السلام عليكم



أنا جديدة عالموقع لكن صار لي زمان متابعتنه ..وبصراحة عجبني:23:


بقول لكم سالفتي بس ماابي احد يلومني على اللي صار قبل ...



أنا تعرفت على واحد بالنت وتطورت علاقتنا تدريجيا وتكلمنا بالتلفون وشفت صورته عالنت و..


لكن طبعا كنا حاسين بذنب كبير فقررنا انه نقطع بعض وهو قالي بس قولي لي انا بجمع مبلغ للمهر وبجي اخطب بتوافقين ؟؟؟ قلت له ايه

لأنه بنظري انسان محترم وخلوق ويحبني


واللحين احنا قاطعين عن بعض


بتقولون وين المشكلة ؟؟؟


المشكله انه انا ولله الحمد بنت حلوة ... الله خلقني وأحسن صورتي ...--<<< لا تقولون امدح نفسي


وهو للأسف .. متيييين وأنا ( ريشة ) !!!!


انا عادي عندي مامهم شكله بالنسبة لي


لكن المشكلة بأهلي مااعرف اذا بيتقبلون هالشي ،، امي اعرفها يهمها المظهر وعااااد اتصوره يوقف جنب ابوي :d بتصير نكتة واحمد ربي اني طويلة شوي

ونفس الشي بربيعاتي احس بيتكلمون وايد لانه فيه فرق




وربيعتي شافت صورته قالت لي يخوف ماتبينه :25:






طبعا أنا ضد مسأله انه اهتم بالشكل لكن شو أسوي ؟؟؟؟







اشرايكم ؟؟؟


أقول له خلاص لا تجي والغي كل شي ؟؟؟؟ لانه صعبه عليه يجي ومااوافق لانه أهلي مايعرفون اهله


أكمل المشوار ؟؟؟؟؟؟ بس خايفة من ردة فعل اهلي وصديقاتي


أمتن أنا ؟؟؟:d حاولت بس ماشي فايدة


أنسى الموضوع واحطه على جنب ؟؟؟ ماابي اخليه وهو حاط هالأمل رغم انه ما يتحقق ,,,





انا محتارة ،، صليت استخارة وتقريبا طلع لي اوافق






شورايكم ؟؟:(

المشاركة الأصلية كتبت بواسطة jthpm اذا انتي متاكده انه مو لاعاب وماراح بعدين في المستقبل يعايرك انه عرفك من النت وماراح يشك فيك طبعا اشجعك انه يخطبك الشكل مو مهم اهم شي دينه واخلاقه وطبعه يكون مناسب لطبعك دوم انتي تحسين انه حليو ودخل قلبك الشكل مو كلشي بعدين شجعيه يهتم في نفسه يعني يلبس زين ويهتم في مظهره الله يوفقك تفاحه

المشاركة الأصلية كتبت بواسطة ضاحي مانصحك بزواج النت 80% منه فاشل بعدين انتي مقتنعه بشكله وحطيتي العذر على صاحباتك واهلك اشدخلهم طيب انتي بتاخذينه ولاهم. واحسن مدام انتي مومتقبله شكله ماتاخذينه انتي عادك بلبر........

المشاركة الأصلية كتبت بواسطة CEH هناك عالمين مختلفين تماما عالم الإنترنت بعلاقاته و صدقاته و عالم الحياة الواقعية.... من وجهة نظري من يخلط بينهما يندم ندما شديدا (و الواقع يشهد على ذلك). يا أختي في هذا الزمن قد يتقدم إليك من تعرفينه وتعرفين أهله وقد يكون أهلك شاهدوا طفولته و مراهقته و جميع مراحل حياته ثم عندما يتم الزواج تتفاجؤون بألف اختلاف. فما بالك بمن نعرفت عليه أنت فقط و من خلال الإنترنت. لا أعتقد أن حياة سوية يمكن أن تبدأ من هذا الطريق. و ثقي تماما أن أمرا بدأ بالحرام له عاقبة، و أخشى أن تكون وخيمة... اللهم ارزقها الزوج الصالح الناصح الذي يملاء حياتها سعادة و حبا و أنساً، و ارزقهم اللهم الذرية الصالحة التي تكون ذخراً لهم في الحياة الدنيا و الأخرة. آمين

المشاركة الأصلية كتبت بواسطة امير العاطفة انصحك انصحك ياختي والله انصحك ماتتزوجينه لويكون اجمل ولد بهالدنيا لانه علاقتكم بدايتها خطا ومليون خطا

المشاركة الأصلية كتبت بواسطة رقة السلام عليكم ورحمة الله وبركاتة عزيزتى ممكن يتقدم لكى من غير ما يعرف احد انك تعرفية عن طريق الانترنت وان كنتى مصرة على انك لاتخبى عنهم وهذا احسن جربى ان يتقدم لكى يمكن يوافقوا وربنا يسهل الموضوع ويقبلوة حاولى...لان مكن يكون فعلا انسان على خلق وان شاء الله بالدعاء والاستغفار يغفر الله لكما وان شاء الله يبارك لكم زوجكم طمنينا عليكى وعرفينا عملتى اية تحياتى رقة

المشاركة الأصلية كتبت بواسطة موحتارة الشكل مو كل شي حبيبتي ممكن تقنعيه ان السمنه خطيره على صحته وتنصحيه يخفف وزنه او اذا كان سمين مرره يسوي ربط معده كثير جربوها وارتاحوا بس قبل كل شي لازم تعرفي اخلاقه كوويس وتخلي اهلك يسئلون عنه زين وعن دينه والتزامه بالصلاه لان النت مو اكيد تقدرين تحكمين به على شخصيته اما الاخوه اللي قالوا ان الزواج بيكون فاشل .. النت وسيله مثل اي وسيله ثانيه للزواج وهذا شي صار بمجتمعنا اللحين ولازم نعترف.. والعلاقه ممكن تنجح وممكن تفشل على حسب الاشخاص والتوفيق من الله سبحانه المهم انتي قطعتي علاقتك به الحين وانتهى دورك الحين يجي دور اهلك في السؤال عنه تحياتي

المشاركة الأصلية كتبت بواسطة الأب الحنون المشكله يااختي ماهي مشكله ضعيف والاسمين طويل والاقصير انتي اهتميت بجانب وتررررررررررررررركتي جوانب الموضوع اكبر من كذا واسمحي لي شووووووووووووووووووووووووووووووووووووووووووووووووو ووووووي اقولك لكــــــــــــــــــــــــــــــــــــن لاتزعلن لمصلحتك انتي واياه عاطفيين زياده عن اللزوم وفاقدين الحنان زياده وكملتوه بالنت وهذا خطأ وفكري بعقلك ولاتفكري بقلبك،،،،،،،،،،،،،،،،،،،،،،،،،،،،،،

المشاركة الأصلية كتبت بواسطة وجود222 كلام صحيح جداً دعواتي لك

المشاركة الأصلية كتبت بواسطة bunney الطريقه سواء كانت خطا او لا صارت و خلصت مافي رجعه للوراء .. اختي انتي بديتي اب هذا الشيء و اذا الولد حابج و يبيج على سنة الله و رسوله لا تستبقين الاحداث ..خل اي و يتقدم اذا كان جاد لا توقفين شيء .. شوفي اهلج شنو يقولون ممكن يشوفون فيه اشياء انتي ما تشوفينها تقولين يشوفون الشكل .. يا اختي وقت الزواج الام و الاب يشوفون لي مستقبل مو شكل يا عمري .. اهوا اذا جاد راح يتقدم و ممكن تشوفينه بالصج و ما يطلع وايد متين .. و يمكن يعجبج و يمكن لا .. و اذا صار و ما ارتحتي له و ما اقتنعتي فيه قولي ما ابي ما فيها اي مشكله و اذا سال قوليله اهلي قالو اقول جذي ما اقدر ارفض و انتهينا الزواج مو بالغصب .. الي الله كاتبه يصير قلبي و خلي ايمانج قوي و ادعي اذا كان خير الله يقربه و اذا كان شر الله يبعده و شكرا اختج بني