|
أول مشاركة أرجو الإفادة لو تكرمتوا ،،،،،،
السلام عليكم ورحمة الله وبركاته ،،،،
في البداية أحب أشكر جميع الأعضاء والإدارة على هذا المجهود الجبار في إفادة الشباب لبناء حياة زوجية سعيدة . بصراحة هذه أول مشاركة لي وأرجو منكم النصيحة !!!!! انا شاب خاطب ( عاقد شرعاً ) من ثلاث شهور تقريباً وأعمل في مدينة بعيدة نوعاً ما عن المدنية التي تسكن فيها خطيبتي . وأذهب لزيارتها مرة كل أسبوعين وعندي شعور إني مقصر في حق نفسي وفي حق خطيبتي . المهم إذا ذهبت لزيارتها أجلس معها مدة طويلة تقريباً ( 9 ) ساعات أو أكثر . المشكلة إن خواتي يقولون ليش تجلس معها هذا الوقت كله عشان ما يقولون عنك خفيف وإن البنت كلت عقلك ( وبيني وبينكم هو صحيح البنت كلت عقلي ) مع العلم إني إذا جيت أطلع من بيتهم أحس أن قلبي يتقطع من داخل . السؤال : هل مع خواتي حق إني أطل اشوي ولازم ما أجلس كل هذه المده ، ولا مع نفسي حق إني مقصر ؟ |
الله يوفقك ويجمع شملكم على خير
أنا اشوف ان الوضع طبيعي وخاصة انك في مدينة بعيده في ناس يزورون كل اسبوع ويجلسون نفس المده الي انت تجلسها ولا تلوم نفسك انك مقصر معها لان هذي ظروف عملك والله يعينك اتمنى اني قدرت افيدك |
بيني وبينك 9ساعات كثير يعني خليك ثقيل شوي وحاول اجلس ساعتين او ثلاث ساعات ممكن الناس يملو منك وكمان حسب الناس في ناس بمل بسرعة وفي ناس عادي الله يتمملك على خير
|
شكراً جزيلاً ام الجود ريحتيني بصراحة ،،،
|
أنت منت ملاحظ أنه 9 ساعات كثير جدا .....
الرجل اللبيب لا يجعل من نفسه ثقيل الطبع , ولا يسمح لعاطفته أن تتحكم في عقله وشخصيته .. فأنت قيمتك كرجل في شخصيتك فقط , فمتى ما أهنتها لم يبقى شي من رأس مالك.. أن فترة الملكة ليست فترة عشق وهيام وغرام وليالي غزل فقط .. بل الأهم أن تبني لنفسك شخصيتك التي ستنفعك بعد الفرح بعد أن تظهر أخلاق الزوجة الحقيقية .. وأنت كرجل ما يشد ويلفت ويعحب زوجتك هي شخصيتك وهي قوامك .. فاركد أخي وارزن ولا تكن خفيف العقل فأنت رجل تتحكم في عاطفتك والا فما قيمة رجولتك وأنت تضعف أمام زوجتك , والمرأة تثير فيها حب التسلط اذا رأت من زوجها الخفة والإندفاع والضعف أمامها وهذا لن تراه جليا الا بعد الزواج .. وستتحسر على شخصيتك التي أهدرت , ولن تعرف كيف ترجعها ..الا بشق الأنفس .. |
اخوي انت تزورها مره خلال هالفتره..
يعني يوم واحد تجلس معاها كل اليوم؟ اشوف انك طبيعي جداً وتصرفك يدل على محبتك لخطيبتك ويدل ايضا على تعلق خطيبتك فيك.. اللي يقولون خلك ثقل لهم وجهة نظرهم الخاصه لكن مايعني انك تاخذ فيها.. ولايعني بقاءك مع خطيبتك واهلها كل هالمده مرتين بالشهر بس انك مندلق ولامالك شخصيه..ابداً ابداً.. اخوي جمر ليه ربطت بين مدة بقاءه والضعف والخفه والاندفاع!!! مااشوف فيه رابط بينهم.. يعني زوجي لو قعد بالبيت من العصر للساعه عشر بالليل مره بالاسبوع اعتبره خفيف وماله شخصيه!! مالكم كيف تحكمون..خل العالم تتهنى على طبيعتها وسجيتها بعيد عن التعقيد . |
ياااا بو نورا كن على طبيعتك واغتنم هذه الأيام وعيشها بكل ما فيها من روعة وحب ولا تستمع لرأي هذا وذاك .. المهم أن تكون مقتنع من الداخل بما تريده وما تفعله ربما أخواتك يغرن من زوجتك .. ربما !!!! أسأل الله أن يتمم لك على خير ويسعدك مع زوجتك في الدنيا والآخرة ويهبكما الذرية الصالحة . أختك . |
مرااااحب ياخوي
ترى تسع ساعاات كثيره روق شوى خلها زي ماقالو لى قبل ساعتن ثلاث ساعات وترى الثقل زين لا تبين لها انك خفيه وطايح فيها مع ان قلبك يتقطع بس لزم تقاوم شوى الله يوفقكم ويوفقنى لى ما يحب ويرضا |
أنا من رأيي عزيزي إنك تقلل من الذهاب لها عشان الزواج يكون له <<<<<طعــــم>>>>>> ومنها برضه تثقل لإن الثقل
هالأيام زين وبرضه عطها فرصه تشتاق لك.. أنا خطيبتي مقيمه في نفس المدينه اللي أنا فيها وبيتهم قريب جدا من بيتنا إلا أن عدد مرات ذهابي لها لا تتجاوز 4 مرات منذ سنه تقريبا.... حــــــاول تكون متزن يعني لا تقصر معها ولا كل شوي وانت <<<<< قالــــط >>>>> عندهم.... كل اسبوعين مره و 9 ساعات وش خليت للزواج؟؟؟ <<<<<<<أنا أشوف إنك لازم تعيد النظر>>>>>>>> والله يوفقكم ويجمع ما بينكم على خير ويرزقكم بالذرية الصالحة تحياتي |
بصراحه لا اجد انفي الامر مشكله بالعكس العروسه بتكون فرحانه و اعتقد ان هذه الايام من اجمل الفترات ولا تعوض.
|
بالعكس اخوي مع احترامي لاخواتك كلامهم خطأ
انت تزورها كل اسبوعين مره لوزرتها كل اسبوع مره كنت بتجلس معاها اربع ساعات مثلا لو جمعتها اقل شي تطلع لك 8 ساعات كل اسبوعين ومو هذا السبب بتكونون مشتاقين لبعض اكيد اشفيها لو جلستم مع بعض واذا مااتهنى الواحد في ايام الملكة متى يستانس ؟؟؟؟؟؟ ودمتم سالمين |
اقتباس:
:eek: الصراحة يوم كل أسبوعين شي طبيعي جداً و مو كتير.و ما دام هو و زوجته مرتاحيــن..(و اهلهــا مش معارضين) يبقى ما في مشكلة |
قد يكون رأيي مخالفاً لما ذُكــر
فأنتما متحابان ،، وليس أروع من لحظات اللقاء بين العاشقين حتى أن الأوقــات تمضــي ،، ولما يشعــر بهــا كلاهمــا أخــي الكريــم مرة كل أسبوعيــن معــدل معتــدل ،، ولكنــه لا يــروي أبــداً ظمــأ الأشــواق فإن كنّ ( أخواتك ) يستثقلــن هــذه المــرة ،، فماهو المعــدل المعقــول ؟ مــرة كــل شهــر ؟ لتحيــا وإيــاهــا عذابــاً ،، جحيمــاً لا يطــاق ؟ ( اسألني ) ( طبعاً في حال كنتما متحابين ) المحــب يتمنــى حبيبــه كل لحظــة معــه و تســع ساعــات طبيعيــة جــداً وليس الثقــل والخفــة في قامــوس المحبيــن شيئــاً *** نصيحة أخيرة افعــل ما يمليـه عليــك قلبـك ولا تكتــرث لما يقــال دونــك *** أعذب تحية |
السلام عليك ورحمة الله وبركاته...
أولاً: مبرووو:14: ووووو:14: وووووو:14: وووو:14: ووووك الخطبة وعقبال أخوانك و خواتك عشان ترتاح من لقافتهم.. ثانياً: خواتك يتملكهم الغيرة من زوجة المستقبل عشان أهتمامك فيها وجلوسك عندها ولكن خواتك يتحججن بالثقل وأنه عيب تطول عندهم وأنا متأكدة أنهن يتمنين خطيب مثلك يجلس معاهم كثر ذا الوقت أو أكثر والله أنا عشت فترة الملكة وشفت خطيبي مرتين وكان دائماً أخو زوجي الأكبر يغار من زيارة زوجي لي أثناء الملكة ويقول أنا تملكت وتزوجت وأنا ماشفت زوجتي لا تروح وكان يرده عن زيارتي ويشغله بأعمال والآن أنا زوجة وما زال أخوات زوجي يغارون مني الى الأن وبقولك شيء :الأم أو الأخت حتى زوجة الأخ الآخر يغارون غيرة شديدة من زوجة الأخ الجديدة لأنه أهتمامك بها يظهر في جلوسك الطويل بجانبها والقرب منها والتحدث معها في أموركم الخاصة والحياتية العامة دون اللجوء لمشورة الغير غير الهدايا اللي بيدرون عنها وأنا متأكدة اذا كثرت هدايا بيقولولك خواتك لاتكثر هدايا تراها تصير بايخة مع الأيام خلي شيء للزواج..هذا كله غيرة غير أنكم تعيشون قصة حب جميلة ورومانسية أنحرم منها أحد ما وهذا كافي للغيرة أخي لاتسمع كلام خواتك او أي أحد يردك عن رؤية حبيبتك... أنا وغيري الكثير نتمنى ان يجلس معنا الحبيب أكثر وقت ممكن الا أذا كانت الخطيبة مشغولة أو عندها شغل مستعجل.. أجلس مع حبيبتك زي ماتحب وخليك قريب منها ورومانسي وكثر من الكلام الحلو أصلاً شوي وشوي ماتدري عن الوقت كيف يمشي بسرعة وتتمنى أن الساعة تتوقف ذيك اللحظة!! أيام حلوة والله لا تضيعها ..بكرة بعد الزواج أن شاء الله بتجلسون جلسة وبتتذكرون أيام الملكة وبتعيشون لحظاتها عيش أيامك زي ماتحب مو زي ما يحب الناس أتمنى أنك أستفدت...:d تحياتي |
امممممممممم بصراحه بما ان وضهي شبيه جدا بوضعك اخي العزيز فانا مخطوبه ومعقود قراني وخطيبي لا اراه الا كل اسبوعين مره واحيان 3 اسابيع
ولكني اختلف مع معظم الاخوان اللي اعطو رايهم في الموضوع خصوصا الاخ او الاخت جمر مع احترامي لرايها او رايه ياسيدي الملكه لو ماكانت مهيئه للحب والغرام على كلام احد الاراء في الموضوع فهي اساسيه حتى تحوسو انتا وزوجتك فيها بالامان لبعضكم والراحه والطمأنينه والاهم من دا كلو تشوفو تصرفات بعض وطبيعه كل واحد فيكم ازا اتفقتو من البدايه انو كل واحد فيكم يتصرف بطبيعتو بدون اي تكلف المهم ياسيدي انا خطيبي قبل اسبوعين جاني ومن فرحتي فيه هياتلو المكان الرومنسي لدرجه جلسنا مع بعض 12 ساعه بدون محد يحس فينا تعرف ايش كانت النتيجه انو لما جا خارج خنتقتني العبره وحسيت لاول مره بمعنى الزواج وطعامتوو وسرت اشتقلو اكتر واكتر ولا فكرت للحظه انه خفيف انو جلستو قلت من رجولتوو امامي بالعكس زاد ودي ومعزتي ليه الله يسعدكم يارب اهم شي انتا وهيا مبسوطين ولا تفكر في التقل لانو يقتل الحب بالزات من الرجل اما بالنسبه لاخواتك فانا امر بنفس الوضع ويمكن اكتر لانو لما يكون معايا يكلمووه يستعجلوه ولكن زوجي يتحرج فمره جلست اتكلم معاه بوجه عام وقلتلو في المرتيبه الاولى في حياتي تجي انتا وبعدين كل مين حولي لسبب لانو كل اللي حولي عاشو حياتهم بالطول والعرض يمكن اختي لو سارتلها الفرصه تجلس مع خطيبها نص الوقت اللي باقضيه معاك ماكانت لا وكذلك كل اللي حوليني ففي نظري مو من العدل اني احرم نفسي لحظات قمة في الروعه عشان غيري خصوصا انو عاش حياتوو فانا انصحك بشي واحد ياسيدي حياتك انتا وزوجتك هيا الاهم سعادتكم هيا في المرتبه الاولىوربي يسعدك |
يالرجال انبسط بس ولا عليك من احد انا اقول 9 ساعات شويه
وبيني وبينك انت تعيش اسعد اللاحظات في حياتك فاستثمرها فراح يجي يوم تقولك زوجتك اقعد لو ساعه معي وانت تتهرب ههههههههههههههههههههههههههههه الله يوفقك وهنيك وتعيش حيات سعيده يارب |
اقتباس:
نعم الرأيي الصواب :22: ، لكن كن فطنا وانتبه إلى أوضاع الأسرة فإن كانت لديهم مناسبة أو بانتظار ضيوف وما إلى ذلك لاتطل مدة بقائك وامتفي بساعتين ثلاثة ، ربنا يجمعكم على خير سيدرا |
أخي الفاضل /
خلك ثقييييييييل............. ترى الأمور على بدايتها ، والله إذا عرفت نقاط ضعفك لتحكم فيك تحكم .... وبعدين اسمحلي تأخذ رأي أخواتك ليه؟ خذ رأي الرجال هم أفهم في بعض ، ترى إذا ما عدلت أمورك في هذه الفترة بعدين بتقول الزعيم قال : راحت عليك ... ويصير جهاز التحكم عن بعد عندها ،(( تسع ساعات كثيرة بالمرة )) وعلى ما قال المثل زد غباً تزدد حباً . الزعيم55 لي وجهة نظر عن نفس الموضوع على الرابط التالي : http://www.66n.com/forums/showthread...D2%C7%C6%DD%C9 |
والله انا كنت طالبة ثانوي في ايام ملكتي وكان خطيبي يجينا يوم الاربعاء من كل اسبوع من صلاة العشاء الاالساعة 12 بالليل بعدين ماما تحطله ساعة عند الباب ترن الساعة 12 يعني من غير مطرود وانكمل كلامنا على التلفون لصباح الخميس فوقتك طبيعي جدا مادام حابين بعض والجلسة خفيفة على قلوبكم وماعند احد فيكم شي مخبيه وجالس متكلف عشان ماينكشف --انبسطو واستانسو والله يديم عليكم السعادة والهنا مع تحيات الماسة الحساسة
|
9 ساعات كثيرة مره وممكن تطفش البنت او يكون عندها بعض الواجبات وانت تشغلها
4 ساعات كافية واحسها كثيرة بعد الله يهنيكم |
اقتباس:
كلامك عين العقل ياخوي جمر |
بارك الله لكما وبارك عليكما وجوع بينكما بخير
واغتنم هذه الايام ................ فأنها لحياهههههههههههههههههههههههههههه |
5 ساعات أجدها وقت كافي لاقصير ولاطويل
واذا شفت انك ماتلاوم تستحمل خلك من الكل .... هي زوجتك وانت حر فيها |
اهم شي في الموضوع كله ، ان اهل البنت يكون مش متضايقين منك ، اذا مو مضايقين ، عادي يااخي ، لانه انت كل اسبوعين تروح مره
ربنا يسعدك ويهني قلبك |
انا اعطيك رايي كبنت و مخطوبه "عاقدة قراني" من سنتين مثلك و احس بيكم,لا يهمك تلتقي بها لو كل يوم والله لن تشبع منك خطيبتك و حبيبتك,ارى 9 ساعات كل 15 يوم قليل ااكدلك انها تنتظر هذاك اليوم بكل شوق وانها لا تنام اليلة لقبلها,و لا تنسى احلى ايام العمر هي هذه الفترة اذا لا تضيع هذه الفرصة
االه ايهنيكم |
اضيف شيء نسيتهذ,هذه النصيحة بالطبع متعلقة بأهل البنت يكون مش متضايقين منك ، اذا مو مضايقين ,لانه كل عائلة واعتقاداتها و سيرة حياتها.
|
| الساعة الآن 09:49 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©