|
مجموعه من المشاكل اريد حلا
بقولكم قصتي من البديه انخطبت لزوجي من كان عمري15 تملكنا بعد الثانوي حبيته حب جنوني المهم توفى ابوه وهو الكبير بين اخونه فضطرينا نسكن مع اهله انا قلته لا تخلي امك حرام مع انه كان بستجرلي شقه المهم كانو اخوته ثنتين بالبيت واخونه اثنين انا دخلت معهم وحولت اكون زي بنتهم بس ما تقبلوني هم رسمين مره حتى خالتي تقولي لا تتكلمين بس سلمي وسكتي لو جنا احد يعني انوع التعقيد تحس انك مراقب فصرت اجلس بجنحي الي هو غرفتين وحمام الله يعزكم المهم زوجي كان يسهرر كثير بس كن اقول ما بعد تعود على الحيا ةالزوجيه حملت في بنتي بعد خمسه شهور
بعدين وانا في الشهر السادس كنت في زياره لاهلي اهلي في منطقه وانا بمنطقه ثانيه فجاني بسياره تاخر علي جانا تلفون فرديت عليه قال انه يبي ابوي عرفت ان فيه مشكله المهم كلم ابوي صار ممسوك بطريق من المبحث المخدرات لان مع حشيش المهم يالغالين انا اموت فيه طبعن كل من سالني عنه قلت هو مافيه عيب اكيد احد مورطه ولاشي المهم طلعنه بعد العنا من القضيه بواسطه لانها كانت بتقضي على مستقبله الوضيفي كلمتني خالتي قالت تعلي انه هو محتاجك انا طبعا ما صدقت خبر قلت طيب مع ان اخوي قال لازم تزعلين وتتشرطين بس انا ما سمعت كلامه طبعا لاني صغيره ما افكرر بالعوقب كلمته في التلفون زوجي قعد يبكي قلته كنت بتضيعنا انا وبنتك قال خلاص بتوب المهم رجعناطبعا ورجع يسهر ورجع يدخن بس مو زي اول كل يوم بس المشكله انه كل يوم يطلع من الصبح الى العصر يرجع يتغداء وينام ثم يقوم يروح للمكتب الخاص حقه ميرجع الا 12 او وحده اذا بدري 11 المهم انا اقعد لحالي طول هالوقت وما عندي اقرب في مدينتي انا ادرس حولت اتعرف على البنات الي في الكليه بس لااسف مالقيت وحده زي عداتي وغير كذا كلهم مصلحه مادامت علاقتي معهم هو غيورر جدا مستحيل يخليني اروح مكان مع سواق مع ان امه عندها سواق لازم هو يوديني انا جميله جداا يمكن هذا سبب حتى لما اقوله بروح لافلانه يعيي وان رضى يكون بالحسره سنتين ما رحت لاحد ثم شوي خلاني اروح بس مو بسهوله مع اني ما اطلع الا مع بنتي احس بالوحده كثير وانقهرر وابكيي اتمنى ان عندي احد اروحله او ازوره هو دايم مشغول عني والمشكله يقول عشان اجيب لكم بيت لان لنا سبع سنوات ماعندنا الاالديون سبع مئه الف راحت في مشاريع فاشله ولا زلنا نجمع المهم هو بعد من النوع الصامت والجاف والخشن يعني اضربلكم مثال اقوله تعل على سرير ابي حنان يقولي السرير لنوم و......... المهم في الفتره لاخيره صار يضربني يعني نتهوش على شي تافه يقوم يمد يده هو طيب يتحسف بس ليه يمد يده مره حتى مد يده ونادا امه قلها خذيها عندك تخيلو الاذلال وهو يودني لامه كلمت اخوي الصغير قلتله انه ضربني قام كلمه اخرر شي طلعني الغلطنه يقول ليه تقوليله حيوان طبعا يضربني ايش تبغني اقوله ما اقدرر الا اتكلم انا عندي بنتين الان هو وعدني انه بعد ما تخرج يطلعني في بيت لحالي ولان لي سنتان متخرجه ولا صار شي المهم على بدايت السنه ذي رحت قدمت وضيفه عند اهلي وشتغلت بالبندمحو الاميه راتبي 2500 قلت اخذ خبره في نفس الوقت اساعد بالمصروف المهم تفجان انه يبغى يرمي كل الحمل علي يقول انتي اصرفي على نفسك وعلى بناتك وعلى فتوره جوالك صرت احسه بعيد عني خايفه انه رجع لبلاويه حتى يقول لو طلعنا لمطعم او شي انتي تدفعين وش هراتب عشان يستحمل كل هذا طبعن سكت بس انا من النوع الي اشيل هم فقعدت اصيح لان النقل حقي يخذ 800 يعني ما يبقى الا 1700 المهم اهلي مستوهم متوسط امي الي تصرف على البيت وابوي عاطل ومديون بمليون ومريض نفسيا تجيه حاله اكتاب وحاله عكسها يكون عصبي جد يعني مهما كان لازم اشرك مع اهلي بالمصروف المهم جلست ابكي قلي بعطيك ال1500 وانتي دبري نفسك ما ادري ابي رايكم كيف اطلع من بيت اهله احسه يقول مديون وهو يمطلني ؟ انا في بيتي احس اني وحيد وهو مشغول عني طول الوقت واذا سهرر مع اصحبه ما يرجع الا الفجر كيف اخيه يجلس معي اكثر ؟ هل عادي انه يجلس برى البيت الى 12 كل المتزوجين كذا ولا انا بس؟ كيف اتعمل مع ضربه لي لان امي تقول عادي واخوي معرف يطلع حقي ؟ تتوقعون يكون رجع لحشيش خاصه انه ديم يقول مديون وربي اشوفه يقترض ويجه انتدابت عمرنا ماذقنا منها ريال ؟ ساعدوني ارجوكم ابي حل |
ربي يفرج همك ...
والله ما اعرف وش اقولك . لكني..ما اوصيك الا بالدعاء ..صدقيني ما فيه احسن من هذا حل .. وعليك بالصبر ..مع ان الصبر اللحين صار صعب ..لكن انتي اللحين بوسط المعمعه ..حاولي انك تصبرين ..على الاقل ..لاجل بناتك .. وربي بيكون معاك .. |
الأخت الفاضلة / اشورايا..
السلام عليكم ورحمة الله وبركاته.. في البداية أسأل الله تعالى أن يفرّج همّك ويزيل غمّك ويصلح زوجك ويستر عليه وعلى المسلمين.. كما أسأل الله تعالى أن يقضي ديونكم إنه ولي ذلك والقادر عليه.. أختي قرأت مشاكلك وحزنت لحالك جداً , ولكن أختي الكريمة مثلما تفضلتي أن زوجك فشل كثيراً في مشاريعه التجاريه !! وبسبب فشله في التجارة وتراكم الديون عليه أعتقد أنه وقع ضحية المخدرات علّه يتناسى هذا الهم الذي أنهكه مضجعه وأتعبه !! كثير من الناس من يلجأ إلى تناول الخمور أو المخدرات بسبب فشلهم في الحياة سواءاً في التجارة أو غيرها ويحاولون الهروب من العالم الذي فشلوا فيه ليثبتوا نجاحهم في هذا العالم الخيالي !! أختي الكريمة لابد أن تكوني المرأة العاقلة والتي تحتوي زوجها لحظات ضعفه !! تستطيعي أن تكوني له السند والعون !! تستطيعي أن تجعليه يعشقك ويعشق الأرض التي تسيرين عليها بذكائك !! حاولي لملمت شتاته وكوني له الدواء ولا تزيدي من جروحه !! هو الآن يشعر بالفشل لذلك يكره البيت , وربما يكره كل شيء حوله !! بدل أن تعاتبيه كل مره , وبدل أن تطالبيه بحقوقك , هل سألتيه عن أحواله ؟! هل فكرتي في همومه !! حاول أن تكوني له البلسم الشافي , وكوني حنونة معه , وإياك ولومه كثيراً !! فإن الرجل يكثر المرأة التي تكرر عليه الكلام مراراً وتكراراً !! أنصحك أن تقتربي منه أكثر وتغيري طريقتك في التعامل معه ... وقد قالوا وراء كل رجل عظيم امرأة عظيمة !! كوني معه في الرخاء والشدة !! وعليك بالدعاء فإن سهام الليل لا تخطىء !! عليكما بتقوى الله تعالى , فما يصيب الإنسان إلا بسبب ذنوبه!! ختاماً أسأل الله أن يسعدكما ويفرّج همكما , وأدعو الله أن يسخره لك ويسخرك له , وأن يحبّب بعضكما لبعض تحياتي لك |
والله يااختي قلبي اتقطع عليكي بس ما اعرف ايش اقولك ولكن عليكي بالدعاء والالتجاء الى الله و الله يكون في عونك
|
اقتباس:
اخوي انا صابره ولا افكرر اتطلق بس ودي القي حل نفسيتي تعبت انا لان تركته وتوضفت عند اهلي بس خايفه انه يقسى لان احسه بدا يرمي الحمل او اغلبه مادري هل انا اساعد في بناء بيتي ولا اخربه |
اقتباس:
اخي هو مسوى المشريع الا بعد ما انمسك لاكان ممكن ان وفات ابوه اثرت عليه لانه كان بعيد عن المسوليه تماما حتى احيانا بعض امور السنع وتوجيب مايعرفها لانه ما تعود انا وربي معه مرره حنونه واسال عنه ولا اطالبه بشي بس طقيت وربي طقيت ابي بيت لوحدي وربي عذاب سبع سنين وانا مع اهله لاهلي يقدرون يجوني لاصديقات غير كذا تخيل انا وهو وبناتي في غرفه وحده والغرفه الثانيه فيها التلفزوين ومكان جلوسنا الغرف ماتجي 4في 6 كنا اجانب في السعوديه جد شي يطقق انا اسكت بس المشكله انه ياثر علي احسس اني شايله بنفسي كثير انا اقوله اني تعبانه من الوضيفه اروح لقريه من 4 الصباح وما ارجع الا على اذان العصر يقولي كملي السنه الجايه خذي بند ثاني اسويله جو وشموع وحركات كل مناسه اسويله مفجائت عمري ما كلمته بموضوع البيت يعني اكلمه مره بسنه ها وش بيصير علينا زي كذ ومع ذالك هو يتضيق من اني اطرح هالموضوع غير كذا الحشيش ما يبان انه يستخدمه لاني اول ما لاحظت شي فخايفه انه الا لان يستخدم ولا اقدرر افتح هالموضوع ابد لان مره جبت سيرته وصلت الهوشه لسما فمستحيل اساله او المح له وربي تعبت مادري وش اسوي اني اجلس بلحالي وقعد اصيح او ادمع تعبت من هالعيشه من حقي يكونلي بيت من حقي غير كذا انا اهله بس مشاكله مع اني احول اكسب خالتي رمضان كنت افطرهم كلهم كلم خذت اغدي خالتي ولما صارت لوحده صرنا نسوي الغدا ونرقى كلنا بيتنا قصرر بس انا مالي الا غرفتين يعني حتى ما اقدرر اقوله بع البيت لانه يعصب مع انه حق ورثه مفروض يتوزع اه على الحوسه حستكم معي بس وش اسوي مالي الا الله ثم انتم |
|
الله يجزك خير ياريم
انشالله بنفذ نصيحتك الله يهديه يارب |
أختي الكريمه .. لازال هناك بارقة أمل فلا تيأسي .. انتي من تغيرين زوجك ..كيف ذلك ؟ اولا : عامليه معاملة صديق وليس زوج يعني حسسيه انك صديقته اكثر حتى يرتاح لك ويفضفضلك .. لاتحسسينه انك عبء من أعباء الحياة عليه .. ثانيا : لخبريه انك تعلمين بوضعه وترغبين في المساعده .. ثالثا : ألزميه بوضع يوم خاص لك وللطفلتين يصطحبكم فيه كنزهه عائليه .. رابعا : اطلبي منه ان يبحث عن عمل اضافي لكي يحسن من الدخل حتى يتمكن من سداد الديون خامسا : ناقشيه بخطط تقترحينها لمستقبلكما سويه .. سادسا : ابتعدي عن الأنفعالات والمشاحنات واذا احسستي انه سيمد يده عليك دافعي عن نفسك .. سابعا : الجأي الى شخص ترين فيه الحكمه ليجلس معه ويتناقش معه في مسار حياتكما .. ثامنا : حاولي ان تعرفيه على الصحبه الصالحه وذلك عن طريق أخيك .. تاسعا : تذكري ان من كتب لك هذا الرد هو بشر لايملك شيئا ولكن الحل موجود عند رب العالمين لعلك مقصره وهذا ابتلاء لك من الله حتى يكفر ذنوبك ... وأخيرا اتمنى ان تكون كلماتي قد خففت عنك ولو بالقليل .. |
[/CENTER]
... |
اختي عليك بالدعاء وصلاه الليل والله يفرج همك إن شاء الله
|
اقتباس:
اني ازمه بيوم الزمته فتره بعين بدا يطنش شكلي بعيد التجربه لانها كانت حلوه اما عن العمل الاضافي انا اشتغلت على بند عشان اساعده بس رمى كل شي علي وعملي جدا متعب معي 24 حصه وفي مجمع متوسط وثانوي ومسكه منهج ماده ما افهم فيها شي مع منهجي عشان نغطي عجز المعلمات يعني عذاب المشكله زوجي لو اخلي احد يتدخل بيذبحني مافيه مجال لان يوم خليت اخوي يتدخل يوم ضربني طلعني الغلطنه وزعل علي ثلاث ايام اما عن المشحنات بسوي نصيحتك لنها اسلم حل المشكله اخوني بمنطقه بعيده عن زوجي يعني 8 ساعات بالسياره والله يعين دعوتكم لي |
اقتباس:
مع انهم عمرهم ما حسسوني بهشي بس انا نفسيا مقدرر ارجع زي ما يقلون نار زوجي ولاجنت اهلي ودي بحل وانا معه زوجي ما يجي بالعناد يعني اذا قمتت اهدد او اطلع لبيت اهلي زعلانه رح يطنش وراح يجدعنا لنه عنيد جدا بس فكرتك حلوه ان اروح عند اهلي وارتح منه شوي ممكن احط فكرره المده الزمنيه بس انا ما ابي اطلاق:24: ودي يكون هو زوجي بس ابيه يتغير ما اقدرر بعد اعيش من دونه مرره تعب ودخل المستشفى وكان بالعنايه المركزه ماقدررت اتخيل حياتي من دونه ماقدرتت احبه غير بناتي ما ابيهم يتعقدون بس خايف من المستقبل خايفه يجني يوم واندم على اني مانسحبت قبلوخايفه انه يرمي الحمل علي زي امي ماهي الي تصرف على البيت اعرف المعانه الي تحسبها خايفه انه يكون مستمرر على بلاويه وماقددرر اثبت انه يستخدم او لا لانه صعب الوحد يعرف وهو ما يبي يتنقش بالموضوع ولوكان مستمرر هذي الديون اكيد منه مو من المشريع اكيد انه يصرف فلوسه عليها مالي الا الدعاء ودعولي اخوني ادعولي الله يفرج همي تكفون محتاجه دعاكم لاتنسوني من دعاكممِِ |
الله يجزك خير
اقتباس:
|
بصراحه ياأخت هانديا كلامك زي العسل انا مطبقه نفس الكلام الي قلتيه وبصراحه لقد وجدت نتيجه حلوه.
ولكن في نقطة الي قلتيه حاولت ان اطبقه ولكن للأسف ماكو نتيجه مثلاً النقطة الخامسة الي قلتيه ناقشيه بخطط تقترحينها لمستقبلكما سويه ..انا حاولت اخطط لمستقبلي مثلاً:اريد ان اكمل دراستي لكي احصل على شهادة دكتوراه واحب الدراسه ولكن من تزوجت خلاص ماني خلق دراسة وزوجي يجبرني ان اكمل دراستي ولكن انا ماني خلق ادرس يعني مو مشتهيه ادرس مادري ليه؟ الآن انا وزوجي جالسين نخطط لمستقبلنا عن الدراسة ولكني انا ماني خلق وزوجي يريد ان يكمل دراستة ليحصل على شهادة باكالوريوس هو زوجي متحمس ان يكمل دراستة وان اكمل دراستي. انا بالصف ثالث ثانوي . ساعدوني ارجوكم ابي حل |
اختى اشورايا
انا مع الاخت راما فى كل كلامها لا تستسلمى ولا تعتقدى ان شىء عادى ان زوجك يضربك اويترك كل المصاريف عليك او او ليس هناك شىء مسلم بة جمدى قلبك شوى حتى لو تحبية لا يمكن ابدا لاولادك ان يكبروا فى هزا الجو المشحون يجب ان تطبقى الافكار التى عرضتها الاخت ريما وان تتمسكى بحقوكك اللة معك اختى وفرج همك وجعل كل ما يحدث معك فى ميزان حسناتك ام بيسان |
اقتباس:
حبيبتي من فينا تحب الطلاق .. كلنا نحس بالثقل عند اهلينا بعد الزواج .. وانا بأمر بظروف سيئة برضه وومكن توصل للفراق لا قدر الله .. لكني لازم اظهر اني بايعته ... عشان اجس نبضه . ورميت الاطفال في حلقه اخر الاربعين وخليت السبب اني في الاربعين وما اتحمل دوشتهم وخاصة بيت اهلي مليان اطفال.. وبالفعل فهم شويا يعني ضغط اطفال .. واخذ فكرة هو ح يتورط بإيه لو ....... ما ابى اتكلم عن همي لانه مو دا موضوعك الان .. احيانا في رجال يبالهم القسوة عشان يحنوا عليكي .. وما نصحتك اي نصيحة الا من تجربة .. وانا ابواي مطلقين .. واتعقدنا صح ... لكن مو من الطلاق !! بل من كونهم صبروا عشاننا وضغطوا على نفسهم سنييييييييييييييييين ودنين وما شفنا الا الكره اخر سنواتهم اللي يقطر منهم وكل واحد صار ينشر غسيل التاني ... وصدقيييييييييييني الطلاق بمتاعبه اريح مليوووووووووون مرة من التجربة البشعة اللي كنا فيها.. صدقي او لا تصدقي ولا انا ولا اخواني الصغار نباهم يرجعوا لبعض !! الطلاق مو دايما نهاية العالم والحياة احيانا يكون بداية حياة جديدة انا ما اقلك اطلقي منه ومافيغير دا الحل .. يا رب ينصلح حالك من غير دا العلاج المر . لازم تجمدي قلبك لازم تظهري انك بايعة على الاقل جسي نبضه من دي الناحية اذا شاريكي اتحملي اذا بايع ......... ؟ حبيبتي .. عليكي بسهام الليل وكثرة الاستغفار والدعاء .. وسيبي الوظيفة دي اذا تبى تعيشي معاه ... لانك ح تنفجري مع ضغط العمل والاطفال والزوج والحبسة دي .... وكله كوم وقلة التقدير وحفظ الجميل كوم ! صدقيني ..انت للان ما وصلت لاخر حدك في الصبر ... والا ح تلاقي نفسك تسوي دا لاكلام دا كله من نفسك .. بس انا اشفق عليكي انك نتبهي بعد ما عمرك وشبابك يضيع ! والله في دا الزمن ما حد فيه خير لأحد لا اخ ولا صديق ولا زوج ولا حتى عيال للاسف امك وابوك بس الله يخليك لهم ويخليهم لك زي ما قلت لك حطي دا الكلام في بالك .. دا نابع من تجارب مريرة . ويارب ما تحتاج للطلاق . بس اكثري الدعااااااااااااااااااااااااااء والله مجرب . انا عارفة انك تدعي وتستغفري ومن غير ما نقولك لكن اتكي على دا الحل وكثري وألحّي وألحي وألحي واتحري اوقات الاجابة ولا تعلقي قلبك الا بربك وانه حل همك بيده بس واستمري الى ما لانهاية .. وح تنذهلي من النتيجة .. |
جميله المنتدى شكراا على مرورك وانا انصحك انك تكملي درستك الوحده مالها الاشهدتها ممكن زوجك ما يدولك ولا اهلك انتي الحين صغيره ماتفكريي بس لماتكبرري تعرفي ان الشهاده سلاح حتى عيالك كل الناس امهتم جمعيات الا انتي احسها صعبه والعلم ما ينعاف شوفي انا خلصت بكلوريس ودخلت دبلوم حاسب وانا كملت وانا ادرس البكلوريوس تزوجت بعد ثلاث ثنوي اول كليه كنت حمل بنتي الاولي واحس الدرسه احسن شي سويته
|
اقتباس:
انشالله بطبق الي تقولون عليه بس بعطيه فرصه سنه بعد انشالله يتعدل وما احتاج لطلاق ا ادعولي ياخوتي واخوني محتجه دعاكم |
اختي الغاليه راما الله لايحرمني منك والله يسخرلك رجلك ويحنن قلبه عليك ويسهل امورك
اختي الغاليه بديت اطبق نصيحك ذك اليوم قالي حسابي عن مقاضي البيت وحسبت ولما رجعنا البيت حسبت الاشياء الي تخصني وخليته يدفع الباقي عصب شوي ثم تحسف ابشرك له فتررره معد يضربني هو طيب بس غريب احسه غامض ما اعرف وش وره اوانا بعطيه سنه واجرب بعدها الحل الي قلتيه بطلب منه يطلعني بيت لحالي وشوف وش ردت فعله والعمل زي ما قلتي شكلي بنسحب لاني صرتت اشيل هم اثر الرجال مساكين لما يصير ما معه فلوس وتطلب منه زوجته كنت حسه بضغط غير طبيعي الله يجزك خيرالف خير |
أختي الحبيبه...
أنا حديثة عهد بالزواج وكل ماأملكه هو دعوة صاااااااااادقة من أعماق قلبي في هذا الوقت بأن يفرج الله همك ويصلح لك زوجك ويسعدك برؤيته كما تتمنين وتريدين وأن يرزقه الصلاح والهداية والثبات بقدرته وعظمته ورحمته ويرزقك راحة البال والاستقرار والطمأنينه والسعادة في الدنيا والآخره... تقبلي تحيااااااااااااااتي |
الله يفرج همك ويسخر لك زوجك ويرزقك من واسع فضله
عليك بالدعاء فهو سلاح المؤمن |
| الساعة الآن 03:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©