كل شهر عروسة .................من قده؟
 

:14:
بسم الله الرحمن الرحيم ......أخواتي العزيزات أحب أن أشارك في موضوع أتمنى إنها ما تكون حركات قديمة،وإذا كانت قديمة جاملوني لا تفشلوني..



طبعاً أكيد كلنا نمل من الروتين اليومي..علشان كذا بأقولكم أفكار أتمنى إنها تعجبكم..في أيام الدورة الشهرية أنا ما أنصح إن الوحدة تهمل نفسها بل العكس أنا من المعارضات إن الوحدة تهمل نفسها بس أقول حلو إن الوحدة ما تكشخ مرة في أيام الدورة المهم إنها تكون نظيفة ومرتبة لاشعر منكوش ولاشي بس لاتكثرين المكياج بس حطي جلوس واربطي شعرك وحاولي إن تلبسين أشياء طويلة مثل الترنتجات أو البجامات الطويلة..وهذا على قولتهم الهدوء ماقبل العاصفة ،المهم طول هالفترة فكري وش تسوين حركات جديدة ما بعد أيام الدورة وتسوين الآتي:
1- مفرش السرير-إذا كانت حالتك المادية زينة اشتري مفرش جديد حتى لو بـــ200أو250ريال المهم يكون جديد وإذا كنتِ ماتقدرين إفرشي مفرش من زمان ماحطيتيه،وحطي عليه بعض الورود الحمراء أو أي لون أنتِ حابته وغيري الأباجورات طبعا ماتشتري جديدة مثلا أباجورات الصالة أوحتى أباجورات عيالك أو فقط تغيرين الإنارة مثلا إنارة حمراء ...وتعطرينه بعطر جديد وتغيرين مثلا مكان السرير..ومثلاً تجيبين أي فرشة في البيت وتحطينها بغرفتك وجيبي كرسيين كذا راح تشوفين كأنك بغرفة جديدة دون أدنى تكاليف،ونأتي إلى حمام الغرفة –الله يعزكم-حطي فيه الشموع،وأكثر ما كثر الله الشموع بأبو ريالين؛وأشكالها تهبل بعد اللي على شكل وردة أو قلب،هذي تعبين البانيو وتخلينها تطفو على الماء؛يطلع شكلها في قمة الروعة وأيضاً وزعي الشموع دار ما دار البانيو حتى ماتضطرون تفتحون النور،وبعدين جهزي صندوق أو سلة لابد إنها تكون عندك وحطي فيها الرغوة الصابون الشامبو الليف بطريقة أنيقة،ولفي الفوطة وروب الحمام وخلي على جنب مثل حركات الفنادق خمس النجوم..وطبعاً تكونين مولعة الفواحة علشان تنتشر ريحتها بالحمام..
2- حاولي إنك تضيفين لمسات أناقة في أثاث بيتك بحيث تبدلين بالأثاث يعني تبديل فقط دون شراء وطبعا لاتشغلين إلا الأنوار الصفراء في تلك الليلة.
3- حاولي إنك تدورين طريقة طبق جديد وسلطة وكوكتيل،ماسويتها أبد بس طبعا تدورين أطباق متأكدة إنها راح تعجب زوجك،،وتزينين الطاولة بشكل جديد حتى لو إنك تطلعين الأواني اللي مخصصتها للضيوف- مع إني أشوف زوجي أولى من الضيوف -،وتحطين كذلك الشمعدان،ولاتشغلين النور.
4- ويجي دورك أنتِ،،طبعا تزيلين كل الشعر من جسمك وتشقرين اللي يحتاج تشقير مثل الحواجب والظهر والبطن ،وادهني جسمك كله دون تحديد وخاصة ال................... بزبدة الكاكاو(أنا مجربة اللي عند بودي شوب)مرة حلوة ،والبسي ستريج،وطبعاً تكونين شارية قميص نوم جديد وترى المحلات الرخيصة عندهم قمصان نوم تجنن والرجال والله مايدري إن هذا رخيص ولا غالي أهم شي قميص نوم ،وحاولي في كل مرة تشترين لون جديد ماهو لازم الألوان اللي يحبه فقط،بل بالعكس كل شوي تجددي في الألوان ربما يعجبه لون ما كان يحبه بسببك أنتِ،وكذلك عطر وبلسم جديدان وأرجع وأقول إذا ماعندك مادية تبادلي مع خواتك مع عطرك القديم أهم شي جديد يمكن يعجبه ويروح يشتريه لك هدية بعدين.واستشوري شعرك وحطي مكياجك بطريقة ناعمة،وخاصة الكحل مع جلوس لونه فاتح وبلاشر..
5- جهزي أبيات شعر من نظمك أو إذا ماعندك الموهبة شغلي شاعر أو قصيدة يحبه زوجك وحاولي إنك تكونين فاهمة معنى القصيدة علشان تتناقشون فيها وتقولين أنا أعجبني البيت هذا علشان كذا وهكذا...أو حتى تسوينها له بالفلاش (طريقة حلوة)
6- ارقصي له وعاد كل الحريم يحبون الرقص بس أستغرب من بعض الحريم تشوفونها ترقص بالعروس ولاتقعد أبد ولا ترقص عند زوجها والله شي غريب مع إن زوجك أولى من هؤلاء اللي تهزين عندهم..صح ولا لأ؟حتى لو ما طلب منك أنتِ ابدأي وقوليله برقصلك ،عاد قومي ارقصي حبذا لو كان مصري..
7- حاولي إنك تغيرين في وضعية الجماع من خلال القراءة في المنتدى وهذا المنتدى زاخر بالطرق المتنوعة وهذا مهم جدا لأن زوجك يكون من زمان ما جامعك فهو مشتاق وأنت إذا غيرتي راح ينبسط..صدقيني!
8- عاد بخري بيتك وعطريه حبذا لو بعطر من زمان ما حطيتيه وكذلك ببخور جديد،،واستقبلي شريك عمرك-0الله لايخليكم من بعض-
بالابتسامة وكلمات الشوق والوله والسواليف الزينة..والله يتمملكم على خير.
لاتقولين هذا معناه إنه ما أكشخله ولا أدلعه ولا أهتم في إلا في ذيك الليلة ،أنا أقولك طبعاً دائما دلعيه حق وواجب‘بس هذه الليلة بمثابة احتفال بينك وبينه وتجديد لحياتكما وقطع للروتين اليومي وخاصة ما بعد الدورة الشهرية وحاولي إنك لاتضيعين تلك الأيام واستغليها بأفكار جديدة حتى يشعر زوجك بأن كل شهر له زوجة جديدة وكذلك أنت سوف تشعرين بالتجديد وأنت تبحثين عن الأشياء الجديدة والأفكار وكأنكِ عروسة جديدة....مع العلم أنا دائماً أسوي كذا حتى خواتي يقولون لي حشا لو إنك نفاس ما تسوين كذا(الله يسمع منهم وأصير نفاس قولوا:آمين)
لايكون طولت عليكم.....وسلامتكم إن شاء الله استفتدوا

كلام حلو للمتزوجات
وطرق جميلة وروعة لتغير الروتين
.......................................

تحياتي لصاحبة الموضوع







أرجو عدم الخروج عن النص في الردود حسب نظام المنتدى .

لاتعليق

وعسى كل الحريم يسمعو وعسى كل الرجال يقدروا

وشكرا لج اختي

سلمت يداك

أختى أذا جاك عيال بتنسين كل هذا أنا كنت مثلك وبعدين أشغلونا البزارين

ياسلاااااااام ماشالله عليج و و إن شاء الله الله يخليج لريلج و يخلي ريلج لج
انا استفدت من كلامج و إن شاء الله لي تزوجت بسوي مثلج :d

تسلمين ياعيوني



تحياتي لكِ ...

كل الي تقوولينه اووووك وحلوو ماعدا الرقــــــــــــــــص........

لاني مااعرف ارقد وهاذي مشكله بالنسبهلي..

وهو مل من الطلب...

تحيااااااتي

كلام حلو
بس المشكله الرقص زوجي مايسمع اغاني
وحتى لو يسمع انا ما احب تكون في هالليه
اتمنى لو القى اشرطه رقاصه من دون موسيقى لانه دايم يطلب مني الرقص
مشكوره اختي وموضوعك جا بوقته

اختي في اشرطة للرقص بدون موسيقى بس طبل يبيعونه في محل الي يبيع اشرطة اغاني

تسلم ايدك على هل نصايح

لا تتحججو بالاولاد رقدوهم بدري طرشوهم عند اهلك ولا اهلو استمتعيداخل غرفتك وقفلي الباب في 100 طريقةة للذي يريد

حياكِ الله .. وبيَّاكِ

أشكرك أختي الفاضلة ( زوجة بلا ظل ) على هذا الطرح الموفق جدا ..

وعلى العكس كلام جميل وليس بالقديم .. وإن شاء الله الأخوات ما يقصروا في ضم الموضوع إلى المفضلة

في انتظار المزيد من إبداعتك .. وجزاكِ الله خيراً .

تحياتي وتقديري ؛؛؛

مشكورين أخواتي على الردود...والله مسكينات حنا ياالحريم،،ماتشوفنا إلا إنا ندهر بأعمارنا علشان هالرجال وياليت ينفع فيهم بعد،،لكن نسوي إلا علينا والباقي على الله يمكن نشوف النتيجة مع أزواجنا في المستقبل القريب.......................(.لكل مجتهد نصيب)؟؟؟؟؟؟؟؟؟؟؟؟؟؟؟؟؟

الله يعطيك العافية
لكن صدقيني حبيبتي مسؤولية الأطفال تمنعك من الكثير
الله يسعدك ويديم عليكم السعادة إن شاء الله

ماخليتي شي اختي
موضوعج راااائع
والله يرزقج بالذريه الصالحه قولو امين
وللأخت اللي سئلت عن اشرطة الرقص
روحي محل التسجيلات وقوليلهم ابي شريط طبله(يعني طبله بس بدون موسيقى)
او قوليلهم ابي دقات مصريه

هاااي دا الشي كل متزوجة لازم تسوية علشان تحس بتجديد وانها عرووووس كل شهر ونتايييجة روووعة بس اتمنى انو مررة الرجل يسوي شي هههههههههههههههههه رومانسي زي ما زوجتة بتسوي زي
1- يشتري قميص نوووم كوووووول
2- ينزلها فندق
3- يشتري ورد

حياكن الله أخواتي وأشكركم على الرد ‘‘والله ياأختي دلع وسكر إنك صادقة ياليت رجانا يسوون نفس اللي نسوي ،أو حتى التفكير في التجديد في الحياة الزوجية ماهو لازم كل شهر نبي كل سنة راضين ‘كان حياتنا تختلف .....لكن شنقول الله يعين.......................تحياتي للجميع :19:

يعطيكي العافيه من جد ابداع جدا
مشكوره

مشكورة وليت كل الحريم يقرون ويطبقون

بارك الله فيك ..

هذا تجديد لكل شي .. ويصفي مافي القلوب .. ويعطي الثقة لكثير من الاشياء ..

الله يعطيك العافيك .. ويخليلك زوجك ويخليه لك ..

موضوعك راااائع .. الى الامام رعاك الله ..

الله يجعلنا من اهل الصلاح و يرزقنا ونفرح ..ونسعد ازواجنا واهالينا ..

شكرا
الموضوع اكثر من رائع

موضوع رائع

مشكورة اختي الكريمة




وتقبلي فائق احترااامي...

الله يعطيك العافية

روووووووووووووووعة ....

يعطيك العافية ....

تحياتي

الصراحه موضوع مميز وموفق ولكن زوجتي ولا مره سوت هذه الحركه ولكن الله يعين .
والله يا اختي يرزقك الذرية الصالحه
تحياتي

مشكورين إخواني وأخواتي على الرد والمجاملة الحلوة هذي وأتمنى إنكم استفتدوا من جد..
أما بالنسبة لكِ أختي هتان أنا معك أن الزوج يعجب بالمرأة الدينة الحنونة الخلوقة وليس فقط الزوج بل كل الناس ولكن زيادة على ذلك لابد من الاهتمام بالملبس ونحوه فهذا أيضاً من الدين لأنه من حقوق الزوج على زوجته،،أما إذا كنتِ تقصدين الرقص فتوجد الأناشيد الإسلامية التي تصلح لذلك أو حتى بدون لا أناشيد ولاغيره بس هز على الماشي........أما قولك (أن الرجل يفرق بين الرخيص والغالي)فأنا معكِ ولكن أقول أختي أحسني الظن بالناس رجاءً ....تحياتي لكِ
أما بالنسبة لك أخي أبو سحايب:إذا كنت تتمنى إن زوجتك تسويلك هالحركات ياأخي صارحها قلها أنا أبي كذا وكذا أما إنك تقعد تتحسر وبس هذا اللي مايصلح..وأنا ما أتخيل إن فيه امرأة بالدنيا زوجها يطلب منها تسوي شي ولا تسويه،،والله إنت جرب وصدقني راح تركض تسويلك اللي انت تبيه,,,,,,,والله يوفقك

كلامك كله ونصائحك والله ممتازه الله يسعدك ويعطيكي كل اللي تتمنيه

و الله الحمد لله هذا ما اشوفه من زوجتي
مشكورة

بجد جميل خااااالص

مشكور على المرور تحياتي

كلام حلوووو ومشكوره عليه................بس عندي سؤال....شو تعمل زبدة الكاكاو؟؟؟؟ فيه كريمات كثيره معطره وريحتها مره حلوه!!!

أهلاً أختي مشكورة على المرور أنا أقصد تسخدمين زبدة الكاكاو أثناء الدور ة الشهرية......لأنها تنعم الجسم ،،،،،وبعد ماتطهرين طبعاً استخدمي اللوشن المعطر..........
تحياتي لكِ....................