|
اريد ان اخطبها ولكن اخشى رفض اهلي واهلها
بسم الله الرحمن الرحيم اولا اقول الف شكر لكل شخص بهالمنتدى واسف اني وضعت الموضوع هنا لأني ماقدرت اضعه من قلبي الا هنا ثانيا ابي اقول لكم مشكلتي وبسرررعة ابي منكم الحل انا شاب موظف والحمد لله وعلى وشك الزواج والاهل ينتظرون اني اشاور لهم وهم يتقدمون بس انا رافض لحين اشعار اخر لاسباب تخصني مثل الانتساب بالجامعة و التجارة وغيرة ، الوالد قال لي ابي ازوجك مع اخوك عشان المصاريف تقل عليك وعليه لكن.!!!! انا من كثر ما شفت من بنات الناس الله يهديهم ومن كثر ماسمعت ومن الشباب اللي بالعمل معاي ( شي يهول ) تصور واحد يعرف اكثر من 24 بنت والثاني من يطب المكتب ومن صباح رب العالمين وهوبالتلفون والثالث يحكي مغامراته مع بنات الحـ... المهم انا وصلت لمرحله فقدت الثقة بالبناااااااات !!! نعم فقدت الثقة فيهم . ومع العلم اني انسان فاهم وعارف ان الدنيا بخير وبنات الناس اللي فيهم خير واجدين لكن وش اسوي اذا قصصهم اللي تشيب الراس اسمعها واشوفها بشكل يومي. المهم هذا جزء من المشكله لكن مو مهم عندي لاني متفائل ولم أغلط في حياتي ولله الحمد عشان القى بنت الحلال اللي اكون صادق معاها ولا اخونها لا قبل ولا بعد الزواج ان شاء الله. (جزء من المشكلة) (المشكله الاساسية) اني لقيت اللي تناسبني بس ما اقدر اقول لاهلي من هي مع العلم انها بنت خالتي !!! والله ان البنت مافيها شي يعيبها غير انها ماكملت الثانوية لظروف اهلها ولا بدر منها شي يسيء بأخلاقها او اخلاق اهلها لكن المشكلة في الموضوع ان ابوها صار مليونير فجأة ومن اصحاب الملايين مع العلم انهم كانوا لابأس بحالتهم وكل اللي حوله قالو انه حصل عليها في فترة وجيزه ( يعني الموضوع مشكوك فيه ) واخاف ان اهلها يحسبون اني داخل على طمع مع العلم ان اهلها كانوا يقولوا لعيالهم شوفوا فلان وخلوكم مثلة ( يعني انا ) بس للاسف هالحين الوضع تغير . المشكلة الثانية ان حصلت مشكلة سابقة بيننا وبينهم وصارت مثل الوشم بالجسد لايزول الا بالكي ورجعت المياه لمجاريها لكن مع بعض الحزازيات والثقل معاي خصوصا لأني انا من التفت للمشكلة اللي صارت المشكلة الثالثة اني اخاف رفض اهلها يؤدي الى حزازيات بين العائلتين وبيني وبين اخوها اللي طول عمرنا مع بعض من زمان وان شاء الله ما نفترق . واللي قاهرني ان البنت ما فيها شي يعيبها ولا هي تنعاف وانا ولله الحمد نفس الشي بس بنروح ضحية كبرياء وغرور من العائلتين . الزبدة ابغا اوصل لاهل البنت اني طاااااااااااااااير عليها كيييييييييييييف ؟ مع النظر في المشكلة الاساسية لي واخاف ابوي يرفض واخاف ابوها يرفض واخاف امها ترفض وامي بعد واخوها يرفض واخواني بعد ( ويصير زواج بقرار جمهوري) الله يخليكم وش الحل مع العلم ان البنت من النوع اللي محترم جدا جدا واللي حببني فيها اخوها اللي مايفارقني ولا افارقه من صغرنا و صداقتنا والمصيبة اني ماقدرت حتى المح لاخوها تكفون بليييز بليييز شوفو لي صررررررررفة ترا والله لابكي وسط المكتب لو ما رديتوا علي بسرعة. |
اهلا يا اخوي الدنيا لسى بخير المهم ادعي رب العالمين انهم يرضو وقوم الليل وادعي بالسجود انها اذا كان فيها خير تكون لك واذا كان مافيها خير ماتكون لك وان شاء الله اهلها برضو اذا فيها خير وليش تبكي خلي املك بالله كبير المهم اذا ماصار الموضوع احمد ربك ولا تزعل لانو ربنا بكون اخترلك الاحسن واذا في نصيب برضو احمد ربك انو يسر الامر <قل لن يصيبنا الا ماكتب الله لنا>
|
اخي الكريم ...
مسأله انك فقدت الثقه بالبنات احب اقول لك ان حتى بعض البنات وكثير منهم فقدوا الثقه بالشباب ... وانا اولهم ... وبالنسبه للحل قول المصطفى عليع الصلاه والسلام .. اظفر بذات الدين تربت يداك ... وصاحبه الدين واللي اخلاقها عاليه صدقني يبين عليها وتعرف بين الناس لكن الواجب على الشاب يسأل ويتوكل على الله ... وبالنسبه لخوفك من الرفض انا مستغربه ليش كل هالخوف ... كثير خطبوا وقوبلوا بالرفض ماصار شي وحتى بين الاقارب ... انت كلم الوالده اول شي او احد من خواتك تسأل الام وبنتها من غير مايكون اي شي رسمي ..يعني جس نبض مثل مايقولون ... وتوكل على الله ..وماراح يصير الا الله كاتبه رب العالمين ... |
نصيحتي ابعد عن هالجيزه واستخير بعد....وش لك بالحزازيات ووجع الراس((حلاة الزواج سعاده وراحة نفسيه))
واذا ملزم عليها اولا استخير وادعو الله بألحاح مع التفاؤل بأستجابة الدعوه وفاتح امك وامها بالموضوع بدون رسميات وخذ الكلمه الأولى اذا موافقين الحمدلله واذا قالو اصبر اصبر واذا حسيت انهم شايفين انفسهم انصرف وقل خيرها بغيرها ان شاء الله اتمنى لك التوفيق ((والبنات تارسين البيوت ...وناس كثر فيهم خير ولله الحمد)) وبعدين لاتحط براسك ان اللي يغازلون الشباب ...بنات متربين ....هذا ايذا عندهم اهل اصلا... اتمنى للجميع التوفيق والستر في الدنيا والآخره |
اقول وش لك في الزواج وعوار الراس هع هع هع
اسمع مني خلك عزوبي بلا زواج بلا هم انا الحمدلله اطلع على كيفي واجي على كيفي ماحد يقولي وين رحت وليه تأخرت هع هع مبسوط من دنياي والله الحمد والله قبل منت اخس منك دايم احن على الاهل اني ابي اتزوج لاكن مشكلتي ان حالي على قدي يعني ماني من العيال الهاي وانا لي اصحاب كثيرين متزوجين وسئلهم كيف الزواج معاهم كلن يقول والله هم ومشاكل وتعب ويتمنون انهم عزوبيه هع هع والله يوفق الجميع اخوك المعاني مشاكل |
صلي استخاره وتتوكل على الله وفاتح اهلك يخطبونها لك...
واذا الله قاسمها لك بتيسر امورك باذن الله... واذا رفضوك اهلها لاتغتم ارضى بقسمة ربك.... بس المهم انك تسعى في الموضوع. |
والله حالى من حاللك انا جالس في شقت عزاب و الله لا يوريك مو بس بنات و الله مشاكل ما تخطر على البال بس ماوصلت اني اشك في كل بنات خلق الله او اني انحرف الحمدلله انا واحد متعلم وتربيتي ماتسمح و هم اخلاقي ماتسمح اكون واحد مثلهم .تقول انت تبى البنيه و تبيهاتكون من نصيبك صدقني سهلة اكثر من ماتتصور ليش انت ما تحاول تققل من مقدار هالمشكلة يعني حاول تخليها على اجزاء .
اول جزاء اهو انك تتأكد و تشوف اذا البنيه نبيك ولا .بعد تشوف المشكلة اللي بعدها يعني اذا كان الوالد معكر هو تشوف لك واحد يساعدك في اقناعه بعدين انتقل الى الشي اللى بعده . اللى ابي اوصله لك هو انك تقوم بحل المشكلة بشكل تدريجي مو على دفعه وحده . أتمنى لك التوفيق أخوي وعقبال الزواج. |
البنات ليست متشابهه فلا نحكم على البنات من خلال فئه منهم
ام موضوعك مع قريبتك فلا شىء يوضحه الا الخطوه العمليه منك فلابد ان تعلن رغبتك للزواج منها لاهلك ومن ثم لاهلها واهلها يعرفونك وعاجبهم كونهم مدحوك ولن يفسروا تقدمك لها على انه نوع من الطمع لانهم يعرفونك جيدا فعجل هذه الخطوه قبل ان يسبقك غيرك اليها |
انت جاوبت على تساؤلك الاول بوجودك بنت مؤدبة وعاقلة فالبنات واالرجال ليسوا سواء والدنيا فيها الصالح وغير الصالح وستجد غيرها كثير ادب وعقل ولاتهتم بالثانويات .......... وعن التقدم لها بكل دبلوماسية وقبل الاقدام على هدم او تقريب العلاقات فيه شيء اسمه ( جس النبض ) من كلتا الناحيتين يعني من بعيد لبعيد والنصيب يكتبه الله ولن تأخذ غير نصيبك وخليك مؤمن .. وادعوا لك بتحقيق امالك ... امين .
|
نقل الى عالم المقبلين على الزواج مع تعديل على العنوان ليتناسب مع المحتوى
|
ادعي ان ربنا يرزقك بنت الحلال
|
أخي الفاضل..لكي لاأقول لك كما قال السابقون من الأعضاء سأنطق بجملة واحدة وهي تكفي للتعبير عن اختلاف
الفتيات (هل أصابع يدك متساوية؟) وبالأجابة ستفهم المغزى.. أخي كلم صديقك (ابن خالك) ودعه يجس النبض من أباه ومن ثم تقدم فربما يكون زواجكم باردة للإصلاح.. بين العائلتين فحسب مافهمت أن هناك خلاف.. ان قبلوا بك كان بها وإن لم يقبلوا بك فدع والدتك تخطب لك فتاة ذا دين وخلق والله يسعدك أختك حائزة الأمل |
اقتباس:
رد راااااااااااااااائع |
حتى انا فقدت الثقه بالشباب .. كل كلمه والثانيه قالو بنات .. كأنه البنت مو بشر حالها حال الولد تصيب وتخطئ .. الله يرحم حالنا ..
وشلون فاقد الثقه بالبنات .. وانت بتتزوج بنت خالتك .. يعني بنت خالتك مع احترامي الشديد هي شريفة زمانها !!! تراك تقذفنا بالطريقه ذي .. وبالنسبه لموضوعك .. انت خاطب .. يعني تتوقع الرفض والقبول .. عادي جدا .. وفيه ريد يقول لك خلك عزوبي .. الزواج وجع راس وهم .. والله احلى وجع راس بصراحه .. واللي يقول لك كذا .. انه بمشاكل .. تراه نصاااب .. عشان ماتصكه بعين .. خصوصا زي ماقلت على قد حالك .. الله يرزقك .. بس لاتصدق كل شي ينقال .. العين موجوده وينخاف منها .. موفق .. |
ارجوك وباسرع وقت توكل على الله واخطبها، ولاتنسى ان تدعي الله بان يوفقك ويسر امر زواجك، صدقني الدعاء والصدقه لهما مفعول عجيب
لذا ثق بالله ولا تتردد، وتاكد ان الله معك اخي البنت الخلوقه مطلوبه فسارع بخطبتها واذكرك الرسول عليه الصلاة والسلام قال: لم يرى للمتحابين مثل النكاح واقترح عليك ان تكلم اهلك اولا ثم تلمح لأخاها باعجابك باخلاق اخته توكل على الله واخطبها ولا تهتم للأمور الأخرى ربك معك وياربي يجمعكم على خير |
اخوي اصابع يدك ماهي سوا وزي ماانه فيه شباب يلعبون وفيه شباب خلوقين زي ماتقول على نفسك فالبنات نفس الشي فيه منهم الطيب والخبيث...
نصيحتي انك تستخير وتدعو الله ان يكتبلك الي فيه الخير ... ثم فاتح اهلك بالموضوع ان وافقوا فهذا شي طيب واذا ماوافقوا فالبنات تارسين البيوت وخلي امك تشوفلك غيرها .... الله يوفقك ويسعدك |
السلام عليكم
حل المشكلة سهل إن شاء الله وسجيبك من خلال حلول عمليه تحتاج إلى تطبيق: 1- قبل كل شيء لابد لك من الإستخاره وهي ركعتين ثم الدعاء. 2- شاور والدتك في الموضوع ولكن تحتاج منك إلى إقناع فقط. 3- استخدم أخها وسيلة في أخذ المشورة من أخته وأهله لو أقدمنا على هذا المشروع ماتتوقع هل ستتم الموافقة. 4- أظهر قوة شخصيتك في العائلة. 5- كن متفالاً في كل خطوة تخطوها مع الدعاء في ذالك. 6- أكثر من قول إن فلانه فيها خير فيسرها لي وإن في شر فصرفها. مهم جداً (( لابد من الإيمان بالقضاء والقدر إذا لم يوفقوا على ذالك ولكن ليس الزواج محصور بي بنت خالتك الحمد لله البنات كثير وفيهن من الصفات الجميلة والحميدة )) مهم جداً (( التنبه لحديث الرسول صلى الله عليه وسلم _ تنكح المرأة لأربع لدينها ولجمالها ولخلاقها ولنسبها فاظفر بذات الدين تربت يداك )) محبك / مستشارك المؤتمن - الرياض - |
من رايي قبل متتخذ اي خطوه عليك بصلاه الاستخاره
لان فيها تيسير للزواج اذا الله كاتب لكم وبعدين خل اخوها (صديقك ) مثل ماقلت يحاول يقيس نبض ابوه على سبيل المزحه وانت بعد نفس الشي حاول تقيس نبض اهلك على سبيل المزاح والله يوفقك |
أن الله كااااااتب أنك بتاخذها والله بتآخذها وإن كان سبحانه مو كاتب والله لو يوافقون ,,, مآآ راح تصير من نصيبك ,,
خلك مثلي ,,, جرييئ ورح كلمهم ,,,,, بالعربي خرّبها ,, |
اخي كاتب الموضوع
رفع الله قدرك في الدنيا والأخرة اولاً ان كانت صاحبة دين وخلق ومقتنع فيها فيا اخي الامر محسوم من قبل ان تخلق فوالله العظيم لن يمنعوها عنك ان بدلت الاسباب ولن تاتيك ان اهملت الاسباب فسعى لها يسر الله امرك واقترح عليك ان تبداء الموضوع اولاً مع اقرب شخص اليك في عائلتك وعائلتها اخوها مثلاً ومن عائلتك والدتك ولتكن حاسماً في امرك غير متردد عسى الله ان يجعلك سبب خير واتلاف بين العائلتين وبالتوفيق |
والله احلا رد قريته يااسطوره بس للاسف مين اللي يفهم؟
ناس تنغر بالمظاهر والمظاهر خداعه وسبق وذكرت انه مايعرف الفتاة الا الفتاة نفسها حتى لو تصنعت الاخلاق والحياء كلنا نعرف نمثل |
| الساعة الآن 10:08 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©