|
حياتي اصبحت لاتطاق
اشعر احيانا انني اريد ان ازعل من زوجي ولا اريد رؤيته والحديث معه واشعر بانني اكرهه
كل ذلك بسبب كثرة نومه وخاصه في نهاية الاسبوع سئمت من كثرة تأجيل الطلبات واصبحت اكره نفسي عندما اطلب... منذ اسبوع كتبت الطلبات على ورقه يراها دائما حتى لا اطلب لكن بلا فائدة ... طلباتي ليست كثيره بل متكرره من كثرة التأجيل .....طلباتي هي مستلزمات العيد لاطفالي... اطلب منه الخروج فيوافق ..... اذهب لتبديل ملابسي ارجع اليه وهو نائم وعندما يصحو يتصرف وكانني لم اطلب منه شي ويخرج وان ذكرته يؤجل الخروج اطلب منه عند العوده من العمل الخروج فننام الظهر ويصحو ... علي بعد ذلك ان اذكره فيؤجل قلت له انه اذا نام في نهايه الاسبوع حتى المغرب بانني سآخذ ابنائي واخرج ... سمح لي ... ولكني لا اقدر ان افعل ذلك ماذا افعل هل ازعل منه ؟؟؟؟ هل تصرفي طبيعي ؟؟؟ هل اذهب لبيت اهلي واتركه نائم في البيت ؟؟؟؟ وهل سيكون تصرفي تصرف زوجه عاقله تحترم زوجها مع انه راض ؟؟؟؟ صدقوني اريد احيانا ان ابتعد عنه قليلا .... اشعر انني في حاجه لذلك افيدوني ولكم مني جزيل الشكر |
اخذي لك كم يوم عند اهلك و ابتعدي عنه....مو قصدي تزعلين....بس ابتعدوا عن بعض شوي
ترى اللي فيك ملل و هذا شي طبيعي يصير باي متزوجه...... والحل الامثل انكم تبتعدون عن بعض فترة .......... اما عن زوجك و تطنيشه و كثرة نومه....فهذا هو حال اغلب رجالنا....وعلى الاقل انتي تشوفينه انه نايم غير اللي ينحاش من البيت مثل الحرامي....ويتهرب من المسؤوليه عيني عينك..... وتعوذي من الشيطان و لا تنسي المعوذات داااااااااااائما و اذكار الصباح و المساء..... الله يهديكم دوووووووووووووووت |
عزيزتى المشكلة دى تحدث من معظم الازواج . الزوج يعتبر فترة الاجازة تعويض له عن شغل الاسبوع وان المفروض انة يقضيها فى النوم والطلبات لزوجتة او اولادة والبيت آخر حاجة ممكن يفكر فيها . يمكن يكون من داخلة عايز يخرج ويجيب لك كل اللى انتى عايزاة لكن التعب من سغل الاسبوع يخلية عايز يكمل يومه نوم . امامك حل من تلاتة . اما تعملى زى وتضغطى علية فى الخروج وسط الاسبوع (الضغط باى طريقة بالدلال مرة وبالزعل مرة وبالتدبيس مرة ومشى حالك ) او تخرجى انتى وتجيبى اللى انتى عايزاة مع اولادك او مع صديقاتك او احد من اقاربك زى اخوكى او ابوكى ويمكن ساعتها يحس بالذنب ناحيتك أو بالغيرة عليكى . او تسلمى امرك للة واسبوع تخرجى و10 لا حسب الظروف . وربنا يهدى كل ازواجنا آمين .
|
وانا معك في ذلك
اقتباس:
|
مالك إلا حل واحد أنك تسوين الشئ حار بحار يعني قولي له أنك تبين تطلعين ومن يوافق قومي تجهزي بسرعة أو خبرية أنك محتاجة هالأشياء في وقت توه قاعد من النوم يعني وقت مايكون عنده عذر000
واذا حبيتي تروحي بيت أهلك وهو وافق خلاص روحي لا تعودية على طبع أنه طول ماهو نايم أنتى جنبه بس اذا وافق خلاص حملي روحك وعيالك ورحي يمكن يشتاق لك أكثر000 واللّه يوفقنا أجمعين ياربي000 |
اولا .... مو كل الازواج كذا..... :(
ثانيا ... يمكن يكون زوجك مريض.... يقولو الحجامه ... تخفف النوم....جربي. |
زوجي لا مريض ولا شي بس كسول ومو بس في نهاية الاسبوع ولما اقول له يطلع لي اعذار وبالنهايه انا الغلطانه
ذهابي لبيت هلي لكم يوم صعبه ..... حاولت اسافر مع هلي بس الله ماكتب الزعل مايصلح شي .... زوجي يعرف اللي يزعلني لكن يسويه ويبرر موقفه اذا ضغطت عليه يوديني مشوار بيوديني لكن بحصل تهزيء وانا حساسه وما استحمل قلت له اليوم اني اتضايقت العصر وقلت له بكره ودني السوق قال عنده الموعد اللي طافه اليوم بسبب النوم قال لي انتي اتدورين اي سبب عشان تزعلين قلت اليوم ابي اروح مشوارين بس بكره يمكن فيه مشوار ثاني قال يعني شسويلج طلباتج وايد كرهت نفسي ماابي اكلمه ماابي اشوفه |
سبحان الله فيه ناس كذا ما تقدر الحياة الزوجيه ..................
يعلم الله اني تضايقت عندما قرأت موضوعك انصحك بإنك تكلمين شخص قريب لك عن موضوعك يمكن يأثر على زوجك ...... |
صديقتي عندها نفس المشكلة,,
أحيانا الرجال من كثرة همومهم وانشغال بالهم في العمل يهربوا من الواقع ويناموا.. تعب ذهني أكثر من انه تعب جسماني.. نصيحتي لمن يكون مصحصح والأولاد نايمين تجلسوا مع بعض تتناقشوا وتحلوا المشكلة وتفهميه أنك لا تستطيعين تحمل المسؤولية كاملة فهي ترهقك وتحتاجين لوجوده ورأية في اتخاذ القرارات العائلية.. ويد وحدة ما تصفق.. هو راع ومسؤول عن رعيته.. وفهميمه أنك من كثر ما ترددين الطلبات تبان انها كثيرة وأنك ما تحبين تظهرين بمظهر الزوجة الملحة في الطلبات لكن أنت ما تساعديني على ذلك.. اسأليه هل أنت راضي على وضعنا هذا نوم نوم طول الوقت.. أنت تحتاجين لوجود رجل في البيت.. نت مش متزوجة السواق !! والله هذي الأيام نحتاج السواقين أكثر من الأزواج ! راح يتغير كم يوم ويرجع بس معليه كرري الجلسات.. بالحبيبي وعيني وياقلبي مش مد اصابع الإتهام وانت فيك ويخطيك.. أخم شيء انكم تجلسوا جلسة وحدة تخلصوا الموضوع وتقربوا وجهات النظر ويفهم الوضع.. يختي محد قله يتزوج إذا مهو قد المسؤولية وطلبات البيت ! أيش يتوقع الزواج ؟ لازم يعرف أنه مهو عايش لوحدة ويرضي طلباته ويطلع وقت ما يريد ويسوي إللي يبغاه.. والدي دايما يقول لأخي.. قبل الزواج أمرك بيدك.. أما بعد ما تزوجت أمرك بيدك وبيد زوجتك ما تتخذ قرار إلى تشاور زوجتك.. الله يهديه لازم يفهم غنه مو عايش وحده ولا هو عزوبي.. تناقشي معاه بالهدوء وبالمنطق يمكن يقتنع. ولله التوفيق, |
ممكن تساليه مادام اذن لك تخرجي
تروحي مع والدتك او اخواتك زوجات اخوانك او صديقتك او والدته او اخته او سلفتك اي احد عندكم نفس اعمار الاطفال و او تخرجو كمجموعه الازواج يشيلو الاكياس و يشترو الايس كريم ويلعبو الاولاد و انتو تشترو طلباتكم و بهذه الحاله يقوم قبلك للسوق او يوصلك ويرجع ينام و البيت فاضيييييييييييييييييييييي |
أختي الغالية .. والله أني مريت بنفس المشكلة بس أنا كان إطلعني بعد الحنه والزنه ويكون الوقت متأخر يعني نوصل السنتر قبل ربع ساعة من إغلاق المحلات ولا كإنا طالعين والسبب نفس المشكله*** النوم الزائد *** لدرجة إني مرة جيت من بيت أمي لأننا كنا متفقين إنا نطلع وبس دخلت البيت شفته نايم في الصالة فدخلت غرفة النوم وانفجرت من البكاء.. تخيلي إنه قالي إنتي ما عندج شغل غير تبكين وإنتي وإنتي،، حسيت الدنيا اسودت بعيني..بس حلفت ما أبكي قدامه!!
المهم إني تميت زعلانه منه لفترة أكلمه لاكن من ورا خاطري وبقيت فترة طويلة ماأقوله ودني مكان ولا طلعني وأطلع ويا أهلي .. بس والله إنه خذ فترة طويله إلى أن تغير وبطل هاي العادة والرقاد الزايد بس مازلنا إذا بنطلع تكون طلعتنا بعد المغرب!!!! بس شسوي تعودت غصب عني! الله يعينج ،، انا أقول إزعلي منه مثلي يعني كلميه من ورا خاطرك وحاولي تخلصين الأشياء الضرورية مع أهلك بس لاتخبرينه إنك سويتي الأشياء المهمة وقولي عادي مب لازم الأولاد يلبسون للعيد!! خليه يحس بالذنب! أنا أقولج شي سويته ومجربته .. والله يهديه إنشالله |
أخيتي أعتقد يلزمك رد من الأخت (( أم جمانة )) !!
أنتي تحتاجين إلى كم درس في مكر النسوان وكم حصة خصوصي تدريب عملي كيف تطلبين الطلب من زوجك ، يعني قصة كتابة الطلبات بورقة وتحطيله إياها أمام عينه كل ماراح وإجا في قمة التعقيد لو أنا رجل وفي مكانه كان كرهت عمري وبيتي ، استخدمي الخطط الذكية المخبأة في رأسك ( لقد حان دورها ) ,,, |
صدقوني امس قعدت معاه وقلت له اني كنت متضايقه وهو عرف السبب بنفسه لكنه مايعتبر ان اللي سواه غلط ويعتبرني انا الغلطانه
يقول انتي وايد تبكين وايد تزعلين على امور تافهه وانتي اتكبرين الموضوع واااايد وانتي فكري زين وشوفي ان الموضوع فعلا مايستاهل كل هذا الضيق والزعل وانتي وانتي اصلا مايفيد معاه اذا قضيت حاجاتي مع هلي بالعكس ابيستانس مع اني انا احيانا اقول له الله يخلي ابوي اللي جاب لنا سايق وهذا عشان يحس فيني لكن بعد بالنهايه انا الغلطانه وانا اللي مااتحمل ليش دايما انا اللي نصبر ليش دايما انا الغلطانه وبعد مايقولي انتي وانتي يجي يراضيني بكم كلمه وغصب علي اخضع له مع ان جرحي ماانساه الله كريم لكن مااقول الا .... اللهم اقر عيني بهداية زوجي وتقواه وصلاحه اللهم اني اسألك باسمك الحبيب الكافي ان تكفيني مع زوجي مما يشوش خاطري ويسهر ناظري اللهم الف بين قلبي وقلبه كما الفت بين قلوب عبادك اللهم سخره لي كما سخرت البحر لموسى والصلاة والسلام على سيدنا محمد وعلى اله وصحبه وسلم |
اختي الي صعب علئ فهمه
انا عندي انزل و اشتري الاغراض لوحدي او مع الاولاد احس من اني انزل مع زوجي لان كل شويه يشوف ساعته واحس انه متضايق و يتعب و يجي له صداع و ادخل للمحلات ولا اعرف ا ركز بالبضائع ولا اعرف اشتري ما شايفه ان هناك مشكله الله يهدي جميع المسلمين اللهم امين |
| الساعة الآن 07:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©