|
البنت خجولة وارسل صورتها بالجوال !!!!!
السلام عليكم ورحمة الله وبركاته
شر البلية مايضحك اكلمكم الان وشعري معركش لاني توي صاحي من النوم بس غسلت وجهي واتجهت هنا فورا احكي لكم الموضوع اعتقد اغلبكم يعرف موضوعي (اخبروني هل الوضع طبيعي) بعد ردودكم صبرت ودورنا اعذار واتصلت على العائلة الكريمة (القصة بإختصار .. خطبنا وكنا ننتظر اب البنت يرد لنا بخصوص اني اشوف البنت وتأخر) الي حصل الوالد دق قبل شوي ورد الاب .. ويكلم ابوي وهو يضحك؟؟؟ خير وش فيه ؟؟ قال والله طول هذيك الفتره (حوالي اسبوع ونصف) واحنا نقنع البنت بموضوع الشوفه ورافضه من الخجل .. ولكن بنرسل لكم صورتها على الجوال .. :( وصار ابوي يضحك معاه .. طبعا هذا كله حصل وانا نايم قمت على وقفت ابوي وامي الله يحفظهم فوق راسي .. خير وش فيه قالو لي السالفة وهم يضحكون الاثنين جعل ضحكاتهم دايم يارب .. ولاني نايم مااستوعبت قلت شوي ارد .. صحصحت وغسلت وجهي وجلست افكر قلت مالي الا الله ثم منتدى عالم الحياة الزوجيه الحقيقه ان الواحد لابغى يشتري بضاعه مثلا مايكرويف او بلاي ستيشن او اي جهاز اخر يقعد يتمقل فيه ساعه (يتفرج عليه) عشان يقنتع انه جيد ومافيه شوائب .. وهو قيمته تافهه .. مابالكم بزواج ابدي .. اتمنى منكم تعطوني حلول لان الصورة ماتنفع مثل الطبيعه والحقيقه اني من بغيت اتزوج وانا احلم بيوم الشوفه يعني ودي اخوض هذي التجربه كاي شاب .. لكن مالله اراد انتظر آرائكم بارك الله فيكم |
اخي انا معك لازم تشوفها حتي تعرفها لان الصوره مو مثل الطبيعه وحاول ان تفاجئوها يعني تكون انت قاعد وهي تجي بالصدفه او اي شئ بس تشوفها والله يوفقك وارجو الدعاء لي
|
اقتباس:
انا مع الاخت الكريمة في كل ماقالته والله يوفقك وتقبل فائق احترااامي... |
اخوي
إنت خاطبها؟ في حالة إنك تقدر تكلمهااا، تفاهم معاها بالهداااوه وتعرف عليها وعلى طريقة تفكيرها وبعدين شوفهااا.. بما انها مستحيه ، عطها وقت ، وفي هالوقت تقدر تكلمها وتتقرب منها ... تحياتي،، قوت القلووب |
اقتباس:
وربي يوفقك |
ياجماعه مافهمتوني
انا لسى ماخطبت البنت ولاصار بيني وبينها اي شيئ حتى المهر مادفعته والشوفه الي اقصدها .. هي الشوفة الاولى الي من خلالها احدد ان البنت اعجبتني او لا يعني مافي مجال لا اكلمها ولااشوفه صدفه يعني هم لايقربون لنا ولاشي ولاهم من الحي نفسه اصلا مستحيل اني اشوفها صدفه ومستحيل ايضا اني اكلمها |
السلام عليكم ورحمه الله وبركاته
الله يوفقك ويسرك امر شوفتها |
اخي خليهم يفاجئوها وحاول انت تمتص خجلها وتكلمها حتي لاتستحي منك والله يوفقك
|
مرحبا أولا
والله منحقها أنها تخجل البنت تشوفك وجها لوجه وما فيها شي لو اعطتك صوره اصلا إحمد ربك أبوها راضي بموضوع الصوره توكل على الله وموفق ....يعني عندك حق الواقع غير الصور أطلب منهم تكون الصوره ليست بالكمبيوتر علشان تكون فيها من الواقع الكثير وصدقني يااخي ساعات الصور تظلم صاحبها ( وجه نظر)) |
إذا إنت مقتنع على البيت وسمعت كلام الأهل إنه البنت ماشاء الله جميلة ومافيها شيء يعيبها توكل على الله والله عن نفسي أنا خطبت شوف وأنا العريس أنا مارضيت بالشوفة ليه .... لأنه إقتنعت من كلام الماما والأخوات وقالوا لي والله البنت الحمد لله ... جميلة وزينة وشعر طويل ومن الكلام الحلو هذا ... حتى أهل العروس قالوا إذا تبوا الشوفة إحنا مومقصرين معاكم والله توكلت على الله وقلت خليها مابي شوفه إنت شاور الوالدة وألأخوات .. إذا ماقتنعت من حقك إنك تشوف العروسة .. وحط هذا شرط قبل الزواج تحياتي الخالصة |
انا من رأيي تراها احسن حتي تقرر انت وتكون واخدها علي قرارك انت وليس اهلك هذي رأيي والله يوفقك اخي ولاتنسي تقولنا كيف كانت :-)
|
أخى الفاضل أنا عن نفسى قبل أن أتزوج جانى عريس بابا قالى أيه رايك قولت اشوفه أولأ ,طبعا لزم يبقى فيه كسوف لكن مش لهذا الحد لانه زواج وعشرة عمر.
انا مش عارفه هي مكسوفة ليه.اخى لازم تصر تشوفها لان الصورة مش كفاية. أتمنى لك ان شاء الله أنك تشوفها وتعجبك ويحصل نصيب. :30: |
اشكر جميع من رد جزيل الشكر
ولكم مني اجمل تحيه واحترام ولكن للاسف 90% مافهم الموضوع والغلط مني اني ماوضحته ماادري هل تعبيري سيئ او ماذا .. يعني البعض يقول لازم تشوفها وانا بموضوعي كاتب انها ماتبي الشوفه نهائيا يعني رافضة الى حد ان ابوها ماقدر يقنعها والبعض يقول كلمها بنفسك بالهداوه واقنعها واكرر كلامي انه مو مسموح اننا نتكلم لانه مابيني وبينها اي شيئ الى الآن واحيانا اقول توكل على الله وخذها واحيانا اقول لا ابي الغي الموضوع كله مو حلوه اني اول مره اشوفها ليلة زواجي بما انها رفضة اشوفها معناه مافي امل نتقابل ايام الملكة وانا احس ان الاب مبالغ ... واعتقد ان الرفض كان من الاب نفسه مو البنت .. ولكن لما قال نرسل صور كسر هذا الشك والتوقع الاب قاضي والبنت مديتنه يعني يعرفون اصول الزواج تمام ويعرفون انه من حقي .. والله ماادري احترت وبديت اتضايق كثير من هنا الى الاستخارة .. نسئل الله ان يفرجها اكرر شكري للجميع |
الصورة ما تكفي يا أخي ... لازم تشوفها عالطبيعة حتى ترسم تصور صحيح 100% و تبني قرار صحيح 200%
بعض الأحيان تكون الصورة أحلى من الواقع .. و أحيان تكون أسوأ .. حسب الاضاءة و نوع الوجه و الزاوية ... الخ أنصحك انك تسايسهم و تحن عليهم لين يوافقون و لا شف لك وحدة ثانية .. البنات ما شاء الله ما أكثرهم أهم شي لااااااااااااااااااااااااااااااااااااااازم تشوفها و تشفوك ... حتى تتأكدوا بوجود قبول من الطرفين .... كثير من البنات تطلقوا يا حراااااام بسبب تزمت الآباء و رفضهم للرؤيا .. يدخل عليها عريسها في ليلة الدخلة و ما يرتاح لها .. أو العكس ... تنصدم البنت من العريس في ليلة الدخلة و تقول باسم الله الرحمن الرحيم وش هذا .... و النتيجة الطلااااااااااااااااق الى متى يستمر هذا التعنت و التشدد من قبل بعض الآباء ... ألم يكفيهم مليوني عانس جالسات في بيوتهن !! |
والله تدري يااخي انا عندي لك اقتراح انك توصل عن طريق خواتك لها انك مصر تشوفها وراح تعطيها مهلة تفكر اسبوع اذا جا
القرار ان لا ماتبي فشوف وحدة غيرها..وترى الحياء في هالأمور ماله داعي..هذا شي حلال ليش تحرمه اهي؟ والله يوفقك |
لاتكون البنت بس فيها بلىىىىى؟؟؟؟؟؟؟؟؟؟؟ بيصرفونها عليك :) :) :) جد ترى بعض الناس ما عندهم ضمير الحين ممكن انت تقدمت لوحده من بناته صاحيه ومعجبتك اخلاقها:d والابو متوهق باختها اللي الله بالخير او ما حصل لها نصيب وبيطوفها عليك بصوره ووقت الزواج تتووووووووووووووووورط :17: :14: والا ليش هلاصرار والرفض حشا بتاكلها انت والا بتفضحها ؟؟ الا ما عليك منهم قول اشوفها والا ترى بغير رايي وعطهم العين الحمراوترا كل الناس عندهم بنات :29:
|
اخي السائل الكريم
انا ساوجه لك سؤالين اجابة واحد فيهم تكفي انك تستقر على راي الاول : تخيل انك تقول خلاص اشوف صورتها وتشوفها وتلقاها بنت حالها حال كل البنات وتعرس عليها ويوم العرس تجي الصدمة وهي ان >>>>>>>>>>> البنت ما دخلت قلبك >> مش لانها قبيحة او دميمة لا لا لانها ما دخلت قلبك وحسيت انه بشرتها على عيونها على انفها كلها على بعضها ثقيلة طينة على قلبك شنو راح تسوي يا بطل :( ؟؟؟؟؟ الثاني : انك تصر على انه من حقك تشوفها لانه الرسول الكريم عليه الصلاة والسلام نصح احد الصحابة بضرورة رؤية الخطيبة حتى يؤدم بينهما ويجد منها ما يشجعه على نكاحها وان كان قاضي وحكيم بيقنع بنته والا ، تشير على اهلك بالبحث عن عائلة كريمة اخرى و ترضى برؤيتك للمخطوبة وعندما تراها تدخل قلبك وترتاح وتطمئن وتتزوج وانت تعلم من ستكون شريكة حياتك :14: >>> فهل ستكون سعيد ام حائر كحالتك الآن ؟؟؟؟؟؟ جاوب الاسئلة بينك وبين نفسك وانت ستهتدي للقرار الاخ مستوى عالي لقد سمعت كلام اهلك عن المخطوبة والحمدلله بعد زواجك سعدت بها >>> لماذا لا تضع الاحتمال الثاني حيث كان من الممكن ان لا تستلطف المراة ولا تدخل قلبك رغم جمالها بل حتى صوتها او اسلوبها لم يعجبك ماذا كنت ستفعل حينها ؟؟؟؟؟؟ :29: :29: :29: سؤاااااال لكل محتااااار : هل تشتري سمكة من البحر قبل اصديادها ومعرفة نوعها ولونها ؟؟؟؟؟؟؟ :d :d :d . |
أصر أصر أصر أصر أصر أصر أصر على الشوفة ..
وإذا فقدت الأمل تماما ، اتفق معهم يخلونك تشوفها والبنت ماتدري .. كثير ناس سووا كذا .. وحدة من زميلاتي قعدوا إخوانها في المجلس ، وكان مقابله مجلس ثاني ، وفي المجلس الثاني طبعا الخاطب ، يطل من فتحة الباب .. ويافلانة تعالي شيلي ، ويافلانة تعالي حطي ، والبنت رايحة جاية ، وماتدري إن الخاطب قاعد يبصبص ..!! فكرة حلوة جربها لكن ليس الآن بل إذا يئست من الشوفة العادية .. ولا الشوفة العادية أفضل ، تقدر تتأملها أكثر وتقدر تكلمها ، حتى هي تشوفك وترتاح لك.. |
أخي ... يقول الكبار ..( هذا زمان يوهق الغوص ..راعيه )....
صورة جوااال ...إحنا فييين ؟؟؟؟؟؟؟؟؟؟؟؟ مهما كان ردهم .... ومهما كان موقف البنت ..... ومهما كان ثناء أمك عليها ......لابد من الرؤية الشرعية ....... فتخاطب القلوب ..... وتنافرالأرواح .... وتجاذبها ...أمر يستحيل الحكم عليه بالصورة .......لابد من لقاء ...ورؤية ..... تعمل فيها حواسك العشر ... وتفرد قرون استشعارك .... وتتحسس ..أرض قرارك .....ياأخي لم يعد الزواج كما في السابق ( خذني ...جيتك ).... زوج يشبع ...ورحم يدفع ...... ولا أعتقد أني بحاجة لتذكيرك بنسبة الطلاق المتزايدة ... في زيجات هذه الأيام ولا مبرر لها إلا عدم الرضا عن الشكل ...... الشكل فقط ...أ وعدم الراحة النفسية ........... أخي الكريم ............. الرؤية .. في هذا الزمان ......أمر تعارف عليه الجميع ... وطلبة العلم أولهم ......ولا بد للفتاة حين تصل سن الزواج أن تتهيأ نفسيا لهذه اللحظة ..وإلا كيف ستتزوج ؟؟؟؟ عجبي !!!!!! من بنات هاليومين ... مستعدة للزواج بكل توابعه .... وغير مستعدة ... للرؤية في خمس دقائق ......... لابد أن توضح لهم أن رؤيتها مباشرة ...وجها لوجه ...شرط ضروري لاستكمال الزواج ..وإلا فأنت مضطر للانسحاب ........ وسواء كان الرفض منها أو من والدها ... فهذه الرسالة كفيلة بوضع النقاط على الحروف للجميع ... وبس والسلام ...... |
إياك أن ترضى بعدم النظرة الشرعية
حتى ولو كانت البنت فعلا ليس فيها عيوب وأنها من أفضل البنات وأجملهم خَلقا وخُلقا فممكن وبكل بساطة أن ترفضها نفسك الداخلية :) يعني بالعربي الفصيح أن لا تحبها...! |
اول شي ان شاء الله انك استخرت الله وركدت لك على رأيي يريحك ,, وانا والله اشوف ان الرؤيه وجها لوجه مهمه وماتجي الراحه واتخاذ القرارغالبا سواء للرجل او البنت الا لما يشوفون بعض فأنصحك أخوي ان تقبلت البنت موضوع الشوفه زين على زين وان ماتقبلت وانت تبي الشوفه فطلب من اهلك يدورون لك على بنت ثانيه والله يدبر لك ويدبر لها الي فيه خير وصالح .. بس هاه لاتنسى تعلمنا وش صار عليك << مو ملقوفه أبد :18: والله يوفق الجميع .. |
ما أقول الا الله يعينك بس !!
أنا لين الحين مافهمت شو سر رفض بعض البنات للشوفة الشرعية ؟؟ جد والله .. ! أعرف وحدة .. كل مايتقدم لها معرس .. يطلب الشوفة الشرعية .. واللي هي من حقه كطالب زواج .. ترفض رفض قاطع ونهائي .. والمشكلة اللي مدوختني .. انها بنت ماشالله عليها .. ما عليها كلام .. !!!!!! طول بجمال رباني .. ببشرة بيضاء .. وشعر أسود ونعيم ... وعيون ذباحة .. صدق والله !!!!! المشكلة انها تقول أنا واثقة من نفسي .. ولله الحمد .. هو ليش يبغي يشوفني ؟ قلنا لها لأنه مايعرف انتي شو شكلج .. حتى الوصف اللي يوصفونه .. يحسبه مبالغ فيه .. مجرد تأكيد على كلامهم .. انه يبغي يشوفج .. ماشي فايدة .. على طول تقبضهم الباب .. ما تعطيهم سالفة .. !!!! أخوي .. أنا رايي من راي الأخوان .. كم من بيوت انهدمت بسبب هذا التعنت بعدم قبول الرؤية الشرعية .. سواء من البنت .. أو من الأب أو من الاخوان .. !!!!!!!! صر عليهم انهم يا إما يقنعون البنت بمبدأ الشوفة .. والا انت قبضهم الباب .. ((يمكن أساسا البنت مب موافقة على الزواج أصلا)) !! ليش تحط نفسك وتحط البنت في هالموقف ؟ والخيرة فيما اختاره الله .. ! البنات تارسة البلد ماشالله .. وألف وحدة تتمنى ظل رجال .. والدلع هذا لازم توقف وقفة حزم فيه .. ! على طاري صورة الموبايل .. ذكرتني بسالفة مستوية لناس زوجوا بنتهم بطريقة الصورة في الموبايل.. وكانت الصورة لوحدة ثانية ((موديل)) .. ويوم العرس يتفاجأ المعرس بواحد صاحبه يالس على الكوشة .. عافانا الله P: وعذر الأهل.. انه مانعرف الريال .. يمكن انه يوزع صورتها بين الشباب .. والا ينسرق موبايله .. والا .. والا .. والا.. ههههههههههههههههههههههههه عذر أقبح من ذنب.. |
السلام عليكم
تلاحظين الشى اللي تشترينه بالغالي يكون غالي والشى الرخيص ماتهتمين فيه وايد ؟؟ مع الشروط والمناقشات حطي مهر جديد عشان مايكون طلاقك ورجعتك سهله ورخيصه طالق ، تعالي \ طالق ، تعالي الزمن هذا زمن ماديات والحب نادر وقليل وشكرا |
الزميـــــل الغالي
بين الجد والطرافة قصتك أخذتني ،، عندما أوصانا الرسول بالنظرة الشرعية كان له هدف لأن ديننا الكريم لايحثنا على فعل شيء عبثا ،، النظرة الشرعية ليست فقط للاطمئنان على أن عروسك جميلة ، بل الأهم من ذلك راحتك النفسية ، ستكون شريكة حياتك وستعيشون تحت سقف واحد ، لاسنة ولا سنتين بإذنه تعالى ، لابد أن تطمئن وتسكن إليها نفسيا ، أنا لا أقصد الحب لأنه لن يأتي بمجرد تلك النظرة فالحب أفعال ومواقف ، أما ما أقصده هو أن ترتاح لها نصيحتي إليك 1- لاتتخلى عن حقك في رؤيتها مهما كانت الأسباب وإن اضررت بالنهاية إلى التخلي عن هذه العروس 2- إمنحها فرصة لأن تراك فالراحة النفسية حقك وحقها ولكن شدة خجلها حجرة عثرة أمامها تمنعها من رؤيتك فحاول تحطيم تلك الصخرة فأنت الرجل 3- إلجأ إلى الحيلة ،،، بمعنى أقنع أبيها بأن الهدف من النظرة الشرعية أن تراك هي وليس العكس فأنت يكفيك وصف أهلك لترتبط بها لكنك مصر أن تراك على الطبيعة لكي تطمئن أنها ليست مغصوبة عليك فتتعذب بحياتك معها ، هذا أولا أما ثانيا حتى لو كانت غير مغصوبة من المهم تطمئن بأنها ستتقبلك فتبدأ رحلة ببناء حياتك معها على أساسات متينة هذا والله ولي التوفيق أختك في الله سيدرا |
نصيحتي لك اخي العزيز لا تتنازل ابدا ابدا ابدا عن الشوفه مهما يكن ..
وبصراحه عيون الوالده والاخوات مو زي عيونك يمكن انت تشوف شئ فيها ما يخطر على بال الباقيين يشوفوه .. وبعدين الشوفه دي سنه عن الرسول صلى الله عليه وسلم ومو شطاره انه الشاب او الشابه يتجاهلو الشوفه .. اكرر لاتقبل بغير الشوفه الشرعيه ولا صور ولا اي شئ تاني لانه اذا ما شوفتها الان حتشوفها بعدين لكن هنا ك فرق كبير بين المرتين .. ووقت الشوفه انت وشطارتك عاااد خليك جرئ واتكلم علشان يقل خجلها .. اتمنالك التوفيق |
نصيحتي لك إنك تشوفها أحسن، مو بس من شان تشوف الشكل إنما تحكي معاها وتعرف شوي جوانب من شخصيتها
الله يوفقك ويكمل لك بخير |
والله خطيبتك عجيبة
يعني تحسب انه صورتها عالموبايل راح تطلع أحلى مثا والله انه الجوالات تطلع الشكل قرف لا روح شوفها احسن |
مساء الخير
اخي الكريم هذه حقك ولازم تشوفها واياك ثم اياك انك تلغي فكره الشوفه يحاول حدا يقنعها بشوفه طيب هيه ما بدها تشوف العريس :14: يعني توافق من غير ما تشوفه والله عجيب امرها مبروك مقدمن وطمنا بلاخبار |
| الساعة الآن 05:11 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©