ماذا حل بكِ أو بكَ من واقع النظرة الأولى عليك!!؟؟
 

الى الأعضاء المتزوجين والعضوات المتزوجات والمخطوبين والمخطوبات...

سؤالي هو: لما حضر خطيبك أو خطيبتك(زوجك أو زوجتك حالياً) للنظرة الشرعية أو للزيارة الأولى بعد الملكة...
المهم يعني أول مرة تقابلون بعض وتشوفون أشكال بعض ؟؟ وش كان أحساسكم هذيك اللحظة؟؟؟
وش كان ردة فعلكم هذيك اللحظة؟؟؟
وبزيد سؤال للمتزوجين...هل هذيك الأحاسيس وردة الفعل تكررت عليكم بعد الزواج ولا صاير كل شيء عايدي...!؟؟

أنا بجاوب عن نفسي...
أول مرة شفت فيها خطيبي (زوجي حالياً) كان في حفلة الملكة فقط وبعد كذا ماشفته الى ليلة العرس...
المهم مانظرت في وجهه ولا أدري عنه أبيض ولا أسمر ولاطويل ولاقصير..جلس جنبي وما قدرت أناظر حسيت بكهربه تلعس رجولي وأطراف أصابعي...وقلبي أذا دق 1000دقة في الدقيقة قليل!!! هو طبعاً علق عيوووونه وماأعطاني فرصة أناظر ولما نادته المصورة ..أختلست نظرة سريعة بس ما أنتبهت...ولما جلسنا نتصور أحرجتني المصورة(ياليتني ماجبتها ذيك الليلة هاذا الكلام كررته في قلبي طول جلسة التصوير)...ماتصدقون أن المصورة تجر يدي جر وتحطها على يد زوجي (قصدها أمسكي يده)..وكل مالمست يدي يده لسعتني حرارة يده وصرت أعرق وشوي وشوي بغيت أدوخ...وهوماشاء الله كل شيء عاجبه..لدرجة أنه بعد المصورة شوي وعطاني بوسة على خدي ......والله لين أنتهت الحفلة وجلست تقريباً يومييييين ومكان البوسة لسه حاسه فيه...أحس زي النغزات في مكانها....ز

بس بعد الزواج بفترة مو طويلة...البوسة صارت عايديه... لمسة اليد عايديه..صح أنه فيها حنان وحب وحرات وشوق وعايشه معه في نفس البيت...
بس كل شيء كان أول مرررره له طعم خاص ونادراً يتكرر لأنه ردة فعل غير طبيعية (أقصد مانتحكم فيها)
ولا أنتم وش رايكم!!!؟؟؟

صحيح إن الحيا زاااااااايد....... بس الشوق غييييييييير ...... والحب له إحساس ثااااااااني

تحياتي لك

شكرااااااا لقلم شاعر على مروره
وصح كلامك كلامك كل شيء غير....له طعم غير..
بس بأمانه!؟؟ماحنيت لأيامها!!؟؟؟

شكراااااااااااااا أختي وادي حنين2005...على مروووووورك
قال الله تعالى(وعسى أن تكرهوا شيئاً وهو خير لكم)...
الله يوفقك ويرزقك بالي في بالك...آميييييين

أما بالنسبه لي ذاك اليو م لا ينسى كانت شوفه قبل الملكه.خرجني الوالد له اللي هو زوجي الأن.....وسلمت من الخلعه بس بالايادي حتى هو تفاجئ وجلست بيني وبينه مترين وجلس معنا الوالد واثنين من أخواني وذاك ذايب من الحياه ولاشافني ولاشفته بسبب وجود أفراد العائله الملقوفه بس هي نظره أول مادخلت أستمرت عشر الثانيه وبسبب الارتباك والخوف والسرور شفته ملك جمال العالم وهو كذالك الى بعد الملكه في العيد زارنا وشفته زين فحصلتلي صدمه ... لا أمزح ...............بس والله أتمنى أتمنى يرجع الزمن لورا شوي.........(حبيبت يوسف)

شكراااااا لمروووورك أختي حبيبت سيف..
نفس أنا شعورك...حنيت للأيام اللي قبل الزواج سبحان الله كان فيها كل شيء له طعم غير!!!

مساء الخير للجميع ....ذكرتوني بأحلى ايام عمري الصراحة انا اول مرة جلست فيها مع خطيبي كانت حلوة تجنن ....يعني احلى لحظات الحب والحنان اللي ماتنعاد .......يعني كان يناظرني ولما اطلع بعيونه ينزل راسه ....حاولت اناظره بس الحيااااااء كان ملازمني ....بس احلى لحظة اني شعرت بالبرد وانا جالسة جنبه ....قالي بردانة تعالي ادفيك....بس طبعا انا كنت مستحية فهو جا تقرب مني وحظني يبي يدفيني ....حسيت اني احلم وماصدقت ان من اول لقاء يلمسني ...وبعدين اخذ يدي ودلعها وباسها وانا طااااااااااايرة من الفرح والحياء .....وبعدين قام يتغزل بعيوني ..ومن هالكلام .....لكن اللقاء الاول كان احلى لقاااااااااااء ملئ بالحب والحنان والحياااااء ...هذا رأيي ....الحائرة مرااات ....ذكرتوني واله بأحلى يوووم بحياتي .......................:16:

شكرااااا للأخت الحائرة مرات...على مرورك
أنتِ ذكرتِ أنها أحلى لحظات عمرك اللي "ماتنعاد"...والله أنك صادقة
كل شيء له طعم حلو ماينعاد...
الله يعطيك اللي في بالك...

يابنات كل وحدة وهي تذكر قصتها تقول كنت مستحيه وخايفه وبردانه ومنحرجه _____ طيب والحين كيف أحاسيسكم بصراحه تامه ..........................

هلاء بعد الزواج :14: اكيد كلنا سرنا بنعرف (من اين تؤكل الكتف:22: ) يعني ماضل فيها حيا من
ابو العيال:15: مش بتسير وقحة يعني على الاخر...... لا . لا .بس اجرء !وواثقة بنفسها اكثر من اول :25:

كانت صدفة لما تعرفنا على بعض اناو زوجي بحضور اصدقائنا اخدنا الحديت كنت بناقش بطريقة عفوية وصريحة وفي نفس الليلة سالني لو اني مرتبطة فرديت لا فطلب مني اخد لو معاد مع اهلي وسهلت ليه مقابلة وفي نفس المكان تواعدنا على الحب ونكون صرحاء ولو واحد زعل يروح لنفس المكان يشتكيه
ولا اخفيك اختي كلما بعمل شىء ويزعل بيقولي انا رايح للمكان الي تواعدنا فيه فكراه فكرا كلامك وبرجع اتفكر اللقاء الاول الحمد الله بيجمعنا حب كبير وما حسيت بشىء مغاير عن الاول مرة شفته فيه

شكراااااااااا جزيلاً لكل من:
حبيبت يوسف
وادي حنين2005
fleur
على تفاعلكم وردودكم...

سلام عليكم يا جماعة

ترى أنا لا مخطوبة ولا متزوجة

بس داخلة لقافة

أبغي أحصل منكم دعوات إن الله يرزقني باللي يسعدني ويهنيني

والله يعطيكم كل خير وعافية

سلام

اول مره شفت زوجي فى الرؤيه الشرعيه طبعا انا رفضت وقلت انا راح اشوفه اول من غير ما يدري وشفته من خلف الباب وصراحه ارتحت لها واعجبت فيه وافقت انه يشوفني وكنت مستحيه وخايفه وعدى اليوم على خير وبعدها بااسبوع صارت الملكه وبعدها بشهر صار الزواج والحمدلله ان ربي رزقني بزوج حنون وطيب واكثر من كذا اني احبه موووووووووووت...
الله يرزق بنات المنتدي الزوج والذريه الصالحه...

ام لولو

اما انا نكته !
 

اما انا اول مره اشوفه كان يوم الشوفه الشرعيه:11: .. ما كنت قادره ادخل من الخجل والخوف واخوي يدفني عند الباب :29: عشان ادخل وانا مو راضيه على قول امي تقول كانه خروف ساحبينه عالمصلخ.. اللي يضحك انه كان فيه مرايا في الصاله اللي زوجي قاعد فيها عاكسه كل المضاربه والدف اللي بيصيير بيني وبين اخوي :d بس للاسف احنا ما كنا منتبهينلها...
المهم اتفقت انا واخوي انه اعد 1-2 -3 وندخل سوى وقلت بسم الله ودخلنا.. امي موصيتني قبل ادخل انه اسلم بالكلام بس لكن زوجي قام ومد يده للمصافحه من قبل ما اوصله فما حبيت اكسر خاطره وصافحت.. المهم اخوي خلانا وراح وانا جوى قلبي انواع السخط والسب على اخوي لانه تاركنا لوحدنا..
الحقيقه تنقال يمكن طالعني مرتين او ثلاثه اما انا مع الخوف والحيا قلبت على جرأه مادري شلون وطالعته وفصفصته بعد:28: تكلم عن نفسه وانا اتكلمت عن نفسي مع صوت يقطّع وابلع ريقي لا اراديا بوسط الكلام الله لا يوريكم شي يفششششل:29: ارجف كاني جوال محطوط عالهزاز:24:

الصراحه اول ما شفته قبل ما نتكلم قلت في نفسي لا يمكن يكون هذا زوجي عكس ما كنت انا راسمه ببالي من ناحية الشكل بالذات بس بعدين لما تكلمنا وسولفنا حسيت براحه غريبه لدرجة انه اخوي لما رجعلنا الصاله تمنيت انه ما رجع واعطانا خمس دقايق اضافيه!!

زوجي طلع من عندنا ما اعطى اي تلميح بالموافقه او الرفض وكذلك احنا خصوصا انه لما جيت اطلع قلتله (فرصه سعيده) يعني كانه ( انسى الموضوع ) بس بطريقه غير مباشره..

قعدت 5 ايام وانا اضرب اخماس في اسداس الين ما دقت امه تسال عن موافقتنا اذا وافقنا او لا وصار النصيب الحمدلله:14:
الان حمدت ربي اني وافقت عليه وما ترددت او رديته .. اللهم ادمها نعمه واحفظها من الزوال..

شكرااااااااااااا جزيلاً لكل من:
بنوتةحلوة...الله يرزقك بالزوج الصالح والمحب لكِ ...لا أوصيكِ أختِ اذا تقدم أحد لك بالإستخارة..
وعيشي الحب اللي عايشينه احنا المتزوجات والمخطوبات...لا أوصيكِ غرقيييييييييه بحبك ....وجننييييييييييييه بعد!!!:d
والله يعطيك اللي في بالك....
kalddd
Crestalla
على مروووووووووركم ..معليش على تأخيري في الرد...توقعت أن الموضوع أُهمل ..لأني منزلته من زمان...
وعساكم على القوة..