للنساء فقط . . كيف تطالبين بمصروفك؟؟؟
 

انا وحدة لي اكثر من 8 سنوات متزوجة ومازلت اعاني من طلب المصروف ... مو عشانه بخيل لا والله حرام اظلمه بس انا معقدة شوي احس اني اشحذ منه وانها اهانة لكرامتي ........عشان كذا اقترحت عليه يفتح لي حساب عشان ارتاح من المواجهة معاه بس برضه ما فيه فايده ما ينزل اوتوماتيك المصروف يعني لازم اطامر وراه عشان يحول لي مع اني اتحاشى المواجهه المباشره في طلب الفلوس والغالب اني اتبع مسجات الجوال عشان اذكره........... ياناس انا طبيعيه والا لا انا عارفه انه زوجي ومن واجبه انه يصرف علي وعلى اولادي بس احس انه ذل والله.......ما اقول الا الله يشفيني والا يوظفني قولوا اااااااااااااااااامين

يااختي الكريمه انتي طبيعيه ومافيكي شي والمشكله ومافيها انك خجوله والظاهر لمن كنتي ببيت اهلك تجيك الفلوس لين عندك مايحتاج تطالبين مثلي يعني..... ونصيحتي لك خللي له موعد رسمي عند بدايه استلامه للراتب تتفقي معاه على مبلغ معين يعطيكي اياه ونبهيه وقوليله يافلان خللك متذكر مايحتاج اذكرك ....او اكتبي تنبيه على مراية الغرفه النوم .

تقريبا أنا أعاني مثلك في هذي المشكله بس صابره على أمل إني أتوظف وشكل مافي أمل حتى بالوظيفه أقول أدعيلي وأدعيلك،،،،،، والله يعينا

حبيت اقول ان المقصود من جملة>مثلي يعني> ..اني ماكنت اطالب ابدا اهلي بفلوس وبصراحه احسها كبيره اوقف عند امي واطالبها .....بس حبيت اقول هالكلمتين :d :d

اختك نرجـــــس

عزيزتي نرجس مشكوووووورة على المرور......... كلامك بعضه صح وبعضه مو صح انا فعلا خجوله بس الفلوس ماكانت تجيني وانا عند اهلي بس لما اطلب من امي غير لما اطلب من زوجي
ودمتي يالغاليه

عزيزتي تومي انا وانتي مرضى بمرض العصر اللي هو البطاله وعلى قولتك ندعي لبعضنا احسن من كل وحدة تدعي لنفسها على الاقل نصير موعودين بالاجابه ولو بعد حين
ودمتي

من جد هذي مشكلة العصر

مهما كان الرجال منعم عليه ربي الا ما تحس الوحدة انها تطر

يالله يابنات كل وحدة تدعي لنفسها انها تتوظف تدعي لكل بنات المنتدى اللي ودهم يتوظفون

<<<< ودها تتوظف بقوة

مليت من الجلسة في البيت وحلو ان الوحدة تعز نفسها وماأحد يحاسبها غير الله

عادي حبيبتي هذي مو مشكلتك لحالك

كلنا في الهوا سوا

ليش تحسين انه طراهره وتدورين عليه

الموضوع جدا عادي

اذا نقصك شي اطلبي منه بالعربي الفصيح

وعاده اللي اعرفه لن اغلب الرجال اذا استلموا راتبهم

اعطوا حريمهم باللي يقدرون عليه كل واحد حسب قدرته الماديه

او يحولها دايركت على حسابها

ويمكن زوجك ينسى بس يبغاله تذكير

عادي ذكريه ولا تفاحين على نفسك باب للهم وانتي بغنى عنه

خواتي فيه حل ولايحتاج تحسي بمهانه او ذل
بالبنوك فية استمارة(امرمستديم) استقطاع شهري يعني
يسوي زوجك هذة الورقة بالبنك ويكتب فيها المبلغ الي يستقطعه من حسابه
لحسابك وديركت تلاقي كل شهر نزل بحسابك مصروفك وبدون احراج او خجل.ولا ينقطع الامر الا اذا زوجك وقف الامرالمستديم.
الصراحة اشكركم انكم وعيتوني حتى ما اخلي زوجتي تنحرج مني لابغت فلوس مع العلم اني انا الي
أسألها تبي فلوس ولا لا.

أنا أشتغل من سنتين وأساعد زوجي في مصروف البيت ، وعادي دائماً بنتهاوش على المصروف إنه أنا مسرفة ، بس هذا راتبي و من حقي أعز نفسي وألبس أحلى لبس وأحسن كريمات وأدير بالي على حالي ، وهو بس شاطر في الإنتقاد ليش نصحتي وليش هاي التجاعيد ، وبالنهايه فرطت معي وصرت أصرف على حالي اللي بشوفه مناسب وأعطيه الباقي أو اصرفه على البيت ،

بس هو حرام عنده إلتزامات كثيره مع أهله ، و ما بلومه ، بس ما في حياء و لا شي ، بنحكي وبنتحاسب في الأمور الماليه بكللللل صراحة ، مع إني متزوجة جديد مو جديد جديد من سنتين يعني

هو في البداية كان يهاوسش ويدقق بس بعدين يئس مني وسكت :22: :17: :17: :22:

يمكن ردي يكون خارج الموضوع شوي....
بس اتمنى من الكل انه يدعيلي ما اتوظف او اتاخر بالتوظيف على الاقل 4 سنواااات....
لاني من الواقع اللي اشوفه الوحده من تتوظف تدب المشاكل بينها و بين زوجها.....و اوسخ شي بالدنيا المشاكل الماديه بين الزوجين....وانا مرتاحه حاليا كطالبه و كارهه الوظيفه....
اما عن موضوع خجلك.........
باول زواجي اشتكيت لامي من خجلي من طلب المصروف...و قالت لي تستحين تطلبين فلوس و ما تستحين من(.......)...و فعلا والله كلامها صح...حسيت ان اللي قاعده اسويه هبل .....بعدين انا ما اشحذ منه مثل ما انتي تقولين....هذا حقي وواجبه...
وشكرا



دوووووووووووووووت

والله يا اختي اعاني من نفس الشيء و اكره نفسي لو طلبت شيء لنفسي يعني للاولاد عادي هداية للناس و مشتريات للبيت كله عادي الا مصروفي الخاص مستحيييييييل اطلب الا للحاجة الضرورية جدااااااااا واموت من القهر لما اطلب و هو يعصب علي وما يرضة ويقول بدون ما تطلبي خذي الكارت واسحبي او مدي يدك بجيبي وخذي وانا والله ما اكدر امد يدي بالرغم صار لنا 5 سنوات متزوجين بس هل عادة السيئة ما بطلتها !!!!!!!الله يهديني يا رب .......... تصدقين حتى السيارة لما يخلص البترول اخليه هو يطلع فيها حتى يشوفها فاضية ويمليها !!!!!!!!!!!!مجنونة صح!!!!!!!!!!

وانا كما قالو بعض الاخوات كنت في بيت اهلي لا اطلب الفلوس اصحى الصبح الاقي عل كبد بتاعي اخذها واحيانا ما اعرف شنو اسوي فيها ادخل سوبر ماركت وابدأ اشتري اي شيء سواء احتاجيتها ولا لا و كنت اذا احتاج شي بنطلون الوالد ما يقصر امد يدي واشتري ولا كنت استحي ولا شي سبحان الله

زوجي يتهمني ويقول انت تتكبرين وتعتبرين اخذ فلوس مني نوع من التنازل او الرضوخ لي
ممكن صحيح مادري

عزيزتي المحترمة....... صحيح ان وجود ناس يعانون مثلي يخفف علي بس ما يحل المشكلة ........ما اقول الا عساي اشوفك الاسبوع الجاي على اطلق مكتب والفلوس تفسفسينها على راحتك ولا احد له شغل فيك يالغالية..........





حبيبتي الهنوف شكرا على النصيحة ........بس انا مشكلتي لها شق ثاني وهي اني مغتربه يعني استعمل الريال والجنيه يعني حوسة جعلك ماتحتاسين وانا احس طلب الفلوس يتعلق بالكرامه مو المسأله خجل









مرحبا اختي روما حلولك جذرية وصارمة بس ماتناسبني على الرغم من وضوحها ومنطقيتها .........اشكرك.....











ميموتا....انا فاتحته من قبل بهالشي بس ماسواه الى الحين ......انتي عارفة الرجال والعجز ..لكن تستاهلين مني هالدعوة ......الله يهون عليك طلوعه وطلوقة ويرزقك بره قولي اااااااااااااااااااااامين

اخي ابو ليال اشكرك على المعلومة المهمة ........والله يهني ام ليال فيك .......










الغالية ام راشد.....الحمد لله انك متوظفة هذا الشي مهما كان متعب بس فيه ميزه ..........الله يخليكم حق بعضكم








الغالية دوت فعلا كلامك منطقي بس انا اهون عندي اطلب منه اللي خبرك...... ولا اطلب منه ريال .....عموما وجهة نظرك احترمها ....






اختي الفلوجه ........اقدر اقول اني واياك نعاني من نفس المشكلة انتي بالضبط مثل حالتي ....احساسنا بالرضوخ للزوج مايرضينا مع اننا من قبل راضخين لاهلنا .....اذا عندك تصنيف لها الحالة وافيني بها ودمتي




غاليتي همسه اتمنى وجود قناعاتك عندي لكن لا اظنها امنيه ستتحقق ....شكرا لردك

اختي مشتهيه قهوه....
انا عكسك تماما اطلب منه فلوس لكن لو اموت ما اطلب اللي بالي بالك.......(مجانين صح؟؟؟؟)..............ههههههههههههه


وشكرا


دووووووووووت

صادقة يا اختي طلب الاغراض تحسين مذلة ما بالك فلوس تطلبين

بس هو مايستحي يطلب الفلوس وبعبون قوية حتى الذهب طلبه

اختي ام نبراس ورض الله يعينك على بلواك ويعيني على ما بلاني فعلا الاحتياج للطرف الاخر مشكله خاصة اذا اتبعها بالمن والاذى الله يبلغك في نبراس ورضا ويصبرك على ابوهم ويهديه

ااااااااااااااااااامين


اهلين دوت مشكلتك اهون مني الفلوس احتاجها انا وبس بس اللي انتي عارفته حتى لو ما طلبته هو بيعطينياه مو عشان خاطري عشان سعادته اهو
وتسلمييييييييين

انا بعد مثلك استحي وايد .. لكن الحمدلله زوجي مب مقصر علي ابدا حتى لو تأخير يومين او ثلاثه بالاخير يعطيني ويعتذر عن التأخير لا واي شي ابي اشتريه يركض هو يجيبه لي ولا يرضى احرك مصروفي سبحان الله ياخذ ويعطي والحلو مايكملش ............

صراحة احس اختي انك حساسة

ترى مافيها شي طلبي وشو طرارة ما طرارة هذا زوجك يعني كل شي بينكم فري
يمكن الراتب الزوجة ينفع كثير اصلا طلباتنا ماتخلص يبيلنا حساب مفتوح

اقولك نوعي في الطلب زي الشهر هذا طلبي بدلال الي بعده بتهديد الي بعده لا تفتحين له الباب الا بفلوس

ولك مني تحية

اما اللي من نوعيتكم هذي ويشعرون بكل هالاحراج اكبرررر غلططط انها تتوظف لانها كذا بتنفصل تماما ماديا عن زوجها وتبدين كل شي تسوينه بفلوسك وبينساك زوجك ماديا تدريجيا الين تلقين نفسك تشتغلين وتتعبين وبالاخير تصرفين كل راتبك على البيت والامور الاساسيه اللي كان زوجك يسويها بدون ما يسألك..الوظيفه تصلح للي ما تستحي من زوجها ويتفاهمون ماديا صح وتاخذ منه مصروف البيت وتوفر راتبها او تصرف منه على نفسها او تساعده في البيت مب مشكله المهم ما تكون مرة تستحي زي وضعكم لان اذا صار لك مصدر دخل وانتي عندك كل هالكرامه بتصيرين كل شي تسوينه بفلوسك وتعودينه على كذا وهذا اكبر غلط ترا الرجال مهما كان طيب الا بياخذ على الوضع ويصير يستغرب لو انك احتجتي فلوس ولا شي حتى الاولاد بيخليك انتي تصرفين عليهم لازم تتغيرين وتعرفين انه هو زي ابوك مسؤول عن مصاريفك ولا فيه داعي لكل هالاحراج عودي نفسك بالتدريج ولا ترا بيستفحل الوضع وبتندمين بعدين وتذكريني

انا عن نفسي في أول الشهر يذهب راتب زوجي بالكامل للأقساط المتنوعة.............ويتبقى راتبي..............لذا ما الحل لدي الزوج العزيز غير انه هو يطلب مني...............لكن فعلا الوظيفة للزوجة جدّا ممتازة لأنها تلبي احتياجاتها إذا كان راتب الزوج ممتاز، او انها تساعد زوجها مثلي إذا كان راتبه لا يغطّي كل المصاريف وشكرا لكم.

انا صراحه مريحه نفسي ورافضه فكرة المصروف هذي لانها فعلا احراج
اتفقت انا وزوجي اني مااطلب مصروف بس اي شئ احتاجه اطلبه
وكذا ارحم نفسي من المصروف والحدود