أفكار لحفلة عقد القران ( الملكة )
 

انا ملكتي كانت في بيتناعائليه وبسيطه الى ابعد حد وهذا اللي ميّزها .

اناانصحك انها تكون بسيطه وما تصرفي فيها كثير عشان تخلي شي لطلعتك يوم الزواج ان شاء الله ..

بالنسبه لي جهزنا مكان في الصاله الرئيسيه وخليناها المكان اللي حنقعد فيه انا وخطيبي وحطينا ورانا وحولينا بوكيهات ورد باشكال والوان حلوه انا كنت مختاره لون ورد ازرق مع اصفر لانه ماشي مع الفستان اللي كنت لابساه..واتفقنا مع مطعم يعملنا بوفيه في صالة الطعام..وبالنسبه ليا انا وخطيبي كانت لنا طاوله عشاء مخصصه في مكان بعيد عن المدعوين..

البدايه كان التصوير بعدين نزلنا انا وخطيبي انا دخلت اول عالمدعوين وجلست بمكاني بعد فتره قصيره دخل خطيبي وجلس مكانه وبذاك الوقت صار تلبيس الشبكه والدبل وبعدين شرب العصير والتصوير مع الاهل..بعد فتره الحريم دخلو عالبوفيه واحنا رحنا لطاولتنا واتعشينا وقعدنا نسولف لاااااااااخر الليل..

نصيحه مني لا تخافي ولا تتوتري وحاولي تستمتعي بهذا اليوم قدر الامكان:) وخليكي مبتسمه ابتسامه هاديه لانها حتعكس عليكي بجمال طبيعي فوق جمالك ولا تختاري تسريحه ولا مكياج مبالغ فيه حاولي يكون بسيط وحلو بنفس الوقت خلي الثقيل ليوم الزواج.... بالتوفيق :)

أنا كمان ملكتي قريب وابغى نصائــــــــــح و أفكار للملكة ((( نصائحك راااائعة ياCrestalla )))

شكراا لينااااا انا في الخدمه اي وقت :)

اختى الكريمه

اولا : الف مبروك على الزواج والله يسعد ايامك

ثانيا : اهدى اليك هذا الرابط لعله يفيدك

http://66n.com/forums/showthread.php?t=63197

خالص تحياتى

واليكى ايضا هذا القيم الشامل لعله يفيد

http://66n.com/forums/forumdisplay.php?f=34

تحياتى

أهم شيء أن تكون الملكة خالية مما يغضب الله من التبرج والإختلاط والاغاني والموسيقى . وتستبدل بالأناشيد الإسلامية ( كأناشيد بنت الخليج )

اهلا مستحيه ..
شوفي على سالفة العشا لما توصلي للمرحله هذي حيكون شوي من خجلك راح..ايش ارحم تتعشوا قدام الناس وكلهم يطالعوكم ولا تخلو العشا في مكان بعيد يصير بس هو اللي يطالعك ( شي ارحم من شي) :) اما للشهيه على الاكل فما اتوقع يكون ليكي نفس ابدا حتحسي انك شبعانه ع الاخر..وعلى فكره انا زيك كان هذي اول مره اشوفه من بعد الشوفه الشرعيه ..

اما بالنسبه للتسريحه ارفعي شوي من شعرك وخلي الباقي نازل بطريقه نوعا ما مموجه يسموها الكوافيرات (فلو خفيف) وخذي جزء من قصتك ( عارفه القصه اللي هي خصله من قدام) لا ترفعيها خليها يملّسوها مررره وبعدين وينزلوها على وجهك بطريقه تغطي نص جبهتك ويحطولك باقي القصه ورى اذنك ...مادري فهمتي ولا لا بس انا بحاول اقربلك هي ..

اما الورود فجربي تعمليها كور ورود صارت دارجه ومعروفه في محلات الورود واختاري الوان زي الوان فستانك..وانصحك بما انه الملكه مره بسيطه ففستانك لا يكون منفوش ابددددددددددددد لانه بيكون مبالغ فيه (اوفر) يعني مو على قد حجم المناسبه...

اي استفسارات ثانيه انا حاضره طال عمرك وفي الخدمه..

انا انصحك انه تكون الملكة بسيطة وانتي تشيك
هذا الي اقدر اقوله لك

يا غالي و الطلب رخيص . .
 

اختي احس ان الاكسسوار مهم عالاقل بس خليه مرررررره بسيط يعني حاولي تختارين الاشيا البسيطه خصوصا الحلق خليه ناعم لان التسريحه ناعمه وحلو تكون العروس ناعمه بليله زي هذي

الله يسعدك يارب
طمنينا عن ليله الملكه لا تنسين

رجعتلك ...

بالنسبة للاحساس ترى جميل هذاني اعيدها عليك استمتعي باليوم وبالاحساس الرائع.. اقولك عن تجربتي انا بصراحه وما انصحك تعمليها ابدا لانه ماعرف ايش اضرارها عليك المهم انا اخذت حبه مهدئة لاني انا من الناس اللي اذا خفت اطرافي ترجف واصير ثلاجه فلما اخذتها صرت طول الليل وانا طايرة واعصابي مخدّرة .. انا ليه ما انصحك تعمليها لانها مجازفه فعلا كان ممكن هذي الحبة يكون لها اضرار جانبيه والله يعلم ايش ممكن كان حصل ذاك اليوم.. انتي بس روقي وهدي بالك ولا تفكري كثير بموضوع التوتر عشان لا تتوتري بزياده..

بالنسبة للورود الكور اذا تحبي ادلك عالمكان اللي ممكن تلقينه فيه بس ان شاء الله تكوني في نفس منطقتي..

وعلى فكرة انا افضل تلبسي اكسسوار كامل ولما يجي يلبسك شبكته بيشيلو اللي انتي لابساه وهو يلبسك الجديد..

والملكه مرات تكون بس رجال من دون حريم ومرات العكس ومرات حفلة حريم وحفلة رجال يا اما بنفس اليوم او بايام مختلفه ..

يا بنتي شدي حيلك ادعيلي وادعيلك انا زواجي كمان ان شاء الله بعد العيد :) اسال الله التوفيق لك ولي ...