|
للمرة العاشرة ,,,,, أرجوكم ما الحل...؟
السلام عليكم ورحمة الله وبركاتـــــة ,,, والله مآ أدري وشلون أبتدي .... أن سالفتي طويله مع البنات كلّ مآ أخطب يقولون صغيرة ,, وإلا تبي واحد مثل مستواها الجامعي وإلا محجوزة لأبن عمها وإلا وش رتبته ( يبون لواء ) وإلا بيته بعيد ......... وإلا أستخارت البنت ومافي نصيب ... وهلم جره ,, أنا الحمد لله مافي شي يعيبني بس المشكله إني أدخن ولا يبين علي إني أدخن لأني أخفف كثيييييير ,, الحمد لله راتبي فوق 5300 وحالتي الماديه من أفضل شي ومتعلم وصلت لين 3 جامعة وفصلت وأنا حتى جواز سفر ماعندي ومتوااااضع مرررررررررررررره ... والمشكله إذا جيت بخطب يقولون نبغى الستر ,,, وبعدين يماطلون ,, ولا ودي أقول تفاصيل عن نفسي ,, مع العلم إن مافي شي يعيبني .. أرجوكم وش الحلّ... ؟ |
الصبر
والدعاء والاستغفار وبعدين وش لك والتدخين، بالله عليك ايش فايدته ؟ بكرة أو بعده بقدرة الله بتصير رب اسرة وقدوة وحولك البزارين تبيه يتعلموا التدخين زيك ؟ <== مو هي السبب لمشكلتك بس نصيحة جانبية من واحد معاشر مدخنين |
أنابصراحه بس أعرف أنك مدخن ما أفكر فيك نهاااااائي:23:
|
ما بتدور مضبوط
أنا رأيي تكمل جامعة انتساب عشان على الأقل تكون جامعي .حتى لو من الجامعة السنغالية
و رأيي لو يكون لك عمل إضافي لفترة مؤقته لتحسين دخلك ( بس تقول للبنت إنه عمل مؤقت ) لأنه إذا تزوجت يدوب الوظيفة و الدراسة. و إنت كمان لا تخطب بنت صغيرة في الثانوي و تتوقع توافق . اخطب واحدة مثلاً بتدرس في الجامعة أو في معهد بس أهم شيء لا تكون حاطط عينك على مرتبها . |
تذكر ان الله لا يكتب الا الخير ولا تستعجل
انت رجل هل تخاف من العنوسه؟؟؟ توكل على الله ربما لله حكمه في صرف أولئك البنات عنك ادعو الله ان يكتب لك الخير ويصرف عنك الشر اسأل الله بمنه وكرمه ان يرزقك الزوجه الصالحه وان يسخرها لك عاجلا غير آجل |
خيره ... خيره لك يارجل
اخوي السلام عليكم رغم ان التدخين مشكله لكن ما اظن انه يمنعك من الزواج؟ نصيحتي: اولا لا تياس و خلي ثقتك بنفسك عاليه لان صفاتك ممتازه ومن رايي شوف اقاربك يعني الاقربون اولى بالمعروف اذا حصلت عندهم بنت تناسبك فتقدم ولكن قبل ما تتقدم لبنت ادرس وضعها زين يعني مرتبطه او غر مرتبطه .................الخ الله ييسرلك امرك وبعدين بعد تعب البحث بتحس بلذة اللزواج |
شوف ياأخي أنصحك بترك التدخين لأنه موشي هين مثل ماأنت متصور:29: قد يكون له الدورالكبير فرفضك كزوج لبنتهم
|
شكراً لكم على مروركم .......
أخي ضوء القمر .. أنا حالياً أخفف من الدخان مررره وأصلاً مايبين عليّ .. وكل يوم أو يومين وأكثر أتركه لكن يصير لي شي وأنفعل ( لأني راعي مسؤوليااات ) ولكن أخلاقي تتعب تحصّل مثلها ( أنا لا أزكي نفسي ) مع العلم أن في نااااااس محترمين مع نفسهم لكن أخلاقهم زفت مع الآخرين .. ولجميع الأخوه بالذات شايفها ... أن صابر لكن يحيرني ليه يقولون نبغى الستر وإذا تقدمت تخطب قالوا نبي نبي نبي .. ياشباب إجازتي في 15/6 والظاهر إني بقضي شهر العسل لحالي ... |
أنصحك باالإنخراط في صفوف رابطة العزاب ( كوني الرئيس ابحث عن أعضاء ):d
دعابة أخي أعرف أحد الاصدقاء مثلك ولكن صدقني اكتشفنا أنه يضع شروط تعجيزيه وعليه يبحث عن طفلة أن صح التعبير حيث يريدها في السابعة عشر من العمر ، والأمر أختلف عن السابق . وللعلم لا يمكن أن تبقى دون زوجة ضع هذا الأمر في بالك ولا تحبط ولا تقلل من عزيمتك ، فلابد وأن الوقت لم يحن بعد وصدقني ستجدها يوما .:22: أنا أعلم أنك كما ذكرت لا تورد شروطا تعجيزية ولكن شرفنا في موضوع للعزاب فقط لننظر في شروطك ولنستفيد من خبرتك في البحث .:25: إضافة ماشاء الله إجازة قبل وجود الفتاة مارأيك نسافر أنا وأنت واعضاء رابطة العزاب لنتزوج من ... من ... ليكن من أدغال أفريقيا نكاية بمن تقول فيهم يقولون نريد الستر ثم يرفضون :( أخوك قف أمامك أنا . |
يا عمري قف أمامك أنا ...
والشروط أن ما أدور عنها ,, بالعكس أنا عمري 24 وأبغى بنت عمرها من 23 إلى 26 ,,,, بس بغيت مربية أجيااااااااااااااااااااااااااااال ,, مشكوووور على مرورك ,,, |
اءستغفر الله و ابدا الان ب الابتعاد عن التدخين و عليك بالصبر الى ان ياتيك الفرج من عند الله
|
الله يوفقك بالزوجة الصالحة
بعدين خرعتني فكرتك طاق الأربعين طلعت توك 24 !! أدري أنك رجال ووقت الزواج بس بدري أنك تتشكى يعني لا تخاف مافاتك القطار ولا التاكسي وكل تأخيرة وراها خيرة والله يكتب لك اللي بتسعدك وتسعدها |
لا تستعجل وأصبر والله يوفقك لبنت الحلال..
أنا زوجي لما كان يدور مرة عجز وهو يخطب... ولما شال الفكرة من راسه نهائيا.. قالوا له عني والله وفقه معاي والحمد لله.. ومادمت مخفف كثير من التدخين أتركه قبل ماتدمن عليه ويصعب عليك اتخلى عنه.. المسؤوليات والضغوط النفسية مش عذر عشان الواحد يدخن.. وبشرنا لما تلقى بنت الحلال.......... |
لما تخطب احرص على بنت تكون من ذات وسطك الاجتماعى كى لا يقابل طلبك بالرفض
وليست كل النساء تقيس كفاءه الرجل بتعليمه الجامعى اما الشىء اللذى استنكره ولا احبه بالرجل بصراحه كلمه اطلب زوجتى معلمه اجيال انا شخصيا مجرد ان اسمع هذه الكلمه من رجل امقته (اعذرنى) لانه دليل واضح على طمع الزوج براتب زوجته القوى فى حال كونها معلمه فان اعطى حجج بعدم الاختلاط فاغلب الوزارات الحكوميه مكاتب البنات منفصله عن الرجال وممكن بنت تكون موظفه بمدرسه لكن اداريه وليست معلمه بالاضافه الى هذا كونك تطلب معلمه يعنى تشترط فتاة عامله اى انك سوف تعتمد على راتبها واحتمال كبير بسبب هذا الامر ترفض |
في ناس وايد يبون الستر خل الأهل يدورون لك ان شاء الله بتحصل البنت الحلال
|
اظيف الي ما قاله الاخون والاخوات من قبلي حاول تتخلى عن شروطك في طلبك للفتاة معينة وارى سنك لسة صغير ان شاء الله تتوفق في الاختيار تكون دات دين وعلى خلق اهم شىء
ربنا يكتب اليك زوجة صالحة وكل الاخوان والاخوات بالزوج الصالح ان شاء الله |
ان شاء الله بعد البحث الله يرزقك بالزوجه الصالحه الي تنسيك همومك
اصبر يا اخي وادعي ربك وكل تاخيره فيها الخيره ان شاء الله |
اكثر من الصدقه والاستغفار وشاهد النتيجه....................................
|
عااااااااااااااااااااااااااااااااااااااااااااااااا ادي
نصيبك لسى ماجاء هذا كل مافي الموضوع متى ما اراد لك الله يسير حتى لو بساعه لاتستعجل وادعي ربك دايم والله يكتب لك مافيه الخير |
كل تأخيرة فيها خيرة لا تستعجل بس اكيد بتلاقي اللي بترضى بيك وبتسعدك ولا تيأس حتى لو وصلت الامور انك كل اسبوع تروح تخطب ماهي بمشكلة انت رجال
|
تجربه ... شخصيه أنا اشعر بما انت فيه لأني عشتها لحظه بلحظه لدرجه انه يجيني احباط من نفسي حصوصاً اذا عرفت ان فيه اشخاص اقل مني في المستوى تزوجوا ومبسوطين وانا جالس في هموم الى ان اتخذت الخطوات التاليه
1- الأيمان بالقضاء والقدر وان الأنسان مسير وليس مخير والزواج قسمه ونصيب واذا اراد الله شئ وضع له سبب ويمكن الله اراد بك خير وانت ما تدري. 2- المحافظه على الصلوات (احفظ الله يحفظك احفظ الله تجده تجاهك .....الخ) لأنها تجعل العبد قريباً من الله . 3- الدعاء ..الدعاء ..الدعاء ..الدعاء ..الدعاء .. تجربه ناجحه قال تعالى ( ادعوني استجب لكم ) اطلب من الله والح في الطلب و لا تمل يمكن الله يعوضك شئ يملا الدنيا في قلبك. قال تعالى ( وقلت استغفروا ربكم انه كان غفارا يرسل السماء لكم مدررا ويمددكم بأموال وبنين ويجعل لكم جنات ويجعلك لكم انهارا ) فيه كتب عن الدعاء روعه وهذا موضوع طوييييييل 3- الصدقه وما اراك ما الصدقه تطفي غضب الرب وبها يسهل الله طلبك. 4- الصبر ...الصبر ...الصبر ... ان مع العسر يسرا بكثر ما تصبر تجيك النعم والخيرات .. لا تتوقع ان الدنيا ما فيها تعب ولا هموم لكن الصبر والقناعه بأن الله بيرزقك . 5- اعلم ان الخيره بيد الله و الأنسان ضعيف ما يعرف مصلحته تلقاه يصر على شئ وهو شر عليه اذا اراد الله بك خير يسره لك 6- التدخين يا ناس ما ادري وش لقين فيه ...معصيه ...ضرر في الصحه ..اسراف في المال ...المدخن شحص عير مرغوب فيه غالباً ويمكن الناس اللي ردوك بسبب انهم عرفوا انك مدخن .... لا تستغرب وتوقع الشئ هذا.. اغلب العوائل و البنات بشكل خاص ما تحب المدخن ولا ترغب فيه . الحيوان وهو حيوان ما عنده عقل يبعد عن الشئ اللي يضره والأنسان اللي اعطاه الله عقل يضر نفسه يعني الحيوان احسن واعقل منه .مع احترامي الشديد . الله يوفقك لما يحب ويرضاه هذا رائي |
اقتباس:
|
اقتباس:
ما أتوقع قصده معلمة أجيال يعني مدرسة بالمدرسة أتوقع يقصد انها تكون أهل للتربية السليمة للأطفال، يعني مو غشيمة أو لسى صغيرة |
الصبر مفتاح الفرج
وسبق مريت بهذا الموقف وفي الاخير الحمد لله تزوجت الصبر الصبر ولا تنسى الاستغفار الله يوفقك |
ماراح تآخذ إلا رزقك ونصيبك عزيزي....
وأصبر راح تحصل بنت الحلال.. لو جريت جري الوحوش غير رزقك ماتحوش :) |
واحد تعبان ,,,,,,,,,,,,,,,,,,,,,,,,, أشكرك على مرورك
كما أشكر الجميع على مرورهم ,, أنا أقصد مربية أطفال بمعنى الكلمة والمادة أنا مآآى أفكر فيها أبداً |
أخي نجم سهيل ,,, يعطيك ربي العافية على نصائحك ,, وعسى ربي يوفقك .
|
منى 777 أنا ما أفكر بالمادة بالعكس ,,, الكلّ يعرفني ,,, وشكراً على مرورك
|
اقتباس:
موفق |
يا أخي ليس ما جاء النصيب وهذا مكتوب لك لذا لماذا الياس فالارزاق بيد الله ومن توكل على فهو حسبه
|
| الساعة الآن 03:03 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©