|
مشكلة اختي ،،،زوجها يخونها في بيتها وهي موجودة فيه،،
يا اخواني ساعدوني موب عارفة شو أسوي من تزوجت وانا ماشفت الخير عندي ولدين بنت وولد وساكنه في بيت اجار وانا اشتغل معلمة لي كرامتي وسمعتي بين الناس تزوجت من اربع سنوات وزوجي كل يوم يخوني مع حد حتي مع الشغالة اللي تيلس مع عيالي وقت ما اكون في الدوام وتكرر معي هذا مع 6 شغالات يبتهم ييلسون وي اعيالي في اثناء دوامي حتى لما اكون موجودة في البيت وحتي لما اكون قاعدة اصلي يستغل هذا الوقت في التحرش بالشغالة وتكرر هذا معي مع الست اللي يبتهم كل هذا موب تقليل قدري جدام الشغلات مع العلم اني مضطرة اني ايبهم عشان ماي حد اخليهم عنده ... موب بس هذا له وبعد ياخد موبايلي وياخذ منه الارقام ويتصل في اللي يبي ويتكلم مع اربيعاتي شو اشوي يقهرني من كل صوب وبعد يسهر واي اخر الليل موب عارف عن عيالة شي ابد موب عارف البيت يحتاج شي ولا لا مع العلم اني والله العظيم موب امقصره عليه بشي كل املاكي باسمه ....ساعدوني ياجماعة الخير ساعدوني
|
لاحول ولاقوةالا بالله ...
اهنئك على صبرك طوال هذه المده.. هناك خلل اخلاقي كبير في زوجك ... ضعف الوازع الديني وربما لديه رفقه سيئه تعينه وتحسن له المنكر .. قد يكون الحل هنا بيد مرشد اجتماعي ذو خبره ... http://quran.al-islam.com/GenGifImag...0,5,6,7,8,.png |
مشكوره ويزاج الله خير ،،ياريما
|
الله يهديه ويصبرك
|
الله معك اختي. الدعاء . ادعيلو ربنا يهديه . الله يصبرك
|
الغلط منك مب منه ... لما اهو كذا ابعدي عنه, وبما إنك تشتغلين ومب محتاجه أي شي منه وعندك أملاك إتركيه ...
يخونك مع شغالاااااااااااااااااااااااااااااااااااااات!!!!! هذا مب رجاااااااااااااااااااااااااااااااااااااااااااااااا ال هذا زي استغفر الله....................... أبيك تجاوبين على سؤال فقط... هل زوجك يصلي؟ اذا ما يصلي يعني الخير ما يعرف قلبه..ووجوده زي عدمه.. وين كرامتك؟؟ |
لا حول و لا قوة الا بالله
ربنا يصبرك و يهديه اااااااامين اوصيكى بالدعاءو خصوصا فى الثلث الاخير من الليل و شوفى لو فى حد من اهله عاقل تقدرى تكلميه و هو يكلمه الله معك اختك فى الله ام محمد ارجوكم لا تنسونى فى دعائكم بظهر الغيب فانا فى اشدالحاجه اليه |
يا اختي ما تجيبي شغلات على البيت نهائيا وديهم عند احد من قرايبك او اي حد تثقي فيه واعطيه فلوس والله الغلات ما عليهم امان اما بالنسبه لربيعاتك فحطي انت عند حدو انا لو مكانك اخلي عيشتو نكد وخلي يشك فيكي علشان ينشغل فيكي بس ما تعملي شي غلط يعني خبصي بالحكي معاه والله يوفقك والله يهديلك زوجك
|
الله يعينك ويصبرك وادعي له بالهدايه
|
لاحول ولاقوةالا بالله ...
|
|
اتوقع والله اعلم ان زوجك يعاني من فساد اخلاقي كبير او التربيه الى تربى عليها ماهوتلك التربيه ..
اذا هو يخونك في وضح النهار وش تتوقعين منه فى انصاف الليالي ؟؟ مادام انك قادره على النصيحه وانت ماشاء الله صبرك كبير كرري النصيحه اكثر من مررررره واذا ماتعدل زوجك بعد كل هذا فماهو قد المسئوليه ولا هو كفو زواج!!!! |
الله يعينج يارب
والله مااعيش معاه ولالحظه اذا ينام مع خداااااااااااااااامات؟؟؟ مايندرا الامراض الي فيهم شنو استغفر الله الله يهديه يارب ويعينج ولا تييبين خدامات حطيهم بحضانه بأي شي اخذي اجازه فتره لين يتأدب |
افعلي مثل مافعلت تلك المرأة التي دخلت البيت ووجدت زوجها على فراشها مع الخادمة ..ولكنه لم يرها ..ماذا فعلت ..لم تبين له انها تعلم
وفي اليوم الثاني وزوجها لم يكن في البيت سفرت الخادمة وعندما جاء زوجها وسألها عنها قالت ان وزارة الصحة ( لااعلم بالضبط ..المهم انها جهة مسؤؤلة عن امراض الخدم ) ..انها اتصلت بها اليوم واخبرتها ان الخادمة مصابة بالإيدز ..فذهل زوجها وتغيرت ملامح وجهه ..المهم انه اصبح يصلي ويستغفر وتاب بعد ذلك لأنه خشي على نفسه من المرض .. او قولي له ان احدى الخادمات السابقات اتصلت وقالت انها مصابة بالإيدز وانها اعترفت بعلاقتها مع زوجك وقالت انه هو السبب وقد يكون مصابا .. لعله يتعظ ويخاف من المرض ..اما اذا لم يتغير فاطلبي الطلاق اوهدديه بالخلع واجعلي حسابك باسمك ..فهذا لايستحق العيش معه فقد ينقل لكم الأمراض لاسمح الله ويفسد ابنائك بأخلاقه .. اسأل الله الحي القيوم ان يهدي زوجك ويعوضك خيرا ..واكثري من قول ..اللهم اجرني في مصيبتي واخلف لي خيرا منها |
الله يعينك ويصبرك
زوجك يحتاج وقفه حازمه منك حتى يتأدب |
الزوج هذا مريض نفسي ويحتاج لعلاج فوري قبل ان ينقل لك الامراض
والله يهديه ويصبرك |
| الساعة الآن 03:32 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©