|
الله يخليكم ساعدوني احتاج حل لمشكلتي سريـــعاً !!
عندي مشكلتين مضايقيني حيييييييييل الله يخليكم ساعدوني وفكوا ازمتي !!!
المشكلة الاولى :انا متزوجة من 9 اشهر تقريبا وحامل والمشكلة هي انه زوجي ينام مبـــــكر وكل نعسان انا اشعر بالملل لانه انا الحامل وانا اللي المفروض اني انام مش اهو !! يعني يقعد مبكر من النوم ويداوم لما يرجع ينام شوي بالعصر احيانا انام معه مش دايما واهو بعد ماينام كل يوم بعض الاحيان المهم , بعدين بعد صلاة العشاء يجيه النوم وكل شوي يقول مدري الواحد دايما نعسان طبعا هالجملة كل يوم يقولها وتقريبا على الساعة 9 وشوي او 10 بالكثييييييييير ينسدح على الكنب ويقول شوي وبقوم ماراح انام مع انه ادري انه بس يحط راسه ينام على طول بدون مقدمات … - ملاحظة : انه اهو يحبني مرة وطيب معاي وانا بعد احبه وحياتنا الحمدلله كويسة ,, بس اللي يقهر انه بسرعة ينعس حتى مرات افكر بأشياء نسويها مع بعض او العاب او اي شي بس مافي مجال بسرعه ينعس حتى من الناحية الجنسية احيانا اجي بفكر في اشياء حلوة وحركات بس كل احس انه نعسان لذلك اشعر بالملل واخاف اني احرج نفسي اذا سويت شي ويمكن مايستجيب لي اللي بيقتلني واللي دايما اقوله له انه انا اللي حامل وانا اللي المفروض اني ارتاح يعني لما اسوي العشاء احيانا اشعر بالتعب شوي اهو بس يخلص عشاء شوي ويقول الواحد مدري وش فيه بس ياكل يجيه النوم ويروح ينسدح اموووووت قهر احس انه المفروض انا اللي ارتااااح مو اهو حتى اقوله احيانا لايكون انا بس احمل الطفل في بطني والنوم والراحة انت اللي تتوصى فيه!! ارجوكم اريد حلاً لانه مو قادرة على الحياة كذا زهق ملل احس انه الحياة كلها جو نوووم في نووووم المشكلة الثانية :واللي بيقتلني اكثر انه زوجي ماعنده اصحاب يمكن واحد بس ومايشوفه الا يومين بالاسبوع يروحون يطلعون نص ساعة ويرجعون بس واهله عايشين بمنطقة ثانية وانا اهلي كثار هنا اريد ازورهم اريد اطلع احتاج اشوف الناس مااطلع الا قليييييييل ولازم اتطمن انه اهو عنده طلعة لانه اذا طلعت واهو قاعد هنا لما ارجع احس وجهه متضايقة لانه يشعر بأني مقصرة لاني خليته شسوي ؟؟؟؟ احتاج انه ينشغل شوي احتاج اطلع مثل البنات ابغى اروح السوق من تزوجت الى الان ماتسوقت مثل الناس! الله يخليكم لو تحلون لي هالمشكلتين والله ماراح انسى جميلكم طوووووووول عمري !! اخيرا اختصار للنقاط اختصار للمشكلتين في نقطتين : 1- النوم بشكل كبير وبوقت مبكر جداً ... 2- قله الاصدقاء فلااشعر بالحرية حتى ولا 1% , لانه يكون دائما بالمنزل حتى من كثرة جلوسنا مع بعضنا البعض اشعر بالملل منه ,ولااستطيع انا امارس حياتي الطبيعية والقيام بالحقوق الاخرى من زيارات او شراء بعض الملابس الخاصة بس او التسوق للطفل الاتي بالطريق وخاصة اني لااحب التسوق معه لانه لايحب السوق .. |
مرحبا اختى : mayameen
والله موضوعك محير بعض الشى .. لكن الحلول موجود بإذن الله وكثير لاكن الصعوب في اختيارك انتى آحداها من وجهة نظرى انا الشخصية الحل الاول : تتكلمين وياه تقولين له ودى تجلس معاى تصارحينة بانك تشعرين بالملل والوحده اثناء نومنة المبكر ,, والصراحة حلوة جداً الحل الثاني : أذا ماتقدرين تصارحينة ,, آخرى العشاء كل يوم نص ساعه على الاقل علشان ينتظر ولا ينام مبكر الحل الثالث : كثري له من المنبهات مثل القهوى والشاى على الاقل تاخر نومة ويلقاء وقت يجلس معاك فيه الحل الرابع : قولى له ودى نتعشى برا اليوم ونسهر مع بعض زمان عن القعدات الحلوه الحل الخامس : قولى له حاسة انى تعبانة اليوم شوى ابيك تسهر معاى , , اخاف اتعب بزيادة وانت نايم بعد الشر عنك طبعاً الحل السادس : الليلة بسوى لك حلا يحبة قلبك بس لاتنام لانه ماراح يستوى الا الساعه 11 يمكن يحس انه مقصر معاك <----- مزحة بلدحه وخلي الحلا يحترق ولا تخرجينة الا الساعه 1 بالليل واول طريقة هى الافضل فى نظرى ------------------------------------------------------------------------------------------------ المشكلة الثانية : : : احسها صعبة شوى شوفي وش اهتماماته اليومية وقربية منها , , عودية على الذهاب لشراء اغراض البيت اليومية واعطيه ايها بالتقسيط الممل كل يوم كذا شغله , , , , علشان يتعود على الخروج وانتى تقولين اهلك في نفس المنطقة ..؟ قولى له بروح لأهلى ومن عندهم بروح للسوق مع اخواتى اشترى لى اغراض لانهم رايحين اليوم للسوق اى شى من هالقبيل علشان تاخذين راحتك فى التسوق --------------------------------------------------------------------------------------------------------- وبصراحة انتى الان فى مرحلة صعبة مااضن الزوج يقدر يخرج فيها كثير ويخليك بروحك لانك وحيدة بالبيت ويخاف عليك لاكن صدقينى بمجرد ولادة الطفل بإذن الله سوف تجدين نفسك متحررة من الزوج بعض الشى ومقابله لطفلك . عسا الله يفرج همك ويحل مشكلتك ان شاء الله اختى الكريمة الي اللقاء |
مشكور اخوي على الرد لكن والله كل الحلول اللي كتبتها جربتها معاه ويحس بتأنيب الضمير حتى مرات يقول اليوم ماراح انام مبكر راح اظل قاعد معك حتى انتي تنامي بس مااصدقه وفعلا ماتجي الساعة 10 ونص الا واهو خلاص خلصت طاقته وانا مايجيني النوم الا الساعة 1 او 2 شسوي في نفسي ترى من جد مليت من حياتي كذا .
احيانا احس انه مشلكتي مالها حل . |
الطريقة الى ممكن تنفع معاه
سوى لها قهوى بالهيل , , , وصدقينى ماراح ينام على الاقل الين الساعه 2 بالليل ويمكن مايجيه النوم والله يفرجها معاك اختى دمتِ بود فمان الكريم |
والله موضوعك سهل اختي
المشكله الاولى انتي تسهرين بليل وتنامين بوقت دوامه يعني الوقت اللي هو صاحي تكوني نايمه والعكس so جدولكم عكس حاولي تقعدين الصباح واهتمي بالبيت او روحي لاهلك في وقت دوامه و تبكرين بالعشا عشان يصير لكم وقت مع بعض وانتي اللي بتنامين الساعه عشره 0 وبعدين عندك العطله الاسبوع اختي مادري بس احس السالفه فيها دلع 0 المشكله الثانيه حاولي اتعرفينه على ازواج رفيقاتك الصالحين اكيد بعدين والله الوحده اتمنى الزوج البتوتي احسن من اهل القهاوي نصيحه وبعدسن هم بعد روحي للسوق واهلك واطلعي وقت دوامه0000 والله ان زوجتي دايم اتقولي انها مرتاحه من جلستي في البيت وهذا اللي خلاني مستغرب من مشكلتك الثانيه يعني السالفه بعد دلع0 والله يحفضك |
مرحبا اخوي>>>>>>>> اه بس اه
انا صحيح اني اسهر بالليل لن اقعد بعده بساعة بس اهو يقعد 8 يروح الدوام وانا اقعد تقريبا 9 ونص افطر واسوي الغدا وبس يجي من الدوام وقت الغدا يتغدا ويرجع الدوام ثانيه وانا اقعد انظف البيت وارتبه واذا خلصت اشاهد تلفزيون او اسوي اي شي ولما يجي اهو بالعصر اقعد معه واحط له فواكه ونسولف بعدين يروح اهو يسوي رياضة احيانا واسوي له العشا مع العلم انه مبكر يعني على الساعه 8 تقريبا على مايجي او نشتري من برا وماتجي الساعة 9 الا اهو جاه النوم يعني الملخص اني انا صحيح سهرت لكن قعدت الصبح بعد يعني حتى نمت عدد ساعات اقل منه مع العلم اني حامل واحتاج ارتاح واحتاج انام الظهر بس ماانام !!! |
مالك اختي الا بندول نايت راح ترتاحين مررررررره جربيه الساعه عشره قبل النوم وراح هو اللي يتذمر جربي وراح تدعيلي
|
مشكورين اخوتي على الرد لكن يعني خلاص بس هذي اهي الحلول !!!
|
هلا اختى
انا فكرت في موضوعك وجد ان الحل واحد لاغيره !! الا وهو الصراحة والمصارحه لزوجك هل تخجلين من زوجك بقولك اجلس معاي ؟ واذا خجلتى من قولها فانتى لستى بزوجة ... بصراحة مافيها شى اذا صارحتى وقلتى له ابيك تجلس معاى بالعربي الفصيح وبعدين اذا ماجلس معاك زوجك من يجلس معاك .؟؟؟ وصدقينى واللة لو قلتى له هالشى واللة ليفرح فرح مايعلمه الا الله ان زوجتة محتاجة وتبي قربة ,,, بينتفخ راسة وصدقينى ماراح ينام لانك لو ماصارحتية ,,,, ماصار زوجك ابو عيالك وبقولك مثل معروف وجيد لحالتك :::: من استحى من بنت عمة ماجاب ولد ::::: االي ينقصك الان الجرآة لمصارحتة فقط ... افعلى ذالك ولاتخشين اى شى لانك تطلبين حقك من حقوقك على زوجك اتمنى ان اكون قد وفقت فى ايصال الحل لكى ِ فمان الكريم |
مشكلتك اختي بسيطه بس انت تتحملين بعض المسئوليه....
الظاهر انك لحد الحين تستحين من زوجك....و هذا شيء طبيعي لاني مريت بنفس حالتك و استمر خجلي من زوجي حتي انجبت طفلي الاول...يعني سنه و نص و انا استحي اكلمه باي شيء.... وهذا ترتب عليه انك انتي ما عودتيه تطلعون مع بعض من اول العرس تشترون اغراض البيت او تروحون للسوق ....... بس انتي توك في البدايه و تقدرين تغيرين بزوجك......قولي له انك محتاجه اشياء من السوق...و ما اظن انه راح يرفض لك طلب لانه يحبك مثل ما انتي تقولين.... اطلعي انتي معاه و اشتروا اغراض البيت...وتعشوا بره في نهايه المشوار.... و خليه يتعود على طلعاتك من البيت اكثر اما موضوع الاصدقاء احمدي ربك.....الحين نادر ما تلقين اصدقاء صالحين و عن نومه مبكر.... ابقولج على طريقه كنت استعملها ايام الامتحانات و كانت تسهرني يومين ورا بعض...... سخني حليب المراعي...و ضيفي له ملعقه كبيره نسكافيه.....و خليه يشرب كوبين على الساعه 6-7 المغرب ..... على حسب تجربتي كنت اواصل السهر لليوم الثاني الساعه 3 العصر..... بس طبعا ما كنت اشرب كوبين بس كنت اخلص لتر حليب و علبه كامله نسكافيه هههههههه.... والله كريم دووووووووووووووت |
والله حبيبتي ماظن الاخوان تركوا مجال اني اقول شي اهم وفوا وكفوا
بس ابي اقول ان مشكلة النوم شي وقتي بس لانج حامل وفي الشهر السابع فما في مجال كثير للعب والضحك لانه ربما مقدر الحالة الي انتي فيها واظن ان هالشي بيتغير ان شالله اما المشكله الثانيه فابي اقولك ان زوجي بعد بيتوتي من البيت للعمل والعكس صدق اتمنا انه يكون له اصدقاء بس كذا احسن من شلل القهاوي والاستراحات الي ماوراها غير خراب البيوت تشااو |
يا أختي00000
ببساطه زوجك يعاني من اعراض ما لعله نقص حديد او ماشابه لان النعاس الدائم والاجهاد تكون لسبب لديه فليعمل تحاليل وليتاكد |
السلام عليكم ورحمة الله وبركاته
اولا: اسال الله العلي القدير ان يوفقكما ويلهمكما رشدكما ثانيا: راح اكون صريح مررررررررررررررررررره معك اختي اختى احمدالله على مشاكلك البسيطه تراها بالنسبه لمشاكل الحياة الزوجيه ولاشي وانتي معتبر ه مشكله قلة خروجه مشكله ولكن في الحقيقه ان ماءت الزوجات يعانين من خروج ازواجهن والسهر ويتمنين ان يبقى زوجها لو يوم في الاسبوع وانا بنفسي اعرف قريبه لي ماتعشى زوجها معها من يوم اخذها وهي الان ام خمسه اولاد اكبرهم عمره16 يعني16 سنه مايتعشى مع زوجته بس يتغدى؟لاحضي الفرق بينكم؟؟؟؟؟ اما بالنسبه لنومه وسرعه نعسه فاحساسي من كلامك انه المسكين غصب عليه ينعس وده يسهر لاكن ينعس صح؟؟؟ اذا هذا طبعه كذا لازم انك تطولين بالك شوي عليه حاولي بالطرق المذكوره من الاخوان والله يوفقك. اكرر اختي اعذرين على صراحتي تراك مكبره الموضوع شوي فلاتتضايقي كثير من مشاكلك البسيطه واذا مااقتنعتي بكلامي ادخلى وشوفي مشاكل الناس في المنتدى وانتي ايضا حديثة عهد في الزواج ان وفقكم الله بتمر عليكم مشاكل حقيقيه وبتتجاوزونها بتوفيق الله وبحبكم لبعض . وانتي بنعمه كبيره حيث انكم تحبون بعض :d ومتفقين فاحمدي الله على ذلك . ولكي من الدعاء اخوك نجمة اسهيل |
عندي حل وان كان غريب نوعا ما
حاولي معه انه يسوي ((الحجامة)) أنا اشوف اخواني إذا كثر معهم النوم بيروحوا للحجام يحجمهم (ويجب ان يكون الحجام له خبرة ويده خفيفة) وطبعا الحجامه لها وقت معين ويستبعد تماما المسلم ان يحجم في يوم الثلثاء لان فيه حديث مو حافظه النص (فيمامعناه) انه عليه الصلاة والسلام نهى ان يحجم في هذا اليوم لأن فيه ساعه لايتجلط فيها الدم وبإذن الله ياأختي راح جسمه يستصح ويحس ان راسه خف كثيييييييييير ولاتخافي من هذا الحل لان الحجامه من سنن المصطفى عليه الصلاة والسلام |
زوجك الأولى أن تشاركيه همك , ولا فين الموده والرحمة
|
سلام اختي الكريمه
قريت المشكله وكل الردود ومافي زود عندي غير لانه يمكن سبب النوم المبكر احد او بعض ما سارده لك: 1- نقص في الحديد بمعن نقص في الم سواء عرضي او دائم فعليه ان يتأكد من ذلك لاسمح الله 2- ربما هذه العاده هي النوم المبكر متعود عليه ومن هو ببيت ابوه فصعب انه يتخلى عنها بسهاله ولاسيما ان النوم سلطان مثل مايقولو (يعني بالتدريج تقدري تخلصيه منها 9 3- عمله يمكن يبذل فيه مجهود عضلي او فكري يدعوه لان يتعب وينام سريعا 4- ربما الروتين والفراغ 5- نوع الطعام الثقيل يعني الدسم يجيب النوم سريع من هذه النقاط التي استحضرتني وهناك غيرها طبعا ذا عرفتي السبب تقدري تتوصلي للحلول يعني: 1- اذا كان الاول بتنظيم نسبة الحديد مع الطبيب المختص 2-3- 4- اذا كان عادة اعتادها فعليك بالصبر في علاجها يعني انتي وفنج واشويه اشويه يعني كل مره خليه يسهر اكثر من ربع ساعه وفوق سواء بقضاء وقت خاص بكما او بنزه او بزباره او بتكوين علاقات جديده مع ازواج صديقاتك الطيبين وتعميق علاقاته باهلك وبالتسوق لاتقولي انك لاتحبين التسوق معه عزيزتي فهو زوجك وليس لديك غيره انتي عوديه على التسوق معك وليس تعوديه على ترك مسؤلياته هكذا بس يبا لك صبر وفن ووقت لانج توج يديده بالحياة الزوجيه 5- حاولي انج تسوي يا عشا خفيف او تبكري بالعشى اذا كان دسم والمنبهات مايحتاج اوصيج عليها عليمه يشربها وهمسه اليك اختى اذا سمحتى استخدمي ذكائك الانثوي فله دور كبير ولاتراودك افكار انه سيردك وتخجلين لا والف لاا فقط اختاري الوقت المناسب وسيكون باذن الله خيرا وجعله الله عشرة هانئه طول العمر وتقومي بالسلامه |
نومه غير طبيعي حتى خموله غريب خليه يسوي تحليل دم واذا مافيه شي خليه يتبرع بالدم عشان يتجدد الدم بجسمه ويتنشط
|
اختي بالنسبه للمشكله الاولى:
صارحيه بهذا الشي وانا اشوف ان هذا الحل الانسب وبالنسبه للمشكله الثانيه: بصراحه اللي اصحاب زوجها كثار بتشتكي واللي اصحابه قليل برضه بتشتكي :( مدري الرجال المسكين وش يسوي عشان يرضي زوجته :d |
المفروض انك تجذبينه لحياتك انتي وتجعليه يتفرغ لك بالكامل حاولي اغرائه بكل مايحب حتى يرضخ لك ويكون همه ارضائك
|
..عزيزتي انا مع أخواني ممن ذكروا لك مشكلة الصراحة..
ابدأ لا تكتمي في قلبك شئ,وتحدثي عنه ولكن بطريقة لطيفة. بإمكانك معالجة زياراتك في الفترة التي يود ان ينام فيها,اخبرية أرغب ان اخرج بعد العشاء لزيارة وهوخلال هذه الفترة ينام. وبالتالي يحصل كل شخص على مايريد. ثانيا: حدثيه بصراحة عن مشاعرك عاطفيا وجنسيا,فإذا رغبت به حينما يكون نائم,صارحية قبل ذلك قولي له احيانا عندما تكون نائم اشعر برغبة في النوم معك او اللعب معك فلو فعلت ذلك هل يضايقك؟ دائما تحدثوا بلغة المشاعر,أنا اشعر,هل تشعر... وهكذا. أتمنى لك التوفيق. |
اكثري من التعري له
|
اخي او اختي اسكودا...
تكثر من التعري و هي حامل؟؟؟ و بالشهر السابع!!! منو له خلق!!! بعدين مو زين على الحامل الاكثار من التعري لان نتايجه راح ترجع عليها عكسيه.....!!!! و مثل ما قالوا الاخوات يمكن مرضه عضوي....يعني يعاني من نقص....او محتاج للحجامه!!!! وشكرا دوووووووووت |
والله يأختي أحس أنك مكبره الموضوع زيادة عن حده .....
كل الازواج اللي في مثل ظروف زوجك نفس الطريقة ...تدرين ليش لان يستهلكون كل طاقتهم في العمل ....ومايصدق يرد البيت يرتاح تطالبينه بمجهود أكثر ....خليه علي راحته ... أختي حسبيها الساعة كم صحا من النوم ..وكم ساعة عمل قضاها ...وكم ساعة نوم ....وشوفي ...أكيد ساعات جلوسه أكثر من النوم ...أنتين ماتحسين حتي لو اشتغلتي داخل البيت ....غير عن اللي خارج يتعب أكثر .... يجب أن تقدري ظروف زوجك ..ولا تطالبيه بما لا طاقة له . الله يسعدك |
| الساعة الآن 09:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©