|
معاناة العزوبية ، بس مو بعد الحين !!
السلام عليكم ..
لأول مرة ياشباب أحس إن حياة العزوبي عبارة عن تضيع وقت !! راح تسأل ليه ؟؟ أنا بقولك ، اليوم سلمك الله قاعد في البيت بسبب وعكة صحية شوي جامدة :24: ، يعني لاروحة ولاجية … حسيت اليوم إني طفل صغير أبو 6 سنوات من كثر إهتمام الوالدة الله يحفظها فيني. الدكتور والدواء والحمية يعني مشفى مصغر ! تخيل ماكان في أحد في البيت اليوم ؟ وش بيكون حالتي ؟؟ (ياغرابييييييييي..:24: صراحة بتكون مأساة :29: ) ، المهم وبعد تفكير عميق قررت إن أتزوج !! الحمد لله مو ناقصني شي ، تعليم ووظيفة وراتب حلو (خسران شوي بالأسهم :25: ) . إجازتي بعد شهرين من الآن ، والله العظيم راح أفكر جديا بالارتباط :14: ! بس ماأدري إذا هي مشكلة ولا لأ إنو مافي أحد في راسي ، يعني محسوبكم ميييح ! راح أقول للوالدة الله يخفظها إنو تدور لي مع إنو الوالدة دايما تقول أنا ماراح أدوملك وأنا أقولها الله يحفظك ويطول بعمرك ، تقولي يا إبني تزوج وأنا أقول لسه شوي .. شباب ، أحد فيكم مرة بهالحالة :15: ؟ تحس مو ناقصك شي بس يبيلك تشجيع صغير على عشان تخطو هالخطوة :18: ، وشلون كانت هالخطوة ؟؟ مين اللي شجعك :30: ؟ |
الله يوفقك وتكمل نصف دينك ,, وتلاقي شريكة حياتك الي تسعدك ...
بس عندي سؤال كم عمرك ؟ ,, واذا كان كل شي متوفر لك الحمد الله ليه مافكرت تتزوج قبل الحين ؟ |
اقتباس:
أما بالنسبة ليه مافكرت أتزوج فهذا السؤال اللي قعدت أسأله لنفسي قعدت قعدة صافية مع نفسي اليوم ، ليش ماتزوجت :( ؟؟ وش اللي ناقص :( ؟؟ من جد ياجماعة ، مو مشكلتي لحالي ، ياما أعرف شباب تعليم عالي جدا ، وظايف محترمة ، قمة في الاحترام والخوف من الله ، بس عازفين عن الزواج !!! كل همهم هو الكورة والدوري الإيطالي :29: !! راح تقولي عدم نضج ، راح أقول بالعكس تماما هم ناضجين وناجحين بس سبحان الله ! صدق من قال ، العنوسة اليوم هي للشباب أكثر من البنات !! |
المشكله ان عنوستكم هذي هي الي مخربه علينا يالبنات
آآآآآآآآآخ بس منكم ,, كوره ودوري ايطالي ,, هذي اخرتها الشكوى لله .. |
أختي حورية البحر ،،
زمن غريب عجيب ، كل شي فيه مقلوب !! الشكوى لله زي ماقلتي .. |
شو بدك من الزواج هم وغم ومشاكل لاحسرة لها، المراة العربية ما يجي من وراها الا المتاعب يازلم، احسن لك ابق عزوبي لاهم ولاغم واللي بيخطرلك براسك اعملو حرية تامةيا صاحبي لما تتزوج مراتك راح تطيرلك عينيك وتحاسبك على الرايحة والجاية. العزوبية تاج فوق رؤوس العزاب لايراه الا المتزوجون. هههههه طبعا امزح، توكل فهو نصف الدين، متاعب لا بد منها. تحياتي ابو الحكم |
انتم يالرجال قرارتكم في ايديكم محد يحكمكم مو مثلنا يالبنات قراراتنا في ايدي غيرنا ( الله يعين)
وان وصلت لأي سن ماراح احد يعيب عليك ويقولك كبير راح يقولون( رجال مايعيبه شي)حتى لو فيه عيوب الدنيا ( سلمك الله من العيوب ) وبعدين المفروض مايكون سن معينة للزواج المفروض يتركون كل واحد في همه وحر نفسه، لولا الناس والله نعيش براحة ونفس راضيه بس تدخل الناس شي يقهرك وان تظاهرت بالرضا الله يوفقك بالزوجة الصالحة ان شاء الله ويسعدك ربي دنيا وآخرة0 |
اقتباس:
احمد ربــــــــــــــــك .. كنت بجيك اشوف شغلي معك .. بس احمد ربك قرأت حتى النهاية .. تحياتي لك |
اقتباس:
صحيح خوفتني سوسو جسمي كله بيرتعش...هههههههههه شو ياحج ابو سلطان الله يخليك خلينا نضحك شوي يا صاحبي، مثل ما يقولون هم يضحك وهم يبكي. سلاماتي الحارة ابو الحُكُم |
الله يساعدكم بس
|
أخوي طنبرجي
ماتشوف شر إن شاء الله ...أزمة وتعدي بالنسبة لموضوع الزواج ....فهو قرار سليم ...وكان من بدري وصدقني راح تتحسف على أيام العزوبية التي قضيتها بدون زواج .... أتمنى لك التوفيق ...وتحصل بنت الحلال الي تريحك ... أحترامي لك... |
ابوي زوجني وانا ثاني ثانوي ،،،،،،، الله يرحمه ويسكنه الجنة وكله من تحت راس امي ،،،،،،
لاني بكرها ،،،،، وساعتها كنت فرحان مسوي فيها رجال وابو عيال ،،،،،،، تصدقون ارجع من المدرسة تسع ونص احصل المدام مسوية الفسحه (فطور) وافطر معاها وكتبي بالسيارة نص ساعة وارجع المدرسة اكمل دروسي لين الظهر ،،،،،،، وعقب الظهر غدا وكورة في الحارة لين العصر والعصر مع ابوي في حلاله واشغاله لين العشاء وارجع ميت هلكان والقاء المدام مسوية عشاء ومستنياني وياااااااااااااااليل الواحد يبي ينام عقب هاليوم الطوووووووووووويل مو قاااااااادر والله ذكرتونا ايام زماااااااااااااان وسبحان الله المدرسين معطيني وجه لانهم على قولهم متأهل واني اتعداهم واقعد على ماصتي في الفصل بس الشهادة لله في ذاك الزمان كنت اشوف بنت الجيران ولا اي حرررررررررمه قسم باالله كانها اختي ولا فكرة شينه نهائياااااااااااااا تبي مره الزوجه موجوده والحين عرفت هذا من التبكير بالزواج بس الحين تعال شوف عيالنا بالثانوي وعندي ولد بالثانوي اقسم باالله بزااااااااااااااااارين تعرفون بزررررررر ماتقدر تعتمد عليه في شي ياويلي وبعد بزوجه بنت ناس والله العظيم جنننننان الله كريم سترنا ومشاها معانا زي اللوز بس مااعتقد يتكرر هذا المشهد ولا بالاجيال اللي بعدنا |
اخوي تبي نصيحه مني تزوج
إحساسك هذا انا عشته مع احد زملائي كان ينصحني اني اتزوج بحكم اني اكبر منه بس الفرق الي بينا ان هو موظف وانا ماني موظف ( دعواتكم من قلب ان ربي يرزقني بوظيفه عشان افتك من حياته العزوبيه ) مع العلم انه عرض علي الزواج قبل فتره بس انا رفضته لأني ماني موظف وراحت على البنت الله يستر عليها بجد اهلها ماقصرو معي الله يجزاهم خير المهم نعود لسالفته خوي كان يقول ياخي انا موظف ولا علي قاصر ليش انا عزوبي مدري ليش انا متردد طبعاً نصحته وقلت خل عنك العزوبيه مافيها إلا القهر بجد إذا جاء الليل مافيه إلا الجدران تسوالف معها بجد طفش وبشركم الحمدلله الولد تشجع وزواجه قريب حتى انه ارتاح نفسينا بشكل غير نصيحه اخوي تزوج تزوج تزوج ودعواك لي بأن ربي يرزقني بالوظيفه وتزوج وشوف ولدي بين يدي |
الله يرزقك الزوجة الصالحة
|
ياأخي الزواج جنة الدنيا لمن وفقه الله
|
اقتباس:
ياحظك و الله تصدق أنا الحين عكسكم بالتمام أنا فاقع أذن ابوي و امي من كثر ما قلهم أبغى أتزوج بس يقولولي لسع أنته صغير :29: و الله هجوله خخخخ |
ياهلا بأبو الحكم ،،
والله كلامك دايما بنسمعو من الناس المتجوزين ، بيحكولك شو بدك بوجع هالراس ، ناقصك محقق كونان يكون عندك بالبيت .. بس بتعرف ، الجيزة وراك وراك بقا تجوز وإنتا شب أحسن ما تتجوز وإنتا ختيار مكحح !! تحياتي إلك ومشكور عل الرد .. |
أختي كاتمة همي الله يبعد عنك الهموم والغموم ،،
صحيح قراراتنا بإدينا قبل الزواج ، لكن بعد الزواج أنتم اللي تصيروا تتحكموا فينا .. يعني كما تدين تدان ، وبالنسبة للعمر للزواج فهي أحلى يوم يكون الشخص صغير ، يعني تخيلي عريس وشعرو أبيض !! يعطيك العافية على الرد وتقبلي تحياتي .. |
اقتباس:
|
أخوي أبو جنا ،،
كلامك والله سليم بس ما قلتلي ، إذا أنت متزوج ، وش اللي شجعك حيل لتقرر إنك تتزوج ؟ يعني كان عندك تردد ؟؟ تحياتي لك .. |
الشمس الزرقا ،،
ماشاء الله ، تبارك الله .... الله يزيدك كمان وكمان |
اقتباس:
|
الحب والحبيب ،،
مشكور على الدعوة والله يبارك فيك .. The Swan .. كلامك لا غبار عليه إذا اقترن بالصلاح مدوخ الشرطة ،، والله إذا صغير يبيلك شوية وقت ، اذا أنت مو موظف يبيلك وظيفة وإذا موظف يبيلك شوية وقت تجمعلك كم قرش يساعدوك .. بس ماشاء الله عليك ، شكلك مستجعل مرة .... على السريع زي الألتيما اللي في توقيعك .. |
أولاً .. الحمد لله عالسلامة ، ولا بأس طهور إن شاء الله
ثانياً .. الــزواج راحــة النفــس ، القــلب ، الــروح الــزواج .. استقــرار .. سكــن .. مودة .. رحمــة كلنا نعرف ذلك ، ولاننا نعرف ,, نتردد باختصــار أخــي الكريــم ، أنت متردد ، متخـوف ، متهيــب ، تجربة جديدة ، ترغب بصدق أن تكون ناجحة ، فإن لم تكن كما هي في خيالك ، فإنك ستصاب بخيبة أمل لا نظيــر لها أذكــر يومــاً قال لي خطيبــي فيــه : مازلنــا صغاراً في الســن ، وكنت قد خططت على أن يكون زواجي وأنا في 28 على أقــل تقديــر ، أتعلمين لم ؟ قلت : لم ؟ قال : لأننــي حينهــا سأكون قد عشت حياتي طولاً وعرضاً ، كونت نفسي ، جمعت مالي ، ومن ثم أتزوج كقرار نهائي ، فمالذي يجعلني أتزوج الآن وأضحي بشبابي وحياتي وأنا بعد لم أجمع مالي ، ومن ثم قد تكون الفتاة كما أريد وقد لا تكون ؟ ثم ختم حديثه بـ : الحمد لله الذي وفقنــي لك ، ولكن إيــاك أن ( تحبطيني ) هههه *** موفق أخي الكريم |
والله اني مثللك ياخوي طفشت من حياة العزوبيه:29: بس كلها كم شهر ونودع ايام التعاسه:22: الله يسيره ان شاء الله وااله ان العزوبيه معاناة غير طبيعيه طفش ماحد يحس فيك لو اطيح بنار ماحد عليه منك والله صدقو ا الي قالو ا لابغيت تدعي على عدوك ادع عليه بالعزوبيه الل يخلصنا منها |
اقتباس:
قد أصبت كبد الحقيقة حينما قلت أنها تجربة جديدة بالنسبة لي وهي بالفعل كذلك. لعل الله يكتب لنا التوفيق .. تحياتي لك .. |
اقتباس:
كل ما صملنا نعرس ، مدري وش يصير :15: نسحب جلنط ونوقف .. بس هالمرة أنا جاي مصفى الطبلون ... بإذن الله ناويها ناويها ... وش بقا !! الشعر وراح ، والوظيفة موجودة ، لاني بصير مليونير ولا بمديونير ... وألف مبروك مقدما مني لك على العرس .. الله يتمملك بالخير .. قول آمين وأنا خوك ... |
| الساعة الآن 01:17 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©