخرت لمده اسبوعين لكن اللي حصل رحت اجيب نتيجه التحليل وطلعت الحمد لله متوافقين اتصلت فيه سويت نفسي كئيبه وحزينه ان النتيجه مو متوافقين هو بغى يوقف قلبه وقال لا طيب انا ماابي اتركك حتى لو مو متفقين انا احبك وكانت اول مره اسمع فيها كلمه احبك منه :)
|
الله يسعدكم مت من الضحك دموعي نزلت
المقالب كثيره اللي فاكرته الان مره زوجي كان برا البيت قفلت الانوار في الشقه بس نور خفيف في المطبخ اتخبيت انا واطفالي (سنه و سنتين) دخل زوجي في البدايه مفجوع ليش الشقه مظلمه يسمي بالرحمن ايش صاير ايش في وانا مبسوطه بكمل الفيلم بس اطفالي خربوا علي طلعوا اصوات ........>>>>فهم ابوهم انه مقلب وكفشنا وطلعنا من مكاننا وانا وهو ميتين من الضحك |
هههههههههههه الله يسعد الجميع إن شاء الله
|
آآآآآآآآآآآآآآآآآآآآآآه يابطني
من كثر الضحك الله يجعل أيامكم كلها ضحك في ضحك آمين أما عني أول يوم زواجي(من طليقي) سويت لزوجي أونه فيني الدورة وهو زعلاااااااان وحليله مصدق ليييييييييييييين ما قمت أصلي ؟؟؟؟ الريال اعتفس ويه واستغرب قال شو ؟؟ قلت شو ؟؟ قال : ليش تصلين ؟؟ قلت أعبد ربي قال ؟؟ وهذيك .؟؟ قلت من؟؟ قال هذيك؟؟؟ و أنا فطسسسسسسسسسسست من الضحك وعاد شوفوا مطاردة توم وجيري تم يلاحقني لين ما مسكني ووووووووووووووو ومشكورين عالموضوع الحلو اللي وقف قلبي من الضحك |
الاخت احلى ريم
كل البارح وانا اضحك على مقلبك مع زووجك والله امشي في بيتي مثل المجنونه واضحك وكان زوجي متااااااااااااااخر ما جاء قلت ابسوي مثل مقلب الاخت احلى ريم ولمن جاء استقبلتها عندباب الفله ورحت اركض لباب الشارع وانا مسويه نفسي مفزوعه الرجال صار يركض وراي ويقول لاحول ولا قوة الا بالله ايش جاها ولما وصلني عند الباب لقاني ميته من الضحك عصب وقال والله من جد خرعتيني خفت صار لعقلك شي وصادف انه كان امس ناسي جواله قال جا في بالي انك احتجتي مساعده وانا ناسي جوالي بعدين جاك شي في عقلك |
اما انا بعد زواجي بثلاث شهور تقريبا كان شهر رمضان وبعد الافطار اراد ان يخرج من البيت وقلت له ان يأخذني معه ولم يقبل وخرج
وكان فصل شتاء بعد ان خرج قررت ان اذهب الى صلاة العشاء وبالفعل ذهبت الى المسجد فعاد بعد ان خرجت الى البيت ليأخذني وكنت قد تركت جميع ضواو البيت مضويه والصوبه الدفايه ايضا مضويه فأستغرب اني مش موجودة في البيت وتركه الضواو والصوبه مضويه فسأل عني الجيران هل رأيتوها واتصل بأهلي وأخواتي يسألهم عني هل ذهبت عندهم ودور علي هو وجاري في البيت واسفل السرير و على ظهر البيت وآخر شئ أتيت من المسجد بعد ان انتهت صلاة التراويح وهو يبحث عني وهو يقول ليكون صار لها شيء او احد أتى على البيت وخطفها ومن وقتها عرفت اني غالية عند زوجي |
اقتباس:
يا ولد :d مقلب رومنسي :22: الله يهنيكم ببعظ |
والله مقالب حلووووه الله يسعدكم
إن شاء الله أول ماأتزوج راح أنفذها كلها والله يعين زوجي.. |
يالله ذكرتوني باللذي مضى :انا دايما اسوي مقالب لزوجي ،بس اول مقلب سويته كان بعد زواجنا بشهرين كان هو توه راجع من الشغل ،وطبعا متعود اخونا اكون مبخرة البيت ومشغله المكيفات يعني مستعده ،بس هذاك اليوم ماسويت شي وكتبت له ورقه اني زعلانه منه واني احس اني تسرعت لما وافقت عليه واني الحين في بيت اهلي ،وطبعا انا متوزيه بالدولاب وقاعده اشوفه وش بيسوي :30: والله ياعمري قعد على السرير وحط ايده على راسه وكأنه راح في عالم ثاني المهم خليته يمكن ربع ساعه وبعدين قام يدق على جوالي وحصله جنبه وزعل اكثر عاد انا خفت عليه ولما طلعت من الدولاب ...............:25: ضمني بقوه ويعنييييييييييييييييييي سوينا عروسييين:14: :14 |
اجمل احساس
معقوله مايصير عندكم مقالب ابد!!!!!!! ياهلا فيك اختي منوره الصفحه |
ريم 2006
قووويه والله عاد بالدولاب والله حركه!!!!!!! بس اخاف ما ياخذني الدولاب من كثر الملابس المترووسه فيه |
دانيال
شكرا لك لما قلت لزوجي عن مقلبك تفزع!!!!!!11 قال اعوذ بالله الله ييحلل مقالبك صراحه مقلبك جدا مفززززع |
ريما12
الله يوفقك وان شاء الله عن قريب نقرا مقالبك مشكوره عيوني |
باقة ورد
شاكره لك مرورك وبانتظار مقالبك انتي ايضا |
والله مقالب روعة وافكار كثير وانا احب المقالب ولأخواتي اللي لسة مملكين ماسوه مقالب أيام الملكة أول مرة يجي يزورني نزل جزمته ........<الله يكرمكم>........ عند الباب الخارجي أول ما فتح له الباب وكان لسة في درج ومشوار على ما يوصل الصالون ما عجبني اللي سواه أول ما دخل الصالون أخدتها.......جزمته .......... وخبيتها بغرفتي ولما جا وقت الروحة صار يدور يمكن تركتها هنا ......... يمكن برا.................. لا يمكن جوا.......... وانا بريئة وجات أمي ودور معاه ......وشغلانة ولما اعترفت صار شكلة كذا :11: وامي صار شكلها كذا :o وبعد ماراح سوت فيا كذا:16: كنت ناوية أذكر مقلب بعد الزواج بس لما شفت طول المقلب الأول بطلت عشان ما تسوة فيا كذا :16: |
لحظة وداع
مقلبك مضضحك واعجبتني اكثر شي كلمه (الحين احنا الي ندوره مو هو ) والله صادقه بكلامك |
مشكلتي اصدق
زوجك معه حق يومه يخاف من الانتل اللي يرقى وينزل اتخيل شكله واضحك باين عليك داهيه بالمقالب الله يسعدك ويوفقك |
| الساعة الآن 08:21 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©