|
ملييييييت من زوجي.......
السلام عليكم ورحمة الله وبركاته
ماادري من وين ابدا لكن المشكلة مع زوجي ....تزوجته من6سنوات والى الان ماالاقيه الاوقت الفرح اما وقت المرض او الجد ماالاقيه جنبي ......والشهر اللي طاف كنت من بدايته الى نهايته وانا مريضه انا وعيالي وكل ما اطلبه للطبيب يقول مايملى عينك وديتك امس ......خلي السايق يوديك واذا مرض يشره علي اذا ماكنت عنده ....يمكن انا عودته على هذا بس هو بعد ماعنده مبادرات ......واذا شرهت عليه دخلت متاهات انا في غنى عنها ......المشكله انا في الكويت ماعندي احد اروح له لان اهلي في دولة ثانيه .. يعني طوال الاسبوع وجهي بوجهه ...والله العظيم مليت منه .....بس الاجازات اروح لاهلي ....... مواعيد المستشفى اقعد بالاسابيع اطالبه يسويها والى الان ماراجع فيها ...ومراجعات اهله وحتى خدمهم عنده استعداد يسويها ......ماانسى موقف عيد رمضان ابي اروح لاهلي قال ماعندي فلوس نسافر وثاني ايام العيد حجز لعيال خواته تذاكر لمسرحيه ب90دينار .....الصراحه زوجي يحب المدح بشكل فظيع يبي يطلع احسن من ازواج خواته ....يعني محور حياته المدح ....والله العظيم مليت منه ...المشكله ان خواته يشكون من ازواجهم وهو طبعا يمدح نفسه على ان معاملته زينه معي ... بس في مواقف كثيرة اذا كنا بروحنا يقول احمدي ربج انني اعاملج احسن من اكثر الازواج .......... حتى الحياة الجنسيه اذا ماجيته ولبست له عنده استعداد لو3 اسابيع واذا سالته قال ماابي اضغط عليج مع انه يقدم لعب كرة القدم على هذا الشي لانه يحب الرياضة ويلعب 4 ايام في الاسبوع وهذي الايام يرجع تعبان حييييل ...مليييييت وبس ادعو لي وانصحوني ...... |
الله ايكون في عونك .
والله لو عامل احد بنتي بهذه المعاملة لطلقتها منه طوعا او كرها. |
الله يصبرك ياأختي
بصراحة المرأة لم تحس انو زوجها مومهتم فيها بالذات في مرضها يأثر على نفسيتها مره..ز مالك الا الصبر والدعاء وحاولي تتفاهمي معاه .. اللهم اني أسألك أن تغير حال زوج ورد الجوري الى أحسن حال .. آمين آمين آمين |
ما دام محور حياته المدح ،،، ليش ما تمدحيه أكثر مما يمدحه الآخرون . وبذلك تكسبيه
وعشان ترتاحين وتريحين زوجك ، خذي كل أعذاره مأخذ الجد ، يعني قدمي حسن النية ،، الله يوفقك |
اقتباس:
كلام عين العقل والله يهدي زوجك ويهديكي ويبقى زوجك أحسن واااايد عن غيره من الأزواج |
أختي العزيزة
مع تعاطفي الشديد لتفاصيل تجربتك..إلا أنني أختلف مع الزملاء ... ستة سنوات من العشرة رصيد مو سهل أبدا...واكيد تولدت عشرة وود...وجزء من تراحم ستة سنوات كافية لتحليل شخصية زوجك ومن ثم محاولة إعادة صياغتها بما يحقق حد أدني من التفاهم بمعني... من خلال معرفتك لشخصية...أستغلي نقاط معينة فيها لمحاولة تغيير نمط تفكيره الي جوانب أكثر إئجابية وتحبيبه في اشياء تحقق لك انت حد ادني من الراحة ...فكرية...عاطفية..او جسدية. |
اللهم اني أسألك أن تغير حال زوج ورد الجوري الى أحسن حال ..
آمين آمين آمين |
اي والله صادقين ان كان يحب المدح لهالدرجه
مدحي فيه حتى لو جاب غرض صغير للبيت خلليه كأنه جايب خروف فيه ناس كذا تحب اتفخم حالها وتحب الناس يفخموهم وحتى لين سوا شي لاهله برضو امدحيه مثلا يوم يشتري لقرايبه التذاكر اتقوليله مثلا الله يعطيك العافيه وين يلاقون خال مثلك حبوب وحنون وكريم ياالله اشقد محظوظين:d ادهني سره بالمدح ويارب ايسخره لك |
الله يعينك؟
ولكن ما قدرتي تفهمي زوجك كل هالسنين وبعدين حاولي تتكلمي معه وتفهمينه خطاء ولكن باسلوب لبق وان عجزتي كلمي اهلك هذا والله يحفظك وتقبلي تحياتي/ العجمـــي |
أختنا الفاضله
أدعي لزوجك أن يهديه الله عز وجل وأحيطك علمآ بأن الكلمات الطيبه بين الأزواج صدقه ولكن دون نفاق ... دون نفاق أي أمدحي زوجك بما هو فيه ولاتمدحيه بما ليس فيه .. أحترسي أللهم أهدي زوج أختنا وبارك لها فيه |
بعد الصلاه والدعاءوالاستغفار
امدحيييييييييييييييييييه عندنا مثل يقول الرجال بالمدح والمره باللدح = ان الرجل تكسبينه بالمدح والمرأه بالضرب لو ماسمعت الكلام وهذا الحاصل حاولي تمدحينه دايم وبكل شي (حتى بعلاقتكم الخاصه) بالذات عند اهلك وحاولي انه يسمع يعني يدخل من برا وانتي تكلمين احد وسمعيه انك تمدحينه وسوي نفسك انك تكملين موضوع مو انك قلتي كذا عشان شفتيه الله يعينك عليه |
ليه ما تكلمي خواته أو تحاولين توصلين بعض فعايله لهم بطرق غير مباشرة يمكن ينصحوه
مش معقوله 6 سنوات ما قدرتي تغيريه في أسلوبه وطرق تفكيره او كلمي أهلك أو روحي عندهم فترة يمكن يشتاق لك أكثر |
اقتباس:
|
اقتباس:
|
اولا اشكر كل من ساهم ورد على مشكلتي واشكر كل من دعا لي
المشكله يااخواني اخواتي اني 6سنين وانا احاول امدح فيه لكن الانسان تجيه حالات يقول ليش انا اللي دايم اعطي ليش اضغط على نفسي صدقوني مو من كيفي هذا التفكير لكن غصب .....تعبت ولالقيته جنبي اروح امدحه ليييييش ؟؟؟؟ وبعدين والله مااكذب عليكم ادري اني اقدر ااثر عليه بحكم الحب والعشره لكن هذا الموضوع من 6 سنوات اذا تزاعلت معه يجي يراضيني لكن يقول انتي تكبرين الامور يعني مالي حق في الزعل واذا جادلته يزعل وتكبر السالفه واذا حاولت افهمه ادش معاه متاهات مااقدر احلها فالاقي نفسي اتغاضى عن حقي في الاهتمام علشان بس تمشي الحياة .....يعني مايهتم فيني والحين اقول له ابي اروح لاهلي اخوي بيسوي عمليه خطيرة وابي اروح اشوفه ويقول ليش اروح علشانج لو امي تبي عادي ؟؟؟؟؟؟؟؟؟واما بالنسبه للتذاكر انا مدحته طبعا!!!!!!!!!!!!!!!!!!!!!!! لكن مهما كان ماانساها لاني وقتها مدحته بس الى الان حااااااقده عليه ؟؟؟ مااقول الا الله يكتبلي اللي فيه خير لان هذي المشكله متاصله في تربيته لانه يتيم ولايعرف شلون يتعامل الزوج مع زوجته ....اتوقع هذا عذر من الاعذار اللي حطيتها له لكن الصراحه الصفه هذي قعدت اعدل فيه 6 سنوات وماقدرت الله يعيني |
| الساعة الآن 04:14 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©