|
كيف يهتم فيني؟؟
السلام عليكم اعزائي الاخوه
بدخل في الموضوع على طول وبعيد عن اللف والدوران مشكلتي مع زوجي ،، احس انه مطنشني وايد .. لدرجة انه من الصبح الى الساعه 8 بالليل يتصل فيني مره وحده ومدة المكالمة اقل من دقيقة . مع العلم ان يتصل في ربعه واخوانه ويظل معاهم بالساعه .. اليوم كنت ابيه بشي ضروري وذاب التلفون وانا اتصل عليه ولمدة ساعه تلفونه مشغول ولما حصلته قال انه كان يسولف مع صديقه وميت في الضحك والعسل .. وآنا اذا كنت مشتاقه له او ابيه بشي يكلمني بكل جفاف ولا كأني زوجته يعني ماله خلق يكلمني مع اني حبوبه ومرحه وكلش مو نكديه واهو يشهد بهالشي .. بس هذا الموضوع ضايقني وايد شلون اتصرف |
الدعاء له بالهداية وان يكون بينكما مودة ورحمة
انشيء علاقة صداقة معه يعني مو بس زوجه تحياتي |
نسألكم الدعاء
وشكرا على النصيحه |
الله يهدي ويحنن قلبه عليك
ويبعد عنكم اولاد الحرام وبنات الحرام ويحفظكم من كل سوء ومكروه امين |
اختي الغالية حاولي بقدر الامكان انك تكسبية ووضحي لة بأنك تشتاقين لة ولسماع صوتة ادعو الله لة الهداية
امين |
جربي المسجات الرومانسية قبل الإتصال
يعني ترسليله مسج و بعد نصف ساعة مسج و بعدها كمان مسج بعدين تتصلي عليه بس إحذري لا يكون مشغول!! |
لا تنسين ...الريال يحب يجدد في كل شي..غيريله من شكلج ...اعمليله موفاجآت ما يتوقعها...الحركات الرومانسيه إلي تجذبه للبيت ..ارسيله مسج يذوبه ...قوليلها في شي ضروري ابا اراويك اياه بس انت محد غيرك.......الدعاء له بالهدايه...
هل انتي مقصره من ناحيته؟؟؟ |
والله ما في تقصير ما ناحيتي وهو ايضا يشهد بذلك
لكن احس انه يميل لأيام العزوبية ويحب يرجع حر طليق |
اصبري يا اختي وادعي ربنا يتغير حاله ويحبك والله يوفقكم لبعض ..كن مع الله ولا تبالي وكمان احكيله اشياء حلوه احكيله بس تروح بتقطع الكهربا عن البيت وبس تيجي بتنور البيت بعيونك ومن هالحكي الحلو.......
|
انا بصراحة جات فترة مليت من زوجتي وكانت تصرفاتي مثل تصرفات
زوجك المهم زوجتي طلعت اذكى منك قالت لي ابي اسافر عند اهلي لي فترة ما رحت عندهم المهم وهي عند اهلها طنشتني واشتقت لها ولحنانها وللاولاد وتحسن حالي معها في شئ مهم انتم النساء تهملوه تسكتوا عن حقوقكم ثم تتهمونا بالتقصير عليكي بمصارحة زوجك بانك بحاجة مشاعره اكثر من الحاجة الى الطعام والشراب اللي يوفرهم لكي وعاتبيه مو تصفقيه قولي له انت ما تقولي كلام حلو انا انسانة موجماد اذا انت ما اشبعت عواطفي من يقدر يشبعها غيرك يالحبيب والباقي عليكي ودمتي بخير |
آنا اقول له كل هالكلام واكثر بعد اخوي امرؤ الخير
لكن بمجرد افتح معاه هالموضوع يقلب لي الجو الى نكد يقول لي ما تبيني اطلع عنج ولا اروح مكان ولا اكلم غيرج كأني مسجون عندج مع اني بالعكس ما اسوي له هالحركات تصدق اني صرت عصبية وايد من كثر ما يقول لي جذي .. وآنا ما فيني هالاطباع ينرفزني بالرغم من اني احبه وايد |
اختي والله ما ادري شاقولج بس بدونزعل من اي احد انه دايما اقول ان الرياييل ما عندهم احساس
|
الموضوع هام لكل الزوجين بس وين الي يفهم
|
يا ليت نوصل لحل حق هالمشكله
لأني اعرف ان معظم المتزوجين يعانون منها |
|
حاولي ياختي تجذبينه
وحسسيه انك مهتمة فيه وكل مابين وقت واخر اتصلي فيه وليكن سبب اتصالك الاطمئنان فقط وربي يوفقك ويسعدك |
|
اختى الطيبة
الرجال الوان وانا نفس نوعيه زوجك اذا احسست بزوجتى تقترب اربع واحط رجل على رجل ولا سى السيد ولو اهمتنى يعنى حسيت بقله اهتمامها اجنن جربى بس بعد كدة ادعيلى وحولى بعد كدة شويه وشويه وبردوا بقلك اشغلى نفسك فى البيت فى الاولاد فى الاختراعات بمعنى اصح فى مملكتك فهو ليس كل الحياة وانما هو زوجك |
كل الرجال تحب ايام العزوبيه وعلى السيده الشاطره انها تنسيها له
يعنى قللى النكد شويه اسف فى التعبير وحسسيه انك جنبه بس زى النسيم وانه محور اهتمامك بلا خنق علشان كده بقولك الست الشاطره واعو له بالهدايه |
بدل مايذوب تلفونك
ذوبيه بكلامك الحلو لما تدقين عليه والله مابيقدر يسكر الخط |
مشكوووووووورين حبايب قلبي
والله اني نفذت كل الكلام اللي قلتوه والحمد لله احس انه نفع معه شويه بس يبي له بعد وقت شويه ويصير اوكي قولو بس ان شاء الله ما ترجع له سالفة المزاجية .. عشان ما يروح شغلي هدر |
الثقل صنعه .. عطيه كلتش والعين الحمرا وبينضبط معك ..
|
اذا ابتعد عنك
في البدايه طنشيه وبعدين شوي شوي قربي منه وغذا مانفع طنشيه لين يرجعلك أنا إن شفت زوجي نفسيته تعبانه أخليه مع نفسه شوي وانا اراقبه من بعيد مره جايبتله عصير ومره كيكه وبعدين اسولف واذا مانفع اطلع سويت اللي علي |
تسلمون يا قلبي
ادعو لي بس وانا اسوي نصايحكم |
السلام عليكم . . . في البداية ... أحترم جميع آراء المشاركين ... خصوصا من أشار عليكي بإنك "تطنشيه" ههههههههههههههههههههههههه . . . المهم ... أختي الكريمة ... أحب أو أوضع نقطة بسييييييييييييييييييطة للغاية، وهي أن العديد من الرجال (بما فيهم أنا) لا يملكون القدرة عن التعبير عن مشاعرهم .... أما للخجل أو الجهل أو الإحساس بالضعف أو أو أو ... يعنى مرات كثيرة تتصل زوجتي وأسكر معها التلفون في أقل من دقيقة ... وبعدها أعاتب نفسي وأقول كان المفروض أطول شوي ... بس شو أحكي لها ؟!؟!؟!؟ ما أعرف !! وقتها اكتشفت إنني أحبها ولكني أجهل كيف أوصل لها هذه المعلومة بالكلام ... حركاتي كلها تدل إنني أحبها ... (أقبلها، أضمها، أداعبها .... ) بس كلماتي معها في الحب نااااااااااااااااااااادرة .... . . . أعذريه أختي الزوجة ... وساعديه يحبك وربما يجهل لغة اللسان . . . الله يسعدكم ويوفقكم . . . والله المستعان |
كلامك سليم اخي فلسطيني
واتوقع انه كذلك فهو يجهل لغة اللسان ومبتدئ جدا في تعلم الرومانسيه |
الأمر بسيط ....تزوجيه من جديد ....
عودي أنت وهو للأيام الأولى من الزواج .... عودي ...إلى ...أمورك الفنية ..والذكية .... سيعود من جديد ... أنا متأكد |
زوجك مو طبيعي ولا في زوج
يترك زوجته ويحرمها من الكلمه الطيبه اكيد فيه او حد مسوي لكم عمل شوفي احد المشايخ يمكن يفيدك في هالشي |
الله يسعدكم ، ممكن متل ماقال الاخ فلسطيني يجهل لغةالحب ومابعرف يعبر برومانسية ، انتي بدورك حاولي تسحبي الكلام الناعم منه سحب ، علميه كيف يتغزل علميه كيف يحبك ويسمعك كلام حلو
ربنا يسهل امرك |
روعة رأفت
شلون اسحب الكلام الناعم منه سحب ؟؟ علميني مع اني وايد ناعمه وهو يعترف بهالشي بس بعد اهو جاف معاي وصعب ينطق بكلام الحب |
نفس المشكلة .... بس لاحظت التطنيش افضل علاج
|
نفس مشكلتك وذلك على ماأعتقد على حسب البيئة إلي تربوا فيها بس أحس إنو زوجي تحسن حاجة بسيطة جداً في هذه الأمور وإن شاء الله أكثر وذلك بفضل الدعاء
إدعي الله هو إلي قادر يغير محد هيقدر يسويلك شي سوى الله طبعاً مع الأخذ بلأسباب قومي في الليل وادعي ربك صدقيني مها تندمي وبعدين طنشيه فترات وان شاءالله يصيروا يهتموا فينا أزواجنا (إن شاء الله) تكتب بهذه الطريقة |
يمكن هو يفكر أن الرجولة هكذا
|
الله يهدي زوجك
حاولي لاتبينيله لهفتك عليه وطنشيه شوي مو كثير وأشغلي نفسك بأي شيء ثاني حتى يشعر بأهميتك يمكن انت راميه نفسك عليه بزياده وهذا رأيي والله يوفقك |
تسلمون يالغلا
وانا صج راميه نفسي عليه بس شلون اثقل ؟؟ ماعرف |
احلى ريم
حلو اسم ريم هههههههههههههههه انتي تبين تسوين حالك ثقل على زوجك أقولك وشولون البسي بيجامه حرير لونه وردي او فوشيا يعني الوان ملفته للنظر وضبطي شعرك والمكياج وانواع العطورات الخياليه والمركزة والابتسامات بس لا تكلمينه كثير يعني لا تقولين له(( ليه ما اسمع كلام حلو,, ليه انت تطنشني,, ليه انت كذا ,,,)) وخليك على هالحركات يوميا واذا حسيتي انه يبغى شي كذا والا كذا انتي فاهمه قصدي اعملي حالك مو فاهمه شي لحد مايتعب من نفسه ويبداء يتكلم صدقيني انا اتبعت هالاسلوب وتم النجاح والحمدلله |
هههههههههههههه
والله عجبتيني ريم خلاص ،، اوعدج اني اسويها من بكره راح اقول لج النتيجه تسلمين يالغلا |
تتطنيش بقوووووووووووه
|
اوووووووكي
|
اخيتي احلى ريم انا زوجي يتصرف معي مثل ما يتصرف زوجك معكي زوجي يسولف ساعات مع جماعته و عل كمبيوتر يقعد حتى صباح حترت شنو اسوي معا سلمت امري للبارى وضليت طول الوقت ساكته حتى هو مل و بدى يعدل تصرفاته معي
|
| الساعة الآن 10:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©