|
اخبروني رجاء هل هذا الوضع طبيعي ؟؟؟
السلام عليكم
حقيقتاً اعصابي متوترة جدا وقد اتهور في اتخاذ بعض القرارات خاصة في هذه الايام من شدة الضغط النفسي والمعنوي .. فانا في مرحلة تدريب وإقبال على وظيفة في نفس موقع التدريب واعمل في مجال آخر في نهايت اليوم .. الحاصل اننا تقدمنا لخطبة احد الفتيات لي .. ذهبت انا ووالدي واتفقنا مع الاب وكل شي 100% .. طلب الاب ان نمهله فترة ليسئل عني والى الآن الوضع طبيعي امهلناه اسبوع كامل ولم يتصل .. بعد ذلك اتصل والدي ...واخبرة الاب انه انشغل ويريد فترة اطول .. وامهلنا اسبوع آخر ولم يتصل .. واخبرت والدي ان نقف هنا ونتركه اذا اراد يتصل هو او ينتهي الموضوع .. مرت اسبوعان .. بعدها اتصل يسئل عن موعد العرس مما يوحي بالقبول .. تقبلناه بشكل طبيعي وبترحيب .. فطلبت الطلب الشرعي وهو رؤية الفتاة .. فوافق ومرت الآن اربع ايام ولم يتصل ليحدد الموعد . اتصل اليوم ولكن كان جوال ابي بعيدا عنه ولم يعلم عن الاتصال .. فعاود ابي الاتصال به واخبروه ان الاب خرج وهذا كان في الصباح .. والآن الساعه الثانية ليلا ولم يتصل .. هل الوضع طبيعي بهذه المماطلة؟؟؟ ام انه لايريدنا ام ماذا؟ كنت اتمنى ان يقولها ببساطة لم يكتب الله نصيب .. ولا اريد ان (يحرق اعصابنا) بهذه الطريقة بالمماطلة ... فاخاف ان لم يتصل غدا ان الغي الموضوع تماما واخبر والدي انه حتى لو اتصل لن اذهب ولن اخطب ولن افعل اي شيئ معه .. اذا كان هذا فقط في فترة الخطوبة مدة شهر كامل ..كيف ستكون الملكة الزواج ؟ اعتقد سنكمل سنتين للنتهي؟ وضحو لي يا أهل الخبره .. الفتاة خلوقه ودينه الى باعد حد بشهادة اختي لانهم يدرسون في نفس الصف .. انتظر آرائكم |
يا اخي اصبر هذا زواج وليس شراء سياره
افترض انك بتشتري سياره كم معرض بتمر وكم خبير بتسأل فاصبر فهذا زواج وتوكل على الله امرك إن شاء الله ميسر . ويا مدور الهين ترى الكايد أحلى والله يوفقك تحياتي |
أخي الفاضل...إل إم ماذا دهاك أو تظن أن المدة هذه كبيرة... لاتخف هذا الشيء...لازم يصير.. وأنا عن نفسي وربي جلست شهرين ونصف أبوي يسأل عن خاطب ...والكل يثني عليه .. وفي آخر المطاف يعني لما جينا نقول تفضل تعال شوفني صدمة بصدمة أنو الكل يثني عليه وبالأخير طلع ....صاحب كأس أسأل اله السلامة والعافية...والكل يظن انو كويس وراعي تقى... فلا تلومهم هذي عشرة عمر مو يوم أو يومين... أنت صار لك سنين من دون زواج إلا الحين حبكت عندك إلا تزوج :d طووووووول باللك وفررررررررررج الله قريب وعسى أن تكرهوا شيئاً وهو خير لكم...وكل تأخيره وفيها خيره زي مايقولوا ...هاه أكمل بعد وإلا :29: |
شكلك متوتر لان عندك وايد اشيا وكلها مهمه وجايه بفتره وحده
الوقت اللي خذوه مب كثير وعادي جدا وكل ناس ولهم ضروفهم واكيد البنت تبي تفكر وماتستعجل عشان ماتندم وبالنسبه للرؤيه الشرعيه يمكن هي مستحيه ومأجلين عشانها او يحاولون يقنعونها لاتتوتر او تخاف والله يكتب لك اللي فيه الخير وطمنا عنك |
اقووووووووول توك بالف انا ابوي خلى زوجي ينتظر سنه والله : :29: :29: ووخطبه شهر :25: وملكه 4شهور :25: :29: يعنيي مررررررررررررررررررمطه ولطعه محترمه ان شاء الله ماتاكلها :23: انتظر ولو عندك اخت والا بنت عرفت المعنى من هالحركات والله يتمم عليكم ويوفقكم ان شاء الله :22:
|
ياأخي الوضع طبيعي ... هذا زواج .. لاتلومهم ....بعض الناس يسوي هالحركات .. عشان يتأكد بس الخاطب شاري البنت ومستعد يصبر .. والا خلقه ضيق .. بيمل ويقول بدالها غيرها ...
أو يمكن عندهم ظروف ثانية شاغلتهم .... ماتدري ..... عموما إذا كانت البنت تستاهل ....لاتفرط فيها بسبب قلة صبرك ( تستاهل لقب ...عميد الكرة الأرضية في الحرارة وقلة الصبر ) طول بالك .. ولا تقطع فيهم ..ولا تكابر .. اتصل مرة ومرة وأسأل .. وين وصل الموضوع .... يعني تابع المعاملة .. لايطنشونك الله يوفقك |
اقتباس:
مااحس الموضوع فيه مماطله؟ بس انت تحسب ان فيها مماطله وافرض ان فيها مماطله؟ وبعدين؟؟ يمكن هم مشغولون شوي نصيحه مني لك ولاترميها حااااااااااااااااااااااااول ان تجد اعذار لناس عوضا عن اتهامهم ونقدهم تقبل تحياتي مخـــــــــــــــــــــــــــــــــــــــاوي الدمعه |
اكيد اخوي قاعدين يتغلون عليك لا أقل ولا اكثر ويسئلون عنك
ونصيحتي حاول تدور على اعذار لهم |
يأخى انا حقيقه اقلقتنى عصبيتك الزياده عن الطبيعى , واود ان لا تكون طبع فيك .
وارجو ان ما تشعر به حساسيه مفرطه تجاه الموضوع . هل تبخل على رجل يعطيك ابنته بعض ألأيام ؟ |
صراحة ياإخوتي,
هذا ليس من السنة في شيء, لم أعلم أن هذا كان ساريا في السلف. بل إني أري أنه من المغالاة. فالزواج يسر وليس بعسر |
يا أخي أنت المفروض تتصل عليهم ، موهم اللي يتصلون ..
وأصر ، اتصل يوميا مافيها شئ ، أنا لما انخطبت كان زوجي يتصل يوميا يسأل عن الشوفة عن الملكة حتىتزوجنا بعدشهرين فقط من الخطبة .. عجيب والله ، كيف تبي بنتهم وماتتصل أنت عليهم ..!! بصراحة والله غريبة بعد اتصل عليك أبوها وسأل ؟!! احمد ربك ..! المفروض الخاطب هو اللي يتصل ، أو أهله !!!!!!!!!!!!! افهموااااااااااااااا الأصول ياشباب !!!! |
الحقيقه ماودي ارد الان
ودي اشوف اجوبه اكثر :) ابو سحايب نجد اقتباس:
اشكرك اخوي على ردك __________________________ اشتقت لأمي الله يخليكم لبعض ..ومع بعض 24 ساعه يارب ويطول بعمرها حسيت اني تهزأت :29: لكن تهزيئه محترمه ... اول تهزئيه تفرحني :14: الصراحه اني كنت انتظر هالكلام واغالط نفسي اشكرك اختي جزيل الشكر على ردك ___________________________ مهاوي فعلاً اللقب تستحقه .. متألق الى ابعد حد انت الوحيد الي فهتمني اقتباس:
وبإذن الله بتكون اول من يدري يالاخبار اشكرك يااستاذ ___________________________ al_danah يااختي لكن مو اسلوب كذا يعني حرام وش ذنب الرجال بحرقة الاعصاب هذي لكن على قولة ابو سحايب .. يامدور الهين ترا الكايد احلى :18: وشكرا لك لتشريفك الموضوع ____________________________ سكوتر ردك من اكثر الردود الي ريحتني نفسيا وخففت ضغط كبير علي اشكرك اولاً .. ثانياً لاتتوقع اني عصبي الى هالدرجه لكن الحقيقة ان هذي التجربه اول تجربة للعيلة كلها عندنا وعشان كذا ماندري هل الوضع طبيعي ام لا .. اشكرك يالطيب بارك الله فيك _____________________________ مخاوي الدمعه اخوي بفهم سؤالك وش يعني (واذا فيه مماطلة؟ وبعدين؟ ) كيف وبعدين؟؟؟ مع احترامي لكن حنا ماننتظر العشا والا ننتظر نتيجة مدرسة حنا ننتظر قرار حيات شخصين الى الابد .. مايصير هالاسلوب عموما اشكرك _______________________________ فـهد المطيري باخذ برايك الله يجزاك خير شكراً لك _______________________________ صاحب رأى لاصدقني انا مو عصبي .. ولكن هالتجربه تعتبر الاولى لي وهالشي انا انتظره من خمس سنوات .. وطبيعي الآن بتكون اعصابي متوتره جدا والا صدقني بارد والمشكلة انه مااقدر اسئل احد يعني لااصحاب ولا اقارب صعبه لو مثلا ردوني او ماعجبتني البنت .. موب حلو لي .. لذلك انا مكتوم من شهر كامل مااقدر افضفض عند احد وهالكتمه هي الي تفجرت بهذا الموضوع وكثر الله خيركم شفيتو غليلي :) شكرا لك ________________________________ llp00na صدقت اخوي .. صدقت ونعم الكلام .. ردك منطقي لكن للاسف مااحد يتعامل فيه هالايام الا مـــــــــــــــــــاندر شكرا لردك _________________________________ أبي مساعدة حسيتك انتي و (اشتقت لامي) واقفين وطولكم ثلاث امتار وانا كبر القطوة من التهزيئ :29: طيب اختي الصراحه ارتعبت منك :18: يعني انا بس متشوق نكمل الموضوع بس والله :25: عموما اسف ماتتكرر مره ثانية :15: <<==== راح فيها (امزح) _________________________________ اشكركم جميعا والحقيقه اني ودي اشوف ردود اكثر واكثر واكثر واكثر الين يرد واشوفها وشرط الي يعطيني رد اعزمه للعرس :17: :17: :17: |
أخوي
عيل شرايك اني لما انخطبت خليت اهل الخطيب يتريون أربع شهور لين رديت عليهم الله يعينك اذا كانت خطيبتك مثل طبيعتي :) |
ابي مساعد
اقتباس:
المفروض هم الي يتصلون ،،، مش هوه الي يتصل !!!! يعني حرام الاهل يقولون لوكان الشاب يبيها جان اتصل مره ثانيه وسأل عن الرد،، مايصير جديه عيب ... يعني الشاب خطبها رسمي وينتظر ردهم ،،، والدور عليهم هم الي يتصلون !!! انا خالي لما خطبون له ... جلس شهر ينتظر الرد ... وكان مثل الأخ L M ... وكان دايم يسأل امي ويقول لها مااتصلو ؟؟ وبعدين ملت امي منهم .. واتصلت وسألتهم وقالو موافقين ... وتمت الخطبه.. بس الشباب دائما يستعجلون يبون الرد بسرعه ويكونون متوترين ويقولون .. لوكانت البنت تبيني جان عطوني الجواب بسرعه ... اكيد انا فيني شي يخلي البنت ماتقبل بي !!! بس ترى الموضوع عادي .. مو مسألة ان البنت ماتبيك بس هم يبون يسألون عنك أكثر وأكثر وأكثر صبرٌ جميل أخي ،، |
أخوي الغالي ( إصبررررررررررررررررررررررررررررررررررر )
إن الله مع الصابرين |
يا أخي - الوضع طبيعي - بس أنت متوتر شوية اصبر والصبر ما وراه إلا الخير
|
الزواج يسر ما اختلفنا لكن تبي الابو يرمي بنته على اول واحد يجي بسرعه لازم يسأل ويخطط ويفكر ويرتب شي طبيعي هذا غير شوي من التغلي عشان ما يحس الخاطب انهم ما صدقو تنخطب بنتهم او بالاصح نوع من الثقل وهذا شي عادي
انا لمن انخطبت اهلي قعدو يسألون عن الخاطب شهر وكان كل شي تمام الين اخر الوقت اي بعد شهر من السؤال اكتشفنا انه راعي شراب يعني الواحد لازم يدقق شوي في مسألة الزواج لان البنت مب لعبة وحتى لو ما اتصل على طول وثقل شوي مافيها شي لازم تصبر ولا تخاف من عدم الموافقه لو مب موافقين كان قالولك منزمان بس انت اول مرة تمر بهالتجربة ومنتب مستوعبين الوضع |
شي عااااادي
اجل تبه يكلمك ويطامر وراكم انتم المفروض بعد تثقلون شوي وطالما وافق الرجالعند كلمتهم اتمنى لك حياه موفقه ونظره ساااااااااااااااااااااااااارّه |
أخي المدة عادية وفي ناس ياخذوا وقت أكثر في السؤال حتى يتطمنوا من أخلاق الشاب ومن ثم يتطمنوا على بنتهم..
ويمكن والد البنت ما اتصل مرة ثانية يعني خاف تقولوا رامي بنته عليكم...بس عادي بكرا بيتصل إن شاء الله الله يكمل لكم على خير |
اخي حقهم يسئلو ويفكرو فهذي زواج بنتهم مو لعبه واصبر ان الله مع الصابرين والله يوفقك وادعيلي بالتوفيق مع حبيبي
|
فيه مثل يقول ( صاحب الحاجة معنى بالطلب )
وانت صاحب الحاجة .. يعني لاتنتظر منهم اتصال بادر انت بالاتصال والسؤال لا تتوتر ولا تقلق وكل اللي تزوجوا قبلك انلطعوا هاللطعة واسألهم !! انا لما انخطبت ومع انه من العيلة وعارفين اخلاقه ومن صغرنا وحنا لبعض لكن مااخذ رد نهائي من ابوي الا بعد شهرين يعني الخطبة كانت شهر 7والملكة صارت شهر 10 !!!!!!!! ويوم كنت اتلقف واسال امي انتو ليه بالله ماتردوا على الناس ؟ ليه لاطعينهم كذا ؟؟ تقولي امي : عيب يابنت لاتصيري خفيفة وبعدين خليه يتعب شوي حنا بنعطيه بنتنا الغالية <<< يعني انا خخخخخخخ انا كتبت لك هالسيرة الذاتية عشان تعرف كيف اهل البنت يفكروا يعني تصرفهم من وجهة نظرك مماطلة ومن وجهة نظرهم ثقل يعني الله يعينك كل يوم اسال وتابع عشان يعرفوا انك شااااااااااااااااااري كذا الاصول ياابو الشباب |
اخوي زكرتني بالزي مزى :d يوم تقدموا لي وصبروا اسبوعين وكل يوم يدقون على اهلي ..اخر شي اخوي قال مانبيهم هذيله مطفوقين :29: احنا سؤال على الاقل يبيله شهر وهو بعد الولد يسأل عن البنت على الاقل شهر وبعدين الملجة بعد اقله شهر..يعني انت مو شي تحت هالمدة.. خصوصا اذا كانت بنت عائلة ومؤدبة مايعطوها اي واحد.. يالله ان شاء الله يوافقون ولاتصير خفيف مثل ماهزأني ذاك اليوم اخوي يوم قلت وايد اسبوعين تسألون :11: يالله لسه انا بيبي واتعلم :15: ومبرووك مقدما :17: |
| الساعة الآن 02:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©