|
مشكلتي مع زوجي ..
السلام عليكم ورحمة الله وبركاته
انا متزوجه من 7 شهور بس مشكلتي في زوجي مو مخليتني أرتاح تقدملي وتم الزواج بسرعه علشان أسافر معه للخارج للدراسه طبعا زوجي مو صغير عمره 32 سنه بس للاسف منصدمه من تصرفاته الحين احنا بالخارج والله اني موفرتله الجو الدراسي وحتى شوي وانسى شلون اتكلم كل هذا علشان ما ازعجه في دراسته توقعت في البدايه ان قعدته عالنت لساعات للدراسه بس تبين لي بيوم ان ما يدرس داخل على موقع غير اخلاقي وطبعا معروف ان للكلام اللي ماله معنى والسوالف وبيوم نسى موبايله اضطريت اشوف لان اهو شككني فيه من البدايه وشفت مو رقم ولا رقمين ارقاااااااااااااام لبنات ومسجات منهم وبكمبيوتره مو بس ايميل واحد فاتح 6 ايميلات بنفس الوقت والله والله بشوف عيني اكثر من 50 بنت ولما فاتحته بهالموضوع صرخ بويهي وما قدرت ارد عليه وقلتله بنفس الوقت انت ليش بالجماع تريح نفسك بس ترى اللي معاك لها حق تخيلوا ان هذا وانا يسموني عروس لمدة شهر كامل ما لمس ايدي ولا فكر ان يجامعني كل هذا لاني طلبت ابسط حق من حقوقي ولاحظت عليه تم لفترة يمارس العادة السريه هذا وانا معاه بنفس البيت بعدها قالي ما ابي هاللبس اللي انتي لابسته وشنو لبسي وانا بالبيت اذا ما اتزين له اتزين لمنو كنت لابسه قصير بـــــــــس مو عارفه هل هذه مشكله قلت ان كل واحد متزوج يحب يشوف زوجته كاشخه قال انا ما احب وتقبلت منه الموضوع وانا ساكته وبعدها بكم يوم دخلت الغرفه لقيته يكلم بنت سألته ماحطلي أي اعتبار ولا قالي انا اسف هذه لحظة طيش مني تفاجأة يقول وحده من الطالبات اللي كنت ادرسهم قلتله ليش ما خليتني اكلمها صرخ بويهي وقالي تبين تفشليني هذه يعني ان مايبي ينهي الماضي اللي عنده بالعكس يبي يستمر بصراحه مشكلتي ياليت توقف عند هالكلام وبس المرأة شنو تحتاج محتاجه لكلمه حلوة والله والله والله اني من تزوجت ابسط كلمه واهي الله يعطيج العافيه ماقالها كلمة احبج ماقالها والله ان اذا زفني اظل ساكته مو عارفه شنو يبي اكثر من جذي مطيعه له بكل شي والله اني اذا قربت منه ابي اهمس باذنه او سوري على الكلمه ابي اقترب منه يدزني بقوة ومو مره ولا مرتين اتبع معاي هالاسلوب أحس انه مريض وفيه نقص وللعلم مافيني شي اللي يكرهني الحمدلله بشهادة الناس اني جميله وماعلي قاصر ومن ناحية النظافة الترتيب والنظافة دايما على حسب الاصول يعني والله مو مقصره بشي ابي حل والله اني تعبت وانا ادور على احد يساعدني ولا تقولون اهلج اهلي كلمتهم وقلت لهم اوصلت للضرب دايما اسمع منهم تحملي ولا تفكرين بالطلاق اهو حاط في باله ان الحياة الزوجيه اشتري اغراض للبيت وبس اهو مو مقصر في اي شي بالبيت لكن وين الحب وين الاحترام وين الالفه اللي ذابحني انا حلاله ليش يتركني ويمارس العاده السريه وانا مو مقصره ليش هالبنات اللي كل مالهم ويزيدون عن الاول اللي معقدني والله اذا يبي يجامعني يتم في ملابسه وما يفكر حتى يداعب بس يفكر ان اهو يرتاح حتى ليلة العرس والله ----حسيته يغتصبني مو زوجي وهذه ليلة العمر مثل ما أسمع اللي لازم الواحد يهدي زوجته بهاليوم والله ان ضربني بس علشان أتم ساكته ويحاول ان يخلص من هالليله قلت ساعدوني بنصايحكم شسوي على فكره انا من شهرين عرفت اني حامل وتغيرت معاملته معاي بس للاسف لو أحسب جم مره نام معاي من تزوجنا ما ايي ربع العاده السريه اللي يسويها كل يوم والبنات واااااااااااااي يخاف يغضبون عليه مايقولهم ان متزوج لا يقولهم ان للحين عازب |
الله يعيينج ياختي ويكون في عونج .....والشي الي عقد الموضوع بعد انج حامل .......بقولج الي اعرفه ....انا كنت اعرف وحده كانت تمر بنفس الي تمرين فيه واكثر لان زوجها كان يشرب بعد .......دخلت اهلها في السالفه وبهدلوه وخرعووووووووه وايد لدرجه ان هددوه بالسجن .............لحد مااستعدل طبعا بصعوبه وتمت المشاكل لمده سنتين الىثلاث .......يعني لازم تدخلين في السالفه .....حتى لو هم ضد الطلاق بس لازم يحس ان وراج حد ..........لازم يتحركون ....لان هو محد وقف بوجهه ولا حتى انتي ..........انتي عليج انج تحقرينه فتره تخلينه بروحه ولتسئلين عنه وسووي روحج مشغوله عنه حسسسيه ان عندج اشيا خاصه فييج هو مايعرفها ......ولاتقطين روحج عليه وتساهلين ..صنف الريايل يحبون الي مايعطونهم ويه .......
واخيرا قومي ثلث الليل وادعي ربج ان يهدي سره ويرجع لج احسن من قبل ....لان هو الوحيد الي بيده هالشي ...وحاولي تشغلين روحج بالصلاه وحفظ القران وصدقيني الله بيفرجها علييج بس عندي سؤال انتي ماقدرتي تستشفين طبعه ايام الملجه ؟؟؟ |
والله عزيزتي ماادري شقولك بس مافيه الا انك تستخيرين وتطلبين الطلاق على الاقل مطلقة بطفل اهون من مطلقة ب 3 اطفال او اكثر ......... نصيحتي عزيزتي لاتسمعين كلام اهلك وتتمين مع هالرجال لأنك انتي الي بتتعبين ...
الله يعينك ويفرج همك |
الله يساعدك يا اختي على ما ابتلاكي
براي ان ما تفكري بالطلاق هالحين يعني اول شي حاولي تطقلي عليه كلميه بس بلشي الضروري حسسيه بزعلك وهو رح يلاحظ ورح يسالك ليش متغيرة ساعتها بتخيريه بينك وبين البنات يا انتي يا هني اذا اختارك معناتو بحبك وما بيطلع عنك فلازم تطولي بالك ودائما ما تنسي الدعاء والصلاة وقراءة القران واما اذا ما رد عليكي وما ابتعد عن هالاشياء فيا اختي هيدا بيكون ما فيه خير ورح يضل هيك ما يتغير وساعتها من حقك تطلبي الطلاق وتعيشي حياتك وصدقيني يا اختي اهلك بيحبوكي بس ما هم شايفين بعينون شو بصير عشاك هيك بيقولولك لا تفكري بالطلاق بس ما في غير انتي تحلي هالمشكلة يا اما تصبري وتحاولي تغيريه يا اما تطلبي الطلاق وكل انسان يروح لحاله بس يا اختي قبل ما تفكري بالطلاق جربي معو يمكن الله يهديه بس صدقيني ما في شي بالخناق والعياط بيمشي كل شي بالرواق بينحل ولا تعاندينه لان رح يعمل بالعكس صدقيني طنشيه شوي ما تساليه عن شي خليه يحس بغلطه والله يقويكي ويساعدك ويهديلك زوجك ويهديلي زوجي المهم ديري بالك عحالك اختي حرام انت حامل وما لازم تعصبي وخبرينا بالتطورات ان شاء الله بتكون خير اختك ريما |
صراحه اختي غاده قصتك مؤلمه جدا بس حاولي لو تشوفين شخص مقرب من زوجك او عزيز عليه تكلمينه ينصحه يمكن الله يهديه ويرجع لصوابه والله يعنك
|
أختي العزيزة والله ما ادري ايش اقولك
الموضوع معقد جدا ،، لكن انصحك الصبر خصوصا وانك حامل ،، انت الحين قدام امر واقع وهو انك بتصيري ام عن قريب ان شاء الله ،، زوجك مريض بمرض يصاب به الكثير من رجال هادي الايام وهو الحنين الي العزوبية ،، لسة يتذكروا ايام الحرية والشقاوة ،، لكن الحل بايدك انت ، ليش انت " مدلوقه" عليه كده ؟ هو اللي محتاجلك اكتر من ما انتي محتاجاه ، انا ما لقصد انك تهمليه لكن خففي من حنيتك عليه شوي خليه يعرف معني الحرمان منك ؟ اتزيني والبسي لكن ما تتكلمي معاه الا اذا اتكلم معاك وللضرورة ،، ما تطلبي منه شي ، اعملي كل اللي عليكي وخليه يقوم باللي عليه ،، بس هادا يبي منك صبر ،، وانا متأكدة اللي صبرك في اللي فات راح يصبرك اللي جاي ،، ونصيحتي اختي لا تطلبي الطلاق ،، بيت ابوك اللي شالك وانت فتاه ما راح يشيلك وانت مطلقة ومعاك طفل ،، وحاولي تدخلي اهلك لكن بشويش اختك مني |
الحل عندي يالغاليه
السلام عليكم ورحمة الله وبركاته
حبيبتي الغاليه بما ان أهلك واقفين ضد الطلاق أوكي ماكو مشكله اتخذي الله معين وصلي له ركعتين واطلبي منه العون والحكمه وشمري أكمامك وأستعدي لهذه الحرب فهي حربك فلا تستسلمي لصديقات زوجك ولا لأفلامه فكيد حواء عظييييييييييييييييييييييييم فتقدرين بحركاتك أن تأسريه واجعليها غير مباشره واذا قال لا تلبسين قولي له اني لابسه لنفسي مو لأحد ثاني !!!!!!!!!!!!!:25: وبوقت الجماع أشعريه انك أحسن من مليووووووووووووووون فتاة يراها بالأفلام :22: والظاهر انك وايد مهتمه فيه وما عندك احد غيره وهذا اللي امطمنه انك ما راح تبتعدين عنه أنصحك بالصحبه الصالحه ودور حفظ القران الكريم فوالله ستجدين صديقات حبيبات ومنها ان تصرفي اهتمامك عنه قليلا واتمنى ان تقرأي قصة اختنا dot بهذا النتدى (هدايتي بعد زواجي) والله ستتعلمين منها الكثيييييييير وستعطيك حاااافز لخوض هذه الحرب وان شاءالله تاخذين اجر هداية زوجك اذا كانت النيه لوجه الله تعالى ووافيني بأخبارك ولا تتوقعين النصر من المره الأولى والله ولي التوفيق |
مشكورين يالغاليين على ردودكم
والله ان الكلام اللي قلتوه على راسي من فوق بس المشكله اني كلمته بهدوء ومافي فايده سألته اذا انا مقصره قال لأ قلت انزين ليش تسوي جذي قال انا ما أسوي شي والمشكله يحلف بالله وانا بعيني شايفه المسجات وشايفه شغلات وايد حتى ممارسة العاده السريه أسأله ليش تسوي جذي يقول انتي ماتعرفين الواحد مايتحكم بنفسه واهو نايم يقصد الاحتلام قتله لأ لان انت تسوي هالشغلات وانت بكامل وعيك طنشني وما رد تبعبت انا بعرف شلون الواحد يترك هالعاده السيئه والله ماتدرون مقضيه وقتي كله بالدعاء والصلاة وطلب الهدايه له ولي انا بعد والله انا ماودي بالطلاق لان الوحده مو كل يوم لها زوج |
عزيزتي.... عندي نصيحه صغيره لك...
بما إن زوجك قاعد يشوف أفلام... فأكيد مو أي شي يثيره... وبالتالي اللبس الأنيق المرتب في البيت ما يغريه... لازم تلبسي الأشياء اللي وايد وايد مثيره... وتسوي حركات البنات اللي في الأفلام.. عشان تلفتي نظره لك وتصرفي نظره عن الأفلام.. ولما يجي وقت اللي يبي يكلم فيه بنات.. إشغليه.. كيف؟؟ إنت أدرى... بس بما إنك حامل... تدلعي عليه... ولا تريحيه... وهو قاعد يعمل هالأشياء من كثر الراحه والفضاوه... يعني مثلا.. قوليله تعال ساعدني وأنا أحضر الغدا.. أول مره يمكن يرفض... بس بعدين بيتعود.. ولا تعطيه أعمال كبيره... مثلا أشياء بسيطه.. "الله يخليك قطع لي الخس" ولما يساعدك أثني عليه.. "والله الغدا اليوم طلع طيب لأنك ساعدتني" وبهالطريقه بيتشجع وبتمليله وقت فراغك... وبما إنك حامل تحججي بألم في الظهر.. مغص في البطن.. وبدلع وبدون نكد.. وخليه يساعدك.. مافيها شي.. وكلميه عن طفله الجاي.. وقوليله أبيه يطلع أخلاقه حلوه مثل أوه.. خليه يستحي شوي من نفسه.. وإذا كنتي في بلد أجنبي.. إسألي عن دروس الحمل.. وهذه دروس تعطى للحوامل ويحضرها عادة الحامل و زوجها.. وفيها متعه كبيره وفائده رائعه وبتخليه يحس بكل مراحل الحمل.. يعني بإختصار أشركيه معك في حياتك.. وخليكي دائما حوليه.. ودلليه.. ولا تتركيه... إحتويه بكل ما تحمل الكلمه من معنى.. أنا حبيبتي مريت باللي إنت مريتي فيه... بس بيني وبينك.. كان غلط إنك صارحتيه... لأن المصارحه في هذي الأمور تؤدي الى "الوقاحه" يعني بيصير يعمل كل شي أمامك وما يفرق معاه ... خلاص ما إنت عارفه.. بينما.. إذا قلتيله... أنا مصدقتك وأنا ما أتوقع إن زوجي حبيبي بيطلع منه هالأشياء ... بهالطريقه مستحيل يعمل شي أمامك وبيصير يعمل لك حساب.. http://www.66n.com/forums/showthread.php?t=10204 هذا الرابط عزيزتي فيه أفكار جميله ممكن تمارسيها مع زوجك... كنوع من التجديد.. إن شاء الله أكون فدتك... الله يسعدك.. ويخفف هممك.. ويطمن قلبك.. |
كان الله في عونك
عليك بالدعاء فهو خير دواء |
انا مع كلام الأخت دندون والله يسهل أمرك ان شاء الله واذا صار اي شي زين بشرينا
|
والله والله اني مو تاركه صلاتي ولا الدعاء
بس استغفر الله ابليس مسيطر عليه والله ان أمس فكرت أقرب يمه علشان اذا كان يبيني انا ماعندي مشكله اقسم بالله ان عصب وصرخ علي وسوا نفسه تعبان بس علشان مايسوي معاي شي تعبت تعبت تعبت تعبت تعبت تعبت تعبت ------------------------- شسوي شنو يبي مني والله ان شايلته على راسي وأطيعه بكل شي بس!!!!!!!!!!!!!!!1 |
عزيزتى غادة اليم
استغفرى الله لا تجعلى لحظة ضعف تاثر عليكى هكذا استعيذى بالله من الشيطان الرجيم قال تعالى: (إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ) [سورة: فاطر - الأية: 6) كل هذة المحن مرينا بيها جميعا كزوجات ايام الحمل وغير ايام الحمل لا تظنى ان الحياة بين الزوجين عسل دائم ولكن كلنا نعيش ايام مرة فى كثير من الاوقات واحساسك بنفور زوجك معظمنا احسسنا به ان شاء الله تقومى بالسلامة من الولادة وأسال الله ان يحفظ لك مولودك من كل شر عندما ترينة باذن الله بخير حال هيزول همك وهتسعدى جدااااااااااااااااااا به قال تعالى: (الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ أَمَلًا) [سورة: الكهف - الأية: 46] هونى على نفسك ولا تستسلمى لوساوس الشيطان ما فى شئ يستاهل كل هذا الغضب والحزن (يكفى انك بصحتك الحمد لله ) يكفى ان رزقك الله بالحمل ............ لو تذكرتى نعم الله عليكى اكيد حالتك هتتحسن وستشعرين بالفضل والمنة من الله عز وجل صلى ركعتين لله وتوبى عن هذة الهفوة ان الله يغفر الذنوب واجعلى القران الكريم دائما على لسانك وقريب الى نفسك قولى : استغفرك ربى واتوب اليك استغفرك ربى واتوب اليك استغفرك ربى واتوب اليك : : رقة |
عزيزتـــــي
اللــه يفرج ضيقتـــــج عليــــــج انا برأيي انج اولا تهدين نفسج ولا اتدخليــن اهلج حاليا خصوصا وانتي ابغربه اولا عرفي ان زوجج علاقته مع البنات الي يكلمهم انا ما اقولج ان اهي مو خيانه بس يمكن طبيعة دراسته بدليل ما يمارس الجنس لانه مثل ما تقولين ان يمارس العاده السريه . وثانيا انتي افراغ الي فيه تراقبين تصرفاته حاولي تشغلين نفسج باي شي ولا تبينين له غيرتج ولا اهتمامج بهالامور لان في رجل الغيره ترضي غروره . قومي ابواجباتج اتجاهه ولا تقصير في حقوقه بس خلي نفسج ريلاكس بيني له عدم المبالاه علشان انتي لا تنقهرين يعني خليه يلاحظ ان انتي متغيره من ناحية الغيره خليه اهو يفكر ليش اهي ما عادت تغار ولا تطل مني اني اريحها بالفراش والله اهو راح يتغير واللــــــــــــــــه يريح بالـــــــــــــــــــــــــــج جربي نصيحتي وماراح تخسيرين لا تدخلين اهلج بالموضوع على الاقل حاليا |
الله يعينك يا اختي ترى الحياه الزوجيه يبيلها صبر وقوه تحمل
يا اختي حاولي في بعض الاحيان انك تستخدمين اسلوب التطنيش وعدم الانتباه له وشوفي النتيجه والله يوفقك |
اختي غادة سمعي لنصيحتي وطبقيها وقول لنا عن النتيجة
اهتمي بنفسك وبشكلك وزينتك البسي تعطري حريييييييييييه , والله ياختي ما ينفع مع هالنوع من الرجاجيل الا هالاسلوب وودللي نفسك طالعي التلفزيون اقري كتاب تكلمي بالتلفون بصوت منخفض خليه .............يحتار فيك الحياة يبي لها ذكاء ............مو طيبة وضعف .............ليش انتي ميته نفسك عليه وهو صادك والله ما يستاهل تسوين له جذي ...............اهو البادي بالظلم والاهمال ...........عاد انتي عليك الحين تروينه شغله عدل تبخري وتعطري ولا تبينين انك متضايقة .........بالعكس بيني له انك ولا سائلة فيه من غير ما تعبسين في وجهه بالعكس تغنجي وتدلعي وتدللي من غير ما تركضين وراه خليه اهو اللي يركض وراك بس ترى هاه ما بيركض وراك من اول يوم لا يبي له كم يوم ينطبخ على نار هادية ............. حطي المكياج وتكلمي بدلع واذا راح ينام البسي مغري وتعطري وتبخري ونامي حذاه من غير ما تلمسينه واذا شفتي شيء يغيظك طنشيه احقريه تغيري لاتتمين مثل مانتي تراكضين وراه وتدورين رضاه ما ينفع معاهم هالشيء لا زم تكونين شوي قوية طبعا مو قصدي قوية ترفعين صوتك ولا تناجرينه لا لا اقصد قويه تستحملين البعد عنه خليه اهو اللي يبحث عنك ويدورك دوارة اشغلي نفسك واستمتعي بوقتك من غيره خليك دائما مغرية في كل وقت من دون ما تطالبينه بالمعاشرة وصدقيني اذا مشيتي على هالخطة ............بتحصلينه يجي اهو عندك ويبي منك .......... بس عاد الله الله المسألة يبي لها صبر وقوة ارادة وشخصية ذكية . |
أختي الحبيبة غادة لقد تألمنا كثيرا من مشكلتك ولكن اعلمي انها ابتلاء من الله ، المهم برأي أن تتصبري قليلا فلربما بعد ولادتك بالسلامة يتغير حاله نحو الافضل ويشعر بنوع من المسؤولية والاخطاء التي يقوم بها ، ولكن انصحك بانه اذا لم يحدث اي تغيير فانصحك بالطلاق لان زوجك لا يستحقك ولا يستحقك طفلك ان يكون شخصا --------ان يكون والدا له ، واعلمي انك صبرت ونصحتي ولكن بعض الاحيان ناخذ طريقا غير راغبين فيه ولكنه الخيار الوحيد ولا بد من اقناع اهلك لانهم لن يذوقوا مرارة ما انتي تذوقينه وخاصة انك في بلدة غربة وحيدة لا مؤنس ولا صديق وفكري مليا بالموضوع ، وادعو الله من كل قلبي بان يهدي لك زوجك ويبعده عن الطريق المشين
|
اقتباس:
|
اختى العزيزة كلام الاخوات لا يعلى علية و خصوصا رد دندووون
بس حابة اضيف شىء ديرى القراّن طول النهار بالبيت يعنى اذا جالس عالنت اسمعى القراّن بصوت عاااااااالى يمكن يستحى !! كذلك القراّن يطرد الشيطان من البيت تحياتى |
أول شي مشكورين على هالردود الطيبه
ثانيا والله انتو ماتدرون انا مو لازقه نفسي ولاأركض وراه بالعكس مخليته براحته اقسم بالله ان ما يفكر يلمس ايدي وساكته والله يشوفني قاعده أقرا قرآن يصلي ويخلص ينزل على طول يكلمهم انا اللي أعرفه الصلاة تنهى عن الفحشاء والمنكر بصراحه انا أشوف ---يكلمهم يقوم يصلي يرد يكلمهم اوكي خلي البنات -- اللي ما تحتمل بالمره ان لازم كل يوم يمارس العاده السريه وبعدين يسبح ويروح يصلي شنو هذا --- شلون انا أجابل ربي بالصلاة وانا توه سويت شي أكبر من الزنا والله اني قريت عن حكم الاستمناء والله اني قمت أبجي وأرتجف من الخوف اللي يقول استغفر الله انا اللي أسوي هالشي قريت ان اللي يمارس العاده السريه رب العالمين ما ينظر بوجه يوم القيامه والله اني أتزين وكل شي بس اهو مايبي القصير وانا مو بديرتي اللي 24 ساعه بالسوق أشتري الشغلات الحلوة انا يادوب يبتلي معاي من ديرتي أشياء بسيطه وسنعه يعني حلوة بس اهو مايبي والله أمس حطوا برنامج زوايا على قطر يابوا د.وداد العيسى اخصائيه نفسيه والله قالت كلام تقول المره شنو يجبرها انها تنبش ورى زوجها الا لما تشوف عليه شي وقالت في أزواج تلاقينهم يسوون الشي بالسر لان يدري اللي يسويه غلط والله ان كان يطالع وبعدين طنش سوى نفسه يدرس بعدها جنه نفخت بجربه مقضوضه راح وفتح النت وقعد ساعات واهو يكلم البنات عال mirc بالله عليكم هذا مو مريض |
أختي الله يكون بعونك بس والله هذا شئ ماينسكت عليه
أنا ماأقولك أطلبي الطلاق بس اطلبي انك بتروحين أهلك ولاترجعين إلين مايتعدل الوضع وإذا هو والله مايبيك وش تبغين فيه؟؟ أنا مقدره لك الموقف اكيد صعب عليك بس صدقيني مثل هالأشكال مايفع معهم إلاكذا وبعدين خليه يطلع على حقيقته يبيك وإلالا؟؟ ماأقدر أقول الا الله يكون بعونك ويفرج لك |
والله اني حااسه فيك .. الله يعيينك
لكن انا رايي يختلف عن كثيرر من اللي ردوا ابيك تكونين دايم كاشخه وانيقه موو شررط قصيرر وعااري بس يكوون انيق ومرتب وحطي ببالك اذا هذا اللبس والنظاافه مو له .. لاا هذا لك انتي وبس واذا قال لا تلبسيين قولي هذا لبسي وانا كيفي احب اكون دايم مرتبه وبنفس الوقت غيري من طريقة معاملتك معاااه يعني انسي انك تقرربين منه .. ولا تطلبين منه اي شي بس طبععاا خلج بشووشه ومررحه ولا تبينين انج متضاايقه ودايم اقراي قرآن وحطي على سورة البقره وارفعي الصوووت ولا تصاارحينه بأي شي من اللي يسوويه خلاااص حااولي تنسيين مكاالمااته والعاده السريه وكل الشغلات الشينه اللي يسوويهاا ادري صعععب .. بس عالاقل حااولي تتناااسيين يعني حسسيه انك خلااص ماعاد تهتميين فيه كثرر اول .. يمكن يخااف يفقدك وعندي بعد راي بس اخاااف لان مو كل الرجال ينفع ويااهم : مثلا وحده شاافت زوجهاا مايهتم فيهاا ومهملهاا بالفرااش قالتله حرااام علييك لييش مهملني ترى انت بتخليني اغللط وتتحمل ذنبي !! اهو خااف منهاا وعليهاا وصاار يعااملهااا ولا عروووس بأول ايامهااا .. شووفي يمكن تنفع معك هالطرريقه وانصحك تقراين قصة الاخت دووت بهذا الرابط .. رح تستفيدين منهاا بشكل كبييرر .. وتحمدين ربك انك اهوون حال منهاا http://www.66n.com/forums/showthread.php?t=75936 وهذي القصه بعد ان شاء الله تستفيدين منهاا .. http://www.66n.com/forums/showthread.php?t=78232 بالتوووفييق |
مو عارفه شلون أشكركم على هالردود الطيبه
ربي يسعدكم دنيا وآخره ان شاء الله بحاول ما أهتم لتصرفاته مع العلم ما أقدر بس أحاول وربي يكون بالعون عفوا : كتابة ان شاء الله (على هذا النحو) |
| الساعة الآن 11:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©