|
ماذا اهديها من امريكا
السلام عليكم
اخواني اخواتي انا راجع من امريكا للاجازه بعد اسبوع ولكن محتار وش اهدي زوجتي حبيبتي من امريكا(( انا متملك ولا بعد تزوجنا )) اهديتها: الذهب بانواعه ساعات عطورات تذكارات وش رايكم احتاج مشورتكم وما نستغني عن الذوق النسائي لانه اقرب مننا وشكرا |
اقول لك الصراحه امريكا ملابسها الداخليه روعه ونادرا مانحصل في بلادنا العربيه مثلها انا اقول اشتر لها كم طقم
تفاحه |
رأيي من رأي أختي تفاحة فالملابس الداخلية متميزة هناك وخاصة ماركة(فكتوريا سكرت) ولكن انتبه لأن بعض المنتجات تكون تصنيع إسرائيل.. والله يسعدك ويرجعك لها بالسلامة أختك حائزة الأمل |
هي بنات !! من جدكم انتم !!
تبون الرجال يشتري ملابس داخليه !!!!!!!!!!!! تراها صعبه وخصوصا ان الهديه يمكن يطلع عليها اهلها ! من جد شينه .. اشتره لها لكن احتفظ بها الى بعد الزواج .. انا ساترقب من بعد للموضوع لاهميته بالنسبه لي :) |
يارب يهنيك ويسعدك بالتقى والهداية لك ولها هذا أولا بعدين بحكم أنني كنت متمرمطة في أمريكا وعارفه بلاويها :d فنصيحتي لك الميك آب عندهم وااااااااااااو وبعد الشنط خاصة عند سييريس..والمحفظة يعن يطقم وعندهم عطوووووووووور تهووووس ورخيصة بعد لايفوتك عند سكريت :22: وإيش بعد العرض الأولاني من الأخوات(قميص نوم ) طبعا عندهم جنان بس أخاف زي ماقال بيوتي :18: يعني ممكن تحط لك بعلبة هدايا هذي كلها وترى فيه بلوفرات شتوية واللحين داخل علينا البرد ..وبجامات روووعة :17: هذا ماعندي..وعندهم بعد اكسسوارت منزل يعني تحف يارب أكون أفدتك ...لأن هذي الأشياء اللي دايم بشتريها وبحب أخذها من هناك لامن غيرها ويارب تسرناك حالك ..... تحيتي |
والله اقتراحاتكم حلوه وممتازه
بس الاولى صعبه شوي لان السالفه ملكه مهوب زواج ولاحقين على خير واشكر تفاعلكم معي وانا داري ان فيه ناس حاولوا وعصروا مخهم ولا طلع لهم شي مثلي وشكرا لكم جميعا |
اخي خل الهديه منوعه كل مازادت الاصناف افضل يمكن مايعجبها شي يعجبها شي ثاني
1) الملابس الداخليه وقمصان النوم وتلاقي بامريكا محل ايتام بكثره وملابسه راقيه جدا جدا ولا تنسى معاه الروب والحذاء خل يكون طقم 2) الالماسات والذهب عندهم اشكالها مش ولا بد مو مثل في الدول العربيه يتفننون .. لكن تلاقي محل (سواروفسكي) بكل شارع وبكل مطار الي يبيع كرستالات .. اخذ لها قلب وحلق عندهم اشكار حلوه وراقيه 3) التذكارات غالبا مامنها فائده ولا احد يستخدمها ولا يشوفها ..اذا كنت تبي تذكار اخذ مثلا من نيويورك mug على شكل التفاحه أو تمثال الحريه على الاقل تستخدمه على الملايس تدري محد يلبس ملابس فيها شعارات دول الا الاطفال 4) اهم شي اهم شي واكثر شي يفرحها ................ اخذ هديه لوالدتها ......... والله راح تفرح اكثر من اي شيء ..... مره زوجي قبل لا نتزوج شرا لامي صوغه ماتتصور اشكر فرحت امي فيها وصارت كل شوي توصيني عليه وهو ايضا فرح بفرحة والدتي وفرحتي لها الله يوفقكم :) |
خاتم
|
سماء قطر
شكرا على الاقتراحات وكانت النقطه الرابعه غافل عنها شكرا لاقراحك اياها abooooody تصدق انه ما يقى خاتم بالسوق الا شريته لها شكرا وميرسي |
انا بشوف تجبلها امريكا كلها ما تغلا عليها
بمزح ما تصدق انا بشوف انك تجبلها شويه مكياجات من شركات عالميه وعطر راح تقول ما خليت عطر ولا مكياج الا اهديتها اياه لكن المره هاذي خلي المفاجاه بالغلاف الي تغلف في الهديه يعني خذ المستحضرات عند دكان الي يغلف هدايا وخليه يغلفها بطريقه حلوه ورومانسيه يعني يوضع ورود مجففه زات رائحه طيبه وانت سيد العارفيتكرت حلو مع كم كلمه حلوه بتدوب القلوب. وممكن تحط الهديه بقلب حلو او صندوق او اي شئ على كل يا اخي والله هي ما تنتظر هديه اد ما تنتظر شوفتك والحمد لله على عودتك بالسلامه |
اد الحروف
والله افكار حلوه ولكن سيداتي وش افضل انواع العطو الغير متوفره بالسوق المحلي وممكن القاها بامريكا؟؟ لاني احس ان الشي هذا راح يخليها مميزه بين الباقين وتكون الهديه مميزه بحيث ماراح تلقى اي بنت معاها نفس العطر وشكرا |
انقذوني
ساعدونيمعاد بقي وقت وش افضل انواع العطو الغير متوفره بالسوق المحلي وممكن القاها بامريكا؟؟ لاني احس ان الشي هذا راح يخليها مميزه بين الباقين وتكون الهديه مميزه بحيث ماراح تلقى اي بنت معاها نفس العطر؟؟ |
اخي كل انواع العطور موجوده في دولنا العربيه لكن في امريكا والدول الاجنبيه تلاقي العطر يصير معاه ست كامل اللوشن والجل والبودره والخ ..
واذا انت جالس لي كرسمس ترى عروض رهيبه .. كل ماتروح محل تشتري شغله يعطونك هدية كريسمس معاها .. وبعد كريسمس بيوم واحد ايسمونه (بوكسنق ديي) كل مكان تروح يعطونك هدايا وطبعا كل المحلات تلاقي خصم 75% وكل شغله تشتريهامعاها هدياها اخذ ست كامل للعطر الي تحبه (يعني مع البدي لوشن والجل والبودره والسبري والاغراض الي تنباع معاه كلها ) واخذ ايضا ست كامل للمكياج لكن لا تنسى .. يوم الكريسمس او البوكسينق دي .. لاتشتري قبل ترى كل الاسعار تطيح بالارض .. احنا بهالفتره ماندخل السوق لان بعد اسبوعين راح يصير كل شي ارخص ب 75% .. كل السوق حتى محلات الملابس واذا عن تقديم الهدايا روح محلات الي تكون خاصه للكريسمس .. تبيع اشجار كريسمس والزينه .. راج تلاقي عندهم علب للهدايا اشياء حلوه وراقيه جدا |
ولا تنسى والدتها ;) جيب لها اشياء تحسسها بشبابها لاتجيب لها شغلات عجائز تعصب عليك .. ونصيحه لاتودي عطورات لان الاذواق تختلف وصعب انك ترضي احد بذوقك
اخذ لوالدتها شال او سكارف حرير حلو .. تلاقي احلى سكارفات في بربيري (اذا تبي سعر معقول ) او في Lv (اذا انت مستعد تدفع ) |
سوري اذيتك ;)
تذكرت بعد جيب لها من channel اكسسوارات حلوه وايد خاصه انها عروس وأيضا dior اكسسواراتهم حلوه وجيب لها من gucci اذا تعرف مقاسها حذاء وشنطه على الموضه تذكر ان اول هديه لها تاثير كبير على نفسها ونفس اهلها وياخذون فكره عنك ,, يعني حتى لو تفلس ميخالف ,, عقب الزواج لاتجيب شي ;) |
اقتباس:
أنا اوصي امي عندما تروح للبلد تجيب معها قمصان نوم من بلدانكم!! اخي..بصراحة نحن نوصي الناس في الدول العربية لأاشياء منهم لأانها ارخص مليون مرة واجمل ولكن لو تحب تأتي لها بشيء كونك مسافلر.. يمكن تجيب لها كتاب طبخ لأان الكتب في امريكا كثيرة والأكلات جميلة ولكن هذه ليست هدية رومانسية اذن....اشري لها مكياج من النوع الجيد من المحلات الكبيرة لكنها غالية ويوجد عطور كثيرة متوفرة أو اشتري لها تحف تذكارية من امريكا |
اقتباس:
يوجد عطور جديدة في المحلات الكبيرة في أمريكا لكنها غالية جدا ولكن بما انها جديدة فأنها لن تجد مثلها بين صديقاتها وتجد ان العطور التي فيها دعاية مع عرضها تكون الجديدة فمثلا لو تذخل المحل وترى دعاية عطر أو صورة مكبرة لها معناها انها جديدة |
اخواني اخواتي
افكاركم حلوه ومجهودكم تشكرون عليه بصراحه يعطيكم الف عافيه واتوقع ان فيه المزيد وشكرا |
هديه من امريكا
في امريكا عندهم محلات لتجهيز العرايس يبيعو علاقات الملابس و اطارات الصور و اكواب شاي شمعدانات اشياء كثيييره يكتبو عليها اول حرفين من اسمكم ممكن توصي على مجموعهمن هالاشياء و ان شاء الله ترجع بالسلامه |
| الساعة الآن 10:54 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©