|
رومانسية
يسعد صباحكم ومسائكم جميعا..
انا عندي مشكلة يمكن تكون بسيطة في نظركم لكنها معذبتني ومطفشتني .. انا تملكت ( عقدت القران) من شهرين ومتفقة انا وزوجي والحمدلله .. :14: بتقولولي طيب وين المشكلة ؟؟؟ أقوللكم المشكلة ياجماعة في زوجي لنا شهرين متملكين وللحين ماسمعت منه كلمة حلوة ولا كلمة غزل يعني شاطر يرسللي مسجات لكن بالكلام مايتكلم وحتى لما يجي يشوفني الأخ مسوي فيها مؤدب مرررة حتى يدي مايلمسها الا لما يصافحني في بداية اللقاء .....(والله انقهر لما اقرأ عن البنات الي يشتكون من ازواجهم انهم في كل مقابلة احضان وتبويس وانا محرومة من هالشي) :( ااااااه بيذبحني والمشكلة اني رومنسية مررررررررة وطول عمري اتمنى اليوم الي بتملك فيه علشان اللحظات الحلوة الي بعيشها مع زوجي ...:25: المشكلة اني متأكدة انه يحبني وعارفة هو ليش يسوي كذا معي... لأنه خايف انه اذا قاللي كلام حلو الحين ماراح يصير له طعم بعد الزواج وكمان هو خجول شوي .......... لكني أحس ان مشاعري بدأ يصيبها الفتور بسبب هالموضوع.. و المشكلة اني مااقدر ابدا انا واقوله كلام حلو لأنه هو الرجال وهو الي لازم يبدأ .... أرجوكم ساعدوني كيف اخليه يقولي كلام حلو من غير مااصارحه لأني اخجل من مصارحته ... بانتظار ردودكم جزاكم الله خييير .. |
اصبحتى زوجتة امام الله والناس فمن المفروض ان يعطيكى كل ما تحتاجين من مشاعر واحاسيس وتبادلية ذلك ولكن من الممكن ان يكون هناك بعض الاستثناءات مثل الخجل او لسة ما اخدتوش على بعض بالقدر الكفاية او رهبة الوضع الجديد اللى اصبحتم فية وفى كل الحالات سيتطلب منكى الوضع بعض الصبر والتحمل حاولى التلميح لة عن نقطة المشاعر والاحاسيس او احكى لة بشكل عادى غير مفتعل عن صديقة لكى فى نفس ظروفك وكم هى تعانى من برود زوجها وتحفظة او صديقة لكى متزوجة وزوجها يمطرها بمعسول الكلام وكم هى سعيدة بهذا وفى كل الحالات مش لازم تبدائى وتتكلمى ولكن حاولى تشجيعة على الكلام حتى ولو بالنظرات ( اذا كان يفهم نظراتك ) او شى من هذا القبيل ,,,اتمنى ان اكون افدتك وما اطلت عليكى وربنا يوفقك ........ |
وهل يضمن بعد الزواج يمطرك بالكلام المعسول
قد يستمر على ما هو عليه ويكتفي بالنظرات أو عندما يذهب للعمل يبعث لكِ بالرسائل كما هو الحال الآن واعتقد فترة شهرين كافية جداً ليذوب وتنكسر حواجز الخجل بين المخطوبين شرعاً عليكِ بالتلميح بأي طريقة وبادري أنتِ ببعض الكلمات التي تحرك مشاعره وتدغدغها علّ أن ينحل لسانه وعقدته من الخوف أو الخجل تحياتي |
اصبري الصبر زين ..
لو كان جرئ كان قلتي ياناس الحقوني زوجي جررييييئ .. الأيام قادمة فلا تستعجلين ، وحاولي أنت بأسلوبك الخاص تطيحين الميانة .. وصدقيني اللحظات هذي طعمها بعد الزواج ألذ وأعمق .. موفقة |
طيب بادري انتي بكلمات بسيطه
مثل سلامــات ياعمري ليه تأخرت ؟ وخليها تكووون عفويه اكثر.. ..وانتي تستقبلينه هلابك عيوني والله اشتقنا لك انا وقلبي ....مادري انت مثلي ؟؟ بس مادري عن علاقتك معاه قوويه انا في نظري ان شهرين كاافيه انكم تقولون هالكلام واكثر بعد.. والله يـــــوفقك ونحظر عرسك.......:) |
مشكورين لكل الي ردوا علي ....
هايدي انا مااقدر اقول هالكلام الي انتي قلتيه والله كم مرة حاولت لكن ماترضى تطلع مني لأني اخجل منه المفروض هو الي يخليني اتجرأ على هالكلام ... على العموم والله حاولت لكن هالكلام مو راضي يطلع ... :29: وعلى فكرة انا شفته 6 مرات وباقي شهرين ونصف على الزواج وبشوفه مرة وحدة قبل الزواج بحكم انه ساكن في مدينة ثانية ونكلم بعض مرة وحدة يوميا قبل النوم ...... يعني مجموع المقابلات بتكون 7 ... :26: والله احيانا احس اني جالسة مع اخوي مو زوجي ........ :( بانتظار ردود اخرى وجزاكم الله كل خير.. |
الأخت قطرت مطر ...
اول شي الثقل في هذا الوقت زين ولزم يكون مؤدب زي ما تقولين وإن كان تبينه يكون جريئ لما تشوفينه انتى دلعيه بأسلوب مؤدب كله او كلمتيني وهو يبدأ يمكن اذا شافك تتكلمين يجوز له هل كلام ويبدأ معك وينطلق من لى هو فيه والله يوفقكم ويوفقني |
بادري وابداي انتِ ياأختي،فقد يكون زوجك خجول شوي زيادة او حساس، فسوف ترين راح تشوفين ما يخليك ولا لحظة :قبلات احضان كلام عسل ...:d تحياتي |
مشكورين اخواني الوحيد - naceurha بحاول اطبق كلامكم ( اذا قدرت ):o
بانتظار ردود باقي الاعضاء.... :rolleyes: |
السلام عليكم
لاتشيلين هم انا الحين مملكه وصار لي 8اشهر ولله الحمد وما بداء يتكلم معاي كلام حلو وغزل واحضان وبوسات الا بعد الملكه بثلاث اشهر تقريبا انتي حاولي تبينين له انك رومانسيه وتمغنجي ادا صار عندكم تفنني في نظراتك وفي حركات يدك والعبي في شعرك وعاد ان شاء الله يفهم الله يوفقك :14: |
اقتباس:
نعم ليس هناك أجمل ولا أعذب ولا أرق من تلك اللقاءات التي تجمع بين العاشقين عقب الملكة ولكن في ظروف كظروفكما انصحك بالصبر فلم يبق الكثير وإلا فبادري في نظري أرى أن الكلمات أصعب من الحركات فبادري لمسات بسيطة لا تتركي يده طوال فترة مكوثه بجانبك اجلسي بقربه بل ( ملاصقة ) له شدي على يده امسحي على وجهه خده أذنيه اسمعيه أنفاسك لا أظن أنه عقب كل هذا سيصمد !! *** ومباااااااااااارك زواجكما |
اقتباس:
اختي قطرة مطر2 مبروووك اولا :14: . :) . و انا مع الاخت عبير ومع الاخ naceurha :22:. الله يسعدك يا رب :) اختك دلع. |
اختي نورة مشكورة على النصيحة لكن والله ماقصرت تمغنجت ولعبت بشعري الين ماقلت بس ومافي فايدة..:19:
عبير الاحلام مشكورة على النصيحة والله يبارك فيك لكنها جريئة شششششوي يعني صعبة اني امسك ايده قبل مايمسك ايدي وصعبة اني المس وجهه استحيييييي :o وغير هذا وذاك احنا مانجلس جنب بعض يعني نجلس على كنبتين منفردتين في زاوية المجلس وهو دايما يجلس على هالكنبة مررررررررة قاهرني ..... :16: اختي دلع مشكورة على المرور والله يبارك فيك... |
الظاهر انك متزوجة جماد او تضحكين علينا
لو كنت مكانه وحده من الثنتين يا قدم الزواج شهرين ولا اعملها من اول غنجه على العموم اصبري وتشوفين خير ان شاء الله لانه حيكون خصان شرس بعد شهرين |
ياقطر الندى
انا احس زوجك رجااااااال بمعنى الكلمه لانه شكله رزه ماشاء الله وترى في رجال مايحبون ذي الحركات اذا كان زوجك من ذا النوع لازم تعودينه عليها امكن انا اقول امكن انه مخبي احساسه ومشاعره بعد الزواج هانت بس لازم تعرفين نوعيه زوجك |
ياستي انا قعدت شهور موشهرين وهو مسوي ثقيل وكان يقول لي امي تقول لي اثقل .
الى ان صار ثقيل ماينطاق. |
سيف البحر الله يسامحك والله اني صادقة في كل كلمة وماضحكت عليكم بشي...
عسولة .. زوجي من جهة رجال ورزة رجال ورزة مليون مرة الله يحفظه لي ;) ... ومثل ماتقولين مخبي مشاعره لبعد الزواج لكن انا ماني قادرة اصبر لبعد الزواج يعني يعطيني لو جزء بسيط من مشاعره على الاقل ... اجمل احساس الله يعينك ومشكوره على المشاركة ... مشكورررين جميعا على المرور وبانتظار المزيد من الحلول .. |
حراااااااااااااااااااااااام عليك...:(
لا تضيعين أيام الملكة الحلوة ..ترى بتندمين كثير وزوجك من النوع الثقيل بس من جوة يتقطع موووت على أنه يحضنك ويقبلك ويلمس يدينك!! لا يغرك شكله الخارجي انه رزه!!هو رجل والرجل بطبعه ميال للنساء فكيف الى الحبيبة!! والله صدق لاتنسين أنه رجل ...والبنت الي أمامه جالسة حلاله وده يسوي فيها اللي يبي.. أنا زوجي كل اللي يشوفونه يقولون شخصية وهيبة و في فترة الملكة وأول لقاء لي معاه بعد محادثات الجوال وبعد ما فضي لنا الجو أعطاني أول قبلة على خدي وعلى طول أبعدته عني قليلاً ..أستحيت مرة وبغيت أموت ولما شافني ذقت القبلة لأول مرة في حياتي عجبه تمنعي وعجبه كثير أني أستحيت من قلب والخدود أحمرت غير الدم اللي شوي ويطلع من جسمي من كثر الخوف وأمسكني من كتفي ووجهي وهلم جرى.. سيل من القبلات الحارة والكثيرة وبعدها على طول طلع من عندي وركب للسيارة ورجع لبيته عشان لما خلص من قبلاته لم يرد أن يواجهني خايف أني أتذمر وأنا والله مبسوطة موووووت وودي كمان زيادة وكان ودي أنه يجلس معي ساعة ثانية.. ولما رجع لبيته أرسلي رسالة وقالي فيها طعم خدودك على شفايفي لين ذحين أتذوقه من زمان كنت اتمنى أني أقبلك وأضمك لأنك حينما أحادثك بالجوال تاكلين عقلي وأذوب وودي أمارس معك لحظات الحب البريئة.. والله أنها أيام تجنن كل شيء فيها له طعم غير!! القبلة الضم الجلوس في الحضن له طعم غير!! مداعبة الشعر والوجه وحتى ملاصقة الخدود كله له طعم غير وخاص وأنا الحين متزوجة وأعترفلك ان طعمها في الملكة غير وجناااان عندي لك فكرة جهنمية وحلوة: أرسلي له رسالة على الجوال وقولي فيها "يقولون أن أيام الملكة أحلى أيام العمر" وكمان"صديقتي كانت تحكيني عن خطيبها أنه كان دايم ماسك يدها وأنه ما يحب يجلس على الكنبة لوحدها كان يحشر نفسه في الجلوس معها في كنبة واحدة" أرسليله" حينما أراك جالس أمامي أتمنى أن أقترب منك للأشعر بأمانك" أرسليله"أتعب في التفكير فيك كثيراً وأشتاق ألى لمسة حب منك" أرسليله"كم أتشوق الى لمسة حنان منك " أرسليله"كم أتمنى أن أذوق طعم الحب معك" شوفي يا أختي الفاضلة قطرة مطر2 أرسليله رسايل من جوالك من اليوم الصباح ..ماعاد عندك حجة أذا مستحية تقوليله كلام .. أرسليله رسايل مبهمه غامضة بعض الشيء وأرسلي أخرى واضحة بالنسبة له حتى تشعلي في نفسه وقلبه حب الفضول لديه وليعلم ماذا تريدين... مستحيل في أي مكان في العالم...حبيبة تلمح لحبيبها أنها تتمنى أنه يقبلها ويسوي لها حركات ولا يفعل!!؟؟ مستحييييييل!! لأنه سيعلم الحب الذي تكنينه في قلبكِ له!! لأنه سيعلم أنك محتاجه له!! محتاجه للحظات جميلة تريد أن تعيشيها أنت وهو ولا أحد سواكم !! سيعلم انكِ محتاجة لدفء حنانه من خلال حضن حب وضمة شوق!! سيعلم أنكِ محتاجة لتذوق قبلة الحب وأن قلبكِ يتفطر عليها!! سوي اللي قلته لك بالحرف و لاتردين علي وتقوليلي ماأقدر!! بزعل منك بجد وبتحطميني!!:19: :16: أنا لو أعرف مكانك ومكان خطيبك لجمعتكما في غرفة واحدة وأقفلت عليكم الباب ومعي المفتاح وما تخرجون الا وخطيبك سوى لكِ اللي تبينه.. أنتظر الرد منك أختي قطرة مطر2..وأعيد وأكرر لاتضيعين الأيام الحلوة والله وناسة... تحياتي |
امم الله يعينك ياعسل وانا واللهي حاسه فيكي واكتر شي انك قاعده مع اخوكي دي كتري منها
انا زيك بس الفرق اني مخطوبه من سنه وعاقده قراني من 3 اشهر واللي الان اخوان ياربي لك الحمد بس يارب زوجك مايكون زي زوجي لاني زوجي يكره الرومنسيه ربي يعينك ياقمر |
هو في قلبي ... كلامك روووووووووووعة ونصائحك اروع تسلمين ياقلبي على النصائح وبطبقها من الصباح ان شاء الله مشكوووووووووووووووووورة عزيزتي ......
جوجو ... الله يوفقك حبيبتي ويهدي زوجك وزوجي ويسووون الي نتمنى ... من ناحية الرومنسية زوجي يقول انه رومنسي لكن للحين ماشفت شي من هالرومنسية الي يقول عنها ... |
السلام عليكم
اعتقد لازم تصارحينه و تقولين له الي في بالج لان انا عن تجربتي صار لي سنتين متزوجة عندي نفس المشكله كنت اقول يمكن بعد الزواج ولا في فايدة ضروري المصارحة يا اختي وبعدين عندي ملاحظة .. لا تتوقعين الي تسمعينة من البنات هو نفسه لازم تشوفينه من زوجج .. كل واحد له طبعه الخاص اهم شي ان الحب موجود و خلج واقعية.. و عسى الله يهنيكم :) |
اقتباس:
هههههههههه حبيبتي هو في قلبي افكارك خطيرة مره ;) . كيفك يا عسل :) .والله تجنني :17: الله يسعدك. اختي قطرة مطر2 اسمعي كلامها وراح تكوني كده :22: . تحياتي :17: اختك دلع. |
مشكووووووووووووورة ياأختِ الفاضلة dala3dalal
أنتِ وراي ..وراي....ماتبطلين حركات....:d أمزح....:) الله يسعدك ويوفقك ويعطيك اللي تبين.. وخليكِ معي متعاونة على قطرة مطر2.....:25: :d تحياتي للجميع |
شوو أخبار العــروس ؟؟
قطــرة مطــر .. طيحتي الرجــال ولا لسه ؟؟ *** |
لاتحاتين حبيبتي في اشخاص يكتمون احساسهم لي بعد الزواج
بس انتي حاولي معه بطريقه حلوة وكلام حلو والله يوفقكم يارب |
والله انا احسد تعرفي انه متل زوجك انقرض في هذا الزمان.......انا مخطوبة بس ولسه ما عقدت القران وخطيبي قهرني بكلماته واتمنى لو يمر يوم وما يحكي معي من غير ما يطرق لكلماته انا بدي اسمعها منه لما اكون في بيته ومين عارف بكرة مخبي لك ايه مو يمكن انت اللي تصير ادلعيه ........بالنسبة لي ما لازم يكون خجل بيناتكم هو زوجك .......بادري انت يمكن يكون خايف من ردة فعلك لو تكون سلبية معك وبعدها يقول يا ريتني ما اتسرعت يلزمك تبادري انت وانسينا من انه هو الرجل وهو اللي لازم يتكلم ....ادا كنت تخجلي من النظر في وجهه اتصلي بيه وخبريه على الموبايل وادعي لي ربنا يهدي الوالد علي ويوافق على المالكة والف مبروك والله يسعدك وهنييك يا رب اختك في الله عابرة سبيل
|
ابشركم اليوم ارسلتله مسج الصباح وقلتله : فلان ليش دايما احسك رسمي معي ومااحس انك زوجي الا بالرسايل ؟؟
ورد علي بمسج يسألني من اي ناحية هو رسمي ومتى كان رسمي معي ؟ (( المسكين استغرب وحس انه مسوي شي غلط )) :24: المهم قلتله انت غالبا رسمي معي واحس اننا متزوجين بالمراسلة ... وبالاخذ والرد فهم وش قصدي واتصل فيني على طول وقاللي انه كان خايف يسمعني كلام حلو بس كان يخاف من ردة فعلي لأني خجوووولة مرررة بس انا فهمته ان خجلي هذا طبيعي وشي غصب عني .... وسمعني كلام حلو والله يابنات بغيت اسكر الخط بوجهه استحييييت مررررررة ;) وبنهاية المكالمة عطاني بوسة :o عاد انا سكرت من هنا وجلست ابكي من الفرحة .... BomBo... مشكورة على النصيحة وهذا الي سويته اليوم ... هو في قلبي.... والله ماادري كيف اشكرك الله يوفقك يارب ويسعدك ويخليلك زوجك ويعطيك كل ماتتمنين.. وعلى فكرة توقيعك حلو ومرررررررة يضحك وبنفس الوقت له معنى.. عزيزتي دلع ... والله انك صادقة سمعت كلامها ومشي الحال مشكووورة ياقلبي .. عبير الاحلام....... اكتشفت اني مطيحته من زماااااااااااااان بس المسكين كان خايف من ردة فعلي بس الحمدلله انحلت المشكلة.. لمسات ناعمة.... مشكورة على المشاركة والحمدلله كل شي صار تمام ... |
اخت وجدان (عابرة سبيل) مشكورة على نصيحتك والحمدلله صارحته وكل شي تمام والله يهديلك الوالد ويملكك اليوم قبل بكرا يااااااااااااااااارب....
|
الحمد لله ..أنا مرررررررررة فرحانة...
الحمد لله كلامي جاب نتيجة..كنت أخاف أنك ماترسلين له رسالة!! بس طلعتي شاطرة!! والله لوما أرسلتي لكان رحت لبيتك وسويت لكِ كذا :29: وكمان كذا:16: ومن العصر وأنا أنتظر منك الرد بس النتيجة حلوة..:22: :17: :22: :17: ولسه ماشفتي شيء.... لما يجي يزورك بتشوفين البلاوي صدق!!:23: بالتوفيق تحياتي...:d |
اقتباس:
قطرة مطر2 :) شفتي شفتي كلامها كل كده :22: . |
آآآآآآه مشكلتك عكس مشكلتي180 درجه ,للي سبق و اعرضتها,ما عندي وش اقولك الله معك, و الله يقرب زواجنا و نزف لازواجنا ,وننتهي من هذه المشاكل"ان صح التعبير" عليك بالصبر لانه لما بيتسرح يااااا ويلك من الخجل اللي حيصيبك "بيني و بينك اتمنى لو ترجعلي هذيك الايام"
الله يصلح احوالنا و يثبتنا على طاعته |
| الساعة الآن 10:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©