|
تغيرت معاملة اختي لي بعد فسخها الخطبة
السلام عليكم ورحمه الله وبركاته
اخواتي واخواني الكرام لدي مشكله ..واريد منكم المشوره ..لاني فعلا محتاره ..مع اختي حبيه قلبي ..اختي الوسطى ..تصغرني بسبع سنوات وعلاقتنا ببعضنا كانت رائعه ..جداااااااا و قويه جدااااجدااااااااا الى ان جا خطيب لها ومع الاسف الشديد كان عن طريق صديقتي العزيزه.. شافت اختى وعجبتها ...وبغتها لولد خالتها.. الشاب ما ينقصه شئ ملتزم ,وطيب الخلق وحلو اللسان ..ووسيم .. لكن ما كان في قبوووول سبحان الله من طرف اختي وانا مع الاسف ماتفهمت هلنقطه ..واقنعت الوالده بالعريس.. وكانت نيتي والله شاهد اني اسعد اختي..مع شاب نادره مواصفاته في هلايام.. الخاطب من كثر ماعجبته اختي ..هون عن شروط كان مشترطها ..مثلا ماكان يبغى زوجه تشتغل..عندما عرف ان اختي تبغى تشتغل عندما تنتهي من دراستها الجامعيه .. غير رايه.. تمسكه باختى ...اعجبني به اكثر ..واقنعت الوالده ..به وتمت الخطبه ..ونسبه قبول اختى للعريس ماتعدت 30% حاولت اختي ان تنسجم معه .....خصوصا لما شافت كل الناس يقولون ماشاء الله والنعم بفلان..ومعجبين فيه.. لكن لم يكن من نصيبها على مايبدو...لم يحدث انسجام من طرفها ..ولم تقتنع فيه لانه غير طموح ..ومابينهم اي شئ مشترك المهم حالتها النفسيه سأأأأأأأأأات جداااا..وانا كنت واعدتها اذا ماتم قبول بينهم ماراح نتم الزواج ...ابدااااااااا من غير رضاها.. قررت ان تفسخ الخطبه..ولم يعارضها احد بعد ماشفنا حالتها.. والمشكله الان بعد الفسخ اختى ماهي طايقتني ..واذا كلمت اسئل عنها ماترد علي ...اختلفت معاملتها ...واحس انها صايره تكرهني ..من بعد هذا الموقف .. صارحتها ...واعتذرت ...ومافي فايده ..وكان ردها انه الان انحسبت عليها خطبه .. والله احسسسسسسسسسسسسس بالذنب وودي اخذها بحضني واقولها سامحيني ...ماينفع الاعتذار بالتلفون لكن المساااااافه والبعد عااااااااااائق ..والله يجمعني بهم على خيييييييير متامله منكم الله يجزاكم خييييير ان تقترحوا على ...طريقه ...تساعد على اذابه هذا الحاجز ...الي صنعته بنفسي بيني وبين اختي الحبيبه.. |
والله مشكلة فعلاً
طيب جربي ترسلين لها هدية وفيها رسالة اعتذار بمساعدة من أحد أخوتكـ إن وجدوا لعل المشكلة تروح بعدين ياأختي حالتها النفسيه تعبانه بعد فترة هي بترتاح وبتجي تكلمك وتعتذرك بس عطيها شوي من الوقت عشان تراجع نفسها الله يزيل العوائق اللي بينكم . |
&***00(السلام عليكم ورحمة الله وبركاته)00***&
من راي إن اختك حيييل حييييل حساسه والمفروض ماتزعل منك لأنك كنتي تبين لها الخير ماشاء الله تبارك الرحمن أصلاا هنيالها بإخت مثلك .. أحسن شي إنك تبعدين عنها فتره عشان توزن الأمور عدل وبعدين ردي مره ثانيه توددي لها بطريقتك الخاصه .. والله يصلح بينكم يارب .
|
اقتباس:
هلا وغلا فيك اختي وهج اتمنى والله كلامك صحيح .. فكرتك حلوووه وماخطرت ببالي .. بأسئل اخواني عن شغله هي تبغاها وماهي موجوده في البلد وبارسلها ..اكيد بتفرح بها اكثر الله يسعدك حبيبتي ..ماقصرتي تقبلي تحياااااتي |
اقتباس:
وصدقت والله اختي فعلا حساسه جداااااا لكنها هادئه وحبوبه كثير وماتستاهل ابدا الي صار فيها بسببي والله اني حاولت اني اتقرب منها لكن فشلت ...لذا طلبت المساعده.. الله يجزاك خير اختى على المرور والله يصلح الحال وتقبلي تحيااااتي |
كان الله في العون ...على اختك
|
شاكره مرورك اخي الفاضل .. وتقبل تحياااتي |
انا ابا اعرف يعني انتي كنتي عارفه انها مومقتنعه فيه من البدايه حتى بنسبه 30% ليش غصبتوها عليه
حتى لو فيه مواصفات الدنيا هي مسألة قبول ماكانت متقبلته مفروض محد يمدحله فيها ولا يغصبها. |
الله يكون بعونج والله
ولازم تفهم أنج كنتي تبين لها الخير مو أكثر ومصير الوقت يبين لها أنج تحبينها وترد العلاقات مثل قبل وأحسن لان مهما ما يكون أنتوا بالأخير خوات :) الله لا يفرقكم يارب |
اقتباس:
ايه اخي الفاضل كلامك صحيح ..لذا عندي شعور بالذنب .. والله يسامحنا تحياتي |
أختي شجرة الدر
لا تلومي نفسك ولا تعذبيها يا حبيبتي فقدر الله مكتوب ولا نستطيع تغييره والحمد لله أن الأمور لم تتعدى الخطوبة والله أني تضايقت على إحساسك وشعورك الرقيق وأتمنى أن تعود الأمور على ما كانت عليه بينكما لكن كما قالوا الأخوان من قبل الزمن هو الكفيل بحل مثل هذه المشاكل فهدئي من روعك وأنا متأكدة من أنها وبعد أن تتعدى هذه الصدمة ستعود لك ولحضنك الدافىء وأدعو لك ولها بالسعادة والهناء وكنت أتمنى وجود أخت لي لكي نتبادل كل هذه المشاعر لكن مشيئة الله... أختك جدارا |
اقتباس:
اختى q8 اتمنى فعلا ان لا يطيل هذا الوقت . .ويكفيني ان ترد اعلاقه مثل اول ..لانها كانت رائعه.. الله يجزاك خير على المرور وتقبلي تحياااتي |
اقتباس:
بارك الله فيك اختى...جدارا ارحتى قلبي بردك وكلامك الطيب.. اتمنى ان يكون الامر كما ذكرتي غاليتي.. . . والمعذره منك على تأخر الرد الغير مقصوووود تقبلي اجمل وارق تحيه ودمتى بخير |
صدقينى فترة وراح تعدى ولكن تاثيرها قوى اشوى..
راح يتلاشى بحلول خطيب جديد.. |
له له له اختي شجر الدر .... وليش تتضايقين او هي تتضايق؟
يقولون ... " الخطبة لألف والزواج لواحد " ما ادري شكلي خبصت في المقولة :d اختي عادي لو الوحده انخطبت وبعدين ما ارتاحت للخاطب انها تفسخ الخطوبة والموقف اللي صار عادي فما في داعي انتي تحسين بالذنب وما في داعي اختك تحسس ... كلامي السابق عن المفروض ... لكن خلينا نتعامل مع الواقع وهو ان اختك فعلا حسست وزعلت .... حاولي اختي انك تبينين لها ان الامر جداً عادي ... حاولي تبيني لها اشكثر حبك لها ... انتي أدرى بشخصيتها وبشو تحب وبشو تكره ... حاولي تسوين لها شي هي تحبه ... لكن ما اشوف انك تسوين لها هالشي كطريقه من طرق الاعتذار ... لانك في نظري أبدأ ما أخطأتي .... حاولي ادورين لها خاطب .. لكن لا تبينين لها انه من طرفك عشان ما ترفضه ... وصدقيني راح تنسى هالفكره وهالموقف بمجرد ما انها تلقى واحد يناسبها .... وفوق هذا كله ادعي لها بظهر الغيب والله يوفقكم ويسعدكم ... و وسلامتكم |
| الساعة الآن 10:24 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©