سؤال هام للمتزوجات !!! أفيدونا
 

سؤال موجه لجميع المتزوجااااااات



كم مره تحدث معاكم المشاكل الزوجيه هل كل اسبوع ام كل شهر وهكذا..........


وهل تكثر في بدايه الزواج ام بعد فتره من الزواج

ابغى اجابه من زوجه تحب زوجها وهو يحبها ايضا





شاكره لكم

انا عن نفسي احب زوجي ويحبني ولكن انا عصبية زيادة عن اللزوم اتضايق منه كثير ما ابغاه يمزح معي احس ان مزحه ثقيل على الرغم من اني احبه دائما دائما عصبيه منذ بداية الزواج وانا احاول اغير من حالي لم استطع ولكن دائما احاول امسك اعصابي لان الرجال له طاقه محددة وينفجر فالله يساعدني مع اني في لحظه اهدأ وماكن شي صار وعلى الرغم مالي سنتين متزوجة وما عندي اطفال!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!
بس ابغى اعرف وشو سبب سؤالك؟؟؟

اختي الحبيبه ندى العمر..
زي ما قالت لك الاخت ختام..أول سنه زواج (هي اصعب سنه في نظري) لا ختلاف الشخصيات والاراء
وبعدها يهون الباقي ..راح يتعود كل من الزوجين على بعض وانا متزوجه صار لي خمس سنوات
في بداية زواجنا كنت كل لحظه افكر في الانفصال...ام الحين انا ما استغني عن زوجي ابداااا
اما بالنسبه للمشاكل البسيطه فلابد منها في كل اسره

اختي ندى
المشاكل ملح الحياة الزوجيه و لا بد منه وانت بحكمتك تعرفين كيفية تفاديها والمراة تقدم تنازلاتوالرجل يقدم تنازلات زهكذا تدوم بينهما المحبة والوفاق التي ستصبح اقوى بعد انجاب الاطفال
ويا اخت ليان نييييييييالك على طوولة بال زوجك وحافطي على هدؤك اكثر ما فيكي ورح تكوني مبسوطة اكتر إن شاء الله

عزيزتي بالنسبه لسؤالك شئ طبيعي تحصل المشاكل الخفيفه بين الزوجين
انا لي سنتين ونصف متزوجه احب زوجي وهو كذالك وكانت اطول مده اختلفنا فيها انا وزوجي هي 12يوم
والجميع يقول ان فى السنه الاولى تكثر المشاكل ولكن على العكس كانت بمنتهى الروعه ولله الحمد
والله يوفقك

ام لولو

أنا ببدأ بالعلاج مهما صارت بينكم مشاكل وما أكثرها وخصوصا السنة الأولى بادري بالعفو والصلح وكأن ما صار شي خذي النصيحة مني.. وتدرين إذا صديقاتي قاموا يتكلمون عن مشاكلهم وكم تقعد الوحدة زعلانة أقول بقلبي ياصبر قلوبهم وشلون الوحدة يهنا لها بال وزوجها يروح الدوام وهو زعلان ينام وهو زعلان لدرجة إن أطول مدة نقعد زعلانين من الساعتين إلى ثلاث قولوا ما شاء الله بس ترى أنا اللي أبدأ بالصلح ماهو هو. لأني من النوع الموسوس أخاف يطلع زعلان ويصير فيه شي اسم الله عليه .والله يبعد عنا وعنكم المشاكل

ماشاء الله اختي زوجه بلا ظل .. ثلاث ساعات .. :)

عسى ان يتم الله عليك نعمتـــــــــــــــه ..

غاليتي ندى لا بد من سوء الفهم بين الزوجين ويجب ان تفرقي بين سوء الفهم وبين المشكله ..

لكن يجب عليك القضاء على المشكله في مهدها حتى لاتتفاقــم وتكبُر ويصعب حلها فيما بعد..
اذكر اول مشكله حدث لي بقيت يوما واحدا عند اهلي ولم استطع الاحتمال بسبب شوقي الشديد لزوجي ، وكان هو كذلك

وفي احد المشكلات بقيت لدى اهلي اسبوعين كاملين بلا اتصال تماما وأُرهقت جداً حتى بدأت بالصلح رغم كل شئ وكنت المبادره وكأن زوجي ينتظرذلك مني لأني احسست بفرحته الغامره ..

ولكن للأسف فيما بعد اخذ يسخر مني لضعفي وعدم تحملي فراقه .. واخبرني انه مهما فعل بي فأني سأعود له بقدمي..!!
وكان لكلامه اشد الوقع في نفسي ..

أنا الان في مشكله جديده .. والخطأ من زوجي .. ولي في بيت اهلي اكثر من الاربعين يوم ، لا اخفيك اشتاق له لكن ليس كسابق عهدي وكأن قلبي اعتاد على الفراق ..واظن قلبه كذلك..

ولن اجازف بنفسي واكرر خطأي السابق وأبدأ بالمصالحه .. وافتح له مجالا للتندر والتهكم عليّ..

.. لازواج بلا مشاكل..

طنش تعش تنتعش هههههههههههههه عزيزتي الصبر زينوالتنازلات ازين

لا ازيد على كلام اخواتي واؤيد كلام اختي ختام

عزيزتي ريما بعض الرجال ما يجون الا بالعين الحمرا ...بعضهم سبحان الله كل ما خبطتيه على راسه كل ما انهبل من حبه فيك...والله انهم اكبر لغز وشكله ماله حل....اما انتي يا اختي ندى...فكما اسلفت اخواتي فرقي بين المشكله وسوء الفهم...المشكله لازم يصير لها قعده ونقاش وطرح حلول والوصول الى حل يرضي كلا الطرفين...ومن الافضل المسارعه في حلها ويستحسن استشارة من له خبره من الاهل...اما سوء الفهم فباعتذار وتنازل من المخطئ تتقدم الحياه ويرتقي اسلوب الحياه بينكم وتصير قمه في الروعه...خصصوا وقت من يوم او اسبوع وكل واحد فيكم يقول اللي مو عاجبه في الثاني وبكل اريحيه ...لان الطريقه ذي تكفيكم شر صدامات انتم في غنى عنها......والتفنن في هالمجال واااااااااااسع

والمشاكل عادة ياعيوني تجي في السنوات الاولى من الزواج ومع الوقت تختفي ...والسبب في هالمشاكل ان لكل منكم شخصيته المختلفه عن الاخر ....ويستغرق الموضوع فتره لفهم الاطراف لبعضهم ....الى ان يصلوا الى مرحلة الذوبااااااااااان في بعض لدرجة ان كل واحد فيكم يصير يفهم الثاني من مجرد نظره.

بصراحه حبي لزوجي يخليني ما أزعل مستعده أسوي كل شي علشان رضاه عني ومستعده أضحي وأقدم تنازلات---------------> ويا كثر التنازلات
أول سنه زواج هي أصعب سنه بس مو الصعوبه اللي تخليك تزعلين زعل جاااااامد
وكلمة --------------> لا إذا سمعتيها من زوجك خصوصا أول الزواج تسوي مصايب بس انتي خليك صبوره وامسكي أعصابك وحولي الجو لمرح وضحك وخليكي دايم بشوشه ودمك خفيف
بكره يا قلبي بتتعودين على زوجك >>>>>>>>>> جنتك ونااااارك
وفيه شي ضروري بعد---------------------> اذا حصل شي بينكم لاقدر الله دايم حطي في بالك حسناته مو على طول تتذكرين سيئاته >>>>> تذكري حبه وعطفه وحنانه ودلعه وتذكري اي شي حلو سواه علشانك
ولا تنسي الحديث ((((( من ماتت وزوجها عنها راض ,دخلت الجنه))))))) ونصيحتي لك لا تسمعين كلام الناس والصديقات أقصد الكلام اللي يحرشك على زوجك >>> أوكي
ادعيلي بالذريه الصالحه

في بداية الزواج المشاكل تكون اكثر

اما بالنسبة لعدد المرات فاحيانا تمر شهور دون مشاكل
وتمر ايام يكون كل يوم فيها مشاكل

بس بصراحة لو الحياة بدون مشاكل كان ما حسينا بطعم حلاوتها

الزعل إلا الزعل ياقلبنا
 

أختي العزيزة ندى العمر

مثل ما قالوا خواتي ان الزعل ملح الحياة الزوجية بس عاد الواحد مايكثر الملح:( وعن نفسي اتفقنا أنا وزوجي في بداية زواجنا ان ما يطول زعلنا اكثر من 24 ساعة عشان ما يدخل الشطان بينا
وعادة ما تكون المشاكل بسسب اختلاف الطبايع بينا أو لما يتأخر عن الصلاة بس والله قلبي عمره ما شال عليه:o وعسى الله يسعدج دنيا وآخرة

شكرا لكم اخواتي


انا صار لي متزوجه سته اشهر والاحظ كثره المشاكل ولكن طمنتوني جزاكم الله الف خير شاكره لكم تواصلكم

اهلين اخواتي بقولكم عن تجربتي الزوجيه انا متزوجة لي سنتين واتزوجت بصراحه عن قصة حب عنيفة كان زوجي بطلها وانا كنت احب حبه لي ودلعه يعني كان يسوي حركات رهيبه غصب عني احبه واذا زعلت كان يلف بالسيارة طول الوقت حول بيتنا الين اصالحه وارضى عليه واقسم بالله انه كان من يوم يصحى الين ينام وهو يكلمني انا اتخيلت انه بيكون كذا حتى بعد الزواج هههههههههه لكنه بعد الزواج صار ينشغل عني بشغله لانه يشتغل شفتين يعني دوامين وانا انهارت اعصابي تخيلي بعد ماكان نعايا طول الوقت حتى لمن كان بدوامه كان يعلق سماعة الجوال ويكلمني على طول المهم صرنا كل يوم نتضارب وكل يوم مشكله وكنت حقيقة افكر بالطلاق لاني كنت احس انه خدعني وبعد كم شهر صرنا كل اسبوع نتضارب وكل شوي تطول الفترة الين انا خلاص فهمت انه عغنده مسؤولية وانها ذيك الايام لاني كنت بعيد عنه بس الان انا معاه في البيت وهذا شي يطمنه الان ممكن يعدي شهر من غير مضاربه انتي يااختي حاولي تغيري طريقة تفكيرك ترى احس اننا الزوجات احيان نكبر المشكله لاننا نكون اتعودنا على معامله ايام الخطوبة وننصدم لمن تتغير شوي

اوافق اختي مشكلتي اصدق

الثلاث السنوات الاولى من الزواج تكون فيها الاختلافات الزوجيه كثيره ...وذلك نظرا للسبب التي ذكرته الاخت الفاضله..
.
.
وبعدها يغلب روتين الحياه ...على الحياه الزوجيه ا ...ويصبح كل شئ معهود ومعروف...
وهناكك مقوله لا اعلم صحتها من عدمه ...بان السنين الفرديه في الزواج اصعب من الزوجيه..يعني 1.3,5,7,9,11
تكون فيها العواصف الزوجيه اصعب من السنين الاخرى..
والله اعلم..
ودمتي لمن تحبين..

متزوجه من اربع سنين......وباول سنه المشاكل كانت شبه يوميا....

لكن بعد ذلك....الحمد لله تمر شهوووور من غير مشاكل.....

وحتى لو حصلت اي مشكله الحب المتبادل بيننا يخليها على قلوبنا احلى من العسل..............









الله يهنيكم













دوووووووت

أختي ريما ..
قرأت مشكلتك منذ أكثر من شهر.. ولم يتيسر لي التفاعل معك لكون أني لم يكن لي صلاحية المشاركة!
ولكن ..
منذ شهر وأنا أتوق لأن أعرف كيف هي أمورك مع زوجك ..
لكن يبدو لي أنك لم تصطلحا بعد ! مع أنه في آخر رد لك كنت قد أسعدتنا : بخبر :
سؤاله لك : متى ستعودين إلى بيتك ؟؟
أتمنى أن تطمننينا على حالك

أختي....
المشاكل اسوأ شي في الحيياة الزوجيه والكل يعاني منها ,انا كانت السنه الاولى كويسه لكن إللي بعدها كترت المشاكل وصارت بسبب وبدون سبب يمكن تكون الظروف
ويمكن نحن ...وانا متأكدة ان الزوج لما يتغير ويصير يطنش:25: ومايهتم لزعلك انت تصيري عصبيه :19: وتسوي مشكله لأتفه سبب :16:
والله يهدي الجميع