|
سؤال عن شيئ دايما الاحظه..على بعض المتزوجين..طبعا
اخواني الكرام..
في استفسار بسيط..يدور في بالي..من زمان ..وابي استفسر ..واسالكم..طبعا للمتزوجين ... دائما ..اذا رحت السوووق..والا مكان عام اخر ..مثل مستشفى..او حيا الله مكان ..ارى اثنين متزوجين ..يمشوون مع بعض ..بالصوره التاليه ..الزوج..يمشي..وهو معصب او منفس..ومبين ماله خلق..ولاطاايق..والزوجه اللي وراه تمشي لاحول ولاقوه..ولاكلمه..ولاتوجد اي مظهر من مظاااهر الود..وثواني يرن تلفون الزوج..وتنطلق الضحكات ..نعم يافلان انتوا وين جالسين..يالله شويه واحصلكم.... انتهى المشهد.. ومشهد ثاني ..انا يتكرر..معاي كثير..اشووف نااس متزوجين ..بس عندهم للاسف علاقات اخرى ..تشوووف..اذا دقت عليييه زوجته..يتغير وجهه..ويكفهر..ويتكلم علييها بنفس..ولا.. اذا كانت تبي حااجه ..منه..بغض النظر ظروريه والا لا ..يكون الجواااب ..لا لا لا ..بعدين ..اوووف..والا يسكر الخط..يوجه الزوجه ..واذا دقت عليه ..صديقته..يتغير الوجه..والضحكه ..من هالاذن الى هالاذن حتى قبل لايشيل الخط..ويرد عليها ..وكلمات الترحيب والهلا ..تطلع من القلب..صااافيه ...لييش ..يعني.. ليش هالاسلوووب..؟؟ يعني حتى ..لو ماتكون عند الزوج صديقات ..ممكن يكون موظف في دائرة خدمات ..ويوم من الايام ..مرت الدائره ..مراجعه..شوووف الذرااابه والذوووق من الزوج والاحترام..اشلون يكون على اخره وقمته..وفي البيت ..يكون على النقييييض... ليش..يعني ..؟؟ شنو السبب..؟؟ ماابي اظلم بس الزوج..بقول ..عن الزوجه نفس الشيئ..ممكن تكون..الزوجه قمه بالاحترام.والذوووق..وقمه بالرقه واللطافه بالكلام..ولكن للزوج..تختفي هالصفاات الحلوه..كأن الزوج..ماله حق بهالصفات ..؟؟ انا لاحظتها للاسف كثير.. وبما ان هالقسم للمتزوجين ..فأهل مكه ادرى بشعااابها ..على مايقولون.. عندكم يااخواني تفسير..لهالكلام..اللي قلته..وهل انتم بعد..تشووفون هالسوالف..وملاحظينها من قبل..؟ انا انتظر ردودكم..الحلوه..والرائعه..على هالموضوع.. ممكن يكون مثل جرس التنبيه لبعض الازواج المقصرين ..او الغير منتبهين ..لهالاشياء ودمتم |
وانا نفسي اعرررررررررررررررف الرد من الرياييييييييييييييييييــــــــــــل....
لاننا تعبنا من هالوووووووضع وووووالله مشكوووره اختي ع هالطرررررح الموووووووفق..... تحيـــــــــــــــــــــــــــــاتي :):):):):):):):):) |
سوووووووووووووووووء خلق ..
وثقافات بالية .. وعنجهية ذكورية ..!! هذا كل مافي الأمر ..! |
أصابع اليد ليست مثل بعضها..
من يخاف ربه ويتقية يعامل زوجته و أهلة بالحسنى. عتبي على النساء التي لايهمها الا المال أو الحب - التافه- قبل الزواج أو لقب عانسة وتنسى الدين و كذلك أهاليهن. فكيف تتحسروا بعدها و أنتن من قبلتن بهذه الأشكال ليكونوا أزوج لكن |
هذا الرجل :( :29: لا احد يستطيع فهمة يزهد بامرأته بكل وقت و لو زعلت لركض كالمجنون خلفهااا :23: ولي رجعة للموضوع |
والله عجيبة ...يا أخي ...لكن صدقت هي موجودة ........
يقولون ( اللي ماهو لك ... يهولك ).... وهذه النوعية ..رجالا ونساء ... تزهد بما في يديها من النعمه ..بطرا ..وأشرا ... وترفسها بأقدامها ... ناسية أن ( خيركم ,خيركم لأهله ).... لكن نصيحتي ياأخي إذا ذهبت إلى السوق ..أحذر النظر إلى ..أي جوزمكون من المرأ والرجل )..... حتى لاتصاب ..برهاب العرس ... ويضيق صدرك ... وفقك الله ..وشكرا على الموضوع |
انا شخصيا ما تحصل معي والحمد لله والله لا يغير عليا
بس فعلا اشوف الشي ذا حاصل انتظر الردود معاكم اختكم ,,, شووووووق |
انا الاحظ صراحة موقف ثالث..اي زوجين في السوق الزوج ينظر للفتيات وماشاء الله يمديه يفصخ البنت
عبايتها بمجرد النظر..(احساس ينتاب البنت العفيفة عند النظرة الدنيئة لها) ليش طيب واللي جنبك ومغطيها من فوقها لتحتها مو انسانة؟؟ وبالمقابل اي مخطوبين راسه في الارض ولايشوف احد..هههه سبحان الله عجايب..ولكن تظل فئة من مجتمع..والله يستر علينا وعلى المؤمنين ويهديهم |
انا اللي يقهرررررررني ويرررررفع ضغطططي ومنظر يتكرر قدامي كلل يوووم بدون مبالغه الرجال اللي يمشي مع زوجت ويقززز البنات واذا طالعت زوجته لقيتها متغطيه من فوقها لتحتها وياساتر ما يخليها تكلم اي رجال حتى لو يشتغل بالمحل او عامل ولا تكشف على عيونها ولا تشوف شي وهو ماشي جمبها وانواااع المناظر والله استغرب كيف الحرمه تسكت ياشيخ لو معي مطرقه قسم بالله على راسه على طول
|
هالمواقف تحصل من الرجال اكثر منها من الحريم...نادرا تلاقي زوجة واحد ملتحي ويبين عليه التقى وزوجته تناظر الشباب وتخز فيهم)تخز = يعني تطييييل النظر)
اوتلاقيها قداااام وهو وراها. بلمقابل الموقف نفسه بس نعكس الادوار تتكرر كل خمس دقايق . اعتقد الرجال اللي يسوي كذا ضعيف ايمان |
مساكين الرجال...عشان كم واحد يتعمم على الكل...
طيب خليني اقول لك عن الاشياء اللي اشوفها انا... الحرمة تمشي قدام و الرجال وراها شايل بزرهم بالاضافة الى الاغراض اللي توهم شارينها... |
والان يحصل العكس تماما
قسما بالله ارى الكثيرات يتغزلن بالرجال في الاسواق او يناظرنهن بنظرات اللهم يا كافي سواء اكانت بنت او متزوجه يعني الحال من بعضوو لا اعرف السبب بالضبط اهو قلة حياء او ادب او ان الزوج ايضا ساها بمغازلة النساء ..!!!!!:25: بهجه |
اقتباس:
وتقبلي فائق احترااامي... |
يسلموووووووووو اخي او اختي على هالكلام وفعلا هالكلام صحيح 100%
واذا حصل هالتصرف من الرجل او المراة هذا يعني عدم احترام الشخص للطرف الاخر ولابد لنا بالتعامل الحسن مع بعضنا حتى تدوم المحبة بيننا000 يعني لو نفكر شوي بس وش بنخسر اذا حاسبنا شوي في تصرفاتنا وكلامنا000 |
مساكين حنا يالرجال دائما نحن المقصرين...والطرف الثاني قمة في المثالية الله يرحم الحال تحياتي |
اشكر كاتبه الموضوع
فعلاً بعض هذه المواقف تكون حاضره امام اعين الكثير ولكن من يقوم بهذه التصرفات ليس له تبريراته الشخصيه فيحق لنا ان ننعته بقليل حياء !! للجميع تحياتي |
الموضووووووووووووووووع كله يدور حول محور واحد وهو
قلة الوازع الديني وعدم الخوف من الله والله المستعان |
ههههههههههههههههه
ولله انك صادق ياكثر ماشوف كذا بالسوق في بعض الزملاء معنا بالدوام نجلس نسولف ونضحك لين كل واحد يحس تقطع قلبه من الضحك شوي الا دقت مرت واحد من الشباب قسم بالله ياجماعه انه مايقدر كان يتكلم من الضحك رد عليها قال هاااااااااااااااااا وش تبين اخلصي مدري عاد هي وش تبي قال يلا بس ياشيخه روحي منب فاضيلك عندي شغل وهو ولله كذاب ماعنده ماعند جدتي جالس يسولف ويقرا الجرايد انا اسالته بعد ماشفته كذا دايم يتكلم معها قلت وش فيك تتكلم ياخي معها كذا وراك انت الحين نفسك بطرف خششمك اعوذ بالله قال ياشيخ مليت منها كل يوم رز رز مافيه تبوله شوفو مع اني متزوج لكن استغربت من تصرفه بالعكس انا انبسط اذا دقت علي زوجتي حتى لو داقه تتطلب السوبر ماركت كله بس انها دقت علي شي بتقولون توك جديد لا لي سنين متزوج اقدم منه خوينا هو ماله سنه ونصف بس اكيد سلوك في بعض الرجال موكلهم اما انه مايحب زوجته او مل منها طبعا محد يمل من زوجته الا انه مايحبها هذا توقعي انا |
صبرا أيها الأحباب .. الموضوع المطروح موضوع جيد ... ولكنه ليس بمقياس .. لأن يحكم به على كل الناس ... فالناس أجناس ... ومنهم من يعمل أعمال إرجاس .. ومنهم من يتبع وسواساً خنّاس .. ومنهم كذلك من هو من خيرة الناس ... فلا تحملوا هموماً كأن على رؤوسكم الفاس ... وإن كلا لمحاسب بعمله من رب الناس ... في ظلمة قبر نسأل الله أن يثبتنا فيه بالقول الثابت وينيره كما النبراس ... ولندعوا لكل أخ أو أخت أصيب بهذه الأرجاس ... أن يكمله الله بالهداية ويحفظه من كل شر وباس ... وختاماً لكم مني جميعأً أطيب تحية أيها الأفراس .. يا اخوة الخير والهدى والنور أعضاء منتدانا ... أصحاب النور والنبراس .. تحياتي وتقديري ؛؛؛ |
الصراحة والشهادة لله.. أن هذه الظاهرة تقريبا مختفية ودائما عندما أنزل السوق ألاقي متزوجين ماسكين يد بعض كثيييير وأبتسم وأقول ما شاء الله.. الله يديم السعادة عليهم وبيني وبينكم أغبطهم أو ألاقي زوج شايل البيبي والزوجة أمامه تشتري ملابس.. في الحقيقة الناس بدأت تتثقف وتقرأ عن العلاقات الزوجية وسبل إنجاحها وأصبح في وعي كبير.. أما النماذج اللي قلتوا عليها موجودة لكن في الجيل القديم وأعتقد أن الروتين والملل هو السبب في ذلك أحيانا تكون الزوجة نكدية أو تفقط الذكاء لو تدري كل زوجة ان الرجال يحبون الطناش لسعدوا.. لا تتصلي فيه وترهقيه بالطلبات.. تفول له لا تنسى انت وجي جيب الشيء الفلاني انت دايما تنسى ووووو.. المفروض تتصل تقلة وحشتنا الله يقويك يالله مستنيك.. يقلها تبين شي تقله بدون زحمة عليك جيب كذا وكذا.. الله يذكرك بالخير يا زوجة رجل مميز.. الأنوثة والله مفقودة يا ناس.. حتى بعد 4 عيال عيب المرأة تتوحش على زوجها وترفع صوتها.. أكيد يزهق.
المرأة المحترمة المأدبة الرقيقة حسنة المعشر لم ولن يفرط فيها زوجها لأمثلة واقعية كثيره رأيتها بأم عيني.. بل لا يناديها إلا الأميرة فلان.. يقدرها ويحترما.. مهما كان به من عيوب تضل محترمة نفسها بل تفرض ذلك ولا تتغير للأسوأ .. بل تصر على مبدأ وتعامل معين تنهجيه سيتغير زوجك ويعاملك كالأميرة واللؤلؤة المكنونة الغالية وسيحافظ عليكِ بكل ما أوتي من قوة. شكراً أختى على الموضوع فهو من واقع حياتنا هدى الله أزواج أخواتنا المسلمات وأنزل عليهم السكينة والطمأنينة والمودة والرحمة.. اللهم آمين. |
السلام عليكم
مثل ما قال أحد الإخوة.......أصابع يدك مو سوا........ومثل ماقالت ميسز هاواي الناس صارت تتثقف عن العلاقات الزوجية أكثر وتراعي للطرف الآخر وسعادته، لكن حبيت أقول لها أنه مو كل مثقف يعمل بثقافته ومو ضروري يكون أفضل من الغير مثقف في تعامله مع زوجته أو زوجها، وفي ناس كثير من (الجيل القديم)مثل ماحبيتي تسميه، صار لهم عشرين سنة وأكثر مع زوجاتهم وتعاملهم ماشاءالله عليه تقولي كأنهم لسه مخطوبين، يعني الصفة ما تنطبق على جيل دون الآخر، إنما على رجل دون الآخر..............وجهة نظر |
اقتباس:
مو كل انسان مثقف يعمل بثقافته ...بلعكس قدام الناس الثانين تظهر الثقافه على اصولها ... وللاسف يفشل في تطبيق هالثقافه مع اقرب الناس اله . ولانظلم الجيل القديم .... والله اعرف ازواج صارلهم فوق الخمس والعشرين سنه ...قمة بالاحترام والتفاني في ارضاء الطرف الاخر . ومانلوم الملل الزوجي في هالمسائل .....الملل الزوجي يعالج بقتل الروتين والتجديد وتغير نمط حياتي للاحسن ....بس هالناس اللي يتصرفو بهالتصرفات هاذا طبع فيهم ....يستهينون بللي عندهم ...ومايقنعون ....بس مع ارتفاع نسبة تقوى الله بلقلب ... تتغير التصرفات ...ونبدا نراقب الله بكل شي . |
صحيح أنا غلطانه المفروض ما أتهم الجيل القديم والله مساكين ظلمتهم لكن قصدي على قولة الوالد زمانهم ما كان في وعي بالأمور النفسية وما يتعلق بها من عقد وأمراض وكانوا يربون الأطفال مثل ما أهلهم ريوهم بدون ما ينتبهوا على تصرفاتهم هل هي صحيحة أم لا وهل سوف تأثر بالطفل أم لا.. ويعتبر جيلنا أوعى. مع أن والدي متعلم و يروفسور وأستاذ جامعي سابق. الثقافة تختلف عن التعليم.. التعليم ينحصر في مجال واحد أو اثنين أما الثقافة هي أنك مطلع على أكثر من مجال علمي ديني نفسي سياسي ادبي.. هذا ما قصدت بالمثقف. قد تكون شخص حاصل على درجة بكلريوس أو ثانوية لكن ثقافتك واسعة ومطلع على جوانب كثيرة في أمور الحياة.
وأكرر أعتذر من الجيل القديم فلولا الله قم أنتم لما كنا وكان جيل جديد :) مشكورة على التنبيه الطيب. أختكم في الله Miss Hawaii |
.................................................. .....
أخي الكريم الأحاديث المذكورة ضعيفة وغير صحيحة .. وطبقاً لتعليمات المنتدى ومن قبلها حرصا على التثبت وعدم الخوف في كلام الله عز وجل وكلام رسوله وجب عليك التوثيق للأحاديث بذكر مصدرها . شكرا اقتباس _____________ 9ـ يمنع إبداء الرأي في المسائل والاستفسارات الشرعية , وعند إرادة نقل حكم شرعي لابد من توثيقه _____________ |
وانا بعد زوجي لين رحنا السوق يمشي بسرعه تقول احد لاحقه والله هذي مشكلة الكثيرات
|
| الساعة الآن 11:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©