|
نحتاج آرائكم في إيجابيات وسلبيات هذه القضية !!!
السلام عليكم جميعا
ياليت كل واحد يدخل هنا يقول لنا ايش ايجابيات وسلبيات السكن مع الاهل والسكن برا بيت الاهل بما انكم متزوجين لاني بصراحه ناوي اتزوج وصاير افكر كثير في هالنقطه ودمتم سالمين تم تغيير العنوان |
الأيجابيات
ترابط اسري أكثر أقل مصاريف السلبيات مافيه أي نوع من الخصوصيه كثرة المشاكل بين الزوجه وأخوات الزوج بسبب الأحتكاك الدائم مع أهل البيت وخصوصآ أذا كانوا مراهقات هذي أبرز السلبيات والأيجابيات بالتوفيق |
شكرا على التجاوب السريع بس ودي تقول وش تقصد بالخصوصيه
|
الخصوصية اخي الكريم هو انك تكون على راحتك مع زوجتك في كل شي وفي كل محل في بيتكم وما يكون هنالك محل مخصص مثل غرفتكم تتصرف زي ما تحب وتلبس زي ما تحب من دون حرج من الاهل والله يوفقكم ومبروك مقدمآ |
شكرا لك سحر البيان
بس ابي اقولك راحاكون تقريبا مستقل وحيكون عندي ثلاث غرف غرفه بالسطح كبيره وغرفتين بالدور الثاني جناح خاص بحيث راح يكون عندي مطبخ مستقل المشكله في الدخول والخروج من البيت راح يكون مع اهلي وانت وش رايك سحر وش احسن |
:22:
|
لا أنصح أبدا
بصراااااااااااااااااحة
أنا أبدا ما أشجع الزوج و الزوجة يسكنون ف بيت أهل الزوج أبدا وعن تجربة شخصية كل يوم مشاكل؟؟ على أتفه الاشياء لبسج مو حلو؟؟ .. ليش كوب الماي فوق طاولة غرفتج؟؟..ليش اليوم ما رتبتي الغرفة ؟؟ ليش أمس كنت مولعة التلفزيون الساعة ... ؟؟؟ من قاعدة تكلمين ؟؟ وإذا جو ضيوف الله عالذبح ؟؟ ليش ما طلعتي تسلمي من أول ؟؟ ليش ما حصيتي و ليش ما شليتي ؟؟ وليش تاكلي هذا ؟؟ وهذا ما ياكلوه كذا..؟؟ ولا تغرفي بهالمقدار؟؟؟ وووووووو الخ وطبعا لما أقولكم هالكلمات يكون لي خاصة .. يعني بسير أتغدى .. أرد من الجامعة الساعة 3 وأدش أغرف لي غدا ؟؟ إلا وهي وراي ما أسوي حق ريلي عصير إلا وهي وراي ؟؟ تقول بحطله سم في الاكل وتدخل الغرفة ونا وريلي يالسين بدون ما تدق الباب وإنت وضعج موووووووووول ما يساعد وووووووووووووووووووووووووو الخ بس ادعولي إن الله يفرجها علي... أما الإيجابيات.. تحسين إنج عايشة ف أسرة يعني مب بروحج تملين مع إن أهل ريلي دايما يجلسون ف غرفهم ما يطلعون بس عال|أقل ناس وايد زينين .. وعمتي صح إن فيها هالاسلوب لكنها و الله وااااااااااااااااااااااااااااايد طيبة وحبوبة من الخاطر..وعمي صح إنه يزعجني أنا وريلي أحيانا يدق علينا من صباح الله خير وف نص الليل عشان يكلم ريلي عالاسهم .. وما في دقيقة يدخل ريلي يجلس معاي إلا ودق.. بس ما شاء الله عليه الله يخليه حقي أنا وريلي آآآآآآآآآآآآآىىمين :14: طلعت اللي ف الخاطر:18: |
بصراحه الاستقلاليه حلوه جداً واتبع المثل اللي يقول
(( أبعد بعيد حبك يزيد )) مع تمنياتي لك بالتوفيق |
لا أؤيد السكن مع الأهل فهو السبب الرئيس في المشاكل غالبا لاينتبه الزوج لذلك المسكينة الزوجة هي التي تعاني وتتحمل وتصاب بالحرج
الزواج فرصة العمر لاتضيعه إذا أنت قادر على السكن بعيدا عن أهلك وهذا كله راجع لظروفك العائلية |
صباح الخير
شكرا لكل من شارك وجزاه الله خيرا ياليت اشوف بعد اراء زياده |
مشكلتك أخي الكريم تعتمد على أمرين _في رأي الخاص_:
1_إذا كنت ممن يعول أهله ولا يوجد رجل غيرك في الدار ويندرج تحت هذه النقطه أمرين: أ_البيت كبير نوعا ما ومن الممكن أن يسعكما ب_البيت لا يسعكما الأفضل في الحالة (أ) السكن مع الأهل وفي الحالة (ب)السكن قريب جدا من الأهل 2_إذا لم تكن عائلا لأهلك وأمورهم ميسرة بفضل من الله ثم بوجود رجل آخر في الدار يندرج تحت هذه النقطة أمرين: أ_شدة تعلقك بالوالدة أو الوالدوالعكس ب_رفضهم او قبولهم لفكرة السكن خارجا ولأفضل في الحالة (أ)السكن معهم أو بالقرب منهم والأفضل في الأحالة (ب)إذا كانوا رافضين الأفضل السكن معهم وإن كانوا متقبلين للفكرة....السكن خارجا (لقول الرسول أنت وما تملك لأبيك)_الحديث فيما معناه_ أنا في حدثي راعيت الأهل ولم أراعي الزوجة لأن الأم والأب أولا ثم الزوجة أعتذر على الإطالة.....في الآخر القرار بيدك يامن توزن الأمورحقا............... |
بصراحة اللي مالو خير في اهله ما له خير في الناس
اكيد انتا بتحب اهلك واهلك يحبوك اكيد انتا بتحب زوجتك وزوجتك بتحبك اكيد زوجتك بتحب اهلك واهلك بيحبوها ايه المشكلة اذن الاهل عزوة يا جمااااااااااااااااااااااااااااااعة وعزة وياسلام العيال يكبروا ويشوفوا جدهم وجدتهم واعمامهم وعماتهم وكذلك خالتهم واخوالهم الفرقة من الشيطان إلا اذ1ا كان هناك مشاكل اصلا فحاول ان تحلها اولا واكسب اهلك وزوجتك في ان واحد اسأل الله لك حياة مليئة بالآمان والسعادة والمودة |
والله انا الان اعيش مع اهل زوجي واعد الدقائق الي اطلع فيها من عندهم كلشي بدخلو في واذا صارت مشكله بين الزوج وزوجته الام بتزعل من الزوجه لانها زعلت ابنها بغض النظر مين الغلطان فلا انصح ابدا ابدا ابدا ان تسكن مع اهل الزوج مع العلم انو اهل زوجي طيبين كتير بس انا الي دايما غلطانه بنظر حماتي ودايما واقفه على النتفه يعني كنت بمزح مع زوجي بحكيلو احنا ما معنا نوكل وزوجي كان يضحك ما زعل بس امه حكتلي اصلا انا سمعتك بس حكيتي هيك وانا والله امزح بس ما في مزح مع ام الزوج واتوقع حتى لو بس المدخل الي مشترك مش حتكون زوجتك مبسوطه وانت اذا مش مقتنع جرب وشوف بعينك والله يوفقكم
|
انا بصراحه مع الاخوه والاخوات والله انا مو بنفس البيت
يعني هم ساكنين فوقي وانا تحت وبرضو مو مخذين راحتنا بس الحمد لله انا حالى افضل من غيري المهم نصيحتي ابعد عن الشر وغنيله اختك كيدتهم |
مشكورين اخواتي واخواني على الردود
بجد الحين عرفت كيف افكر وكيف احسم الموضوع بس مازال فيه بعض الاشياء واللي راح اقولها لكم اول بأول بجد انتم بهالمنتدى تسوون شي مفيد |
بصراحة اخي ما انصحك باسكن مع احد خليك لوحدك وعيش حياتك مع زوجتك ما في احلى من الزواج باولو والله يوفقكم
|
الاب والام اولا من الزوجه..........
اقتباس:
بصراحه كلامك ميه ميه وجزاك الله خير ........ انا عن نفسي اشوف راي الاخ صحيح بالنسبه لي انا زواجي في الصيف وان شاء الله اذا الله اراد بيتي بيجهز في بداية السنه الجديدة ولراح اخذ اهلي كلهم وياي يعيشون ويايه في البيت الجديد مع ان زوجتي تفضل انها تعيش بروحها لكن اهلي واولا من زوجتي لاني احس انهم محتاجين لي كثير. بس انا اشوف يا اخي الفاضل ان كل شخص على حسب ظرووفه وعلى حسب ظرووف اهله اذا كانووو مثلا ابوه وامه كبار في السن وماعندهم احد يراعيهم وعنده اخوان صغار شووو يسوي يتركهم علشان خاطر زوجته ؟؟!!!!!! اكيد حرام وما يجوووز في النهاية اسف على الاطاله وكل بيت له ظرووفه ............ والسمووحه مشكووورين على التقرير الرائع |
مشكورين وماقصرتوا
ترا انا للحين ماسويت اي شي لاخطبه ولايحزنون بس مجرد تفكير بس ودي برأي بنت عشان نشوف وجهه نظرهم خصوصا اللي عاشو التجربه او اللي توها وكيف تفكر يمكن الزوجه بعد ترفض هالشي اللي ابي اوصل له اراء من بنات عشان اكون ملم بالموضوع من جميع الجوانب وانا بعد افكر في المستقبل لان استأجار بيت او شقه راح يستنزف مبلغ كل سنه والبيت كبير عندنا والشكر موصول لجميع المشاركين |
انا حرمه مو بنت:)
بس رايي من قبل الزواج للحين ما تغير انا احس السكن عند الاهل مريح في حاله كبر الاهل زي ما قالوا الاخوان يعني لو اهلك كبار وانت اخر ما عندهم علي عيني وراسي اسكن معهم بس بشرط البيت فاضي بس لو عند اخوان ماتزوجوا - عيال - هنا الوضع تغير لانه جدا صعب على الزوجه واخوانك يقومون بالواجب واسكن قريب من اهلك بس لو اخوات- بنات- عادي اسكن معهم هذا في حاله كبر سن الاهل وحاجتهم لمن يداريهم وينتبه عليهم وفي حاله اهلك كانوا بصحتهم الله يخليهم لك انا اشوف انه من الافضل السكن منفصل عنهم والسبب راحه الاهل قبل الزوجه صدقني مهما كان امك وابوك يحبونك ما راح يحبون زوجتك قدك وخلك بعيد حبك يزيد من ناحيه الزوجه طبعا والا انت ولدهم يحبونك بكل حال يعين لو صار موقف يعذرونك بس منها هي عدونه كبري لو دون قصد يعني وبكل صراحه انا اعيب على بعض الاخوان الي قالوا اهلك ثم زوجتك والله انا اعرف ناس عايشين مع اهلهم اسم بس الا متعبينهم وحتى امهم تقول لو سكنوا بلحالهم اريح لهم واريح لي مقدر اعزم بدون ما قول لامها اخاف تزعل واذا قلت لامها بقول لامهات الباقين يعني المساله فيها حزازيه نوعا ما ومن ناحيه زوجتك طبعا ما تصدق اني اعرف زوجات يقولون ما نبي نطلع من بيت حمولتنا تعودنا على الجو الاكل مطبوخ وداخلين طالعين يعني شي نسبي انت اهم شي اهلك وش يبون وعلىاساها دور بنت الحلال اذا اهلك مخلين لك حريه الاختيار انصحك في حاله عدم حاجتهم لرعايتهم اسكن سكن منفصل للخصوصيه يعني تجي من الدوام زوجتك تستناك عند الباب لابسه لك ومتزينه غداك وعشاك على راحتك والاهل الي تشتهيه تطلع وتدخل على كيفك تعزم وقت ما تبي يعني المساله فيها اختلاف وزي ما قلتلك انت شوف اهلك وش يناسبهم وبعدين ولو البيت كبير هل هو مليان والا ما فيه الا الوالد والوالده؟؟؟ على فكره انا اهل زوجي متوفين قبل ما اتزوجه الله يرحمهم ويغفر لهم ولو كانوا عايشين ما اتوقع كنت بسكن معهم لان زوجي ما يحب السكن مع الاهل علشان راحه الاهل يعني بالقرب منهم افضل ميه مره من السكن معهم الله يوفقك على كل حال تحياتي دلوعه زوجي |
أخي الكريم :
تخيل أنك تسكن مع زوجتك في منزل أهلك.. ابنتك الصغيرة ألبستها والدتها (زوجتك) فستان على ذوقها، لم يعجب والدتك فقالت لزوجتك بلباقة: الفستان الذي ترتديه الطفلة مش حلو بدليها، وألبسيها الفستان اللي أنا شريته لها..(الذي لم يعجب الزوجة) أرادت زوجتك أن تطيل شعر ابنتك.. فتأتي والدتك في كل لحظة: قصي شعرها.. مازالت طفلة.. ستخرجون من البيت والنسيم عليل والهواء منعش،فإذا بوالدتك تقول: لحظة أرجعوا وألبسوا الطفلة ملابس ثقيلة أخشى عليها من البرد!!! طفلتك أصابها زكام خفييييف،فقالت: حرام عليكم خذوها إلى المستشفى...فاخذتموها إليه.. وفي اليوم التالي.. مازالت على حالها.. خذوها إلى عيادة خاصة.. وطبعا أنتم في منزلها وطلباتها أوامر... الزوجة آرائها معدومة.. ورغباتها لا تنفذ أبدا.. وإذا أشتكت تقول لها: ماذا أفعل هذه أمي ولا أستطيع أن أناقشها لكي لا تزعل.. ومادمت في بيتها فعليك أن تطيعي أوامرها.. هذه نبذة عن حياتي منذ 4 سنوات وإلى الآن.. لا تقل والدتي طيبة وأهلي طيبون.. والدة زوجي في قمة الطيبة.. ولكن الإحتكاك الدائم يولد المشاكل.. ووالدة الزوج مستحيل تجلس بدون تدخل.. فهي تظن لأنها الأكبر فآراؤها صحيحة لأن خبرتها طويلة.. والزوجة لا تقبل بأن تأتي وتعلمها كل شيء خطوة بخطوة.. الحياة والتجارب كفيلة بذلك.. وعذرا على الإطالة.. |
يا احباب موضوع المعيشة مع الاهل فيها فوائد كثيرة بس عندي شوية اسألة الأول :
انتم تحبون اهلكم ؟ انتم تحبون ازواجكم ؟ هل تحب زوجاتكم اهلكم والعكس ؟ قبل الزواج الم يكن اهلك يحبون اهلها ويحبونها ؟ اذا كانت الاجابة بنعم فأين المشكلة .. وفي نقطة مهمة هولازم عشان تعيش مع الاهل تعيش في نفس الشقة او الفيلا ممكن شقة مستقلة بالبيت مثلا بس صدقوني في اوقات وايام في الحياة تشعر انك وانت بعيد عن اهلك وكأنك غريب في هذه الحياة . الأهل عزوة وخاصة مادمتم على حب وتعاون وتعاطف بل وهون في الشدائد وعون في الصعاب وبعدين هل يرضيكم ان يكون الزوج مثلا صاحب عمل خارج بيته وقت طويل والمسكينة بين جدران البييت تحدث ارجاءة اي عقل هذا لا قدر الله وحصلت اي مشكلة والزوج لا يقدر على المجيء من لها في هذه الساعة وخاصة ساعة الولادة يا احباب اتقوا الله وراجعوا انفسكم في هذا الموضوع ويا حبذا اصلا لو نلتحم باهلينا اكثر للأسف العالم الاسلامي وخاصة مجتمعاتنا اصبحت شبه مفككة اسريا |
السكن مع الوالد والوالدة يمكن فيه تقييد بسيط وبعض المشاكل بس المهم تبقى مع والديك وتطمئن على زوجتك واولادك اذا حصل لك اي ضرف لا سمح الله وعلى العكس من السكن خارج المنزل
|
الاحتكاااااااك يولد المشاكل حتى لو كانت الثنتين بقمة الطيبه
خلك بعيد يزيد غلاك ويشتاقون ولا قريب تكثر المشاكل وتملوم بعضكم ......... |
والله السكن مع الاهل نار و عيشة توتر ليل ونهار سواء مع اهل الزوج او العكس لا اكلة و لا خروجة ولا حتى طريقة لبس الا و محسوبة على الزوجة مما يجعلها فى ضغط مستمر قد يؤثر على العلاقة الزوجية حتى ولو كان السكن فى غرفة فى جناح اخر و يكفى مشاكل التأقلم مع الازواج كمان يبقى مع طبع كل شخص فى الاسرة ارحم نفسك واسكن فى بيت آخر وصل اهلك دائما كدة احسن للجميع
|
انا قبل الزواج كنت افكر اسكن مع اهل زوجي بس بعد الزواج غيرت هالفكره الايجابيات قلة المصارف-ان زوجت ما راح تمل لحالها اما السلبيات فهي كثييييييييييييره اذا عندك القدره على الاستقلال في السكن ففعل من دون تردد
|
ينقل الموضوع إلى عالم المقبلين على الزواج ... مع الاعتذار الكامل على التأخير للكاتب الكريم الأخ " من أنا " والاعتذار موصول للأخوات مشرفات قسم عالم المقبلين على الزواج تحياتي وتقديري ؛؛؛ |
| الساعة الآن 12:43 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©