|
الدراسة أم الزواج ؟
السلام عليكم ورحمة الله وبركاته اولا احب اقول لكل الناس اللي في المنتدى ساعدو غيرهم في حل مشكلاتهم يعطيكم العافيه وجزاكم الله خير هذي اول مشاركه لي بس حبيت اطرح مشكلتي وياليت تساعدوني واشوف رايكم في الموضوع انه بنت في ال 18 من عمري توني مخلصة الثنويه وتقدم لي شاب من الاهل وفي ديره ثانيه في الخليج اهوه شاب الحمدالله محترم وخلووق ومتديين وطيب وكنت ناويه ادرس في الخارج وسجلت وقبلوني وتقريبا باقيلي كم شهر واسافر بس اللي تقدم لي مايبيني ادرس في الخارج معارض الفكره فهل اكمل دراستي بالخارج ولا اتقبل الشخص اللي يانييي واتزوجه وبعدين اكمل دراستي في ديرته؟ واهوه مثل ماقلت شاب زين وصعب ارفضه بسهوله من جذي مسبب لي مشكله! وعلما بأن اهلي معطيني حرية الخيار يقولون لي هذي قرارج وانتي حره فيه وسؤال ثاني اذا سمحتوو للبنات المتزوجات هل الدراسه بعد الزواج متعبه فعلا؟ وممكن ان الوحده تكنسل الدراسه بالمره يعني ماتاخذ الشهاده الجامعيه وتقول خلاص انه متزوجه مايحتاي اكمل ؟! فيدوني وساعدوني جزاكم الله خير انه وايد محتااره |
زوجتي تدرس في الجامعة لا يوجد أي تعارض مع الزواج والدراسه مع العلم أننا في بيت مستقل
|
نصيحتي لك تزوجي وسجلي في جامعة زوجك وادرسه وافهميه حتى تنجحي معه
بصراحه كثير من البنات رفضو الزواج علشان الدراسه والحين معنسات نصيحتي لك المرأه مكانها الحقيقي في بيتها ولكن هذا لا يمنع أن يكون لها نشاط في مجتمعها ولكن ليس على حساب بيتها كما يفعل الكثير من البنات والله اعلم |
نصيحتي إذا اللي متقدم لك ماينرد تزوجي وكملي والدراسه مارح تكون صعبه إذا عندك إصرار وإذا هو متفهم وموافق واستخيري قبل كل شي والله يوفقك ويكتب لك اللي فيه الخير.....
|
نصيحتي إذا اللي متقدم لك ماينرد تزوجي وكملي والدراسه مارح تكون صعبه إذا عندك إصرار وإذا هو متفهم وموافق واستخيري قبل كل شي والله يوفقك ويكتب لك اللي فيه الخير.....
كلام اختي دودي الحلوة عين الصواب |
تزوجي من هالشخص وسجلي بالجامعة بالمدينة اللي عايش فيها
وبالعكس الزواج عمره مايعطلك بدراستك اذا وفقت بين هالشيئن واعطيتي كل شي حقه لكن بنسب بان بيتك له النسبة الاكبر اتمنى لك التوفيق بحياتك الزوجية والدراسية لاتضيعين زواجك بحكم الدراسة صدقني راح تكونين قادرة على اثنتين بوقت واحد دمتي لنا |
انصحك تنتظرين على الاقل تاخذين سنتين من الدراسه عشان مايبقى عليك الكثير بعد الزواج
اما اذا مستعجلين على الزواج فالله يوفقك وكملي دراستك عنده مو بمكان ثاني اما عن الزواج والدراسه متعبه ام لا على حسب الشخص فيه ناس مجتهده ومع التشجيع تبدع وناس تدور للعذر انتي اعرف بنفسك اذا متعبه ام لا لكن لاترفضين الزواج نهائيا عشان الدراسه بعدين تدورين للعريس ماتلاقينه الله يوفقك |
أخيتي الغالية
إن كانت هناك جامعة قريبة في مدينة الشخص المتقدم لخطبتك فهي أفضل بكثير من الدراسة بالخارج على أن تتأكدي من تلك الجامعة وتشارطي هذا الشاب بإكمال تعليمك وليكون شرط واضح وصريح وغير قابل للنقاش بينك وبينه ومن ثم موضوع إكمال الدراسة بعد الزواج فبالإمكان ان تكملي تعليمك وأنت متزوجة ، هذا يقف على صدق نيتك في الدراسة فلا شيء يقف حائل بينك وبين أمنتيك بل بذلك يكون هناك تحد وهدف سامي تحققينه في مسيرتك الدنيوية والموفقة بإذن الله هذا والله ولي التوفيق أختك سيدرا |
* الزواج هو امر اساسي والدراسه امر يكون تحت الزواج
* فأنا انصحت بالزواج وتكملة الدراسه * وفقكي الله لما يحبه ويرضاه |
اعتقد ان الجمع بين الزواج والدراسة افضل لك بعد زواجك بإمكانك ان تكملي الدراسة
لي احدى القريبات متزوجة وهي الان سنة ثانية جامعة مع العلم ان لديها بنتان ولكن الترتيب في كل شي يجعله بسيط نصيحتي لك الزواج الزوراج الزواج وكما تقولين انه رجل ذودين واخلاق فسيعينك على الدراسة وفقك الله لكل ما هو خير لا تنسونا من الدعاء |
تسلمووون اخواني وماتقصرون وجزاكم لله خير على ردودكم وطبعا معظمكم او كلكم نصحتوني بالزواج ومادري هذي اللي افكر فيه انه بعد لان بيني وبين نفسي انه اقول ان اي وحده ممكن انها تدرس وتحصل شهاده وتشتغل بس مو اي وحده تقدر تحصل شخص طيب يتقدم لهه والحمدالله رب العالمين رغم صغر سني على الزواج بس يالله هذي فرصه وماعتقد ان لازم اخسرها اشكركم اخوااني على نصايحكم ومساعدتكم لي وربي يوفق الجميع ان شاءالله |
اتزوجي وكملى دراستك بس ترى الا يخليكي تكسلي في الدراسة الخلفة حاولى تاخذي مانع او اي شيء من موانع الحمل علشان تكملى بعدين خليفى كل سنة طفل وربي يوفقك
|
اختي انصحك بنصيحه صدقيني بتفيدك
الزواج كله مسؤليات وماراح مهما كان توفقين بين الدراسه او الزواج انا اقول اختاري بين الاثنين وبما انك لسى صغيره افضل لك تدرسين وتخلصين ولما تتخرجين او حتى قبل اذا قربت على التخرج فكري بالزواج لانه والله ثم والله مسؤليه كبيره انا مثلك يا اختي تزوجت وعمري 18 والله ما قدرت اوفق بين دراسه جامعه والا زوج وبيت تعب عليك انتي راح تحسين بمعنى الارهاق والقرار راجع لك يا اختي |
لاتخسري الاثنين الزواج والدراسه
والدراسه مع الزواج ليس فيها تعب الا ادا كان عندك اولاد فالدراسه سلاحك فاتمنى لك التوفيق في كلا الحالتين |
تسلمووون على ردودكم الطيبة وطبعا بالنسبه للاخت ان انا للحين صغيره على الزواج ممكن يكون معاج حق بس انه اللي مشجعني اكثر واكثر على الزواج اصراره هو على اني اكمل دراستي بعد الزواج وحته لو مانييب عيال من اول سنه اهوه موافق على الشي وبما انج متزوجه وفي ال18 يالله الحمدالله على كل حال تره والله حالج احسن من غيرج واهوه يعتمد على الريال اذا فعلا شجعج على الدراسه شي وايد زين واذا ماشجعج اعتقد اهني بيكون الصعوبه وهذي اللي فهمته من كلامكم وطبع هذي برأي واللي اشوفه بصراحه انتو اقنعتوني بفكرة الزواج تسلمون وماتقصرون وان شاءالله يكون هذي القرار اهوه القرار الصائب بأذن الله وادعو لي بالتوفيق لان مب عارفه شلون اقول حق امي وابوي قراري فأدعو لي :25: |
حبيبتي انا سني 35 سنة عندي شهادة دكتورا و لست متزوجة , راضية بما كتبه لي الله سبحانه و تعالى لكني لست سعيدة . حلي هذه المعادلة و اتخذي قرارك . باتوفيق ان شاءالله
|
اقتباس:
|
مشكووورين على ردودكم و مروركم العذب وربي يوفق الجميع ان شاءالله والحمدالله على كل حال |
الاثنان معا الدراسه سلاح المستقبل والزواج سلاح للمراة والزمن فالاثنان ضروريان
فعليك بهما الاثنان |
انصحك مثل ما نصحوك اخواني و خواتي اذا هو رجل لا يفوت تزوجيه و حطي في العقد شرط انك تكملي دراستك و شوفي لك جامعة في بلد زوجك بنفس التخصص الذي تريدينه. اما سؤالك الثاني و هل الزواج عائق امام الدراسة اجابتي بالتأكيد لا و يا كثر البنات اللي تزوجوا و كملوا دراستهم و الامثلة لا تعد و لا تحصى.
|
لا اعتقد ان اكمال الدراسة تتعارض مع الزواج
ولكن كل ذلك باتفاق الطرفين |
الزواج................ثممممممممممممممممممممممممممم مممممممممممممممممممممممممممممم الدراسه
وبالتوفيق,,,,,,,,,,,,, |
مشكوورين اخوااانيي وتسلمونلي على ردودكم ونصايحكم وانه ان شاءالله وبأذن الله راح احاول ادرس قبل وبعد الزواج اذا الله راد وبادرس في دياري ولين تم كلشي رسمي بأذن الله راح احول في جامعه في دريته ومشكورين اخواني يعطيكم العافيه وفعلا ساعات الواحد محتاج حق دعم من ناس كثيره وهذي اللي سويتوه لي وماتقصرون ربي يوفق الجميع ان شاءالله |
هنوفه هلايالغلا الزواج طبعا اهم من الدراسه لكن كثيرا تصير مشاكل بعد الزواج خاصه بعد مرور سنة عموما حتى لو كنت كاتبه الشرط اكمال الدراسه فالرجال يختلفون بعضهم مايهم يقول مافيه يعني مافيه تقولين طيب والشرط ووووو يقول بكيفك تزعلين عندك بيت اهلك سوي الي تبين تشكين او توصل الله يستر المحكمه بعضهم وهذا من المعارف صار لها كذا وهي كاتبه في الشرط الدراسه ماوفى بوعده لها إلخ عزيزتي طبعا الزواج اهم بكثير من الدراسه والانضغال بها وبعد الزواج تحاول المرأة اقناع زوجها ان تكمل وانها لن تقصر بحقوقها تجاه وتجاه البيت فهمتي قصدي وبعضهم ما شاء الله مثل قريبه لي يساعدها يدرسها يساندها وتخرجت وصار مدرسه بعد بس الله يستر لا يكون هدفه عشان تصير مدرسه http://www.alaman.tv/vb/images/icons/icon10.gif المقصد لا تنصدمين ولا تعتمدي على شروط او خيره بالكلام الطيب والتفاهم ان شاء الله مايكون عنده مانع فيما بعد اكتفي بذلك اتمنى اني افدتك يالغلا تقبلي مني ارق تحية واطيبها (: دفو |
ماشاءالله عليج تسلميين اختي على هالكلام الروووعه ومشكوورة على هالنصيحة المفييده بالفعل وراح اخذ النقطه اللي ذكرتيهه بعين الاعتبار عن ان الزوج ممكن انه يوافق في البدايه وبعدين يرفض واني احاول قد ماقدر اني اتفاهم وماقصر معاه يا حلو كلامج اختي ربي يوفقج ان شاءالله |
انا راح ارد عليكي من ناحية الدراسة قي الخارج انا عن نفسي ادرس برة وصراحة انه كل البنات الي يجوا من عندنا اقصد من بلادنا كلهم يسوا الي مافي احد سواه يعني اخلاقهم كلها اتضيع واتوقع انه اي واحد شاف منظر البنات الي يدرسوا برة ما راح بفكر ولو للحظة انه يرتبط ببنت من تدرس في الخارج ماراح اظلم احد بس اقول الي شفته وانصحك نصيحة
اذا حصلتي دراسة عند اهلك وخطيبك احسنلك واذا ماحصلتي ما انصحك تسافري بالمرة مراح اظلم البنات الي هنا بس راح اقول اغلبهم تجي البنت كلها اخلاق تجلس 6 أشهر تنقلب والله اعلم |
تسلم اخوي ولكن هذا رأيك وهذا اللي شفته واحب اعلق على كلامك اذا تسمح لي ان البنات اللي ينقلبون اهمه اللي تشوفهم ولكن البنات اللي مستوور حالهم وهمهم الدراسه اهمه اللي ماراح تشوفهم لانهم ماراح يطلعون ولا يسهرون راح يدرسون وبس وانته ماشفت الا البنات اللي اسمح لي اقول مب زينيين وتحسب ان كل البنات انقلبوا واحب اضيف رأيي بما ان فتحت موضوع عن الدراسه بالخارج احب اقول ان البنت اللي تخاف على سمعتهه وملتزمه بدينها الحمدالله الله سبحانه مستحيييل ومستحييل راح يخلي البنت تنحرف الله راح يحفظها ويبعدها عن الناس والاماكن المب زينه وطبعا هاي اذا كانت البنت ملتزمه بدينها ومتمسكه بعاداتها وتقاليدها ولا تنسى هالعادات لو عاشت طول عمرها في غربه وانه اعرف بنات الحمدالله مستور حالهم دارسين برع ومن احسن مايكونون ومثل ماقلت الله اعلم ومشكوور اخوي على مرورك العذب و ربي يوفقك ان شاءالله |
| الساعة الآن 04:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©