|
قريبا سأكون عروس ... اريد مساعدتكم
السلام عليكم ورحمة الله وبركاته ترددت كثير قبل ما أطرح الموضوع بس قلت لازم أطرحة عشان أستفيد وأفيد غيري عن قريب بكون عروس وأكيد تعرفون الحالة النفسية كيف تكون قلق شديد ، قلة نوم ، ... إلى غيرها من الأمور وهذا كله في جهه والتجهيز في جهه ثانية أقصد فيه تجهيز العروس بصراحة مو عارفة أيش اللي مفروض أشترية وخاصة إني أول وحدة تصير عروس من بيتنا بديت أشتري أشياء اللي هي متعودة أشتريها وأنا بنت بس أيش اللي العروس مفروض تشتريها ما اعرفها أتمنى تساعدوني ويعطيكم العافية |
الله يوفقك ويسعدك يارب .. فيأشياء بقولك إياها:
- لاتكثرين من ملابس الطلعات لانها بتنتهي موضتها لين وقت العرس وأصلا يتطلعون وايد في فترة شهر العسل ومابتقدرين تشترين شي إذا كانت خزانتك متكدسه - خذي قطع ذهب خفيفة أكثر عن الأطقم الكبيرة لانك بتستعملينها أكثر للبيت والزيارات بينما الأطقم الكبيرة للأعراس - فصليلك على الأقل فستانين غير فستان الصباحية لأنك بتنعزمين لأعراس ولازم تبينين إنك عروس جديدة - بالنسبة للمكياج خذي ميكب للأعراس لكن لاتنسين الميكب الخفيف اللي يناسب البيت مثل كريم أساس من بودي شوب لأنه مايبين إنك حاطة أساس مع ألوان أحمر الشفاه الطبيعية الحلوة - للبيت خذي ملابس مريحة لكن مغرية شوي مثل الشورتات والبوديهات الكت.. - طبعا مايحتاج أخبرك عن قمصان النوم للأيام الأولى الطويل الساتر شوي لكن لبعدين وخذي أشياء مغرية لأقصى درجة.. والله يوفقك ان شاء الله |
يعطيك العاااافية على النصائح اللي قدمتيها
الله يوفقك ويسعدك حاليا أنا فصلتلي فستان الملكة وباقي الصباحية لسا مابعد المكياج مثل ما قلتي بالضبط أخذت كل اللي أحتاجة لسا باقي كثير أشياء ماسويتها طيب سؤال أنا شريت بجامات منها ثلاث قطع ومنها قطعتين ستان وحراير هل أستعملهم للبيت ولا أقدر انام فيهم ؟! |
السلام عليكم و رحمة الله و بركاته . . اولا ألف مبروك . . اسأل الله ان يوفقكم و يسعدكم . . و يرزقكم بالذرية الصالحة . . ثانيا . . ما تحتاجينه هو اللآتي . . - فساتين للسهرة تقريبا عدد 2 . . حاولي تكون موديلاتهم و الوانهم مختلفة . . - فساتين حلوة للطلعات و تكون ثقيلة شوي . . و تصلح للأستقبالات . . - فساتين للخروج العادي " عملية " . . جديدة و بألوان عديدة . . - تحتاجين اطقم صغيرة سواء الماس او ذهب على حسب ميزانيتك . . و طقم ةاحد أو اثنين ثقال . . - ساعة يد ثقيلة شوي . . - مكياج جديد . . و بعدة الوان . . - تحتاجين لعطورات و كريمات و أطياب و بخور من النوع الممتاز . . - تحتاجين كم جلابية حلوة و ثقيلة . . لزيارات الغداء . . و تكون ألوانها فاتحة . . - ايضا طقم شنط للسفر تكون حلوة و مرتبة و لون واحد . . بعدة أحجام . . - شنط لليد مع احذيتها " اعزكم الله " . . و كبداية خذي الألوان الأساسية فقط . . مثلا الأسود و الذهبي و البيج و الفضي . . طبعا مع أحذية مناسبة و بكعب عالي . . - قمصان نوم مع أرواب . . لأول الأيام اشياء مستورة شوي . . و تكون ألوانها درجات البيج و الذهبي و ممكن الوردي . . و لبعدين نوعي بالقصات و الألوان . . و تكون عارية أكثر و ألوان منوعة . . - ملابس خفيفة للبيت . . ترينينغ سوتس أو شورتات مع تي شيرتات . . - ملابس داخلية جديدة و مغرية " ما تكون قطنية " . . - طقم فوط و روب للحمام " اعزك الله " . . و ممكن تجيبي لزوجك ايضا بلون مختلف . . - شباشب للبيت تكون حلوة . . - مفارش للسرير منوعة . . - احتياجات للحمام " اعزك الله " من رغوة و Bath Salts و شاور جل و صابون . . هذه هي أهم الحاجات اللي ممكن تجهزينها . . و اذا احتجتي توضيح أكثر او صور تساعدك . . خبريني . . اتمنى لك التوفيق . . |
اختي فراشة الوادي الف مبروك والله يوفقج ان شاء الله بس بزيد شي على الكلام اللي قالتة اختي اشتري عطور ريحتهااااا قوية ودعن العود وتنورات قصيرة وجزم عالية ونتي بكرامة وقارئين :d :d بس لا تنسين ادعيلي اني اتزوج وجميع بنات المنتدى :25:
|
أختي دهن العود
يعطيك ألف عافيه والله ما قصرتي معي حبيت أسأل شنو الفرق بين فساتين الطلعات الثقيلة وفساتين الخروج العادي ـ ـ ـ ـ أختي مجنونتك الله يسعدك ويوفقك ويوفق الجميع لكل خير |
الف الف الف مبروووك
عقبال عند الصبايا يا رب انا ممكن افيدك من خبرتي الزغنونة لانو شفت كسوة اكتر من عروس انو لازم تشتري قمصان نوم وهدا شيء طبيعي فساتيت قصيرة وملابس داخلية كتيرر وهدولي الاهم تاني شيء بيجامات ويا حبذا تشتري لزوجك بيجاما تهديها لاله ليله الدخله وكمان فساتين مسترة وتبين انك عروس عشان تلبسيهم لما يجو الناس يباركوولكك واشتري عبايات للطلعه جداد لانو العروس لازم تبين عروس بلبسها وببهجتها وبكل شيء وربي يوفقك ويسمعنا الاخبار الطيبة ولا تنسي تعزميني على عرسك يا احلى فراشة والسلام عليكم |
مشكووورة اختي
ماقصرتي يعطيك العافية |
أنا عندي تعليق بسيط....
لازم تفصلين كم جلابيه مستورات وحلوات علشان زيارات أهل زوجك اذا كنتو من الناس اللي ما يمانعون ان تجلسون كلكم مع بعض وأكيد انت متحجبه يعني بتلبسين شيلة..... هذا تعليقي وبصراحة الأخوات ما قصروا حتى انا استفدت والله.............. |
أهلا بك أختي
مجتمعنا ما فيه إختلاط أبد الرجال منعزلين تماما عن الحريم أسعدتني مشاركتك وإستفادتك |
الف مبروك فراشة الوادي الله يتمم لك بخير
شوفي انا بكتب لك عن اشيائي بما اني زيك اعفش الحين:) اول شيء خذي لك بخور وخذي من شركات مختلفة زي العربية للعود واجمل يعني خذي من كل شركة علبة علشان تجربي وتنوعي في نفس الوقت لو كنت من جدة انا اخذت قمصان نوم حلوة واسعارها مرة رخيصة ب15 و20 من الهرم تقريبا 3 بس كلها قصيرة ويبقى لي قمصان طويلة طقم مناشف للحمام الله يكرمك وتكون لنفرين لك وله عاد ماتاخذي لنفسك وتسيبي الرجال وهذي النقطة مهمة علشان يحس انك مهتمة فيه وكمان علشان تعلميه الاتيكت والحركات:) قميص حق اول ليلة فرح عطور من نعومي وعطر يكون ريحته حلوة حق اول يوم احذية الله يكرمك >ستي ماكس عامل تخفيضات الحين نصف السعر ملابس سبورات بلايز على بناطيل على تنانير قصيرة > استغلي الحين فترة التخفيضات على اول الحج ان شاء الله خذي لك بوت يطلع حلو على الملابس كمان ملابس للبيت اللي تكون عبارة عن فستان علاقي او كت وتكون كذا مشجرة وقصيرة بس ماهي مرة قصيرة يعني لنصف الساق شحاطات وشباشب للبيت شرشف سرير يكون فخم وشرشفين او ثلاث تكون عادية خواتم وحلقان اذان تكون حلوة وتلقي في سوق التحلية حلقان تجنن ب15ريال بس ايش والله روعة عبايتين او ثلاثة مع طرح وغطاء حق الوجه خذي مكياج السهرات من كريولان"الظل المائي رائع تقدري تاخذي بس الالوان القوية اللي ماتلقيها إلا عندهم+ اساسهم فضيع+ مثبت مكياج" لا تنسي تاخذي من محلات مكياجي لمعة نانسي اللي تتحط على الظل وتخليه يبرق وترى مهم علشان يكون ظلك ومكياجك رائع لما تروحي للافراح لانك ماهو كل مرة تروحي عند كوافيرة اللمعة عند مكياجي من ماركة نوبا وسعرها 45 لا تنسي تاخذي شراريب شفافة علشان لو كنت تلبسي جزم الله يكرمك او للبوت ماتعورك رجلك خذي فصوص اللي تتلصق على الجسم حلو تحطيها على جسمك اول ايام الزواج لما تكوني لابسه كت او ملابس كذا حق البيت لو احد جاء عندك يحسك عروسة تبرقي وفي بخاخ ينباع للجسم يخلي الرجل واليد كانها لون واحد وصافية انا اشتريته من النت فشوفي لو تلقي احد يجيبه لك تراه روعة وانا عندي اثنين وابغى كمان:) لو مالقيتيه في عندك ماركة كفر مارك في الرياض عندهم اساس سائل للجسم يغطي كل عيوب الجسم كمان لا تنسي تاخذي طقم اللي يجي عطر وصابون وكريم كلها نفس الريحة وبنات كثير يمدحوا حق نكتار وزهور الريف طبعا لا تنسي تاخذي استشوار ومثبت ورغوة وجل وبخاخ للمعة الشعر بعد الاستشوار وسيريم كريستال خذي شموع تعطيك اجواء حلوة أخير وليس اخيرا:) اشتري طقم للتسريحة يكون فيه ابجورات وعلب تكون كلها شكل واحد علشان تحطي عليها الاشياء حق التسريحة ويكون معاها تبسي تتحط عليها العطور لان حسب علمي الحين صاروا يحطو العطور على تبسي ماعاد كذا يحطوها على التسريحة لا تنسي كل يوم بخري بيتك وتعطري وخلي اللي يدخل بيتك يحس انه دخل بيت عروسة ماهو بيت عادي اي استفسار انا تحت امرك |
اختي أشتهيت أجي جدة أتسوق
أنا من الشرقية أخذت طقم مناشف مثل ماقلتي وأخذت مجموعة من العطور أخذت عباية وخلصت من المكياج شريت بجامات بيت وكم فستان للبيت الله يوفقك ويوفقني ويوفق كل البنات |
الله يحييك تنور جدة:)
|
اقتباس:
هلا و غلا فيك حبيبتي . . الله يعافيك . . الفرق حبيبتي بين فساتين الطلعات الثقيلة و الخروج العادي . . هي ان اللي تصلح للأستقبالات لازم تكون ثقيلة . . بمعنى انها تكون طقم كامل . . تايير او ما شابه . . و مش ضروري تكون فستان . . يعني أي بدلة ثقيلة . . توين سيت مع تنورة حلوة . . فستان . . المهم شئ يكون كشخة . . و فيه شغل . . اما العملي فهي الفساتين العادية أو البدلات البسيطة مثل التنانير مع البلوزات التي تصلح للخروجات العادية اليومية . . أهديك هذه الراوبط . . و اتمنى انه تفيدك . . ~*¤ô§ô¤*~ أحدث ما نزلت الماركات العالمية من شنط . . حياكم يا بنات ~*¤ô§ô¤*~ ( http://www.66n.com/forums/images/misc/multipage.gif 12 ) تحياتي لك . . و أي سؤال انا حااااضرة حبيبتي . . |
فراشه الوادي مبرووووووووووك انصحك بالظهران مول لأنو في شغلات حلوه بصراحه انا لسه مازرته بس الكلام اللي ينقال عنه انو بضاعته حلوه وروحي محمود سعيد واسألي عن مخلط رقم 12 ريحتو خيال وكمان مخلط الملك عبدالعزيز وبالنسبه لو احتجت لخبرتي في ترتيبات الحفل من تصوير الى ضيافه ........ انا في الخدمه ازودك بكل اللي اعرفه وانت لك الأختيار وعقبال مانفرح بالبيبي....
|
1 مرفق
|
ألف ألف مبروك أختي ..الأخوات ما قصروا معاك ما شاء الله ..
بس بأقول لك نصيحة ,, كثري من ملابس الخرجات العادية , يعني سهرة بسيطة عند أهلك ,أو عندك ضيوف في بيتك ,, يعني مثلا ( بنطلونات بس تكون فخمة شوي , يعني مبين أنك عروس , وتنانير بس مو طويلة ولا قصيرة .. وممكن تنانير طويلة بس فخمة شوي .. ) تحتاجي الأشياء الناعمة .. لأنه هذه الأشياء دائما العرايس ينسوها ,, و أكسبي الوقت هذا ترى بدت التخفيضات .. أما فساتين السهرات ( الزواجات ) لا تكثري .. يعني 4 أو 5 مرة حلو . والله يوفقك ويسعدك .. |
والله ماعندي شيء أزيده على كلام الأخوات اللي أبدعوا صراحة وسبب كتابتي الآن لكي أقول :14: :14: :14: :14: ألف ألف مبروك وبالرفاه والبنين إن شاء الله :14: :14: :14: :14: |
هلا فيكم حبيباتي
غمرتوني بنصايحكم الله يعطيكم العافية ويوفقكم لكل خير ومن تذكرون شي يفيد العرايس لا تنسوني فيه مشكوووورين |
معليش لو تسمحي لي فراشة الوادي
ممكن اسئلك saapna81 عن مخلط رقم 12 من محمود سعيد كيف شكله وايش هو ؟؟ ريحته ثقيلة ولا خفيفة اسفة بكثر عليك ابغى عطور http://www.osrty.com/smile/images/osrty408.gif |
هلا فيك اختي
أنا لسا ماشريت مخلطات كل اللي شريتة عطور عادية بعضها أخذتها طقم وبعضها مفرد أخذت عطر مس ديور وعطر بور بيسن ديور هذولي روووعة وعطر غوتشي اللي على شكل مربع لونة زهري ريحتة رووووعة وعندك عطر رامبيج يجنن وإذا بغيتي أكثر بروح أشوف أسماء العطور اللي شريتها باللنسبة للمخلطات فأنا ما أعرف لها ومحتارة كيف بختار ــــــــــــ انا مشتهية أشتري أطقم أحجار كريمة تعرفون وين أحصلها فيه هل أشوفها في محلات الذهب ؟ |
يسلموووووو كتتير يا فرااشه الوادي على هالموضووع :))
وبصراحه افدتيناا كلنا وانا بالتحديد والله يوفقك يااااااااااارب من كل قلبيييييي :)) والف مبروووووووووك |
الله يوفق الجميع لكل خير
تسلمين |
أختي غاليه والطلب رخيص مخلط 12 ريحتو معتدله حالمه وتثبت فتره طويله لدرجه لما تغسلي شعرك تفوح الريحه طبعا لما تطلبيه يتعبى بتوله والسعر على حسب حجم التوله كل ماكبرت كل ماغليت وبالنسبه للريحه مو ثقيله تصدع بالراس ولا خفيفه ماتنشم وسط وصدقيني لو تشتريه حتدعيلي وان شاء الله يعجبك وراح تدمنين ريحته وتكتشفين كل ماخلص تشتري بصراحه ولا مخلط جربتو الى الان وعجبني مثله..... احنا في الخدمه
|
يعني أروح لمحل محمود سعيد وأقولة أبي مخلط 12
وبس هل هو عطر للجسم ولا للغرف ولا للشعر ؟ |
الله يوفقك ياعروسة
ياالله ذكرتيني ايام التجهيز والوناسة :) الله يوفقك يارب ويهنيك ويسعدك يارب أتمنى أفيدك إذا لك زيارة للرياض ردي لي اقولك عندنا شغلات حلوة بانتظار ردك |
أسعدني تواجدك أختي
إن شاء الله لي زيارة للرياض عن قريب وبيكون السكن في حي العليا |
إذن لي عودة باذن الله
وفقك الله |
في إنتظارك أختي
شكرا لك |
ألف مبروووووووووووووووووووووك
لي الفراشه و النمله نموووووووووووووووووووله لا تنسين تشترين المانكيررررررررررررررررررر |
الله يبارك فيك أختي ويسعدك
|
نموله العسوله اتكلي على الله وروحي محمود سعيد وقولي ابي مخلط رقم 12 وهو للشعر وللجسم يعني ضربتي عصفورين بحجر
تحياتي واحنا في الخدمه لو احتجت لأي شي |
اهم شي لا تكثرين
لان السوق عارض نفسه في اي وقت تبغين تقدرين تروحين وتشترين نصيحه من مجرب لاني اشتريت كثيررررررررررر واكثرهم راحو للجميعه الخيريه جداد لانه طبيعي الجسم يتغير بعد الزواج ولا راح تقدرين تلبسينهم |
يعطيكم العاافية
إن شاء الله باخذ بالنصيحة شكرا لكم |
سأعود إليك أختاه وبجعبتي الكثير لك فانتظريني
|
يا اختي لا تنسي تشتري شرشف الصلاة والسجادة لك و للظيوف ..
يعني اذا جا أحد عندك ويبي يصلي .. ما يلقى شي يصلي عليه ؟؟ :( :d |
في إنتظارك بنوتة
lolo y إية والله تخيلي يجوني ضيوف ويصلو بالعباية هههههههههه مشكووورين |
الله يعينج_ انا توني خالصه من التجهيز! @طقم الاستحمام للعروس من بودي شوب_قمه@ |
اهلين أختي
الله يوفقك لكل خير هالطقم خاص بالعروس ولا ؟ |
يس_ اسبشل للعرايس _لااا_يطوووفج// وشكرآلمشاعرك الحلوه |
| الساعة الآن 05:13 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©