صدمة حياتي
 

أكيد ربي ماراح يخذلك اتضرعي إلى الله بالدعاء واطيلي في السجود يا اختي


وبصراحه هو انسان مايستاهل أي دمعه منك مازلتي بهذه الطريقه طيبة القلب ... ,,,

أولاً لاتجري وراه وهذا معاه مرض نفسي أسمه الشك وعدم الثقه بالنفس

أكيد حاسس أنه فيه نقص وشايفك إنتي وراه عشان كده هو مستفرط فيكي

لكن خليكي اثقل من الثقل لأنه الإنسانه إذا ماثقلها زوجها هي تثقل نفسها غصباً عنه ... ,,,

ولي عوده أختي الكريمه والله يكون في عونِكٌ ... ,,,

أُخٌتِكٌ في الله :
أريـــــــــــــــــــــــــج

مشكووووووووووووووووووره اختي اريج عالمرور والحمدالله اني القى ناس يدعون لي بالصبر وان الله يقوي قلبيي
اشكرج من كل قلبي

طبيعي جداً، مادام إنك استخرتي و إنتهى الزواج بهذه الطريقة، فالذي أمامك خير لك إن شاء الله.

أختي الغالية إحمدي ربج على كل شي وعسى أن تكرهوا شيئا وهو خير لكم .. حبيبتي هذا الإنسان للأسف مايستاهلج ولا يستاهل دموعج .. إذا إنتوا ليحين ماتزوجتوا يقولج كلام جارح فمابالج لما تتزوجون .. فديتج الفكه منه أرحم لج صدقيني ولا العذاب معاه .. واذا انتي تحبينه تذكري كل الجروج الي صارت لج منه صدقيني بتمنين نسيانه وبتنسين .. وسوي استخارة بعد.. وصدقيني الله بيكتب لج الي فيه الخير والظاهر انه نصيبج بيكون مع واحد احسن منه يقدرج ويحافظ عليج ويسعدج ان شاء الله وبعدج حلوة وصغيرة :) .. تقبلي تحياتي واحترامي .. أختك فجر

مشكورررررررررين يا فجر و ceh والله كلامكم يرفع من معنوياتي ومايخليني اتحسف على اي لحظه :)
يعطيكم العافيه

حبيت اضيف شي انا ادري ان صعب علي انساه وامحيه من حياتي لكن انشالله ربي يصبرني .
انا بروحي ساعات اكسر خاطر نفسي واقول انه مايستاهل لكن قلبي يرد يحن عليه ويحن لأيامه وذكرياته ادعوا لي ان الله يصبر قلبي لأني محتاجه دعواتكم

آميـــــــــــــــــــــــن يارب ومشكوره يا ام العيال

هذه مشكلتكم يا البنات، عاطفيات!!!!

إذا فكرتي فيه، ركزي على اللحظات الصعبة و السيئة جدا بالنسبة لك، ولا تفكري أبداً أبداً في أي ميزة أو حسنة له.

و عندي مبدأ في حياتي قد يفيدك و هو "استفيدي من التجربة الدرس وانسي الشعور"

رزقك الله من ينسيك إياه و يذكرك الطاعة.

عسى ان تكرهوا شيأ وهو خير لكم
بما انو تم الانفصال تطلعي لقدام وانسي كل الي فات لان الظاهر انو هالانسان ما يستاهلك واحمدي ربك انو تم الانفصال وانتو لسا عالبر
ان شاء الله ربي بيرزقك بالزوج الصالح ويكون يستاهلك

اختي ان شاء الله ربنا يعوضك بأفضل منه ، لا تأسفي عليه فطباعه لا تبشر بحياة مريحة معه ، كنتِ ستعانين من شكه المستمر .وهذا ليس بالأمر البسيط .

الحمدلله أن ربي فكك من هذا الأنسان _وصلت فيه أنه يشك فيك أنتي وأبوه هذا مايستاهل حتى يجي على بالك صدقيني أن ربي بيعوضك أحسن منه بس قولي (( اللهم أجرني في مصيبتي وأخلفني خيرا منها)) فعلا اللي يتنارل مره يتنارل على طول _خليكي قويه_

الدعاء الدعاء الدعاء
له ولك بالهدايه
ادعيله بالهدايه
الله يكتب لكم مافيه الخير والصلاح

أختي الغالية إحمدي ربك على كل شي وعسى أن تكرهوا شيئا وهو خير لكم .. حبيبتي هذا الإنسان للأسف مايستاهلك ولا يستاهل دموعك ..

مشكورييين ويجزيكم الله الف خير لدعواكم لي
صراحه انا الحين محتاجه لدعواتكم وكلامكم وايد يريحني وخليني اتطمن اني ماظلمته بنسبة 1%

حبيبتي..الله يعوضك احسن منه..الله يعوضك انسان يستحق حبك وتضحياتك
احمدي الله حبيبتي انك تركتيه قبل الزواج
فأنا تزوجت وانظلمت ظلم كبير جدا لا يعلم مداها الا الله
اخته بهذلتني ودبحتني وهو يؤيدها ويجعلها تتمادى ويساعدها بعد
وبعد كل هذا انا من تنازلت عن المؤخر والأثاث وكل شيء مادي كان في حياتي
واعطيت فوق هذا مال للمحامي ليخلصوني منه
وماذا ترك لي؟؟؟ طفل مسكين موزع بيننا وينظلم منه وحتى النفقة لم يعطينها لي..أي حصلت فقط المسؤؤلية وهو طلع مثل الشعرة من العجينة بدون عقاب على تدمير انسانة بريئة واستغلالها واستغلال اهلها وتدمير حياتهم
وهو حصل على السمعة الجيدة كونه كان نسيب اهلي الذين سمعتهم جيدة جدا
وعلوه في المسجد واعطوه مكانة ومال...واخذ مني الجنسية
وأنا لم اخذ الا التعب والبكاء وكره الناس لي كونه شوه سمعتي..وعدم التعاطف ومسؤؤلية ابي وحزني وخوفي على ان يأخذه مني لو تزوجت
فما لي غير الله استكي له همي واطلب العون منه
فمن رأى بلاوي الناس هانت عليه بلوته
فتقربي الى الله
ووفقك الله

انسان مريض بالشك..
إذا هذي أولها كيف بتعيشين باقي العمر معاه،طلقج قبل الزواج حتى وبكل هدوء وبساطة..
والله مايستاهل حبك..
المفرض تتركينه من غير ندم..
رجعي له فلوسه والشيكة والمهر.. بعد اللي سواه المفروض ماتشتهين شي منه
أنسيه والله يعوضج بأحسن منه..

عوضك الله خيراً منه ..

ولا تفكري فيه أبد ..

فكري في مستقبلك وحياتك القادمة بإذن الله ..

وعليك برضى ربك في جميع أمورك وأطلبي منه التوفيق ..

اشكركم للوقوف بجانبي ودعواكم لي و انشالله الله يسهل الامور علي وعلى كل وحده تأذت من خطيبها او زوجها ويرزقنا بالي احسن منهم
( اللهم آجرني في مصيبتي واخلفني خيرا منها)

وانا اقولك لا تتحسفين على هالاشكال المريضه بالشك والغيره وربي فكج ويعوضك خير ان شاء الله

ربي يوفقك

اختي الكريمة الفراق بينكما هو الحل الذي في صالحك احمدي الله على ذلك وحاولي ان تثبتي انه مهما فشلت في العلاقة يمكن ان تنجحي في الحياة انجحي في عملك او اي امر اخر و سوف يأتيك من هو احسن منه و افضل لك و لا تفقدي الامل في الحياة و لا تبكي على شئ لا يستحق منك البكاء الاهتام و اعذريه فهو مصاب بمرض الشك لدرجة كبيرة فلك ان تدعي له بالشفاء

ابنتي
كان الله في عونك و عوضك خيرا منه
لكن اسمحي لي ان اسالك سوال
لماذا اصرارك الدائم على التنازل و البكاء و الصياح كما عبرتي
اسمحي لي اسال سوال
ما مدى العلاقه بينكما الله يريح بالك و يكتب لك الخير
اللهم امين

لا حول ولا قوة الا بالله
عزيزتي رددي هذا الدعاء دائما ( اللهم آجرني في مصيبتي واخلفني خيرا منها)
هذا وانتو في الملكة واطلقتوا مرتين ايش اللي راح يصير بعد لا تتزوجوا؟؟؟؟؟؟؟؟!!!!!!!!!!!!!!!!!!!!!!!
موضوع فاشل من أوله ويجب أن ترتاحي وتفرحي لأنك لسة على البر
أهدي لك هذا الرابط
http://www.66n.com/forums/showthread...259#post671259

انا مع راي الاخت ام العيال.. كلامها صحيح 100% ..والله يصبرك ويعوضك ..عليك بكثرة الدعاء والصلاة في الليل

والله يا عزيزتي أنا انصدمت من ها القصة !!!!
صدق صدمة
لكن أبي أقولك إنه ما يستاهل شي منك وربك يدري بها الشي لذلك صار اللي صار
إنتي تستاهلين شخص أفضل منه
وإنتي بعدك صغيرة 23 سنة صغيرة وااايد بعد فلا تستعجلين أو تقولين إنه راحت علي
إنتي يستاهلك واحد أفضل وأشرف وأكثر انسانية ورجولة من ها الشخص اللي كرهته من كل قلبي! :(
عزيزتي ولا تهتمين بالعكس افرحي لأنه ربك أنقذك قبل لا يطور شي بينكم أو تتزوجينه صح ولا لأ؟
أما عن التعلق به وإنه حبك الأول فالبنات رقيقات بشكل ومحد داري فينا
يلعبون بمشاعرنا وهم ما يدروون شكثر قلبنا رقيق ونقي وما يفكر أبدا إلا بالحب الطاهر
لكن الرجاجيل عافانا الله !!!!
عزيزتي الوقت هو الدوا اللي راح يشفيك منه..الوقت راح ينسيك ها الشخص
والوقت نفسه راح يثبت لك إنك أفضل منه ولنشوف كيف راح يعيش بشخصيته المعقدة هذي
أدعو لك من كل قلبي أن يوفقك لمن هو أفضل وأشرف منه
إنه مجيب الدعاااء :)

الله يعوضك ان شاء الله اختي خير منه زوج صالح يحبك ويخاف عليك ما تاخدي في خاطرك اختي الحمد الله لو سار زواج كان حيحصل لك ايه انسان دا مسكين مريض ربنا يشفيه من الي بيه
احمدي الله عند ك شغله حينسيك همومك وبادن الله حتنسي وحيجيك عوض احسن منه صلي وادعي ربنا يصبرك وقويك ويعوضك بالزوج الصالح ان شاء الله

احب اشكركم على كل الي كلامك الي يخليني اثق في نفسي ويخليني ماتحسف لحظه على هالانسان
والحمدالله الي الهه راح يفكني من هالنوعيه من الناس
من بين امس واليوم صارت احداث وايد وقلبي عورني عليها مو عشان شي بس عشان أن في ناس في هالدنيا مايعرفون معناة كلمة الرحمه شنو , انا مرت اخوه صارت تتعاطف معاي وتقولي خليهم هذولا مايستاهلونج لانهم ما عندهم قلب ولا رحمه ( حمدالله والشكر)
تدرون شنو الي صار امه من ذاك الاسبوع راحت تدور له بنت ثانيه وتروح تشوف البنات الي بفريجهم !! وانا للحين على ذمته تخيلوا ... وبعد قالت لي انهم كانو في ( عزه ) ( خلف) وشافت بنت زوينه قامت تسأل عنها اذا كانت متزوجه او لا ....
مرت اخوه تقولها حرام عليج جذي البنت لحين على ذمته وانتي رايحه تدورين بنت ثانيه ؟
تخيلوا شترد !!!!
تقول لها عادي بعد احنا حاجزين فندق وفرقه ومانبي العربون يروح علينا والبنت الجديده بنملك عليها شهر وبعدين على طول عرس يعني المفروض يوم عرسي 6/7/2006 تخيلوا شلون ولا هامهم ولا يعورهم قلبهم علي مع اني الله يشهد اني كنت احب امه واحترمها هي وابوه واعاملهم مثل امي وابوي .
أي صج وقالت بعد زين الشبكه والدبله جاهزين بناخذهم من عندها وبنعطي العروس الجديده !!!!!
المهم انا انقهرت وجلست ابكي وابكي ليش انا حظي جذي بس قلت انا لازم اضمن حقي
يعني هو ذلني وخلاني اموت من الصياح جدامه واترجاه هو وامه انهم يعدلون الوضع وبالأخير يسوون فيني جذي , يبون ياخذون شبكتي ودبلتي عشان يعطون وحده ثانيه ؟؟؟
المهم رحت سألت شيخ وقال لي كل شي نص بنص بس انا انقهرت قلت له شيخ هو طلقني قبل هالمره وعملنا عقد جديد لانه للحين مادخل علي . قال لي الشيخ : هل أختلى فيج
قلت : انه اختلى فيني بس انا بنت يعني لم يتم الدخول
قال : المهم لو دخلتوا غرفه وسكرتوا الباب عليكم معناه انه اختلى فيج حتى لو كنتي لسه بنت . وانا فرحت وقلت الحمدالله ماراح اخليهم ياخذون مني شي بعد حراق القلب والذل الي سوووه فيني

اليوم رحنا المحكمه انا وامي وابوي وهو جا بروحه عشان نخلص اجراءات الانفصال
وتخيلوا !!!!
اول مادخلنا على الشيخ قال له : احنا متفاهمين على الطلاق ( عشان ياخذ هداياه)
قلت للشيخ : لا انا ابيه وهو مايبيني وانا من صجي لآخر لحظه كنت ابيه وشاريته ( مو عشان شي بس انا كنت دايما اقول الحياه الزوجيه كلها مشاكل بس لازم كل واحد يقدم تنازلات من جذي كنت صابره )
قال الشيخ : خلاص كل شي لج ولا شي ترجعينه له
الاخ خطيبي السابق تخيلوا شقال : خلاص ماني بمطلق ؟؟؟؟ يقول انا فكرت وامي وابوي قالوا لا تستعجل لان احنا خسرنا وخسرنا وخسرنا بس انا وهي ماتفاهمنا
قلت للشيخ : شيخ انا الي اعرفه ان كل اثنين ممكن يواجهون مشاكل من أي نوع لكن لازم كل واحد يتصرف بحكمه لأن هذا الشي مو لعبة يهال هذا ارتباط وزواج والواحد لازم يتحمل عشان المركب يمشي ولو ان كل أثنين اعملوا من الحبه قبه جان مافي حد تزوج .
المهم انا مرضيت اتطلق ولا هو رضى يطلق
وتخيلوا شيقول للشيخ انا ابي اطلقها بس ابيها ترجع كل الأشياء الي عطيتها ( تخيلوا)
المهم انا قلت انا مابي اتطلق خلاص وانا مو خسرانه شي وقلت له جدام الشيخ تعال زورني قال لي بعلقج ماني بزايرج ولا شي قلت له خلاص تمشي لي نفقه ( لأن انا المعرس ماواقف لي عند الباب وانا مو خسرانه شي )
قال لي الشيخ رفعي قضيه عليه وخلاص
المهم طلعنا من عند الشيخ وراح كلا في دربه


سمعوا وجهة نظري
انا مو عشان انا ميته على الشبكه ولا الدبله انا بس هم ذلوني واقهروني وخلوني ماسوى بيزه مع اني ماضريتهم بالعكس كنت احبه واموت فيه مع انه كان يعاملني بجفاء والقهر لو انهم كانوا جايني بطيب هو وأمه من باب ان احنا ماتفاهمنا مع بعض والحياه بينا مستحييله جان تنازلت يمكن عن نص الاشياء ولا يمكن الاشياء كلها انا الي قهرني اسلوبهم وتعاملهم معاي جنه ولا شي يعني متى مايبوني يسووني ملاك ومتى ما مايبيني يرفسني رفسة الكلاب ....
انا لا الفلوس بتعوضني ولا الشبكه بتعوضني لكن ممكن تخليني ارد شي من كرامتي جدامهم
يعني مش الي هم يبونه يسونه وانا بنت ناس. وسلامتكم
العزيزه ام اثير انا كنت ابكي عليه لاني عمري ماحبيت وكان هو اول حب في حياتي وكنت اتمنى اعيش معاه العمر كله لأني ماكنت اتخيل حياتي بدونه وقلبي يعورني على الذكريات الي كانت تجمعنا وانا كنت صابره لأني كنت اقول مافي حياه زوجيه تخلى من المشاكل.

والله عورتي قلبي يانور

صدقيني اختي ما يستاهلك وانتي الرقيقة المحبة الكريمة الصابرة

ادعي يالغالية اللهم اجرني في مصيبتي واخلفني خيرا منها

الله كريم ............

والحمدلله انك تركتيه وعرفتيه على حقيقته الحين قبل لا تتورطين معاه

بدخلة وعيال

الله يعوضك خيرا منه .........مبين عليك رقيقة واحليوة وحبوبة

والف من يتمناك

الله يرزقك من يقدرك ويحبك ويحطك في عيونه وتحبينه وينسيك ظلم الظالم اللهم امين يارب .

آمـــــــــــــين يارب مشكوره حبيبتي دفء الحياه والله يوفقنا كلنا ان شاء الله ويرزقنا الي يستاهلنا

احمدي الله انكم لاتزالون على البر ,وعسى ان تكرهوا شيئا وهو خير لكم ،ولا يعني ذلك عدم جدوى الاستخارة فما خاب من استخار ,فكم من امر ظننا ان فيه الخير فيقدر الله لنا شيئا آخر فيكون فيه الخير كله وصدقيني يا أختي ان هذا الشاب شكاك بطبعه فتخيلي لو انه دخل بك وهو بتلك الصفة سيجعل حياتك جحيم لا يطاق أرجو من الله ان يعوضك خيرا منه...آمين,

أخت اريج لا صدمه ولا شيء شوفي لا تستعجلينوقفي كل شيء ولا تكلمينه ولا تسعين ورا الطلاق غيبي فتره عنه طويله وترقبي هو يتزوج ولا مايتزوج ولا كيف بتكون حياته كل تاخيره فيها خيره مع الدعاء قبل كل شيء انظري في حاله مع الله يصلي محافظ عليها هل هو من اهل الصلاح اخلاقه كيف اذا كان محافظ على الصلاة في المسجد وذو خلق كما قال الرسول صلى الله عليه وسلم اذا اتاكم من ترضون دينه وخلقه فزوجوه بعد كذا انظري حالك هل فعلا تريدينه وحياتك معاه فيها مصلحه دينيه ودنيويه واستخيري واستشيري اذا كانت الاجابات نعم ماعليك الا الدعاء وانتظار عودة هذا الرجل الصالح ان كان كذلك وايضا هل هو يحبك اذا كان يحبك قد تكون غيرته دفعته لمادفعته اليه انتظري فسهام الليل لها امد ولا خير في الاستعجال

مشكور يا فلكون على هالكلام والله يسوي الي فيه الخير
العزيزه فلانه من الناس مشكوره حبيبتي عالرد ويجزيج الله الف خير انا كنت اقول نفس الشي بصبر ويمكن يرجع لي وانا كنت ادعي ربي كل يوم اذا كان هو خيره لي ان الله يصبرني عليه
بس اذا تفضلتي وقريتي ردي الاخير الي كتبت فيه شو صار في المحكمه بتشوفين انه صار انسان بايع وماهمه الا الفلوس الي خسرها ماهمته مشاعري ولا شفع لي شي عنده وانا الحين ناطره لأني مابي اريحه مثل الي سواه فيني خله فتره بدون ما اكلمه لا انا ولا اهلي وبنشوف في الاخير شنو الي يصير تخيلي يقول للقاضي انا مابيها بس ابيها ترد لي الشبكه وراح اطلقها يعني خذاني لحم ويبي يرميني عظم !!!! انا الى امس وانا رايحه وانا اقول عسى ربي يهديه لأن يمكن يتعوذ من أبليس ويصحى لنفسه قبل مايخسرني ... لكن للأسف ماهمته مشاعري وهمته الفلوس ؟؟؟؟!!!


أم عبدالله العزيزه مشكوره عالرد وارجوكم دعواتكم من أجلي

بس يا إختي إلى متى راح تكونين على ذمته !!!!!!
لا تعاندي ..فكري في نفسك قبل كل شي
أخاف عليك منه
الله يفك همك ويخفف عنك ياااااارب

والله انا احترت أهلي يقولون لي شي وانا شي وانتوا شي

ان شاء الله الله يفك علي هالازمه