|
خطيبي مقلقني !!!
السلام عليكم ورحمة الله وبركاته انا اول مره اكتب موضووع بالمنتدى كله وبهذا القسم خاصه بس من جد من كثر ما انا محتاجه لمشوورتكم ورايكم في مشكلتي مشكلتي مو كبيره لاكن تهمني بشكل خااص انا مخطووبه هالفتره بدون ملكه طبعا واكلمه لي شهر او اكثر تقريبا وانا مرره جريئه معاه وكل شئ لاكن هو لااا........ يستحي مني لدرجه اني تحووم كبدي منه يعني شئ يقهر الرجال يستحي والبنت تتكلم عادي انا وربي اول مره كنت متقطعه من الحياء لدرجة اني اكتب الكلام بورقه علشان اقراه بسرعه ..بس غصبت نفسي اتكلم معاه بكل شئ لاني لازم احدد موافقتي ومصيري وبعد ماقلت له اوكي وقلت لبابا اوكي صار يكلمني من فتره لفتره يعني بالاسبوع مرتين او احيانا مره <<< يعني احس مافيه حمااس واذا عصبت عليه وقلت له انت مو متحمس ولا شئ واقعد ابكي واسويها هولييله واقوله لو ماتبيني قلي يجي يقول انا مو كذا ويقعد يدافع عن نفسه ويحط الحيا شماعه وانا الصرااحه ملييييييييييييت وبشده ملييييت صديقاتي كلهم يكلمون كل يوم وانواع الحماس والكلمات وشئئئئئئئئ يفرح وانا ولا شئ!! هو طيب وحبوب وماقد غلط علي بكلمه لاكن انا اطالب بالمزيد انا رومنسيييه وابيه يحسسني بأهتمام ابي يحسسني اني كل شئ بدنيته يحسسني اني زوجته اني شئ بحياته اني واني..الخ... يعني مدري هو جاف او جامد او المسأله مسألة وقت ؟؟ مع اني قلت له انت جامد وبارد وقال انا مو كذا وطبعا دافع عن نفسه واذا قلت له قلي كلااااام حلوووووو <<<< وجه بن فهره قال بدري بدري انتي مستعجله والله مدري وش اسوي بعمري انا ملييت وبديت احس انه اصلا هو خلقته كذا يعني من النوع الي مايعطي بس ياخذ او النوع الجامد الي مو اي شئ يحركه .................................................. .... افيدووني خلوووووود |
اولا : غلط انك تكلميه وانتي لسه ما ملكتي عليه هذا من ناحية الشرع.
ثانيا : يا حبيبتي الرجال ما يحب البنت الجريئه انا اتوقع انه انصدم من جرأتك والله زينة البنت الخجل الله يهديكي من اللي اشار ليكي انك تكونين جريئه معاه صدقيني اللي قالك ان الرجال يبي البنت الجريئه .. ما يبي مصلحتك بالعكس.. ثالثا : خذيها نصيحه من اخت لك لا تذمي زوجك بأي كلمه ولا تجرحيه لانه ما ينسى الاساءه وراح تظل في ذاكرته انت بارد جامد الرجال راح يقول هذا واحنا على البر وقالت لي كذا اجل بعدين وش راح تسوي!! والنصيحه الاهم لاتصدقي البنات وكلامهم والله والله والله معظمهم كذابات والا لو كانت فعلا سعيده كان خافت على نفسها من العين الحل الان انك تغيري اسلوبك 180 درجه ممنوع مكالمات الابعد الملكه كذا قوليله صدقيني راح تكبري في عينه ولا تنسي من ارضى الله رضي الله عنه وارضى عنه الناس الله يتمم لك على خير ولاحقه على الرومانسيه يالغاليه لا تخليه يشك فيكي لان الشيطان شاطر وراح يقوله من متى ومن فين تعلمته ؟ ومع من ؟ فانتبهي عزيزتي ........... ارجو انك تتقبلي كلامي بصدر رحب لان نصحتك نصيحة اخت لاختها .......................... تقبلي تحياااااااااااااااااااتي ................. |
معلش انا لي رأي مخالف قليلا عن رأي اختي الكريمه بخصوص المكالمات
الحين تقولين لها لاتكلميه الا بعد الملكه.. وهيا من الحين بدأت تزهق منه!! يعني فرضا قررت بعد الملكه انها تتركه.. بتحمل لقب مطلقه قبل لا تدخل؟ الافضل انها تعرف شخصيته من الحين ..قبل لا تقع الفاس في الراس وللأخت السائله.. اقول لك اصبري.. وحاولي مثل ماقالت لك اختنا hanoonah انك تخففي من جرأتك .. وشوفي ردة فعله ملحوظه: ليس بالضروره ان يكون رأيي صائب.. انتظري باقي الاراء واختاري الأنسب والله يوفقك |
صدقيني
لو كلمته من هنا لسنه ما راح تتأكد من طباعه الا بعد الزواج والعشرة وعلى حسب كلامها ان المؤشرات كلها جيده ولله الحمد فلماذا تستمر المكالمات ؟ هذي وجهة نظري واختلاف الرأي لايفسد للود قضيه نسيت اقولك استخيري استخيري استخيري تقبلي تحياااااااااااااتي ............. |
اختي اسمحي لي اقول لك اللي تسويينه غلط غلط
اللحين وش بيقول الرجال .. هذي ماصدقت انخطبت؟ ابي كلام حلو ورومانسيه من اولها؟ اختي ترا الثقل زززييييين:23: وشي ثاني انا مع المكالمات اللي قبل الملكه .. بس لكن مكالمه مكالمتيين ثلاث مو اكثر .. يعني بس الين تعرفين نفسيته واسلوبه وطريقه كلامه.... وتعرفين هو وش هدفه من الزواج وتعلمينه وش شروطك ورغباتك.... وطبعاً بعلم الاهل وموافقتهم اما غازلني واغازلك هذي خليها بعد الملكه لاحقه عليهااا حبيبتي:14: وبعدين قوووووويه لما قلتي له انت جامد وباارد جرحتي كبريائه من غير ماتحسين انا عارفه ايش اللي متضايقه منه انتي خايفه انه يكون خجول وغير اجتماعي وهاديء بزيادة اذا كان هذا اللي خايفه منه حاولي تسألين ابوك او اخوانك كيف طريقه كلامه.. واثق من نفسه او متردد الخ.. واحيانا يكون الهدووء ميزه ترا .. وممكن يكون خجله دليل على انك اول بنت بحياته :22: توكلي على الله ولاتنسي الاستخاره تمنياتي لكِ بالتوفيق |
خلّوده العروسة أولا /: ألف مبروك ثانيا: / ياقلبي ...اصبري ولا تندلقين على الرجال بهذا الشكل إذا تبغين يقولك كل اللي تبينه أول الخطبة بعد الملكة ثم الدخلة شو بتطلبين وبعدين ياقلبي أنت تكلميه عشان إيش..؟!!! توك يابعدي ملحقة على خير ...إذا كنت عشان تعطينه الأوكية في معرفتك شخصيته خلص أنت وافقتي ...أقطعي المكالمات.... بكرى بتندمي لما يقولك ..أنت ماصدقتي أخطبك ..!!! والله ماحد يرضاها ...!! ياعمري هوني من اندفاعك وفكري بشيء آآخر حتى يقضي الله أمرا كان مفعولا موفقة بحول الله ... |
عزيزتي خلوده ...
الأخوات ماقصروا معك ، وأعطوكي نصائح أعتبرها ذهبية .. استفيدي منها بالكامل .. وإذا فضّلتي إنك تقطعي المكالمات إلى بعد الملكة ، فهميه إن هذا شي لابد منه .. وإن المكالمات الحين شرعاً ماتجوز ، وإنك ماكنتي تعرفي هذا الشي ... عشان لايقول في نفسه إنك زهقتي منه وتبغي تصرفيه .. وإذا حسيتي إنه ماإقتنع قولي له إسأل وشوف .. وإن هذا الخيار صعب عليكي بس طلباً لمرضاة الله وطلباً لتوفيقه لكم في حياتكم الزوجيه ، لابد منه .. وإنه ماينفع نبدأ حياتنا بمعصيه لله .. طبعاً هذا كله لازم تفهميه إياه ، لأنك غلطتي عليه لما قلتي له إنك جامد وبارد .. عشان مايبني طلبك هذا علي الغلطة اللي غلطتيها ... وصدقيني .. خطيبك الخجول واللي مو عاجبك راح تكوني معاه بإذن الله أسعد زوجة ... لا تستعجلي ، ولا تبني على كلام غيرك .. فقد يكون كذب .. وبعدين فترة شهر قليلة جداً جداً جداً على الرومانسيات اللي تبحثي عنها .. حتى هو يمكن لسه ما أخذ عليكي مرة ... فقط أصبرييييييييييييييييييييي ... أتمنى لك التوفيق ... شي أخير ... لا تفرطي في خطيبك أبداً ، عشان لا تندمي مستقبلاُ لاقدر الله ... |
هو أنصدم من جرأتك .. فاحذري
|
اختي على اني رجل
تصدقين لو اخطب وحده وتبدأ بالجرائه قبلي يعني قبل ما انا الي ابدأ من اولتها راح اطق الدوار يعني راح انسحب منها شوفي اختي لا تفكري اني ما احب كذا بالعكس انا منيتي بزوجه حبوبه ورومنسيه بالحيل وجريئه لكن مو هي الي تبدأ قبلي على العموم اختي الأيام راح تثبت لك معدن الرجال وإن شاء الله انه بيكون زوجك ومملكته |
الجراءة بحد ذاتها ليست مشكلة .. لكن سوء الأدب هي المشكلة بحق ..
فالجراءة قد تكون طبع في بعض البنات , نظرا للبيئة التي عاشت فيها , ومع ذلك تكون مستقيمة ومحافظة .. ومن يطالبك بأن تكوني عكس طبعك , أن تدعي الحياء , يريد منك التمثيل بشي ليس من طبعك , فالمتشبع بما لم يعطه كلابس ثوبي زور .. فأنتِ سايريه على طبعه , وسترين منه التغيير , اذا رأى منك حسن الخلق , فحبه لكِ هو هو من سيجعله عاشقا ورومنسيا .. وليس سوء الخلق والتجرأ على سبه .. |
انا مع الأخت موحتارة في الي قالته ....
حبيبتي خلود اثقلي شوي ولا تطلبين من الرجال يقوللك كلام حلو من الحين لأنه واضح عليه انه يعرف الأصول والأصول تقول انه مايتغزل فيك الا بعد الملكة اصبري عليه واستخيري ربك واثقلي واذا حسيتي انه مافيه شي ثاني مضايقك فيه غير هالناحية فتوكلي على الله ووافقي .... :14: . ونصيحة حتى اذا تملكتي لا تطلبين منه انه يقوللك كلام حلو ممكن اذا مر اسبوعين وانتم متملكين وماقالك كلام حلو تقدرين تلمحينله لكن لا تقولينله ليش ماتقوللي كلام حلو لأن الرجل مايحب البنت الجريئة (( خاااصة قبل الزواج )) :30: اتمنى اكون افدتك والله يوفقك يارب |
ياحبيلكم كلكم
أول شئ للي قالوا ان المكالمات قبل الملكه حررام هذا خطأ لاني انا قبل مأكلم سألت شيخ قال عادي اذا كان فقط تعرف ومعرفة الشخصيه وعدم التعرض لاشياء شخصيه او يكون فيها غزل او حب او ماشابه انا صدق سويت اول شئ الي قاله الشيخ وبعد اسبوعين من المكالمات المتفرقه قلت له اني تراني اوكي .. واني موافقه وكل شئ لاكن يوم هو بدا يكلم بديت اشتاق للكلمات وكل شئ يمكن اكون مستعجله وانا ادري لاكن والله مو قصدي حب او غرام انا خايفه انه يكون باارد او جامد او حتى جامد وانا ما ابي انصدم بحياتي الصراحه ..وعلى البعض الي يقلون عن الجرأه ... انا غصب عني جريئه ومن حكيي وسواليفي .. ماعندي تحفظ او حيا حتى بين البنات ومجالس النساء دائما انا المتحدثه والي اتكلم واسوولف واضحك واستهبل انا بالعربي على طبيعتي مررررررره ما احب اتصنع او أسوي نفسي استحي وانا اصلا ما استحي!!.. مو قل مرؤه او ادب فيني لا والله بس انا نشأت كذا على الجراءه والثقه بالنفس والطلاقه بالحكي وابي اقولكم اني بعد اسبوعين يوم قلت له اني موافقه ... قلت له انا عرفتك وعرفتني وتبيت الصووره فلازم نقطع المكالمات علشان ماتصير فيه حريه اكثر بالحكي وتطلع اشياء مالها داعي <<< قايلتها غصب عنها.:( ومر اسبوع ومادري جاني شئ .. جاني قهر انه ماكلم يمكن انا اعيش في احلام.. بس يمكن علشاني اقارن بالبنات المخطوبات كثير كانوا يكلمون قبل الملكه مرره كثير فقلت يمكن هذا يسمى اندفاع او حب اكثر من الازم << لاكن اكيد مو مقياس عاد الحين ماصرت اكلمه هو يكلمني بس مررررررررررره قليل يعني اسبوع ورى اسبوع صار يتحرك شوي ويرسل رسايل يمكن علشاني انا قلت له خخخخخخخخ <<< والله من العجله لا انا الصراحه قلت له لما تصير مشغول ارسلي انك مشغول.. هو شكله فهمها اني ابغى رسايل حب وغرام وصار يرسل ياله العوض ولا القطيعه..:) .................................................. ............ انتم يمكن تستغربون من جرائتي او من استعجالي بكل شئ بس وربي والي ماتنام عيينه ...انا كنت قبل ما انخطب محافظه على نفسي مررره ماعندي لف ودوران يعني اغلب الي معاي يكلمون شباب وتلفونات واستهبال.. انقهر انا ابغى انبسط مثلهم بس اقوول ..لا.ان شالله .. ربي يعوضني برجال يصونني بالحلال يحبني واحبه وصرت ادعي ((اللهم اكفنني بحلالك عن حرامك واغنني بفضلك عن من سوالك)) وجالي هذا الرجال ويوم شفت انه جاف على حد ذكري وبارد انقهررررت مررررره وصرت اخبط يمين ويسار عموووووما... الله يكتب مافيه الخييير وييسر امري اذا كان خير لي ويبعده اذا كان شر لي اميين يارب العالمين والمسلمين اجمعين خلود |
اقتباس:
عذرا وأعلم أني لن أصل لمرحلة ذلك الشيخ لكن لا يمنعني أن أرد على ماذكر أخـــتي الذي ورد هي الرؤية الشرعية أما ماأفتى لك به هذا الشيخ فلي فيه تحفظ ولا أوافقه فيما ذكر مافعلته غير صحيح ومنعه هو من سد باب الذرائع وها أنتي تماديتي معه في الكلام وهو أصلا لا يحل لك إطلاقا وبالإتفاق وأما عن جرأتك فيجب أن تكون بحدود ويجب عليك أن تزني نفسك وتذكري إذا كان الكلام من فضة فالسكوت من ذهب أختـــي يجب عليك أن تضعي حدا لجرأتك فهي والله ليست في صالحك ذكرت في ردي السابق خوفا من أن أطيل أن جرأتك هي السبب وأزيـــدك وستذكري كلامي فالأيام كفيلة بأن تعلمك إن استمرت جرأتك حتى بعد الزواج فهي ليست بصالحك مثل ما ذكر أحد الأخوة لا تكوني أنتي صاحبة السبق لكي لا ينصدم منك تصنعي الحياء فجمال المرأة في حيائها كان الله في العون |
| الساعة الآن 01:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©