|
تضايق الزوجه عندما يسهر الزوج .. خارج المنزل
بسم الله الرحمن الرحيم والصلاة والسلام على سيدنا محمد ..وبعد تأخر الزوج خارج منزله هذا يضايق زوجته كثيرا لتركها طيلة اليوم اما بالعمل او بالسهر مع اصدقائه مما يسبب القلق لزوجته وانتظاره طيلة الليل وهو بعمله هذا يسبب اهمال لاسرته بشكل عام ما رأيكن أخواني وأخواتي وماهي النصيحة التي تقدموها بشأن هذا الوضع تحياتي لكم جميعاً مستوى عالي |
والله النصيحه
هنصحها للزوجه وليس الزوج نعم لاختي الله يكرمها ويسعدها حاولي من التغير الشكل الحياه في البيت حسسيه دائماً بشئ جديد فيكي في البيت الراجل يااختي الفاضله بيخرج لاحساسه بالملل او الشئ المتكرر كل يوم اقولك اعزميه انتي بره علي العشاء علي السنما فلم ظريف محترم الحل في يدك انتي لايمكن يخرج ويترك حب وحنان وزوجه قادره بعون الله علي عمل كل شئ يتمناه |
الصراحه اشكرك عالموضوع هذا لان بصراحه هالمشكله مشكلت كثير من الازواج هالايام الرجال يطلع يسهر برع وما يرد الا بالليل والمراه تققعد تعصب ويقعدون يتهاوشون بالليل بس اذا جيتي للحق هو معاه حق لان الرجال يا اختي الفاضله يحب التغير تملل من
ا لروتين اليومي يحتاج يشوف ناس جديده اشيا جديده بس انتي اختي بإمكانك تعملين له هالشي وتجذبينه نحوك اي بمعني مثلا غيري من لباسك تزين له اطلعو مع بعض خذو الجهال مثلا وطلعوهم يعني حاولي تغيرين بالبيت مثلا تضيفين اشيا هالشغلات البسيطه صدقيني تحسس بالتجديد والله الرجال كالطفل دايما يحب الجديد ومايحب الحبسه والقعده بالبيت |
zamalekteam احبك حبيبي أشكركم على مروكم اللطيف لكن نريد حلول أخرى للإستفادة منها تحياتي لكم |
|
لازم الزوجه تشتري خيزرانه او عصا غليظه
وتربطه وتطق تطق تطق ليحد ما يتأدب بعدين ماراح يفكر يسهر بره البيت وشكرا |
أعتقد إختلاف طريقة تفكير الرجل عن المراءه تشجع على هذا...
فغياب قاعدة قوية للحوار والصداقه بين الزوجين إضافة الى العادات الأجتماعية والتقاليد وغيرها من الأشياء تجعل من الصعب أن يبقى الرجل في بيته. الحل: محاولة تحديد يوم أو أثنين يخصصان للأصدقاء و ياحبذا لو يتوافق مع زيارة الزوجة لأهلها فيتم بهذا التنظيم والتفاهم |
الســـلام عليكم ...
أختي الحبيبــه ... هذه مشكــلتي ومشكلـــتك ومشكلــة زميلـــتي و زميـــلتك والكثيـــــــــــرات غيرنا ... لكن .. طبع الرجااال لا يمكن السيطره عليه .. ما أدري ليش أكثرهم ما ايحصلون وقت يتجمعون فيه كلهم ويستانسون غير وقت الليل ويخربون على الزوجه المسكينه سهرتها الجميله مع شريك حياتها .. صدقيني الزوج ايحس انه زوجته تفتقده وهو بعد اكيد يشتاق حقها لكن ... من شب على شيء شاااااااب عليه .. هو اتعود وهو عزابي انه يسهر ويا ربعه وما يبي هالشي يتغير بعد زواجه عشان ما ايقولون عنه ربعه انه زوجته رابطته وما اتخليه يسهر ... ومهما حاولتي وغيرتي وعفستي البيت ما راح يتغير شي أبدااا ... بس نصيــــــحه ... تقبــــــــــلي الموضــوع بروح مرحه وصــدر رحب ... حـــــــــــاولي أن تشــغلي نفسك وقت خروجه بأي شيء مسلي ومفيد .. كالقراءه مثلا او النت او التلفاز ....الخ حاولـــي عند عودتـــه ان تستقبـــليه بحرااااااااااره واحسااااااس ملهــف وحنــــــان فااااااااااااائق .. عشان المرات اليايه ما ايطول وااايد .. جهــــــــــزي كوبيــــــــــن عصيـــــــــر مميــز من عصاير أختنا هنوف .. وأكلتين خفااااااااف على القلب ... اعـــزميه على مشاهده فيــلم مميـــز على فيديو البيت أريح حقكم من السينما .. وتاخذون راحتكم اكثر ... يعني .؟.. توكـــــــــــــــلي على الله ولا تجعليها لحظـــات ضيــــــــق و استيــــــاء وضجر ... وكــــــــــــــان الله في عوننـــــــــــا جميـــــــــعا ... مع كل الحب .. أختـتج بثيــــــــــنة .. |
مستوى عالي جزاك الله خيرا لطرحك عن نفسي فهذا الامر يضايقني كثيرا واستغرب من الازواج الذين ينتهجون مثل هذا التصرف وكيف تسمح الزوجات بذلك عن نفسي فالله الحمد زوجي لا يتاخر خارج المنزل الا اذا اضطره العمل مثلا حتى الساعه 12 ليلا كحد اقصى بينما انا لا امانع جلوسه مع اصدقاءه مثلا بما يعرف بمجالس الرجال / الديوانيه او الاستراحه / وكذلك لا اعارض خروجه معهم للعشاء او للاسواق للتضبع لكنه ولله الحمد لا يحب الخروج الى معي وانصح كل زوج اي يرجع لبيته في وقت مبكر حفاظا على علاقته وزوجته لك تقديري |
سلااااااااااااام عليكم الشامخ دوما ...مستوى عالي أما بالنسبة لتأخر الزوج أو بالأصح سهره ... فالمرء يحتاج عادة للصحب بعيد عن الأهل والزوجة ..... أرى لامانع من سهر الزوج ....لكن ليس على سبيل الدوام فإن لأهلك عليك حق.... كما الزوجة تريد لقيا صحيباتها والتنفس أحياناً من خلالهم فالزوج له ذلك ... لكن المشكلة إن تعدى هذا الشيء وأصبح شغل الزوج الشاغل وكل يوم في مكان ....فذلك والله هو سبب المشاكل فماذنب الزوجة ..والأولاد في الفارغ الذي يقتلهم ... وحتى لو أفاق الزوج بعد سنين ...ستقول الزوجة له : صح النوم ...أن ماتعودت عليك في البيت ... صاير لزقة ياطويل العمر... وأووووف متى يطلع ويروح يخف عنا أعان الله الجميع ووفق المتزوج ورزق العازب...الصالح من خلقه |
والله لو يسهر يوم او اثنين بالاسبوع الين الفجر مافيها شي
من حقه يسهر ويطلع ويهيص لكن كل ليله يطلع وما يرجع الا الفجر مشكله كبيييييييره صارت مثل الادمان لان برضوا منحق الزوجه ان تسهر مع زوجها وتحس بوجوده مو طالع الصبح الين الظهر وسهر باليل |
عزيزتى
هذى مشكله تعانى منها كثير ن الزوجات ....... الزوجه بالبيت مع الاطفال والزوج خارج البيت اما بالدوانيه<المجلس> او بالشاليه او مسافر او او او والسبب ان الرجل يعطى لنفسه الحق بهالشى طالما ان الزوجه فى البيت فهو فى راحه تامه.......بالنسبه لى صراحه انا ماحبه يتاخر او انه يبات بره البيت...وان تاخر ماعطيه مجال اتابعه باتصالاتى واحاول انى ابين له ان هذا الشى يضايقنى...... اخواتى نصيحه لوجه الله اجذبو ازواجكم لبيوتكم ..... قابليه بوجه مبتسم وبطلى حنه ومشاكل.... وخففى عنه الاعباء.... دلليه ..... شيلى همه راح تلاقينه مايفارقج. صدى اصيله |
موضوع يهم الزوجة طبعا
تدرون ليش الزوجة تتضايق ماهو علشانه يسهر لا علشانه اذا سهر وجاء للبيت ما كأنه موجود يعني كأنه سهران لا كلام ولا سلام ولا ابتسام الا مكشر ومعصب ويروح للنوم ويقول تراني تعبان لأأ اح يزعني واذا قالت له ليش تسهر وانت قايم بدري ذا تتعب عليك رد وقال لها وهو مكشر الحين اروح انام ....حل المشكله اخونااخخخخخ هذا اكبر سبب ولو انه اذا جاء للبيت فل وسولف ولقت اللي تبي كان مايهمها السهر الله يصبرنا عليكم يالرجال |
صح؟؟؟
|
هذا موضوع تشترك تقريا اكثر النساء فية
رجال اليوم يكرهون الجلسة فى البيت ويفضلون الاستراحات اليومية مع الاصدقاء وهم يكذا طبعا مهملين ولجباتهم تجاة الزوجة والابناء وكل شى بالبيت يكون على راس المسكينة الزوجة هذا من تجربتى واللى حولى وما فية حل الا انا الرجال يخصصون ةلا كم ساعة فى اليوم للجلوس مع الابناء وتربيتهم ومساعدة الام فى ذلك لان الوحدة صراحة احيانا تطفش وتطلع من طورها اذا حست ان مسؤلية عيالها عليها وحدها وهو ما يشترك باى شى اللهم الا فى اعطائها المصروف فقط واللة حتى فسحة الصباح للمدرسة اذكر انى اخذها من الوالد والحين الاب تخلى حتى عن هالمسؤلية مو فاضى حتى يعطيهم المصروف خذية انتى وعطيهم ومو فاضى يوديهم للمدارس ومو فاضى يسهر معاهم فى الاجازة طبعا السهرة يوميا برا ولما يشوف اى تصرف غير سليم منهم يزعل كيف تزعل وانت اللى مهملهم من البداية؟؟؟؟؟؟ واللة يالرجال ترى زوجاتكم واولادكم محتاجين لكم وااااااااااااااااجد خصصو لكم اوقات لهم يومية او على الاقل يوم ورا يوم اقول لو فى الاسبوع مرة ما راح اكون طماااعة يالة طولت عليكم |
جميع آرائكم جميلة لكن أنا اشوف أخوياShark وضع حل للسهر في أوقات محددة ومعقولة شكراً لكم جميعاً وبارك الله فيكم تحياتي الخالصة لكم |
شكرا عالموضوع
وسأطرح عليكم مشكله صديقتي لانها شبيه بالمشكله هذي فرجلها دائما يتأخر الى 12 واكثر وهي تتملل بروحها وكانو على خلاف دائم من هالمشكله ولكن بعد توصلو لحل وهو ان الرجال اكيد بحاجه لان يطلع ويقعد من اصدقائه فخصص يومين تقريبا بالاسبوع يطلع مع رفيقه وباقي الايام بعدد مايرد من الشغل يطلع معها او مع الجهال او يقعدون يشاهدون التلفزيون يعني تعدلت الاوضاع معاهم والحين صارو زي الفلمع بعض الله يوفق الجمييع تحياتي،،، |
اجل انا وش اقول زوجي ياعلى الكومبيوتر يانايم ياطالع واذا رجع بدري رجع الساعه12
تصدقون انه اكثر من مرة رجع الساعه 7 الصبح ومن يوم ماتزوجنا وهذا حالنا بس اول كان اول مايصحى يدق على زميله يجي عندنا ومايطلع الاالفجر حتى اول عيد لنا مع بعض جاه زميله وقعد معه الى اذان الفجر ويشهد الله اني مابيقيت طريقة الا وسويتها لذا ارجو منكم الدعاء لي لاني فعلا محتاجة لدعائكم [U] |
الله يهدي كل الرجال ويقعدوا في بيوتهم( لا تنسى إن عندك إنسانة بالبيت، تلقاها المسكينة مسويتلك أجواء وحركات وإنت مطنش وسهران مع الربع، نصيحتي: حدد ليلة بالأسبوع لربعك ولا أقول لك بالشهر يكون أفضل :d )
والله يصبر كل النساء ( أنتي كمان لا تنسي إنه عنده إلتزامات غيرك :11: ، وخلي الرجال ياخذ راحته شوي، بس شوي :25: ) أحسن شي تكونوا متفاهمين بهالموضوع :17: |
انا راي انه الواحد يكون عادل في حكمه
الحين احنا الحريم قاعدين في البيت سوالف تلفون وضحك وساعة صدر وما يمر اسبوع الا فيه عزيمه ومايمر اسبوع الاوعند الاهل والزواجات وما ادراك بالزواجات سهر لصبح واي شي نبه تلبا اما الرجل دوام بيت نوم دوام يعني اذا طلع مافيها شئ بس الاعتدال حلو يعني مرتين في الاسبوع تمام بس ماياثر على البيت والاسره ومتطلباتهم وعن نفسي بالعكي استانس اذا طلع زوجي عشان يكون في وقت لنفسي اتزين وتعدل لكن اذا حسيت انه متمسك بالشباب وبيب يروح اتضايق يعني مو حلو يصير كل اهتمامك الشباب والسهر |
| الساعة الآن 02:36 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©