|
اختكم محتاجه لنصيحتكم تكفون لا تردوني
ترددت كثيــــــــــــر في اني اكتب لكم مشكلتي لكن تعبت وابيكم تساعدوني
انا متعلمه ومتزوجه من فتره طووووووويله وسعيده جدا في حياتي ولله الحمد زوجي يحبني وانا اموووت عليه لكن الايام هذي بديت احس بفجوه تصير بيننا وصار يزعل مني وما يكلمني احيانا ويسهر برا البيت كثير والمشكله اني عارفه السبب :( السبب هو(انا) انا مهمله في بيتي فوضويه ما ارتب ولا اسوي شي مع اني والله احب النظافه واموت على المكان النظيف فيني كسل بشكل غريب اذا جا الليل قلت من الصبح بصحي وانظف وارتب واسوي كل شي واذا جاء الصبح قلت بالليل وعلى هالحال:11: ويومي كله على عيالي الاربعه والانتر نت والنوم والتلفزيون حتى وزني زاد بشكل رهيب واهملت حتى في نفسي واااااااااااااالله مليت وانفقعت مرارتي مابي تكون حياتي كذا ابي اغير واسوي واعدل لكن مافي شي يشجعني ويحفزني تكفوووون قولو لي وش اسوي عشان اكون مرتبه ومنظمه وبيتي نظيف انتظر ردودكم على احر من الجمر |
جيبي شغاله!!!!
|
اشكرك اخوي يزيد على الرد السريع لكن زوجي من اشد المعارضين للشغالات وهذا اللي ذابحني
|
لو عرفت انك لو استمريتي كذا حيتزوج عليك زوجك هذا حافز كافي ولا مو كافي؟؟؟؟؟؟؟؟؟؟؟
|
والله كلناا يذبحناا الكسل لكن غصب شدي على نفسك تخيلي مثلا لو احد طب عليك فجاةمن اهله مثلا او صديق جاء يزور فجاة وش بيكون موقفك لو دخلوا البيت وهو محووس وش بتمون نظرتهم لك انا عني احط ببالي هذاالشي عشان اكون حاسبه حاسب كل شي او تخيلي الحشرااات لو تملى بيتك بسبب قلة النظافه مرااح تتحملين صح ولا لا وعودي عيالك على مساعدتك حتى لو كانوا اولاد او صغاار اقل شي يلموا العابهم ينظفوا من ورائهم يرتبوا غرفتهم وهكذا
والله يوفقك |
الاخت
السلام عليكم الاحساس بالمشكلة اول خطوات الحل الرغبه في التغيير ثاني خطوات الحل الخطوه الثالثه هي هي ان تبدي ضعي لنفسك جدول يعني نظمي وقتك ساعتين للقيام باعمال المنزل نص ساعه رياضه الى اخره |
بيدك الحل يا أختي
|
غريبه انتى صراحه الحلول قدامك 000000ومع هذا متساهله يا أختىقومى وتحركى وحافظى على بيتك وانتبهي لنفسك ولزوجك الى انتى قاعده تفرطى فيه وانتى ماتدرى
أنتبهي لنفسك ترا العصفوره قالت لى انه ناوى يتزوج عليك00000000000ترانى علمتك لاتقولى عزوبي ما قال سلا1111111111م |
طيب
زوووجتي عودت نفسه انه مايترااكم عليها الشغل خصوصاا المطبخ ممكن تسوي زيه وتستعدي لووزجك بتجميل البيت حتي لو قبل يجي بسااعتين وممكن اذا تكومت الحووووسه طبعا وانتي تخففي منه .. تحولي تدخلي شغاله لمده يووم تكررف البيت من اوله لين اخرره وانتي لاازم تهتمي شوي والانتر نت مهوب عقبه الا اذا انتي مدمنه شاااات ومسنجراات في ذيك الحله صح يكون النت يااخذ كل وقتك عموما الله يعيينك |
اخواني
سنيوره هنوفه فهد ناقصه خبرة ياشين العزوبيه يزيد اشكركم من كل قلبي لتفاعلكم معي واعطائي النصائح بصرااااااااحه والله خوفتوني من قصة يتزوج علي الله لا يقوله مجرد التفكير بهذا الامر مرعب والله مو عارفه كيف ارتب جدولي لكن ان شاء الله ربي يساعدني وفكرة الشغاله اللي تجي بيوم تساعدني والله ان شاء الله يرضى زوجي بس. |
الاعتراف بالمشكلة هو البداية لحلها. انتي اعترفتي انك مقصرة و كسولة. كل ما تحتاجينه هو الا تكوني مقصرة و الا تكوني كسولة. حاولي دائماً ان تخططي ليومك و لا تأجلي عمل اليوم للغد. ممكن تدخلي نادي رياضي نسائي للتخسيس و اتباع نظام غذائي حتى يذهب الكسل تماماً. حطي في بالك انك اذا ما تداركتي نفسك ممكن يتزوج عليك زوجك. اعلني خطة طواريء و الحقي روحك.
|
بصراحه متناهية جدا انتي انتحارية جدا وتحبين التضيحة في سبيل قضية تتعمدين خسارتها انتي تعرفين المشاكل التي تعيشينها أو بالاصح التي خلقتيها في بيتك ثم تندبين حظك لهروب الزوج بصراحة اكثر أنا متعجب من الزوج الصابر الى الان ولم يتزوج بأخرى ضعي لنفسكِ ختامبرنامج صارم من [blink]الآن [/blink]تنظيف فوري للمنزل تنظيف فوري للمنزل تنظيف فوري للمنزل عطري المنزل رتبي الاثاث اغسلي الملابس اطبخي له مايشتهي تنظيم غذائي رياضة يوميا المبادرة بالتجمل والكلمة الطيبة والمكياج الجميل والاغراء للزوج يعني أحبسيه في المنزل بشطارتكِ وبالكلمة الطيبة والابتسامة الحلوة أبنتي أعتبري نفسكِ في جهاد يؤدي الى الجنة وفي حرب عليكِ ان تخططي وتنفذي بدقة حتى تربحيها المعركة هي حياتكِ الزوجية والهدف رضى الله عليكِ فحسن التبعل وطيب العشرة وتربية الذرية الصالحة هو جهاد المرأة كلمتي الاخيره هي لو كانت صديقاتكِ سيزرنكِ في المنزل هل سيكون البيت كما هو أم سيكون الترتيب والتعطير بشكل آخر والسلام |
أختي الحبيبه أنا عندي برنامج إن شاء الله يفيدك أنا شخصيا ريحني كثير
وفوق ماتتصوري .... قسمي الأشغال..غسيل لوحده في يوم ..والكوي في يوم لوحده ..تنظيف عميق للبيت مرتين في الأسبوع وبكذا ترتاحي كل يوم مجرد تنظيف سطحي وخفيف.. بس أهم شئ انتبهي لنقطتين.. ......انهي أشغالك قبل عودة زوجك من الدوام... ....حاولي في أيام إجازته الأسبوعيه ماتمسكي شي..... وبكذا ترتاحي نفسيا وتريحي زوجك... والله يسعدك ويوفقك يارب... |
أختي بما انك تعرفي الاسباب وتعرفين الحل لماذا لا تقمين باستخدام ذلك في حل مشكلتك دعي عنك الانترنت والتليفزيون والنوم الزائد عن حاجة اجسم قبل ما يطير زوجك عنك وتقولين ليت حينما لا تنفع وصراحة ما يلائم على تصرفاته لو اني في مكانه كان من زمان وأنت في بيت أهلك
|
اختي الكريمه
اصحي من غفوتك قبل ان يطير زوجك من قفصك اختي الفاضله ما احب على الزوج ان يرى زوجته نظيفه مبتهجه سعيده مسروره مبتسمه عليها علامات المحبه والاشتياق وفي احسن مظهر وحال ما اسعد الزوج عندما يرى اطفاله نظيفين ومرتبين وماشاءالله عليهم ما اسعد الزوج عندما يرى المنزل والمطبخ من كثرة النظافه يستطيع ان يحلق على ارشية البلاط(مبالغه) ما اسعد الزوج عندما يرى الزوائج الطيبه تخرج من منزله لا العكس اهتمي بنظافتك واطفالك ومنزلك لا تعتمدي على الخادمه الخادمه مصيبه لا يعلم بها الا الله سبحانه وتعالى اعتمدي على نفسك وابعدي عن تقاعسك وكسلك واهمالك اتركي النت والتلفزيون الا بعد اتمام واجباتك المنزليه لا تؤجلي عمل اليوم الى الغد والله اعرف زوجات مريضات ولا ينمن الا بعد تنظيف المطبخ من كل شيء جلي وغيره بالرغم من ان الزوج يقول لها دعيها لغدا ولا توافق احفظي زوجك بنشاطك وهمتك لئلا تخسريه وتجدي نفسك زوجة ثانيه او ثالثه تحياتي لاختي في الله |
بنت رجال
تسلمين اختي على النصيحه وان شاءالله خلال الاسبوع هذا بشترك في نادي رياضي عسى يتعدل وزني اخوي ابو عبد الله شرف لي اخوي انك علقت على مشكلتي والله احيانا اسوي الشي هذا غصب عني عناد في زوجي لانه يطلع ومايساعدني ولا بشي بسيط في البيت ونصيحتك ان شاء الله بحطها بين عيوني واعمل فيها عارفه والله انك ما تبي الا مصلحتي فجزاك الله الف خير الحلم الدافي اسعدني تعليقك والله يوفقك دنيا واخره بإذن الله راح ابدأ اسوي الطريقه هذي S F Y تسلم اناملك على الرد مع انك قسيت علي شوي والحمد لله ان زوجي صابر للحين:( بلو بيرد متميز كالعاده في ردودك بارك الله فيك كلماتك ايقظت في داخلي شعلة نشاط واعطتني دفعه للأمام ان ابدأ واترك الكسل. اشكركم كلكم على مساعدتي والله يجزاكم خير الجزاء |
حبيتي حلو انك عارفه انه فيه مشكلة
اولاعليك باالاستيقاظ مبكر فالبركة بالابكار وعند النوم لاتنسين الادعيه ومنها التسبيح والحمد ثلاث وثلاثين والتكبير اربع وثلاثين فانها باذن الله عون لك وغنى عن الخادمه باذن الله |
شوفي اختي والله اكثرنا كسلانين بس وش نسوي انا مجرد مايجيني اثنين اجيب شغاله ذبحنا شغل البيت وهم ترتيبه
صيري مره سنعه ورتبي بيتك وتحركي شوي وبعد اقنعيه بالخدامه والله ذبحه عيال وبيت ولا تهملين زوجك ابد دامه يحبك وانتي تحبينه والله يديم المحبه |
توحة يا توحة
تخيلي نفسك بعدك مو متزوجة و خطيبك راح يزوركم في بيتكم اليوم .. أكيد لازم ترتبين المكان وتعدلينه وتهتمين بنفسج وراح تكونين خجولة بعد ..هههههه تذكري كيف كنتي قبل وانظري إلى زوجك بنظرة مختلفة مو نظرة تعود انظري إليه نظرة جديدة ... على أنه عاشق جديد مثلا وأنتي ألا تريدين أن تجذبي انتباهه بكل طريقة الله يعينك على نفسك |
أفكارهم روعة الصراحة بس بظيف شي صغيروووووووون : سوي قاعدة :18: " كافئ نفسك ":18: ... بما إنج تحبين النت والتلفزيون ... كل ما تخلصين شي كبير مثلاً غسيل الثياب لهالإسبوع ، خذي ساعتين للنت .:d وكل ما خلصت الكوي خذي ساعة تلفزيون ...:22: وجي ... ما بتحسين انج انحرمتي من شي... وع فكرة : ما يحتاي تسوين رياضة توووحة ، لإنج لو نظفتي البيت صدقيني بتستوين ريشة ... بس افركي عدل .... خخخخخ:17: |
اخواتي:
لحظة وداع حبيبة مودي غارقه في همي خلك ايجابي يعطيكم الف عافيه على النصايح الحلوه وابشركم بديت اتعدل وزوجي طاير عقله بالتغيير الجديد الحمدلله والله يسعدكم دنيا وآخره رتبت وقتي وصرت اصحى من الصبح وارتب البيت والعب رياضه بس بالبيت مابعد رحت للنادي والحمدلله حتى نفسيتي مرتاحه مررررة بس لازال يطلع ويسهر برا وهذا اللي مزعجني عموما ما قصرتو معي لا عدمتكم كلكم تحياتي |
حبيبتي الغاليه
الله يهديك ويسعدك اولا\ان كنت تخرجين كثير هدي اللعب شوي ثانيا \اتوكلي على الله وقبل ماتنامي قولي(سبحان والحمدالله 33مره والله أكبر 34مره ) وخلي عزيمتك قويه ثالثا \استيقظي مبكرا لقول رسول الله صلى الله عليه وسلم(اللهم بارك لأمتي في بُكورها) رابعا\قسمي الشغل على ايام وخلى اولادك حبايبك يساعدوك خامسا\تنازلي شوي عن التلفويون والله مافي ذيك الأهميه اما النت ادخلي ساعتين او ساعه كل يومين مافي شي طاير عليك>>>>>>>>ولا يطير زوجك سادسا\وانت تشتغلي كل مابديتي بعمل سمي بسم الله الرحمن الرحيم واقرأي سورة الإخلاص واستمري بالقرأه وربي قادر. احكيلك موقف سريع في رمضان سافرت الشغاله وانا البنت المدللا يعني ماأعرف اعمل شي المهم اول يوم في نشاط للتنظيف وصلاة التراويح و و و بس ثاني يوم من يوم ماصحيت احس جسمي مكسر تكسير ماني قادره حتى اصلي كانوا اخواني يطلبوا طلبات على الفطور واقولهم انا تعبانه ماني مسويه شي المهم قمت اصلي الظهر وانا اتألم ألم موطبيعي ماأدري كيف صليت وبعد ماانتهيت قمت ارتب السرير ولما مسكت الشرشف سمت بسم الله وقرأت سورة الإخلاص وكررتها حتى انتهيت من الغرفه وربي شاهد في ذيك الحظه خرجت لأخواني اقولهم (ها ايش مشتهين على الفطور اعطوني طلباتكم بسرعه) ونزلت للمطبخ وانا في المطبخ افتكرت ان الألم اختفى مثل الحلم. ملاحظه: (نصيحة بدايت كل عمل اقرأ بسم الله الرحمن الرحيم واقرأ سورة الإخلاص قرأتها في منتدانا ولكن لااذكر صاحبتها) ولكن وجدت الفائده حتى اليوم الله يجزاها كل خير وعموما مارح تخسري شي في قرأتك للقرآن اثناء عملك ربي يبارك لك في وقتك سابعا\اكثري من الدعاء أثناء عملك قولي يارب اعني -يارب يسر أمري - يارب هونها وأكثري من قول (لاحول ولاقوة الابالله العلي العظيم) طول وقتك وبإذن الواحد الأحد وربي يسعدك ويعينك ويخليلك زوجك ويهديه ويألف بين قلوبكم ويحنن قلبه عليكم ويسخرلك القلوب القاسيه والعبيد العاصيه ربي يشرح صدرك ويفرج همك أختك في الله |
اقتباس:
هذا هو المهم ....:22: وبالنسبة للسهر : مب مشكلة خليه يسهر شوي .... بمعدل طبيعي يعني ....:25: بس كملي دام انه طاير من الفرحة:17: ، يا ويلج لو رديتي خخخخخخخخخ:d |
.خلصي أشغالك بالاول وإذا خلصتي كل شي بعدين ارتاحي عالنت أو التلفزيون..
أنتي متزوجة صار لك فترة طويلة حرام تضيعين زواجك وتخربين حياتك بيدك بسبب الكسل .. محد يحب الشغل والتعب بس هذه واجباتك ولازم تسوينها.. الزوج يحب يرجع البيت يلاقيه مرتب ونظيف ومبخر.. وإذا ماحصل هالشي عندك بيدوره عند وحدة ثانية. |
اقتباس:
مبارك اختي هذا التغير الرائع جداً والحمد الله فقد اجتزتي الصعوبات بنجاح وهذا يدل على الإرادة القوية والحب الجارف لزوجك أسأل الله ان يسعدكما في الدنيا والأخرة نسخة للمشكلات المحلولة بوركتي |
ماشاء الله الاخوان قدموا ليكي حلول كثيرررررة
وعليكي بتنظيم وقتك وانتبهي لاتخربي بيتك بيدك تراك في نعمة ماشاء الله |
اختي
اول شي زوجك لازم يحس انه في مكان يرتاح فيه يعني مو معقول يجي البيت مكركب مايعرف وين يحط رجله ويجي يشوفك عالنت ولا نايمة الصباح اشربي كوب ليمون بالنعناع وحاولي تعمل ايروبيك عشان تخفي وتنشطي جسمك والترتيب سهل مع بعض الضغط على نفسك الحماماات مو بالضرورة تغسل يوميا 3 مرات بالاسبوع كفاية مع تشطيب خفيف كل يوم كمسح المغسلة ورمي الزبالة ( اعزكم الله ) غسيل الثياب مرتين اسبوعيين مثلا انا اغسلهم كل اثنين واربعاء ودولايب البيت كل يوم 3 دولايب وكل يوم 3 نوافد يخلص الشغل ويكون عندك وقت تتفرغي فيه لزوجك وبماانك عارفة سبب هربه المفروض انك تراضيه وترجعيه البيت السهر والهرب خارج المنزل ماوراه الا خراب البيوت اضغطي على نفسك وريحي بالك والله يفك همك ويعينك |
النظام اهم شي خصصي اليوم الى
في الصباح لاعمال البيت .. وفي الحركة بركة واجعلي وقت للعمل ووقت للاولاد ووقت لزوجك واطللبي منه ان يساعدك لو قليلا وهكذا لن ياتي الليل الا وانت قد انتهيت من كل شي ولا تؤجلي اي عمل الى اليوم التالي حتى لا تتراكم عليك الاشياء |
الغريبه انك تعرفين المشكله وتعرفين الحلول
حاولي ترتبين نفسك وبيتك والله يهديك انشالله ويرجع لك زوجك مثل الاول واحسن الله معك |
| الساعة الآن 09:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©