|
ابن خالتي ونيته بالزواج
السلام عليكم مشكوين على هذا المنتدى الحلو والروعة مشكلتي ...... أول شي آنا بالثانوي مشكلتي اهي ولد خالتي( طبعاً آنا مالي اي علاقة او اي كلام مع عيال خالتي وحتى أسلم عليهم) وهذي المشكلة وايد وخليتني متضايقة ومخنوقة مرة من المرات كنا رايحين بيت خالتي فقعدنا وضحكنا وكل شي وقلنا بعدين بنرجع البيت فآنا سبقت امي وطلعت قبلها وكنت قاعدة ألبس أعزكم الله نعالي ولا اشوف واحد قبالي الا اهو ولد خالتي ولا عطيته اهمية ولا اهو يناديني فلانة آنا انصدمت هذا شنو يبي فيني ولا اهو ماد يده ويقول لي اخذي هذي؟ بس لمحت انها رسالة قلت له ما باخذها وعلى طول مشيت ركبت السيارة مر تقريباً ستت شهور على هذي السالفة ويوم كنت جالسة على النت طبعاً فاتحة الماسنجر لقيت إضافة بأسم بنت قلت هذي اكيد وحدة من صديقاتي فقبلتها وطبعاً بعد يومين كان هذا العنوان شابك فأهو كلمني وقال وقال كل هذا على انه شخص مجهول بس بعدين عرفني بنفسه وآخر شي قال لي آنا ابي اخطبج بس اخاف ما تقبلين فيني؟ هــا فلانة ما قلتي لي ردج قلت له اذا تبي تعرف دري تعال مع امك اللي اهي خالتي وبتعرف ردي وخصوصاً انه اهو يسمع من اسمه ترى هذي العائلة خطبوا بنت خالك وهذا الكلام وبعرف من امه اني دائماُ ارفضهم بحكم اني بعدي صغيرة والمشار بعده طويل الحين ابي منكم يا رجال ويا شباب هذا المنتدى تفسرون لي محاولاته هذي ؟ بمعنى ثاني شنو هدفه من كل هذا؟ |
هلا
إلا ما قلتيلي كم عمر ولد خالتج هذا؟؟ لأنه أحيانا عيال العم والعمة والخالة والخال يندفعوون بعواطفهم لأقرب شخص لهم في العايلة ويمكن "أسهل " شخص يوصلوون له ^ ^ وبعدين إنتي مازلتي صغيرة بالثانوية بس لو كانت السالفة جد في جد فما فيها شي لو كانت خطبة إلى آخره بس غريب ولد خالتج هذا تصرفاته صبيانية لذلك أحس إنه صغير بالسن والصغار بالسن مثل ما قلت مندفعين بعواطفهم ولا يدروون شو يسوون |
عزيزتي الموضوع بسيط اذا انتي موافقه خليه يتقدم واذا مو موافقة صارحيه بهالشي... بس نصيحتي لك لا تتكلمين معه كثير لأنه لو قاللك انه يبغى يتكلم معك قبل مايتقدم فهذا يبغى يلعب بمشاعرك واذا هو جاد بيتقدم على طول..
بالتوفيق ان شاء الله |
تقريباً عمره 20 او 21
اهو السبب اللي مو مخليه تقدم بالخطبة اهو الشي اللي اشوفه في نظره اهو وحتى اخته اول شي ان مستونا أحسن المعيشي أحسن منهم طبعاً هذا في نظرهم وهم هذا واقع والشي الثاني آنا مستحيل ارتبط فيه لان اهو شخصيته جداً مهزوزة قدام ابوه مو معناتها انه لا يسمع كلام ابويه لا اهم ابوهم في كل شي يتدخل حتى في زوجات اولاده وعندهم عيب البنت ان تلبس عباية كتف وطبعاُ آنا ألبس عباية كتف وثاني شي آنا ما اعتقد اني بتكون علاقاتي بخالتي اوكي لأني بنظرها دلوعة ومغرورة طبعاً كل هذا بنظرها |
شكراً يا اخت قطرة مطر
أبداً آنا ما اكلمه حتى اني ما اسلم على اي احد فيهم فشلون اتكلم معاهم ثاني شي أهو اللي كلمني فيها مرة وحده وآنا كلمته على بالي انه وحدة من صديقاتي تسوي مقلب بس بعدين لما عرفت اهو على طولت حذفته فآنا مالي اي كلام بيني وبينه |
اختي الكريمة ، ارى ان الامر محسوم ، هو عرض عليكِ الزواج فيما لو قبلتِ به وانتي تقولين انكِ من المستحيل ان ترتبطي به ، اذا لا توجد مشكلة ، لا تتحادثي معه على الماسنجر وانسي الامر .
|
ماني فاهمه يعني طالما ما تبغيه وشايفه انه مو مناسبك وكل هذي العيوب اللي فيه انتي مقتنعه بيها انها عيوب فاذن ليش بتسالينا وتفكري فيه؟!انسي الموضوع لا تخلي له مكان في بالك.. بس بكل بساطه
|
ياحبيبتي لاتتسرعي وقليلة بعدك صغير
لانة انا لية اخ طلب بنت عمي وكان عمرة 20وخلنا نخطبها وخاف انة تروح منة لما كبر ودخل الجامعة قال مابغاها فانتي قولية بعدك صغير وان شاء الله لماتخلص الجامعة تفضل واخطبني اتحياتي لك |
بدري عليكم شوي :)
الانتظار حتى تكبروا أفضل |
اقتباس:
خلاص انحلت المشكلة وحكم عقلك بعدم الارتباط به.. |
:) ماشاء الله عليكي اختي فاهمة وعارفة فليش تسألي ؟؟؟
عالعموم ما دام كل هالعيوب فيه فأنصحك تقولي لا :d هذولا الظاهرات شو عيل بالباقي ؟.؟ انتي طنشيه ولاتعطيه وجه :29: وشكله هو يبا يلعب أو ما محدد مشاعره بالضبط :22: اختي انتي كذا ......فليش شاغلة بالك ؟؟؟ |
| الساعة الآن 03:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©