|
أخواني الرجال هل هذا صحيح؟
السلام عليكم يااعضاء منتدى عالم الحياه الزوجيه .... راح أدخل بالموضوع على طوووووول ... عندي إستفسار بسيييط وحابه إن الرجال بالأخص يجاوبوني وأيضا النساء :) أمس كنت أكلم خطيبي ( زوجي ) وحنا نسولف قالي كلمه شوي ضايقتني فقمت وذكرت له كلمات سابقه كان قايلها لي بعد ، فقمت عددت له وقلت له : جفت جم كلمه لحد الحين جرحتني فيها ،، رد علي : قالي خلاص عاد لاتعورين قلبي هالشي صار وانتهى وأنا آسف من قلبي وماكنت اقصدها ... بس الشغله اللي شدت إنتباهي يوم قالي : (( لاتعورين قلبي بأشيا صارت وخلصت )) ،، أكتشفت إن الرجال مايحبون أن زوجاتهم يذكرونهم بأشيا صارت وخلصت ... فهل هالشي صحيح ؟؟ وهل أنا مخطئه يوم قلت له هالشكل ، إنه ذكرته بمصطلحات سابقه ؟؟ حااااابه إنكم تجاوبوني وبكل صراحه ... |
لم اجرب حتى اخبرك يالغالية..
تم تعديل العنوان حتى يتناسب مع الموضوع تحياتي حائزة الأمل |
لا احد يحب ان تذكره بأخطائه...
صدري يضيق لما يذكر احد خطأ من اخطائي حتى ولو كنت صغير سنا في ذلك الوقت... اعتقد انك ايضا ستكرهين ذلك والله اعلم |
لا حبيبتي انت فعلت عين الصواب المصارحة ضروريا لانه يمكن يرمي لك عبارات تجرح وتحز في النفس وهو مو واخد باله ..........بس باين انه خطيبك ما يحب حد يوضح له اخطائه الله يكون معك اختك وجدان
|
معليش انتي صارحيه بس اذا قفل الموضوع خلص قفليه لا تلحين
وفعلا ....مو بس الرجال....كلنا ما نحب احد يذكرنا بأخطائنا الله يوفقكم |
الكلام هذا حطيه حلقه في وذنك
الرجل لايغفر بس ينسى والمراه تغفر ولاتنسى |
حبيبتي
أنت مقدمة على حياة جديدة فاحرصي على تزيينها بورود المحبة وأزهار التسامح غاليتي لتكن كل كلمة يخبرك بها زوجك نقطة تسجلينها في دفتر ذاكرتك لتفعلي ما يسره وتتجنبي ما يسوءه عزيزتي إياك وكتمان ما يضايقك ولا تؤجلي عمل اليوم إلى الغد صارحيه اليوم أفضل من الغد والغد أفضل من بعد غد لئلا تتراكم السلبيات وبالتالي تتولد الضغينة ويستشري الحقد في قلبك ضد زوجك فاحذري !! *** دمت بود |
بصفتي شاب احب ان يهدى الي عيوبي واخطائي لكي لا يقع الانسان فيه مرة اخرى ولا يزيد في غيه
ويظن نفسه يعمل الخير وهو العكس كما في الاية الكريمة : الذين ضل سعيهم في الحياة الدنيا وهم يحسبون انهم يحسنون صنعا .... قد يظن ان كلامه في محله لكن لا وما تفعلينه صحيح لكن عليه ان يتفهم ايضا وارجوا ان يكون في حالة اذا قال لك انكي فعلت هذا هناك قولي له انت انت ارجوا ان اكون افدتك |
اقتباس:
|
تسلمون أخواني وخواتي عالردود الطيبه وماقصرتوا
بس حبيت أوضح نقطه لهؤلاء اللي يقولون (حتى النساء مايحبون) انا معاكم في هالنقطه لكن انا ماغلطت يوم قلت له المصطلحات السابقه اللي ذكرها لأنه مثل ماقالت اختي وجدان لو تميت ساكته ولا قلت له الأشيا اللي راح تضايقني ماراح يعرف من نفسه لازم اقوله وتسلموووون مره ثانيه |
انتي ما سويتي شي غلط.. اتقولي له اليوم ولا ييلس يقولج بعدين ويتعود انج سااكته ولا اتعاتبينه.. دام انه قاال انه آآسف فان شااء الله ما راح يكررها لانه عرف انج ما اتحبين هالكلماات وينتبه.. |
بالذات امام المراة لايحب الرجل ان تظهر عيوبه او اخطائه خصوصا المخطوبين
ايضا لاتكوني ملحة قال قفلي الموضوع قولي له خلاص يابيه قفلنا الموضوع ودمتم بخير |
انظري الى محاسن زوجك قبل عيوبه فكل انسان له محاسن وعيوب وساعديه للتخلص من عيوبه..
|
كان من الأفضل أن لا تجمعي له كل المشاكل مرة وحدة
يعني إذا قال شيء ما أعجبك أعلميه فورا بذلك و لا تجمعي الأخطاء لآخر الشهر |
معليش الموضوع ألتبس على الأعضاء هل تقصدين إنه إذا أخطأ عليكي تعاتبينه وتبينين له خطأه أم أن المقصود أنه إذا أخطأ عليكي فإنكي تذكرينه بأخطاء سابقة قد تم التفاهم عليها ومناقشتها؟ من وجهة نظري إذا كنتي تقصدين الأولى فأعتقد أنه حق مشروع لكي ولكي يوزن الكلام قبل لايتكلمه في المرات القادمه. لكن ماتقعدين له عالحبه ونص في كل كلمة :) أما إذا كنتي تقصدين الثانيه فأنصحك بالبعد عن هذا الأسلوب لأن بصراحه مو حلوة أنكم تتفاهموا على شيء وتنتهون منه وتذكريه فيه علشان لايقول إنِك حقودة وماتنسين ولا تسامحين لكن لو كانت الكلمات قديمه وكنتي راضيه عنها في ذاك الوقت ويوم أخطأ عليكي ذكرتيه فيها فأنصحك بأنك تتفاهمي معاه على أي شيء في وقته وماتأجلينه لحين حدوث مشكلة بينكم فتستخدميه كأعذار لكي وتبريرات لزلاتك أتمنى أكون قدرت أساعدك ووفق الله بينكم ويبعد عنكم الزعل والحزازيات |
( المتعذبه ) ...
تسلمين يالغاليه على الكلمات الطيبه ويعطيج ألف عافيه .. (امرؤ الخير ) ... بالفعل اخوي هذا اللي أنا لاحظت عليه بس بشكل بسيط أن يوم ذكرت له المصطلحات السابقه قالي تكفين لاتعيدين الكلمات مره ثانيه شي صار وخلص فأنتبهت حق هالنقطه مع إني ماكنت داريه .. (أمير الخيال) ... لا والله أخوي أمير بالعكس دووووم أمدح في زوجي وأشجعه بس ساعات يقولي كلمات هو مايقصد فيها لكن تجرحني شوي فأقوم وأقوله عرفت أخوي .. (مسلم في الغرب) .... أخوي مسلم إنت مافهمتني أن أقوله أول بأول عن أي كلمه يقولها لي لو كانت تجرحني بس غلطتي أنا إني أذكره بهذه الكلمات إذا قالي كلمه ثانيه أقوله جوف الحين جم كلمه صاروا عرفت أخوي مسلم ... thamooory .... هلا والله اخوي thamooory أنا أقصد (( إذا أخطأ عليكي فإنكي تذكرينه بأخطاء سابقة قد تم التفاهم عليها ومناقشتها؟)) هذا اللي انا أقصده وانا اعترف إني غلطانه يوم أذكره بكلمات ساابقه وانتهت .. تسلم أخوي على النصيحه وربي يجعله في ميزان حسناتك يارب ويعطيــــكم ألف ألف عاافيه على الردووود الطيبه .... |
| الساعة الآن 11:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©