|
مشكلة الشقة
هو يبغى يستاجر شقة في بيت اهلي وانا ماابغاها الشقة فيها عيوب الدنيا والبيت شعبي مدكدك وحالته حالة وهو ماتفرق معاه وفوق كذا ايجارها غالي مابيقدر عليه
في البداية قلت له بكيفك وبعدين ماصبرت طلعت له كل عيوب الشقة وبرضوا ماعنده مشكلة واليوم قلت له ايش عاجبك في الشقة هذي يقولي مالقيت غيرها قلت له انت دورت اصلا علشان تقول مالقيت غيرها؟؟ فزعل وسكت وانا حقيقة تفقع قلبي منه ابغى شقة حلوة وهو ماعنده مشكلة ان شاء الله حوش :23: المهم الحين انا طفشت منه وبكيفه يبغاها ياخذها هو حر وانا قررت اسكت وماعاد اتدخل في شؤونه والله بدري عليا اشيل هم من الحين والله ماادري الرجال صراحة كيف يفكروا؟؟ ماادري انا ادور الكمال ولا ايه؟ |
أختي
أهم شئ تكونوا إنتوا الإثنين بمكان واحد و لو عش عصفور خليك بعيدة عن المظاهر اللي ماتجيب غير وجع الراس و أحتسبيها عند ربنا و ربي يرزقك أفضل منها أختي زوجي سألني و قلت له المكان اللي إنت فيه بأكون فيه لو بعش عصفور و لا تنسي هو جنتك و نارك حبيبتي روحي أرضيه و غيرك تتمنى النعمة اللي إنت فيها |
الله يسعد اوقاتك خليه يجرب ويشوف بعينه وانتي التزمي الصمت تماما لانه فيه رجال يقرروا وما يبغوا احد يناقشهم في قراراتهم وبعدين اذا شافوا الطرف الثاني مستسلم تماما يبدئوا يعيدوا حساباتهم ويسوون نفس الشي اللي قالهم عليه الطرف الثاني والله بعيني شفت هالنوعيه في واحد من العيله ونلقاه بعد فترة مسوي نفس الشي اللي قلنا له عليه وطبعا لا تعليق من طرفنا بالعكس ننبسط حبيبتي اتكلي على الله والتزمي الصمت ولا تعلي صوتك في وجهه ابدا وراضيه ترى بكلمتين حلوين منك يمكن يغير رايه تقبلي تحيااااااااااااااااااااااتي ................. |
هلا اخواتي هنونة وروح الطير
والله انا ماابغاه يكلف على نفسه على شيء مايسوى يعني لو انها رخيصة بقول معليه إلا غاليه وفوق كذا ماهي حلوة ابغى كيف اخليه يدور شيء عدل انا حتى غرفة ماعندي مشكلة وعن جد ماعندي مشكلة لو غرفة وقلت له بس هو مارضي:) رجال آخر زمن:) كلمني هو قبل شوي وقلت له انه انا زعلت من نفسي علشان اللقافة حقي:) وانه بكيفه اللي يبغاه يسويه :) |
فهمية أن هذا عش الزوجية و أنت تقبين فية أكثر منة و الخيار يكون لكما معا و ليس لة وحدة
مشكلتكن أنكن ترين الحوار ليس مهم أو أنة يجب أن يصبح خناقة... |
بالعكس مهم جدا أن يأخذ رأيك ..
ومهم جدا أن تسكنين في مكان ترتضينه .. بالحوار والاقناع والاسلوب الهادئ .. وربنا يوفقك وتجيبوا أولاد وبنات .. :d والله مابقى إلا (((عشة)))) ياروح الطير .. :11: شكلك ماتزوجتي .. خلك تتزوجين ونشوف الوجه الثاني ..!!! :23: |
والله مابقى إلا (((عشة)))) ياروح الطير ..
شكلك ماتزوجتي .. خلك تتزوجين ونشوف الوجه الثاني ..!!! ____________ أختي زرقة البحر كم تعجبني أرآئك و ردودك لكن المرة هذه خاب ظني للأسف و مع ذلك سأحسن الظن و أجيبك بروح رياضية أختي أنا عاقد قرآني من زمان و الحمد لله و زواجي بعد شهر إن شاء الله و سبب تأخر زواجي ( الشقة ) فقططططططط و زوجي تعب لحد مايلاقي شقة نعيش فيه أنا و هو و نكون بمكان واحد و كل ما لقي شقة صغيرة ، كنت أقول له مو مشكلة نتحمل سنة سنتين يقول ما أرضى زميلاتك يزوروك و تنحرجي قدامهم ، أقول له ماراح أناديهم مو مشكلة جاب شقة بغرفتين ، قلت له مو مشكلة ماعندنا عيال ألحين ، جاب شقة غيرها قديمة و 4 غرف و قلت له مو مشكلة سنة و نغيرها بعدين إن شاء الله بس هو مارضي و أنا و الله بداخلي أتمنى الحياة اللي عشتها ببيت أبوي و أفضل بس لإني مقدرة ظروف زوجي و إنه مازال بالبداية و مع كذة كنت ألمح له إنه الشقة ماهي عاجبتني مرررررة ( التلميح مو بالخصام ) فيازرقة البحر المرأة الذكية هي اللي توصل للي تبغاه باللين و العطف يعني قولي له أنا أعيش معك بعش عصفور و الكلام الحلو هذا و هو و الله بيسكنك بقصر و لا نسيتي إن كيدهن عظيم :25: و الحمد لله إنه لقي شقة نظيفة و 3 غرف و كل شئ مثل ما أبغاه و ربي مايترك أحد :) |
أختي الكريمه
كلامك الحلو والوقت الحلو والواسطه الحلوه تخليه يغير رأيه 180 درجه وأذا شفتيه صمل في كلامه لاتعترضين وكوني الزوجه الودوده الحنونه على زوجها أدعو العلي العظيم أن يوفقك فيما تحبين أحترامي |
قولي له انا ما ابغاك تاخذ شقة من بيت اهلي حتى الناس ما يقولو اني مستغلة اهلي او اي شيء من هل قبيل
اما اذا اهلك عاطيكم اياها عطى فانا انصحك ان تعيشي فيها رغم عيوبها لان الاجار راح يفرق عليكم |
Shark لاماهو خناقة بس لما تحس اللي قدامك رافض رايك صراحة تتحطم:(
زرقة البحر والله مااني راضية بس مااعاد ابغى اتكلم بس قاعدة ادعي وربي يفرجها:( شفتي كيف ياروح الطير رجال اخر زمن والله نقلهم اي شيء يقلك لا لازم شقة مادري كم غرفة على كم ماادري ايه؟؟ اخوي سيف الذهبي انا مابغى ادخل احد واسطة لانه يزعل لما اقول كلامه اللي يقوله ليا لاحد حتى لو كان كلام عادي زي كذا كلام حلو مشكلتي لما يكون عندي فكرة وابغى اقنع احد فيها مستحيل اقول كلام حلو يكون كله كانه اوامر علشان كذا قلت خليني ساكته ابرك:) وياربي يستجيب دعائك وتتسهل شقة زي اللي نفسي فيها:) اخوي الفلوجة مااحد يعطي احد شيء بلاش بس ممكن اهلي يكونوا ارحم من الغريب اللي راح يوقف كل راس شهر على راسه:) مشكلتي اني ماابغى افتح موضوع اهلي معاه علشان لا يقول هذي ماتبغى تعيش جنب اهلها وليش ماتبغى عند اهلها ومن هذا الكلام وماابغى الكلام يكبر في عقله ويطول ويعرض فيه وبعدين انا شايفته مرة مصر على انه ياخذها بس والله ماعندي غير الدعاء كل يوم طايحة دعاوي ويارب يستجيب لي |
حلوة ماعاد إلك دخل بشؤونه !!!
المشكلة إلك دخل والمشكلة الثانية هي شؤونك وشوونه مع بعض والمشكلة الثالثة لازم تكوني رضيانة وإن شاء الله مافي مشاكل والحديث الهادي أحسن وأحسن وكلمة حلوة منك تزيل المشاكل للأبد |
ممكن هو يريد الشقه لانها ببيت اهلك فيريدك بقربهم وهذا اللى جعله يختارها
السكن الرجل مسؤول عنه كون القوامه بيده ولو هى غاليه فهو الذى متكفل بالامر ولا تجعلى موضوع مثل هذا يسبب زعل بينكم واذا سكنتوها ولم ترتاحوا فيها تقدرون تبدلونها خلال شهر هى ليست تمليك انما صفه اجار |
خلاص ممكن أتبرع لكم بنفسي بس بشرط تحافظون علي :d
اختي كل يتغطىعلى قد لحافه ، فشوفي ميزانية زوجك واختاروا شقه تناسب تلك الميزانية سواء كانت عشة أو قصر :17: بس اهم شي اجمعوا فلوس لعمر قادم تبنون فيه بيت جديد، أو فكروا بطريقة اقتراض مناسبة |
والله حالة
وهي واقفة على الشقة :22: ان شاء الله تكونون بصندقة ( الغرف المتنقلة ) أهم شيء تعيشون حياة سعيدة حتى ولو بخيمة في الربع الخالي :d الله يوفقكم ويسعدكم بزواجكم |
الله يجزاكم خير جميعا
سيدرا ايش اسوي احس اني لما اكلمه يزعل ويقفل ويسكت وماادري كيف انا الحمد الله مااخليه يزعل مني ابدا:) بس صراحة حسيت نفسي ثقيلة عليه لما اكلمه في هذا الموضوع؟ والله حتى امي تقولي ايش تبغي بالبيت هذا:) فقلت خليني ساكته ابرك واذا بعدين لزم والا يبغى رايي بقوله له وهو كيفه؟ بس كلامك شؤوونه هي شؤؤوني يخليني ارجع واتكلم مرة ثانية وعاشرة كمان:) mona777 مانقدر نغير البيت خلال شهر يعني لو قدر ياثث كم غرفة من البيت ماراح تتغير إلا بعد 5سنين فمابالك بتغيير شقة وترى اذا ماسمع كلامي الحين فما اتوقع بعدين راح يسمعه؟؟ ولا ايش رايك؟ ياليت يالشقة تسلفنا نفسك كان تحل المشكلة:) الله يجزاك خير اكيد نفكر في بيت صغير الحين علشان بعدين نشتري ارض ونبنيها ان شاء الله علشان كذا بقله ياخذ شقة على قد راتبه:) ثريول حرام عليك بصندقة؟؟؟ البيت له دور كبير على راحة نفسية الحرمة يعني البيت لما يكون حلو ونظيف ومافيه حشرات لا زاحفة ولا طائرة والله يكرم السامعين حمامته نظيفة هذا كله له دور انه يساعد الحرمة مننا انها يكون تنظيفة وترتيبه شيء حلو ومفرح لقلبها المشكلة انه هذي الشقة اقلبها يمين شمال في راسي ابد مافي فايدة انها تتعدل!! ادعوا لي كذا بالله :) |
اقتباس:
100% |
La7n_In_LoVe من فين اجيب صبر اني اسكت:)
|
| الساعة الآن 07:49 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©