|
محتاره وين اسافر ؟!
السلام عليكم و رحمة الله وبركاته
شلونكم ..شخباركم .. بصراحه هالصيف ملل .. فقلنا انا وبو العيال نبي نسافر نغير جو وخاصه ان دوامنا ممل والحمدلله خذنالنا اجازه سنويه .. عاد الحين نبي نسافر ... بس ما ندري وين:( والاهم من جذي ما نبي نروح دوله خفيفه مثل البحرين او السعوديه :28: ؟..هم حلوين بس يصلحون للاجازات القصيره ... يعني ما نبي اماكن قريبه نبي نبعد عنها شوي نبي نروح دوله تكون لنا ذكرى فيها ... رحنا العام ماليزيا .حق شهر العسل .. والحمدلله للحين نذكرها بالخير .. وودنا نروح لها مره ثانيه بس المشكله نبي نغير ... ولا ترى ماليزيا ما تتفوت .., فكرنا في صلاله .. بس اكتشفنا انها طبيعه وبس...جبال ورذاذ ومادري شنو ... وانتهى الموضوع يعني تكفيها 3 ايام ... واحنا نبي نقضي ع الاقل 10 ايام في بلاد ثانيه ... فكرنا في سنغافوره .. قالوا مستواها اقل من ماليزيا ... يعني اذا بتروحونها .. دخلوا معاه زياره لماليزيا ... المشكله قليل ما القى دوله با احس فيها بالامان والخصوصيه لاني متغطيه غطا كامل .. يعني وجهي و راسي وكل شي .... يعني صعبه اخذ راحتي في البلدان الاوروبيه ...ابي دوله مثل ماليزيا امشي فيها بالعبايه والنقاب ولا حد معطيني بال :25: .. وفي نفس الوقت ابي دوله فيها سوالف الملاهي والاسواق الحلوه يعني ابي دوله شبيهه بماليزيا بالضبط .. اقترحوا علي اماكن حلوه ... ...؟؟ ترى وقت الاجزه قرب وللحين مادري عن زجهتي بالضبط خوفي اتم في الدوحه :( وانا من قلب ابي اسافر .... |
اتوقع مثل ماليزيا ما راح تلاقون
|
والله قلت حق زوجي
قالي نبي نغير ونروح دوله غير انا ميته ابي ارجع ماليزيا ... يم يم يم مروعه |
أشرايج في المالديف ... حلوة ورومانسية وأتوقع لسه ماعندكم عيال
يعني أنتِ وزوجك رح تستانسون بس المالديف حق كم يوم وبعدين تتوجهون بلد ثاني اممممم مثل الفلبين أخوي راح لها ويمدحها كثير :22: |
تنفع للمنقبات ؟؟؟؟
|
أتوقع عادي
وألحين صار النقاب شيء مب غريب حتى في الدول الأوروبية محد يشوفك باستغراب فشلي من بالج هالفكرة عشان ترتاحين .. وفكري في المكان الحلو بالدرجة الأولى :25: |
ما اقدر اشيلها من بالي
هاذي بتكون السفره الكبيره الوحيده في السنه فلازم اخطط لها مظبوط عشان ما اتضايق هناك ولا يتضايق زوجي والحمدلله زوجي مب من انصار اني اروح هناك وافصخ النقاب |
في البداية اتمنى لك السعادة في الدنيا والاخرة ,,,,
ثانيا : مافكرتى في القاهــــــــــــــــرة ؟ المغـــــــــرب ؟ أمـــــا صلالة ما انصحك تروحينها ,,,,,,,, ما فيها شي ابــدآ غير الطبيعة والرذاذ ,, مـــــــــــــــــــــــــــــــــــــــــــلـــــ ــــــــل !!!!!!!!!! ونفس الشـــى سيريلاانكــــــا طبيعة وجبال وخضاااااار وامطاااااااار اما اسواق وموموولات وملااااهي انســـي !!! رحت لها هالسنة بنجربها الله لا يوريك 13 يوم وانحشنا عنـها !! ههههههههههه ما لك الا مالــــــيزيــا او تفكرين بدولة أوربية ! النمســــــــــا مثلاااااااااااااا ,, واذا على النقاب صار شيء عادي عندهم ولا احد يناظر فيك !!!!! رحــــــــــــــــلة سعــــــــــــــــــــــيدة يااااااااااااااااااااااااااااااااارب . |
القاهــــــــــــــــرة ؟؟ زوجي يقول انهم ناس حشرين مع اني احبهم وايد ...
المغرب...مدة الرحله لها 7 ساعات يعني نفس ماليزيا .. نروح مالايزيا احسن سريلانكا .... ما افكر فيها ابدا ... النمسا ... اخاف من مسألة النقاب ؟.. ماليزيا ..شكلي باحووول عليها .. تسلمن اختي ع المقترحات .. |
وينكم ؟!
|
يا شيخة خللك واثقة من نفسك .......
أنا اعرف ناس راحوووووا استراليا (( وما بعد جو )) ولا بسين النقاااااااااااااااااب !! ما فيها شي انتى تعتزين بالسلام ودينة وتمثلينة في كل الاماكن !!!! |
انا مب اني مب معتززه ,,, ؟
انا لوما اعتزازي ولا ما اصريت اتم بنقابي بس مابي اروح واتضايق هذي اجازتي السنويه الوحيده ومابي اتكند فيها .. |
الاجازه ما بقالها ششي و تبدا بليز خططوا معاي
|
فيه بلاد كتيرة حلوة كتير مثلا
استراليا .. جميلة جدا وبلد سياحي وخاصة هالفترة بس انتي قلتي انك ما تريدين بلد اوربي بس احب اقولك شي ان في البلاد الاوربية عندهم صفة انهم ما الهم علاقة باحد وكل واحد حر في تصرفاته وفي لبسه ولا ينظرون لحد في الشارع مثلا او في اى مكان يعني اختي عادي انتي منقبة ولا حد يبصلك وماالهم علاقة المهم انتي استمتعي بالاجازة ولا تهتمي لشي وكمان تونس انا صراحة ما رحتلها بس بيقولو بلد جميلة جدا وكتير بيمدحو فيها وان شاء الله تقضي اجازة ممتعة وربنا يوفقك |
انصحك بجنوب افريقيا . .
بلاد رائعة . . الجو الآن عندهم باااارد . . يعني الحين شتاء عندهم . . و فيها نشاطات عديدة . . مثل رحلات السفاري بالغابة تشوفون الحيوانات . . و ركوب البالون "المنطاد" هذا غير جمال الطبيعة و الأسعار الرخييييصة . . اذا حبيتي معلومات زيادة خبريني و عيوني لك حبيبتي . . |
لو سمحتي أختي دهن العود أبي معلومات أكثر عن جنوب أفريقيا ،،يعني سعر التذاكر ،مدة الرحلة،،هل هي بلدة راقية أو فقط طبيعة،،الأسعار الأسواق ردي لي بسرعة لاهنتي.................................
|
شكلي مالي الا ماليزيا :(
|
بس انا ابي اسافر :(
|
:18:
أهم شيء تسافرون وتغيرون جو والأهم من هذا كله أن توقيت سفرتكم مناسب ماراح تحصلون ناس كثير الكل راجع من السفر بسبب المدارس |
اي والله خاصة ان دوامي ماله خص بالمدارس
وما عندي اطفال |
احم احم ...
|
ابشركم رحت ماليزيا ...
|
انصحك روحي نيوزيلندا بعيده بس روعه جمال ماشفت مثله احسن من اوروبا وبعدين امان مممممممممممممممممممممممممره او روحي الصين انا راحت وبهرتني البلد فتحت فمي ههههههههههههههه يوم شفتها ضخمه وجمال
|
| الساعة الآن 07:06 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©