|
انا من جديد وياريتني سمعت كلامكم
السلام عليكم ورحمة الله وبركاته
كلكم تعرفون معاناتي مع زوجي وكتبت عدة مواضيع ونصحتوني بالطلاق وياريتني سمعت كلامكم حياتي من ست شهور وهي تنتقل من سيء الى اسوء اخر مشاكليهي بالامس اني فتحت الرسائل في جوال زوجي ولقيت عدة رسائل من امراه واحده وهي تعبر له عن شوقها له وحبها الي على قولتها ((موبيدها)) انا قريت الرساله وصحيت زوجي من النوم ,, قلتله اقرى رساله مهمه جدا لاتستحمل التاخير طبعا هو وجهه قام يقط الوان ,, وقال لي (شكو متعبثه بتلفوني ) المهم خذيت اغراضي بمشي اروح لاهلي لاني قايله لزوجي من قبل الزواج الخيانه او الزواج بثانيه ماله حل عندي الا الطلاق المهم زوجي قفل الباب .. وطاح فيني ظرب والله اني الى الان اشعر بحراره مكان الظرب وجسمي فيه بقع زرقاء وجلس ساعه وبعدها جاءني يبكي ويقبل راسي ويدي كي اسامحه وقال ان هالبنت مو هامتني لانها تعرف 10 غيري وانا ماخذها تسليه وجرد اريد اسولف معاها قلتله عطني مهله الى غدا افكر واصلي استخاره ,, وصليت وفكرت شفت اني ماراح اقدر استحمل انظر الى انسان (او بمعنى اصح حيوان) لعوب قذر مو متربي وهو فعلا حيوان وخسيس ,, حاولت اني اخلي السالفه تعدي على خير ,, خاصه ان زوجي صاحب سوابق قبل الزواج وقلت يمكن ردت له نزواته وسحابة صيف وتعدي اليوم الصبح قلت لزوجي عندي عدة شروط كي اسمر معاك ,, منها ان التلفون والكمبيوتر يتسلمون لي فوافق وقال مستعد اسوي الي تبينه بس اكفر عن غلطتي لكني واثقه ان ذيل الكلب الاعوج عمره مايتعدل حاول زوجي ان يجامعني ,, حاولت اصده بعدين استسلمتله قلت خل تعدي السالفه على خير اثناء الجماع زوجي بغير عمد عورني ,, انا لا شعوريا صرت صرخه مو طبيعيه وقمت ابكي بحاله هستيريبه من القهر كيف تهون عليه عشره اكثر من سنتان علشان انسانه قذره تدور الرجال امتزوجين ارجوكم اخوتي واخواتي الي يقرا موضوعي سواء كتب او ماكتب مشاركه يدعيلي ان زوجي مايشوف شمس الغد وهو فعلا انسب حل كي لا اكون مطلقه وكي لا اعيش عيشه دنيئه مع انسان حقير اللهم اخذ روحه وانت غاضب عليه ,, اللهم ان كنت تعلم ام زوجي ظلمني بخياته وبظربي من اجل معشوقته اللهم اخذ روحه وريحني منه ,, اللهم اليوم قبل الغد ,, اللهم آمين |
الله يعينج اختي ... وايد قلبي عورني يوم قريت سالفتج ... والله يا بنت بلادي ..اسمع عن كثير من الازواج جذي ,,,, بس الله يعينج ... وهذا هو زوجج ..اذا كان فيه اشين اكيد فيه الزين بعد ...
اختي توهم فاتحين مكان اسمه ( مركز الاستشارات العائليه ) تقدروون تروحونه و إن شاء الله هناك بيدلونكم ع الحل الصحيح وانتي بدورج حاولي تجددين علاقتج معاه سافروا مثلا ترا السفر وايد يبري الجروووح ...... والله يوفقج إن شاء الله .. |
انا ما احب ان ادعي على اي شخص حتى لو ظالم، ولكن الحل بيدك.........الطلاق لا هو عيب ولا هو حرام..........وإذا العيشة معه مستحيلة وانه متأكدة انه مارح يتصلح.........فاذهبي لمنزل أهلك ولا تعودي له ابد................ما في شيء بان تكوني مطلقة........حتى ولو ارملة!!!!!
استعيذي من الشيطان، واستهدي بالله وابعدي عنك الدعاوي........لأنه لا سمح الله لو فجاة مات خلال دعواتك.......ستظني انك السبب ولن تسامحي نفسك ابدا. الطلاق لمثل حالتك افضل حل |
لا حول ولا قوة الا بالله
اختي مدام وصل بك الامر الى هذا الدعاء الفضيع ( والذي يدل على كراهية لان ما دعيت له بالهداية) ارى ان لا مكان لك معه روحي بيت اهلك وخليهم يحلون المشكلة بمعرفتهم الله يكتب ما فيه الصالح لك و يهدي زوجك يا رب اختي ارجو ان لا تفهمي اني الومك لا والله ما شاء الله على صبرك و ان شاء الله يعوضك خير منه |
انا من رأي حبيبتي لا تتركيه هو محتاجك، هذه فقط نزوات نحن كل شئ لأزواجنا والعاهرات لاشئ فقط للعب واللهو، وأزواجنا يعرفون هذا الموضوع لاتتخلي عنه هو زوجك لاتعيشي مطلقة أنها حياة جحيم صدقيني انا ليلة أمس اكتشفت أن زوجي كان قبل ان نتزوج يجيب بنات على بيتنا اتتصورين الموقف وشفت الفيديو وهو يداعبها لكني لا أريد انا اخرب بيتي هو وعدني وطلب مني السماح صدقيني الله سيرضى عنك لو سامحتيه، امشي بنصيحتي ولا تستمعي لأي أحد يقلك على الطلاق انه عذاب حافظي على زوجكي وترتبي لي وكوني له النار والجنة وكوني له الحبيبة الغالية اسمعي نصحيتي اختكي بيبي دول
|
والله يالغاليه هذا مو خاين وبس !! هذا مد يده عليك وعلشان مين علشان وحده منحطه ورخيصه وحقيره !!! يعني هي اذ لمسها لمسها بدلع ودلال ونتي الشريفه العفيفه الي بذمته ضربك ومد يده عليك علشانها مو هذا شي يقهر ويحسس بمدى حقارته وبمدى الاهانه الي توصل لها الزوجه !!! يعني الوحده تترك بيت اهلها وتتزوج علشان تتهنى وتعيش معززه مكرمه ولا علشان تنذل وتنضرب علشان عيون المنحطات الرخيصات الي كل يوم مع واحد شكل عساها الايدز ولي يعرفها هي واشكالها ويمكن ينقلها لزوجته بعد بعدين بسالك ماسئلتيه عن مدى علاقتهم في بعض يعني هل بس مكالمات ولا فيه علاقه جنسيه بينهم لا سمح الله !!!!!!!! وتضايقت كثير انك خليتيه ينام معاك بعد خيانته وفوقها ضربه لك شي يقهر :( الاخت بيبي دول اذ زوجك خانك قبل زواجكم على قولتك هذا شي راجع له وخاص فيه لكن الخيانه بعد الزواج والرجل محصن نفسه بالحلال وش عذره عند زوجته وعند ربه قبل كل شي اذ حتى الي مو متزوج حرام يعاشر النساء ويسوي معهم علاقات فاكيف بالمحصن ؟؟؟؟؟؟؟؟ اذ رضيتي لنفسك الاهانه والذل بظل رجل خاين وغدار ولا اخذتي منه اي موووووووقف اجل وش الشي الي ممكن يسويه بعد بيحرك مشاعرك وكرامتك كانسانه قبل كازوجه اعذروني على قسوتي لكن الصراحه يمكن تزعل والحقيقه للاسف مره كالعاده هذا وربي يهدي لكم ازواجكم ويسخرهم قبل فوات الاوان والصبر له آآآآآآآآخر على مايقولون هذا وحسبي الله ونعم الوكيل على كل من لا يخاف الله مايدرون انه ممكن يموتون في اي لحظه بدون سبب كيف بيقابلون ربهم وهم يزنون وهم محصنين ايضا والعياذ بالله نسئل الله السلامه والعافيه |
السلام عليكم
اختي العزيزة انا من زمان اقرا موضوعك لك ما تم تفعيل اشتراكي إلى من يومين لذا ارجوا المعذره على التاخير في الكتابة اختي العزيز ابغض الحلال عند الله الطلاق فلا تفكرين فيه انتي امراة والمجتمع ما يرحم المراة الزوج ممكن يتزوج غيرج لكن انتي وعيالج (اذا كان في عيال ) شو وضعهم قبل كل شي روحي المستشفى وخذي تقرير بالضرب لانه بينفعج اذا طلبتي الطلاق بسبب الضرب لان القاضي يطلب اثبات بحالة الضرب اذا كان ضربك فلا تمكينة من نفسك لان هذا يسقط حقك في طلب الطلاق بسبب الضرب وقبل طلب الطلاق حاولي تروحين كم يوم بيت اهلج تمكن تتحسن العلاقة بينكم هذا كله حتى انتي تضمنين حقك كاملا واوصيك ان تدعي لزوجك بالهداية واذا انتي وصلتي حدك معاه ما يحتاج انا اكلمك وايد لكن احب اعطيك بعض المعلومات وانا من كلامج حسيت شيئين بكتب على اساسها الشيء الاول ان ما افي امل من زوجك وعشان كذا انا كتبت الكلام اللي في اول الموضوع والشيء الثاني ان زوجك يريد يصلح حاله وهذا مو في يده لكن هذا في ايدك انتي ركزي معاي هذا في ايدك انتي انتي اللي تخلين زوجك ينظر لك او لغيرك انتي الي تساعدينه على التوبة انتي اللي في ايدك قلب زوجك انتي الكل في الكل بالنسبة لزوجك حاولي تساعدية ان يتوب لاتكونين تنتظرين علية اي غلط حاولي تعاملينة مثل ايام الزواج الاول كوني زوجة صالحة لزوجها خلية يحب القعده في البيت اكثر من الخروج برا وهذا المنتدى مليان بالافكار الجميلة البسيطة بين الزوجين شو اللي يمنع تطلعين تتعشين برا معاه شو اللي يمنع تتصلين فية وبكلمات حلوة منج تطلبينه يرجع البيت عشان انتي محضرة له هدية ولو بسيطة شو اللي يمنع لما يقعد على النت تلبسين ملابس النوم وتقدين على رجله تتدلعين اشياء كثيرة ممكن انتي تسوينها تخلين زوجك يحب البيت اكثر من برا احب اقول لك باختصار انك انتي شادة العلاقة بينك وبين زوجك حاولي ترخين العلاقه اختي الحياة الزوجية ما تكون بشروط وقوانين هذه حياة مش اتفاقية بين بلدين وكما قال الشاعر اسأت إلي فاستوحشت مني^^^^^^^^^^ولو احسنت انسك الجميل احسني لزوج وادعي له بالهداية لانه هذا كله في يدك ما اريد اطول اكثر من هذا واذا في اي شيء انا والاعضاء كلهم حاضرين اسال الله العلي العظيم رب العرش العظيم ان يعيد المياة إلى مجاريها وان تنعموا بالحياة الطيبة التي ترضي الله ورسوله اخر نصيحة لا تفكرين بالطلاق لانه وايد صعب خصوصا على البنت |
امنحيــه فرصه وأخرى وادعي لـه بالهداية .. عل وعسى يهديه الخالــق ...
ومسألة الطلاق غير مضمونة العواقب ومشاكلها كبيره ايضا .. |
كلام لينا كثير منطقي
خل يجرب فقدك اذا انصلح والا ترى بيت اهلك ارحم الله لايرد كذا رجل شبي فيه؟؟؟؟؟؟ الله يكتب لك اللي فيه الخير |
والله اخواني احترت في ردودكم .. كل ما اقرى رد اقتنع فيه ,, وبعدين اقرى الي بعده ويكون عكسه واقتنع
مادري ايش اسوي ,, لكن انا معاكم كلكم في عدة نقاط 1) انه انسان حقير لايمكن ان اعيش معاه حياة طبيعيه لان الخلل في معدنه 2) ان الطلاق صعب جدا على البنت وعليي انا بالذات لاني انعرفت بين الناس اني (لا أنجب) ولا احد يريد الزواج بعقيم 3) اني اروح لبيت اهلي لكن لا استطيع لاني في غربه وهو ماخذ جوازي + ماعرف اتصرف ولا عندي فلوس للتذكره حتى لغه هذي الديره (فرنسي) ما اعرف ولا ادري كيف راح اتصرف حتى ما اعرف كيف اروح للمطار انا تعبتكم بكثرة شكاويي من زوجي ,, وانا مشكلتي الاساسيه عدم القدره على اتخاذ القرارات لان زوجي (مسح شخصيتي) اخواني ارجوكم ادعولي بظهر الغيب ,, وجزاكم الله كل الخير على ردودكم ريحتو بالي وحسيت ان لي احد يسمعني ويفهمني ,, الله يصلح لكم ازواجكم وذريتكم يارب |
اقتباس:
وان شاء الله ربنا يهدية بدل الدعاء علية حاولي تدعي لة بالهداية واكثري من الدعاء في الصلاة خصوصا عند السجود وان شاء الله نسمع اخبار حلوة منك :14: |
لاحول ولاقوة الا بلله
يشــهد الله اني تالمت كثيرا لمشكلتك وخاصة انك بغربه ....استغفر الله العظيم ...زوجك بصراحه مايعرف من الرجوله غير اسمها ...المشكله لو انك بديرتك انا اول وحده بصراحه شجعتك على الطلاق وهللي قالو سامحيه ؟؟؟؟؟ ان الله لايكلف نفسا الا وسعها وش هالعيشه؟ لااستقرار نفسي ولا شي ....بس بماانك بغربه ولاحول ليكي ولاقوه مثل ماقالو الاخوان حطيله شروط واستغلي الموقف صح بماانه يتمنى رضاك واعطيه فرصه عسى يتعدل حاله واختي لاتحطين بالك انك عقيم وغير مرغوبه ...هالاحساس يقلل ثقتك بنفسك وبلتالي تصرفاتك ... اقلها اعدم الانجاب من عند ربك وهذا امر الله ...بس زوجك اللي فعلا مريض ....اختي انتي ماعندك قصور باذن الله كفايه انك بغربه وبشده وصدقيني صدقيني اجرك عند ربك مايضيع ... وان مااخذتيه بهالدنيا راح تاخذينه بالاخره وبيني وبيننك هو الافضل . اختي سما كل واحد بهالدنيا ياخد نصيبه ... وان كان باستطاعتك تعديل زوجك ... وعندك امل بصلاحه فتوكلي على الله ...ببس اذا ماعندك مقدره تعيشين معاه ابدا ..اتصرفي اختي لكل نفس طاقه ...اذا ماتعدل بعد الفرصه الجايه اشتكي بلسفاره وطلبي منهم يرجعونك وهم بيتصرفو ...والله حاسه فيكي بجد الجئي الى واحد احد ...ادعي ربك يفرج عنك .... ولاحول ولاقوة الا بلله .... ونستنى منك اخر المستجدات |
ربي لهمج الصبر آآآآآآمين
قطعتي قلبي والله |
عزيزتى
زوجك اهانج... وخانج...وظربج..... ومسج بكرامتج الارض شنو بعد تنطرين يسوى؟؟يمكن هالحال عاجبج عيل لاتشكين.....تحملى وبلعى هالمرار المستمر وحصلى الضغط والقولون وضعف الشخصيه والمهانه او حطى حل الانفصال حبوبه شفيج تخافين؟ مالومج اللى سواه موبقليل انفصلى ودخلى دورات ابنى شخصيتج من جديد عيشى مستقله لج كيان وربى يرزقج باحسن منه الله يعينج. صدى اصيله |
حبيبتي الله يفرج همك وهم كل مهموم........ اولاً حاولي ولو بشكل بسيط انك
تتعاملين معاه بلين حتى لو ماتغير ..... على الاقل تقدرين تاخذين جوازك منه وحاولي انك تكلمين احد من اهلك يجي ياخاذك بأي حجه عشان ترجعين لديرتك..... واذا انتِ حسيتي انك ماراح تقدرين تعيشين معاه فالانفصال افضل لان الزم ماعلى الوحده كرامتها وعزه نفسها ...... والطلاق مو عيب ولاحرام ....الله سبحانه حلل الطلاق اذا استحالت العشره بين الزوجين ...... وبعدين ياحبيبتي كيف حكمتي على نفسك انك عقيم ؟؟ الله قادر على كل شئ ثم ان عدم الانجاب ليس مبررا لسكوتك على زوجك ورفض الطلاق ابدآآآ !! ثم لماذا الازواج يبيحون لانفسهم كل شئ (( الرجال بصفه عامه )) حتى المحرمات والعياذ بالله ولايريدون من زوجاتهم الا الصبر والسمع والطاعه !!! في اي شرع هذا ؟؟ مايجري على المرأه يجري ايضا على الرجل ؟؟ اذا الزوجه والعياذ بالله خانت زوجها او شك زوجها بها اقام الدنيا ولم يقعدها يطلقها ويأخذ اولادها منها ويشهّر بها ويمكن يقتلها !!! بينما اذا حدث العكس الكل ينصح الزوجه انها ماتخرب بيتها وان عليها ان تصبر وتسكت !!! من قال ذلك ؟؟؟؟ هذا ظلم وحرام والله سبحانه لايرضى بذلك ........انا ياعزيزتي لااحرضك على طلب الطلاق ولكن هذا الواقع المؤلم والمرير الذي تعيشه غالبيه النساء في الشرق والمفترض انهم مسلمين ويعرفون الحلال والحرام .... اسأل الله الهدايه لزوجك ومن هو على شاكله زوجك ولاحول ولاقوة الابالله...... تحياتي |
بالحيلة والذكاء حاولي تحصلي على جوازك ، وأظهري لزوك أنك قد سامحتيه ولكن بشروط ..
ثم غذا اصبري عليه مددة حدديها في بالك ، فإن تاب فالحمدلله ، وإن لم يتب تكونين أنت سارقة الجواز .. واهربي إلى أهلك ، ليس لتطلبي الطلاق ، ولكن لتؤدبيه ، امكثي عند أهلك شهر سنة إن شاء الله بس لاتطلبي الطلاق.. وإذا اتصل أو جاء لاتشوفيه ولاتردي عليه ، خليك كذا كم شهر ، وبعدين خلي أهلك يفهمونه إنك ماراح ترجعين له إلا بشروط (واشرطي شروط أقسى من أول) ، وخليهم يقولون له إذا ماقبلت طلقني ..!! حينها أبصم لك بالمية سيقبل وسيقبل رجليك ويديك عشان ترجعين له ، وراح ياخذ درس في حياته ماينساه .. وإذا رجعتي له بعد كذا غيري معاملتك معاه ، يعني كوني أكثر قوة ، وأكثر حذر ، وانتبهي للجواز عشان لو لمحتي مجرد لمحة إنه عاد للماضي ، حينها أقول لك زوجك حالة ميئوس منها ، اطلبي الطلاق ، وارتاحي وعسى ربي يعوضك ، ولاتقولين أنا عقيم ، في كثير رجال يتمنون مثلك .. بس نصيحة لاتستعجلين بالطلاق ، بس غيري من نفسك وأدبيه بقوة ، عن طريق هجرك الطويل له بذهابك عند أهلك ..وسترين النتيجة ! أعرف رجل عذب زوجته وبناته بكل مايخطر لك على بال ، ضرب ، إهانات ، حرمان ، كل أنواع الأذى الجسمي والنفسي مارسه عليهم .. وكانت زوجته تسكت وتتحمل خايفة من الطلاق .. أقسم بالله 20 سنة وحالها من أسوأ لأسواء ، ومافكرت يوم تأدبه .. ولما طفح الكيل ، ذهبت عند أهلها ثلاثة أشهر فقط ، ورجعها بوعود وعهود .. والحين صار زي الكلب عندها ، لما حس إن وراها أهل وإنه ممكن تتركه يوم ومايلقى وحدة تصبر عليه زي ماصبرت ..! |
وانا بضيف على كلامك اخت زرقة البحر
قصةاعز صديقه لي كان زوجها احسن زوج بالدنيا دلع وسعاده وحب وكل شي واخوانه اسوأ ناس بالديره ورا الحريم وشققهم فاتحينها لاصحابهم وحال الله يعلم فيه بعد زواج دام خمس سنوات تغير زوج صديقتي للاسوأ صار يعرف حريم ويطلع معاهم ويراسلهم ايش السبب محد يدري >>>>>>>> شكله لم على اخوانه المهم .... صبرت عليه وحاولت تصلحه مافيه فايده وعود على الفاضي لغايه ما نفسيتها وحالتها زي الزفت في الاخر كلمت اهلها واخوها وراحت بيت اهلها ووقفو اهلها في وجهه ووقفوه عند حده وقالوله لو رجعت مرة ثانيه لنا ما راح تاخذها وانسى ترجعلك والحين ماشالله عليهم الله يهنيهم رجع زوجها زي اول وبطل الخرابيط اللي كان يسويها نسال الله السلامه والعافيه اسال الله العلي القدير ان يفرج همك وينفس كربك يارب تحيه طيبه شوووووق |
الله يعينك و يوفقك
بس اختي مع احترامي للجميع دعواتك على زوجك توضح مدى حقدك عليه و كرهك له..... بنفس الوقت ما انصحك بالطلاق ....ادعي له و لا تنسي قيام الليل والله ياما رجال كانوا انجس من ذيل الفار....اعزك الله و في النهايه سبحان الله ينقلبون 180 درجه..... لا تيأسي من قدرة الله و رحمته...... و اعلمي ان دوام الحال من المحال.... وشكرا دووووووووووت |
يا سما قطر أختي لا حول ولا قوة ألا بالله.
من ضيع صلاته كان لغيرها أضيع. أذا كان غير ملتزم بدينه وصلاته فالدين سيردعه, غير ذلك فأشرطي عليه الحفاظ على صلاته وأجعليها هي المشكلة وليست تصرفاته, لأنها هي القضيه الأساسية. وأذا أبى وأسكبر,,,,,,,,, لو كنت أختي لقلت لكي الطلاق |
| الساعة الآن 11:03 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©