|
اسلوبك في طلب اغراض البيت؟؟؟
:( السلام عليكم و رحمة الله و بركاته
يا جماعة الخير حابه اعرف طريقتك الخاصة في طلب الاغراض الخاصة للبيت , يعني كيف الاسلوب اللي تكلمين فيه زوجك لمن تطلبين اغراض البيت مو اغراض خاصة لك , و هل زوجك يتذمر لمن تطلبين منه هالاغراض , و تقريبا كم مرة بالاسبوع تطلبين اغراض للبيت , طبعا اقصد بأغراض البيت اي المعيشة او المؤونه , لاني بصراحة الاحظ تذمر زوجي لمن اطلب منه الاغراض لدرجة اني اوقات اطلبها عن طريق رسالة اكتب فيها اللي ناقصني و ارسلها له على جواله:27: هل طريقتي صح ؟؟؟؟؟؟؟؟؟:11: |
اهم شي تجمعينها مع بعض
يعني مايدخل من برا وهو راح يجيب اغراض واول ماتشوفينه تقولين نسيت هذا وذاك حاولي تجمعين طلبات الاسبوع كامل او حتى الاسبوعين مع بعض بورقه عشان مايمل اخوي مل من زوجته لهذا السبب ولاتنسين التدبير خذي ماتحتاجين واول ما يدخل وتاخذين منه الاغراض قولي له كلام زين الله يعطيك العافيه وماتقصر والله لايحرمنا منك ومن هذا الكلام بالتوفيق |
|
اهلين يا عاشقة الليل
اهم شي في الطلبات انها تكون مره في الشهر او مرتين بالكثير وتكون مجمعه في ورقه وتكون عقلانيه وما يمنع تكتبين في اولها... لا هنت حبيبي محتاجين.... وفي اخرها..... تسلم لي يا قلبي....تعيش وتجيب |
تسلمووووووووووووووووووون اخواتي العزيزات (smshـ وادي حنين 2005 _ و مشلكتي اصدق ) على نصائحكم الرائعة لكني اقصد الخضار و الدجاج تعرفون طبعا انها مستحيل تتواجد معاك لمدة شهر و تقريبا اسبوعين ممكن في 5 ايام تنفذ عندك الطماطم او البصل او الثوم و كمان لوازم الحلويات مثل القشطه و الحليب المحلى لان زوجي من النوعية اللي يجيب علبة او علبتين قشطه بس اتمنى انكم فهمتوني و منتظرة نصائحكم الغالية التي لاغناة عنها و كذالك نصائح باقي الاخوات
و دمتم... |
شوفي يا عشوقة اتفقي معاه متى الموعد اللي يناسبه يقضي فيه خلاص وانت ياحبي علقي ورقة على الثلاجة كل ما تحسي نقصك شي اكتب لمدة اسبوع ولما يجي الموعد اللي اتفقتي عليه معاه اعطيه الورقة مع شوية دلع خد ياحبيبي الله يعافيك ولما يجيب المقاضي بيني له انك فرحانة وكانه سوى شي رهيب وازا نسي شئ قولي له معليش الدنيا ما تسوى اما الجوال لا عشان بيقولون جا الزواج والطلبات والحريم وانتي عارفة الباقي الا ازا هو طلب منك اوكي
|
قائمة تكتبها لي إذا أنا الشاري
أو تعطي السائق إذا كان منها لإنها موظفة |
اخيتي عاشقة الليل
اهم شئ زوجك ...كيف الطريقه اللي يحب انك تطلبي منه الطلبات انا كنت زيك اكتبها وارسلها مسج ومره بيفرج اخته على المسجات وفجأ قام يتمسخر هو واياها ويقلها شوفي قمة الرمانسية وكانت رساله مني فيها بعض الأغراض لذلك احسن شي اكتب له ورقه وهو خارج وفيها كل الطلبات واحاول اني ما انسى شي عشان لو طلب مني طلب ما اقله ما في طلباته . |
ياستى لما تطلبى الطلبات اكتبيها بعبارات جميلة..
مثال: عسل ياحلى من العسل.. قشطة ياقشطة.. حبتين دجاج يكاكى كاك كاك.. بندورة حلو ومحكورة.. والزيت مافى بالبيت.. هلا تكرمت علينا واعطيت.. بمثل تلك الطريقة يشتاق للطلبات.. بالنسبة لى طلباتى اكتبها واعطيها ابنائى حفظهم الله اما طلباتى الخاصة مثل خبز اسمر وجليب وشى لى اقوله هو شخصيا بالجوال.. ولى يعافى عمرك خلص حليبى وماعندى خبز .. |
زي ماقالوا الاخوات تكتبينها في ورقه مرتين في الاسبوع وتكتبي الكميات اللي تبغيها واللي تكفيكي اسبوعين او شهر واذا اعترض على الكميات قولي عشان ترتاح شهر من الطلبات وانتي وشطارتك تقتصدين فيها :30:
وانا بصراحه اكتبها له قبل نفاذ الكميه لانه يأجل في المشوار كم يوم وقت مايجيبها يكون المطبخ مشطب ولو كتبتها لما احتجتها كان بتنا من غير عشاء :d .............. تعرفينهم الله يهديهم يومهم بسنه واكيد تطلبينها بنفس حلوه وتقولين له الله يعوض عليك لما يجيبها وايضا تساعدينه في ادخالها المنزل انتي واطفالك بالعكس يحس انه شي حلو مو هم وثقيل على نفسه وبعض الاحيان روحي السوبرماركت واتسوقي معاه.... غيري جو واكسري روتينه في التسوق لوحده :22: |
اختي الكريمه
انا عندي اقتراح للا شياء الغير تالفه و هي ان تشتري كميات اكثرمن التي تحتاجينها فعلا وتخزنيها كل مره ترفعين علبه قشطه معجون طماطم علبه تونه على جنب وهكذا تصبح لك كميه معقوله من التموين الاحتياطي عند الحاجه اما الاشياء التي تتلف مثل الحليب و الدجاج و البيض و الفاكهه و الخظار هذه عاده يتصل ابو الاولاد قبل خروجه من العمل يسال محتاجين شي و تعطى له بالتليفون كالخبز و الحليب و البيض و الفاكهه الخ،،،،، ،،، لانها بكل بساطه لا تخزن و استهلاكها اليومي ظاهر و لا اظن يعتب عليك اذا طلبتيها لانها تصبح عاده بعد فتره |
ياحبيبتي انا طفشت وانا اكتب لزوجي الطلبات ماالاقي الا الطناش واجلس جيعانة بس فكرت وفكرت
واخيرا اهتديت الى اني ادخل البور ايوة برنامج البور في الكمبيوتر و اسوي من الاشكال مثلا على شكل صفحة او قلب وكتبت عليه( طلبات كوخي)وطبعت منه كذا نسخة وصرت اكتب طلباتي في هذه الاوراق الصغيرةواصقها في محفظته واترك بوسه مني بالروج وصارت الطلبات تجيني ردي علي اذاالفكرة عجبتك........ ردي علي اذاالفكرة عجبتك........ ردي علي اذاالفكرة عجبتك........ |
ممكن تكون الطلبات مرتين في الشهر.. او حتى اكثر لأن السوبر ماركت صار قريب من كل بيت مو مثل اول.. وإذا كان زوجك يتضايق من كثرة المشاوير ممكن تطلبي من اقرب تموينات يوصلوا لك الأغراض على البيت كذا بترتاحي انتي و زوجك.. :17: |
أولا فيه عدة طرق :
1- أولا حددي مثلا يومين بالشهر لطلب الأغراض الكثيرة... وبكذا بيرتاح...زوجك أما الأغراض التي شبه أسبوعية كاللبن الخبز......فأطلبيها منه مباشرة أو عن طريق رسالة جوال إذاكان خارج البيت حتى يجيبه معه وهو راجع.. وعلى طاري رسائل الجوال حاولي تكون رسالتك مبدعة ومرحة وهذه طرقة سويتها مرررررات وعاجبه زوجي وأحس فيها مرح وتغيير وإنه ينبسط وأنا أطلب منه أغراض.. مثلا مرة كان حليب بنتي سرى مخلص وكنت كمان أبغى (حلم للديد)وطلبت منه يحضر لها الحليب وهو برى.. وكتبت هذي الرسالة. يا أغلى من كل حبيب جب لسرى حليب عسى حياتك تطيب ولا تزور الطبيب..... @ولا تنسى تشري(حلم) أبعد الله عنك الألم ووقاك شر النقم ورزقك شكر النعم... زالله مجرد ما أرسلتها له دق علي وقال إيش الحركات والكلام الحلو..(جربيها وخبريني إيش يصير معك .) وراح يستحي ولا يرفض لك طلب..... وبعدين قولي له إنت الأغراض بتجيبها لمين للجيران وإلا لنا.؟؟؟؟؟؟؟! كان الله في عونك |
طبعا فكرة انو زوجي ياخذني معه على السوبرماركت هذي مو محبذه عندنا
هههههههههههههههه لاني الم كل اللي بالسوبرماركت بالنسبه لي لمن اكون برا البيت اساله اذا كان عنده اشغال والا لا واذا كان فاضي اقوله وش الاشياء اللي ابيها بالضبط طبعا هو لمن يوصل للسوبرماركت يتصل ويسالني ومرات كثير وهو راجع من الدوام يتصل ويسال ناقصكم شي واذا نبي شي نطلبه وبصراحه هو يعرف اغراض البيت ويجيبها من وحده غالبا واحيانا مو هو اللي يجيب الاغرااااااض اكتبها بورقة للحارس وهو يجيبها طبعا لا اوصيك على الكلام الحلو تراه بلسم الروووووح وله مفعول السحرررررر قبلاتي لك يالغلا ,,,,,, شوووووووووق |
بصراحه انا زوجي احسه ينبسط اذا طلب وقاضي البيت لاني دايما انساها طبعا اقصد مقاضي شهريه مثل مناديل اكياس زباله مثلا وزي كذا
بس المقاضي الاسبوعيه تقريبا متعودين كل يوم سبت نطلع للسوبر ماركت مع بعض نقضي الخضار والمقاضي الاسبوعيه(حليب زبادي لبن) تحياتي دلوعه زوجي |
افكاركم حلوة
ما كنت أعرف إن الناس كذا يسووووووووووون بس إن شاء الله لما أتزوج بدلع زوجي آخر دلع وبخترع له أفكار جديدة وأسويلة أغنية على كل طلب هههههههههههههه لا لا أمزح أممممممم برسم له صور الطلبات وكل صورة مكتوب عليها كلمات مثلا اشتريني أنا ناقص في البيت خلاص بح وأنا وأنا لا تخليني وتروح لا تنساني أفا ؟؟ إذا نسيتني بتزعل المدام عشان الحلو يا حلو عشان العشا في العشا و الغدا ضرووووووري وووووووووو وبألف يوم بتزوج و الله عليكم أفكار يالبنات الله ينور عليكم آمين |
| الساعة الآن 04:06 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©