خطيبي مغرور كيف اتصرف ........!
 

بسم الله الرحمن الرحيم
كيفكممممممم جميعا والله اشتقت لكم ولمواضيعكم ونصايحكم بعد غيبه دامت اسبووووووووع.......
المهم
خطيبي الله يصلحه يمدح بنفسه وشكله وثقافته كثييير مره ودايم يقول لي انا احلى منك وانا احسن منك وانا لما اقوله لا انا احلى منك وزي كذا يزززعل:(
ابي اخليه يتواضع شوي احس مالي داعي اذا قام يمدح بنفسه ولما انا اسوي مثله يقعد يضحك علي يقول مستحيل تصيرين زيي مع العلم انه انسان جدا جدا عادي ومافيه شي زووود
قولوا لي كيف اتعامل معاه بهالحاله........
أختكم الصغيره خبله..........بس حلوه:22:

لمن يقولج انا احلا منج قوليله الرجل اب رجولته مو شكله ولا شان عمت الفوضى بالبلد و مداح نفسه يبيله رفسه خخخ لا يبه اتغشمر بعد يزعل علينه لانه البعض ما يتحمل غشمره ... قوليله ليش ماخذ وحده مو مثلك !! اذا انا ما اوصل مستواك على قولتك ! خليه يتكلم راح تحسين كلام فاضي و ماله اي معنى ... الي احسن من الثاني ما يقول انا احسن لانه عيب ... لا تسكتين على شيء جذي لانه مع الوقت اختي يمصخها و يمكن يقولها جدام اهله او جدام الناس ف لمن يسوي جذي كوني صارمه و قوليله ما احب هل الغشمره و اذا مو عاجبك انته لسه على البر ... اختي لا تعطين مجال للغلط على شان ما يتكاول عليج
اختج بني

تسلملي بوني وشكرا على ردك
مع العلم اني انا احسن منه في كل شي وانا حسيت انه يقول كذا غيران مني
واعوذ بالله من كلمة انا

أختي الغالية خبلة بس حلوة .. سفهي له يعني لما يمدح نفسه إنتي اسمعيه بس لاتردين عليه لا بالايجاب ولا النفي يعني عادي عندج اسمعي وكانك ماسمعتي وهو بيتعب بعدين وماراح يعيدها .. ولا تمدحينه كلش حاليا ... وان شاء الله بيتغير 180 درجة :22: .. تحياتي لك

:22: :22: يسلم فمك عزيزتي

طيب هو يمكن مو لاقي مدح منك او كلام حلو قام يمدح نفسه يعني حابب يسمع كم كلمه حلوه ترى الرجال يحبوا المدح يمكن لما ترضي غروره يتغير ومو قصده يشوف نفسه
واعتقد ياحلوه انتي ادرى
اذا كانت هالحركات غرور اديه على راسه بتجاهله زي ما قالوا الخوات
اما اذا كان بحاجه للاهتمام فمدحيه

لا تقعدين تمدحين نفسك قدامه خطأ خطأ

خطيبك ناقصه مدح منك انتي

امدحيه هو
قولي انت احسن واحد وانت اكثر انسان مثقف وانا اكثر وحده معجبه فيك
هو لما يمدح نفسه لانه مسكين حاس بإنه محتاج لك انك تمدحينه لانه ما شاف منك كلام حلو

هذا ماهو غرور

انتي امدحيه واثني عليه
واذا قال شيء قولي صدقت

حاولي تقولين له كلام حلو وامدحيييييييه لا تقولين بعدين يشوف نفسه علي لا مهوب صحيح
دائما اللي يمدح نفسه فهو في الحقيقه يفتقد الى المدح ولانه شاف منك التقليل منه وتجاهله فهو يبي يحسسك انه مهم
ويحاول يلفت انتباهك


ودليل على كلامي انك تجاهلينه وتقللين منه كلامك عنه - وانه ماهو ذاك الزود وانك افضل منه -

انتي جربي كلامي و تشوفين ان شاء الله ما يسرك :)

دلعيه .. امديح .. خليه تاج راسك .. هذا زوجك ومحتاج منك المدح ووده يسمعها منك .. حاولي تفهمينه

أختي خبلة بس حلوة الاخوان ماقصروا بس حبيت أأكد على عدم تقليل قدر زوجك عندك يعني خليه أهو الكل في الكل ترى الرجل يبي الوحده اللى تزيده ثقه في نفسه مو العكس حاولى مدحه تدليعه .......الخ
أهم شي يكون عقلك أكبر من هالاشياء اللى في راسه هو.
تمنياتي لك وله بالتوفيقز

اذا هو فترة الخطوبة كذا الله يعينك عليه بعد الزواج

لين جفتيه مصخها قولي له انك مغرورو صارحيه باللي في داخلك و جوفي ردة فعله

اختي لو كنتي مو عاجبته كان ماخطبك................. لاعليكي سواء ان تبتعدى عما يثير غضبه وكلنا فينا عيوب ....................... ولاتتحسسون زياده .................................والكمال لله وحده سبحانه وتعالى عما يصفون,,,,,,,,,,,

أهلا حبيبتي خبلة بس حلوة ....
والله أشتقنا لك فعلا ,,,
أولا اسمعي نصائح الأخوة والأخوات ....
إذا بدأ في المدح ... قولي له نعم .... صدقت والله ....
هو محتاج منك أن تمدحيه ... إذا لم تمدحيه وتثني عليه من سيثني عليه ؟؟؟؟؟؟
أشبعي رغبته في المديح ....
ثانيا .... (والأهم ) حاااااااااولي أن تغيري من نفسك قدر المستطاع حتى يشعر بالفرق .... أنت أعلم بما أقصده ...
المرأة العاقلة هي التي تعرف الأمور التي يحبها زوجها وتفعلها ... حتى لو لم تكن تعجبها ....
لأن الحياة الزوجية تتطلب الكثير من التضحيات والتنازلات من الطرفين .... وغض النظر عن تصرفات شريكه بقدر المستطاع ....
وفقك الله حبيبتي

ان الله لا يحب كل مختالا فخورا

تسلمووووووون كلكم والله ماقصرتم
بس تراني امدحه كثيييييييييييييييررر واذا مدحته ورفعت راسه يقول لي انا اصلا ادري مايحتاج تقولي اني احسن منك وبالعكس تراني صرت دلوووووعه واقول كلام حلو تغيرت ماني زي اول ماتشوفوني عاقله بكتاباتي معكم هذا دليل اني صرت نعووومه بالحيل لكن اهو ماحس يالله ماعلينا خليني لين اصير في بيته ويصير راح اطلع هالغروووور من عينه وارسل عليه جدتي

حبيبتي إنتِ .... الله يسعدك ويوفقك انت وجدتك .....
الله يخليها لك ولا يحرمك منها .... لكن المهم لا تخليها خذيها معاك....
ما شاء الله عليك ... شفتِ كيف استطعتِ إنك تغيري من نفسك وتعدليها للأفضل .... كذا يسهل عليك انك تغيريه هو للأفضل ...." إن الله لا يغير ما بقوم حتى يغيروا ما بأنفسهم "
آسفة جدا على ركاكة الأسلوب لكني نعساااانة جدا ولا أشوف اللي أمامي ....
سلمي لي على جدتك الحبوبة ..........كثيييييييييييير

أعتقد أن هذا الغرور منشأه عقدة نقص به من داخل حياته اما بسبب وضع عائلته الاجتماعي أو الأسري او بسبب عيب في تكوينه الخلقي أو أن يكون بسبب مايتناقله الآخرون عنه كمدح الأسرة له وانه افضل واجمل واكمل الى ماهنالك مما يرى الناس كلها أقل منه..
واما أنه انسان ضعيف الشخصية ومهزوزها ولايتبنى القرارات بسبب تردده فيتقنع بهذا الرداء ليخفي هذا التذبذب..
وأحيانا يكون الغرور لاكمال حاجة في الذات انتقصتها منها طريقة العيش والتربية الخاطئة كالضياع والالتفاف حول الفتيات ليكون لديه اكبر قدر من المعجبات تعيد توازنه الذاتي..
الحل يكمن في الأخذ بيده الى الجادة والتشجيع مع الاقتران بأفضل مايؤديه بمثيله بين البشر او أفضل منه بالطرق التي لاتشعره بالمقارنة..
هو حتما مدركا ذلك ولكنها الصحوة الوحيدة الى الافاقة والا كان القاتل لنفسه بيده..
تحياتي!!