|
15 يوم في اجمل مدينة بالعالم - فانكوفر الكندية
السلام عليكم ورحمة الله رحلة 15 يوم إلي أجمل مدينة في العالم فانكوفر الكندية أول ما تقرون عنوان الموضوع بعضكم ببقول على اي أساس أقول إن فانكوفر أجمل مدينة في العالم ، البعض بيقول وين راحت جنيف و باريس و باقي دول العالم المشهورة. صحيح فانكوفر مدينة مجهولة و غير معروفه للكثير من المسافرون العرب ، و الي فتره قريبة كان الكثير من المسافرون العرب ما عمرهم سمعوا اسمها. لكن خذوها مني ، خذو العلم من شخص سافر للمدينة هذي 10 مرات متتالية ، و في كل مره أروح لها ألقاها اكثر جمال و جاذبية من المره اللي قبل. كل شخص سألني عنها و راح لها بناً على كلامي ، رجع و قال ان اللي ذكرته عنها ما يجي ولا 10% من جمالها الحقيقي. ابعطيكم في الموضوع هذا تفاصيل دقيقه الي أقصي درجة ممكنه عن رحلة لمدة 15 يوم ، ممكن تكون شهر عسل للمتزوجين الجدد و ممكن تكون رحلة رومانسية لزوجين حبو انهم يعيشون جو فانكوفر الرومانسي ، و طبعاً ممكن تكون رحلة استكشافية لمن يرغب في رؤية مدينة الأحلام فانكوفر. الرحلة هذي بتكون مبنية على السفر الي فانكوفر ما بين شهر 6 و 9 ميلادي من أي سنة تختارونها __________________ الحصول على تأشيرة الزيارة الي كندا: ان طبعاً ما عمري سافرت الي كندا بتأشيره لأنه و بكل بساطه الي قبل سنتين ما كانوا الكنديين يطلبون تأشيره زيارة من السعوديين ، لذلك معرفتي الشخصية باجرات الحصول على التأشيرة محصورة في معلومات أخذتها من السفارة الكندية و من الانترنت. متطلبات التقديم على تأشيرة الزيارة الي كندا: -) تعبية النموذج الخاص بطلب التأشيرة. -) صورتين ملونه لطالب التأشيرة. -) كشف حساب بنكي لطالب التأشيرة. -) تعريف من عمل طالب التأشيرة. -) ان يكون جواز طالب التأشيرة صالح الي ما بعد تاريخ العودة من كندا. المدة المتوقعة للحصول على التأشيرة في حدود 7 الي 15 يوم و ممكن أطول من كذا و بالذات للسعوديين كما هو مذكور في الموقع الرسمي للخارجية الكندية. __________________ الطيران الي فانكوفر: 2) الخطوط الألمانية (لوفتهانزا): -) الإقلاع من الرياض أيام السبت و الثلاثاء و الخميس الساعة 0225 . -) مدة الرحلة الي فرانكفورت الألمانية 6 ساعات و 5 دقايق -) الوصول الي فرانكفورت الساعة 0730 بتوقيت فرانكفورت. -) الانتظار في مطار فرانكفورت لمدة 6 ساعات. -) الإقلاع من فرانكفورت الي فانكوفر الساعة 1315 بتوقيت فرانكفورت. -) مدت الرحلة الي فانكوفر من فرانكفورت 9 ساعات و 45 دقيقة. -) الوصول الي فانكوفر الساعة 1400 بتوقيت فانكوفر. -) تكلفة الرحلة حسب في حدود 4000 الي 5500 ريال. 3) فيه أيضا الخطوط الفرنسية و الدنمركية ( KLM) بس ما عندي فكره عن مواعيدهم لأني ما عمري سافرت معهم ، و اعتقد مواعيدهم ما تناسب المسافر من الشرق الأوسط. و ممكن تطلعون من من السعودية على الخطوط السعودية الي لندن و من لندن اما على الخطوط البريطانية او الكندية الي فانكوفر. 4) الطيران عبر دول شرق أسيا عن طريق الكاثي باسفيك او السنغافورية او الماليزية او حتي الصينية، طبعاً المشوار اطول لان الرحلة من السعودية الي شرق أسيا في حدود 9 ساعات و من ثم 14 ساعة أخرا الي فانكوفر ، السعر طبعاً ارخص بس الفرق بس في حدود 500 ريال للتذكرة الوحدة. ______________________ في الطيارة من لندن الي فانكوفر: حاولوا تقعدون جنب الشباك عشان تستمتعون برؤية المناظر من فوق ايسيلندا و شمال كندا ثم وسط كندا. المناظر بالذات فوق كندا خيال و روعة ما لها وصف ، يتشوفون في البداية جزر الثلج المتحركة و ثلوج على مدا النظر ، و أول ما تنتصفون فوق كندا بتبدون تشوفون الغابات الكثيفة و البحيرات المتناثرة في كل محل و الأنهار الطويلة ، و أول ما تقربون من المقاطعات الكندية الغربية بتشوفون سلسلة جبال الروكي الكندية بجبالها الشاهقة و الثلوج اللي تغطي قمم الجبال. و اذا قربتو من حدود مدينة فانكوفر بتندهشون من كبرها و جمالها و في نفس الوقت بتلاحظون تناسق العمران و تداخله مع لطبيعة الخلابة. في الطيارة بيعطونكم المضيفين كروت تعبونها عشان الجوازات الكندية ، اذا كان عندكم مشكلة في تعبئة الكروت اطلبوا من المضيفين يساعدونكم و صدقوني بيطريون فيكم و يخدمونكم بعيونهم بالذات على الخطوط البريطانية و الكندية ، اما الألمان فيعتمد على مزاج المضيف. الكرت بيكون فيه الأسئلة التالية: -) سبب الزيارة و مدتها. -) اذا كنت تعرف احد في كندا. -) كمية الدخان و المشروبات الروحية اللي معك ( ما يسمحون بدخول أكثر من كمية محدودة من الدخان الأجنبي ، اللي يدخن الله يعينه لان دخانهم مخيس. -) اذا كان معك هدايا لحد ( اذا معك هدية سعرها فوق 150 دولار بياخذون عليك ضريبة). -) المكان اللي بتسكن فيه. _______________________ الوصول الي مطار فانكوفر: اول ما تنزل من الطيارة بتمشون حدود 5 دقايق الين توصل الي كونتر الجوازات ، اذا خفتو انك تضيع امشو بس ورا الركاب الثانين و هم يدلونكم الطريق. على كاونتر الجوازات بيسألونكم عن سبب زيارتك و بيراجعون قايمة معهم عن أسماء أشخاص ممنوعين من دخول كندا و بيطلبون منكم تعطونهم تذاكركم حتي الطيارة عشان يتأكدون من موعد العودة حقكم. أيضا بيطلبون منكم تعطونهم الكرت اللي انتم عبيتوه في الطيارة ، بعد ما يخلص موظف الجوازات من سؤالكم و مراجعة تذاكركم بيحط علامة على الكرت اللي معكم و يرجعة لكم و يسمح لكم بالدخول الي منطقة استلام العفش. بعد ما تستلم عفشك و تتوجه للباب اللي يطلعك من صالة الوصول بيقابلك موظف عند الباب و يطلب منك الكرت اللي انت عبيته في الطيارة ، و هونا مربط الفرس ، اذا كان موظف الجوازات حط لك علامة مرور ( علاماتهم مدري وش تعني) فهذا يوم سعدك و بياخذون منك الكرت و يخلونك تطلع من الصالة ، اما اذا العلامة اللي على كرتك ماهي علامة المرور فهم بيرجعون لك الكرت و يدخلونك مع باب ثاني الي غرفه كبيره فيها مجموعة أخرا من موظفي الجوازات ، الموظفين هذول بيستجوبونك من جديد و يفتشون عفشك. ( يعني باختصار لا تكذب في الكرت اللي انت عبيته لانهم ممكن يصيدونك) ، طبعاً اذا صادوك الموضوع سهل ، بيصادرون اللي معك او يأخذون عليها ظريبة و بعدين يسمحون لك بمغادرة المطار. ____________________ الخروج من المطار: قبل ما تطلعون من المطار بدلو الفلوس اللي معكم الي دولارات كندية ، و اذا كان معكم ريالات سعودية يفضل انكم تبدلونها و انتم في أوربا . اول ما تطلعون من المطار منتم لاقين تكاسي قدامكم ، بيصير فيه واحد موجود و على ملابسه كتابه انه مسئول عن التكاسي ، اطلبو منه التكسي او اذا بغيتو لموزين طويل ، و قولول له انكم بتروحون الي فندق الهيلتون ميترو تاون ( Metro town Hilton ) ، التكسي تكلفته في حدود 30 دولار كندي ، و مدت المشوار حدود 25 دقيقة اذا ما فيه زحمة. انا اتوقع انكم بتكونون طلعتو من المطار و في طريقكم للفندق حدود الساعة 1600 بتوقيت فانكوفر ، و يكون باقي على غرور الشمس حدود ساعتين الي ثلاث ، لذلك احرصو انكم تتفرجون على الطريق اللي بيمشي فيه التكسي لانه بيمر جمب بعض الغابات و نهر الفريزر ، و قبل الوصول للفندق بتلاحضون ان التكسي بدا يطلع ما يشبه طريق جبلي ، و السبب هو ان منطقة الفندق فوق هضبة مرتفعة عن باقي برنبي و فانكوفر. و انشاءالله ما يكون الجو ممطر عشان ما يفوتكم ولو جزء بسيط من جمال فانكوفر. اول ما توصولون للفندق و تستلمون الغرفة حقتكم ، اكيد بتريحون شوي من مشوار الطريق و بتاخذون لكم دش و بتتعرفون على غرفتكم و تتفرجون على المناظر اللي تطل عليها شبابيك غرفتكم. انا تعمدت اختار لكم هذا الفندق لانه اولاً جديد ( مبنى من حوالي 4 سنوات ) ، و لانه يقع في منطقه حلوه و هادية و استراتيجية ، الفندق جمبه كل شي ممكن يحتاج له الشخص. الفندق 4 نجوم و يكلف حدود 400 ريال سعودي في اليوم. بعد ما تريحون لكم حدود 3 ساعات في غرفة الفندق ، اكيد بتكونو جايعين و ودكم تاكلون شي زين. انا ارشح لكم مطعم تايلندي ( انا ناسي اسمه ) ، لان اكله جداً لذيذ و لانه اول مطعم اكلت فيه اول مره زرت فانكوفر عام 1994 ، و ميزت المطعم انه خلف الفندق مباشره على شارع كنقز وي ( Kings Way ) ولا ياخذ منكم اكثر من 3 دقايق مشي. رغم ان شهر 5 في فانكوفر هو منتصف فصل الربيع الا ان الجو يكون في بعض الاحيان شوي بارد ، عشان كذا خذو معكم من ديرتكم جكيت واحد خفيف و يفضل يكون مقاوم للموية عشان المطر. في المطعم اوصيكم تاخذون كمقبيلات لحم تايلندي مشوي زي الكباب و يجي على عصيان صغيره و يكون معه صحن صغير من زبدت الفول السوداني و المطبوخ بطريقة خاصه كمقدمة للاكل ( ابتايزر) ، بعد كذا اطلبو لكم شوربة الربيان الحاره التوم يوم قوونق ( Tom Yum Goong ) ، و اذا تحبون الاكل الحار اطلبو منهم ما يحطون فيها فلفل. بعد كذا اطلبو الطبق الرئيسي المفضل عندهم و اللي ما تلقونه عند احد غيرهم و هو طبق مشكل من الماكولات البحريه بالخضار ( Seafood platter ) ، شي يجنن شي خطير ، طبعاً الاكله تجي حاره بالفلفل ، بس انتم ممكن تقولون لهم يقللون كمية الفلفل او ما يحطونه بالمره. و اطلبو مع الاكله اطلبو رز ابيض او رز مقلي مع الخضار ( فرايد رايس). و اذا ما تحبون الاكل البحري ، عندهم تشكيله كبيره من الاكلات الثانية. العشاء بيكلف حدود 50 دولار كندي لشخصين. يتبـــــــــــع |
بعد ما تخلصون من العشاء و تشبعون ارجعو للفندق و نامو لانكم اكيد تعبانين من المشوار. اما اذا فيكم بعد بعض النشاط ، ممكن انكم تمشون للسوبر ماركت الكبير اللي جمب الفندق و تشوفون اذا انتم محتاجين بعض الاغراض لغرفتكم او لكم في الفندق (تراني نسيت اسم السوبر ماركت). طبعاً انا حرصت انكم تروحون للسوبر ماركت و تشوفونه عشان تشوفون الفرق بينها و بين اللي عندنا في السعودية ، بس يا خوفي معاد تطبون سوبر ماركتات السعودية عقب ما تمرون هذي. قبل ما انساء ترا السوبر ماركت هذا اللي قلت لكم عليه صغير بالمقارنه بواحد ثاني كبير في مجمع الاسواق اللي جمب الفندق. الخريطة توضح طريقة الوصول للسوبرماركت من المطعم التايلندي ، الشارع اللي يودي للسوبر ماركت من المطعم التايلندي ما يضهر على الخريطه ، انتم امشو مع الخط الازرق و اول شي بتشوفونه هو مطعم الريد روبن ( Red Robin ) و هو المربع الازرق في الخريطة ، وجمب المطعم ممر للمشي بعدين يجي محل ستار بكس (المربع الاخضر) و جمب الستاربكس يجي مطعم يوناني صغير يبيع الشاورمة و بعض المشويات ( المربع البنفسجي) و بعده يجي كم محل صغير ، بعدين يجيكم السوبر ماركت ( المربع الاسود) ، و جمب السوبر ماركت فيه مطعم الاكلات السريعة اي اند دبليو ( A & W ). مع العم انه للمطعم التايلندي باب خلفي يطلع مباشرة على مواقف السيارات المقابلة للسوبرماركت. اليوم الثاني من الوصول لفانكوفير: اول ما تصبحون اما افطور في مطعم الفندق او اطلبو فطور في غرفتكم ، و احرصو انكم تقولون اهم انكم ما تبون لحم خنزير في الاكل ( قولو لهم : نو بورك اور هام). بعد كذا اذا تبون تستاجرون سياره اتصلو على احد شركات تاجير السيارات التالية و قولو لهم انكم ساكنين في فندق الميترو تاون هيلتون ( Metro Town Hilton )في مدينة برنبي ( Burnaby ). اسعار السيارات تختلف حسب النوع و مدت التاجير ، لكن اذا اخذتم مثلن سياره فورد توريس بالنضام الاسبوعي ( تاجير السيارات يومي او اسبوعي او شهري ) بيكون السعر بدون الضريبة و التامين في حدود 250 دولار ، يضاف اليها 14% ضريبة و 10% تامين شامل ( طبعاً السيارات تعرض عليك بدون تامين لان الكنديين و حسب وثيقة التامين الخاصه بسياراتهم ممكن يغطون تامين سيارة الاجار تحت وثيقة التامين الخاصه بسياراتهم الشخصية ). يعني السيارة بتطلع بحدود 300 دولار كندي في الاسبوع ( حدود 900 ريال سعودي). طبعاً عشان تستاجرون سيارة لازم يكون معكم بطاقة ائتمان و تكون معكم اما رخصة دولية او تكون رخصتكم مترجمة باللغة الانجليزية. حقين شركة التأجير بيجون الين عندكم و ياخذونكم الي مكتب التأجير و يخلصون اجرات التأجير و يعطونكم السيارة ، طبعاً المشكلة الان هي في رجعتكم الي الفندق من مكتب التاجير ، اللي منكم يقول انه دلوله و يقدر يعرف طريق الرجعة من التركيز على الطرق اللي هو يمشي معها الي مكتب التأجير او بامكانه يطلب من مكتب التأجير يبيعه خريطة للمدينة او يشتريها من احد محطات البنزين اللي يمر عليها. و اللي من النوع القلق و يخاف انه يضيع ، يفضل انه ياجل موضوع استئجار السيارة الي بعد المرور على مجمع اسواق الميترو تاون اللي جمب الفندق ، لانه في المجمع بيلقاء محل يبيع خرايط و ممكن يشتري منه خريطة. اذا جت الساعة 10 الصباح و كنتم قررتو ما تستأجرون السيارة الا بعد ما تشترون الخريطة من سوق الميترو تاون ( انا افضل انكم ما تستأجرون السيارة الا بعد ما تشترون الخريطة) ، فغيرو ملابسكم و البسو جزم مناسبة للمشي و توكلو على الله وروح لم السوق. الخريطة توضح طريقة الوصول الي المدخل الاول للسوق ، اذا طلعتو من باب الفندق لفو يسار مع الخط الازرق الين توصلون الي تقاطع الطرق ، بعدين لفو يمين من عند المطعم التايلندي و امشو على طول ، بيجيكم مطعم الريد روبن على يمينكم و بعده بيجيكم مطعم بوسطون بيزا و جمبة بيجيكم محل او مطعم ( المحل هذا تغير اكثر من مره ولا ادري وشو الجين) ، بعد ما تعدون المحل هذا بيجيكم درجة صغيره ، اطلعو معها و بيجيكم مبني طويل على اليمين امشو جمبة الين يجيكم مدخل السوق. الممشاء كله من الفندق الين مدخل السوق بياخذ منكم حدود 5 دقايق. من الخريطة اول ما تدخلون السوق بيجيكم محل ادوات رياضية على اليسار و سوبر ماركت كبير على اليمين ، السوبر ماركت اسمهذا كنيديان سوبر ستور ( The Canadian Super Store ) مقابل السوبر ماركت فيه زي البقالة الصغيرة و عندهم جميع انواع و اشكال الخرايط لمدينة فانكوفر و لكل كندا ، احرصو انكم تشترون الخريطة اللي على شكل كتاب اللي أوراقه بحجم اوراق التصوير A4. جمب البقالة هذي بتحصلون بنك و مكائن صرف اذا كنتم محتاجين تسحبون من حسابكم في السعودية. بعد ما تشترون الخريطة تمشو في السوق بس انتبهو لا تضيعون ، ولا اقول اكيد بتضيعون عشان كذا تذكرو انكم دخلتو مع الباب اللي جمب سوبر ماركت الكنيديان سوبر ستور ( اذا بغيتو تقولون اسم السوبر ماركت قولو سوبر ستور مندون ما تقولون كلمة كنيديا) طبعاً هذا اذا ضعتو و احتجتو ترجعون لم الباب اللي دخلتم معه. (يتبع) |
سوق الميترو تاون ( Metro Town ) هذا هو اكبر سوق في فانكوفر و في مقاطعة برتش كولومبيا ، فيه حوالي 460 محل من كل شكل و نوع ، فيه محلات ماركات عالمية مثل: Swatch Avanti Bentley Leather Mayfair Gap Kids Jacob Jr. Sears The Bay Zellers The Body Shop GNC General Nutrition Aldo Bata Shoes Nine West Club Monaco Costa Blanca Danier Leather Esprit Gap Guess? Roots Tommy Hilfiger Zara La Senza Fairweather Mariposa انا اشور عليكم انكم ما تتقضون او تشترون شي غير ضروري من السوق ، لانها بتثقل عليكم من غير داعي ، الا اذا كنتم بتشترون جكيتات خفيفه عشان البرد الخفيف و المطر. بعد ما تخلصون من الدوران في السوق ممكن انكم تتغدون في صالة المطاعم ( الفود كورت ) الموجود في السوق ( ترا فيه 2 فود كورت) او انكم تتغدون في احد مطاعم السوق الكثرة او اذا بتاخدون شور ، تغدو في مطعم الريد روبن ( Red Robn ) اللي كان في الطريق من الفندق الي السوق. اذا قررتو تتغدون في مطعم الريد روبن انا اشور عليكم بالاكل التالي: مزمزو لكم كمقبلات على اجنحة دجاج حاره اسمها بزرد وينقز ( BUZZARD WINGS ) ، الاجنحة يقدمونها مع صحن صغير من الجبنة الزرقاء ( ترا الجبن ماهو ازرق اسمه بس كذا) و بتدعون للي لانها اخطر اجنحة ذقتها في حياتي. بعد كذا اذا تحبون البرقرات ( المطعم عنده تشكيله واسعه من البرقرات الخطيره) و كنتم جوعانين اطلبوالمونستير برقر ( MONSTER BURGER ) ، و هي مكونه من طبقتين من لحم البقر المفروم مع الجبنة الذائبة و الخس و الطمامط و الخيار المخلل بالإضافة للميونيز . او جربو شرايح فيلية الدجاج مع البطاطس و ركزو على البطاطس حقهم ياهو بطاطس ولا في الاحلام ، اسم الاكله كلوكس اند فرايز ( CLUCKS & FRIES ) ، و قولو لهم انكم تبون الوجبة و ليس الابتايزر. و اذا تبون شوربه جربو شوربة الكلام شاودر ( CLAM CHOWDER ). و اذا تبون سلطة لا تفوتكم سلطة السيزر حقتهم. سعر الاكلات هذي لشخصين في حدود 40 دولار كندي. بعد ما تخلصون من الاكل ارجعو للفندق ، بعد كذا اما ريحو و اتصلو على شركات تاجير السيارات او أجلو الموضوع الي ثاني يوم ، لان اليوم هذا قرب ينتهي و حرام يأخذون منكم اجأر سيارة على اليوم و هو ما كمل . اذا قررتو ما تستأجرون السيارة انا اشور عليكم تمشون للحديقة القريبة من الفندق و اسمها السنترل بارك ( Central Park ). الحديقة هي احد اكبر الحدايق في فانكوفر ، هي عبارة عن غابه فيها بحيرات و أشجار و ورود من مختلف الإشكال ، فيها أيضا ملاعب تنس و سلة. و انتم في الحديقة لا تستحون تقطفون الكرز الأحمر او الأزرق من أشجار الكرز الموجودة في الحديقة بكثرة. المشوار من الفندق الي الحديقة في حدود 10 دقايق. التمشية في الحديقة و التمتع بطبيعتها الخلابة بياخذ منكم حدود ساعتين ، بعدها ارجعوا للفندق قبل ما تغرب الشمس ( الشمس تغرب في شهر خمسه حدود الساعة 6 او 7 مساً). اذا رجعتو للفندق ممكن انكم تقضون باقي اليوم في الفندق تتفرجون على التلفزيون او ممكن تسوون زيي و ترجعون للسينما حقة السوق و تشوفون لكم فلم. السوق فيه مجمعين للسينما ، الاول مقابل الفندق على طول بس السينما هذي صغيره و قديمة ، او ممكن تروحون للسينما الكبيرة و الجديدة و اسمها سلفر ستي ( Silver City ). جمب السينما الصغيرة فيه محل كبير للالكترونيات اسمة ذي فيوتشر شاوب ( The Future Shop )، اذا كنتم من محبي التجهيزات و الأجهزة الالكترونية ، لا يفوتكم المحل هذا لان فيه اشياء ما عمركم شفتوها. تنقو الفلم اللي تبونه و اشتروا التذكرة حقته ، اذا كان باقي على الفلم وقت قبل ما يبدا ممكن تنزلون للدور الثاني و تخلون مطعم فرايديز على يمينكم و تمشون قدام الين يجيكم محل العاب الكترونية ( اركيد ) ، اسم المحل بليديوم ( Pladeom ) ، المحل هذا فيه العاب الكترونية من كل شكل و نوع ، انا ما عمري شفت اركيد فيه العاب بكثر المحل هذا ، هو مكون من دورين و كل دور فيه العاب ، اذا تبون تلعبون بالالعاب اشترو من عند الكاونترات اللي في المدخل كرت يسمح لكم بالعب ، طبعاً سعر الكرت يعتمد على عدد المرات اللي بتلعبون فيها. و لا تقولون انكم منتم بزران و ان الألعاب ماهي جايزه لكم ، انتم ادخل المحل و اذا شفتو الألعاب بتحسدون البزران و بتصيرون زيهم. عقب ما تخلصون من الفلم اكيد بتكونون جوعانين ، مرو على مطعم فرايديز و كلو اللي انتم تبونه ، و ترا لحم الستيك البقري عندهم زين و ما يفوت. و اذا تبون رائي في وش تأكلون : http://www.50005000.com/Honeymoon/011.jpg عشان ما تختلفون على نوع المقبلات خذ ولكم صحن مقبلات مشكل سمه ثري فور ال ( THREE-FOR-ALL ) ، و يتكون من البطاطس و جبنه الموزريلا المقلية و أجنحة الدجاج الحارة . http://www.50005000.com/Honeymoon/012.jpg و اذا تبون سلطة جربو سلطة دجاج سانتا في ( SANTA FE CHICKEN SALAD ). اما بالنسبة للوجبة الرئيسية فيعتمد على رغبتكم. http://www.50005000.com/Honeymoon/013.jpg فيه باستا (مكرونة) كاجونا الدجاج و الربيان ( CAJUN SHRIMP & CHICKEN PASTA ). http://www.50005000.com/Honeymoon/014.jpg و فية الربيان المشوي ( SIZZLING SHRIMP ). http://www.50005000.com/Honeymoon/015.jpg و فيه المفضل بالنسبة للي الجاك دانيلز ستيك ( JACK DANIEL'S STEAK ). بعد كذا عاد ارجعو للفندق و نامو نومة العوافي. و في الجزء القادم أقول لكم وش تسوون في ثاني يوم وصل الي فانكوفر. (يتبع) |
الا يشترط ان يكون اللحم حلال والاكل طاهر نضيف ولا مو مهم
|
الف صح السانك الاكل الحلال مهم دايما لك الشكر على المشاركة |
بلدي اجمل بغداد
|
اليوم الثالث من الوصول لفانكوفير اذا اصبحتو الصبح و بعد ما تخلصون من موضوع سيارة التأجير ، ممكن انكم ترجعون للسوق حق الميترو تاون و تتقضون لكم شوي ، لان السيارة معكم ولا عندكم مشكله في شيل الاغراض. و عشان ما تتوهقون مع الشرطة في ما يخص نضام و قوانين قيادة السيارات في فانكوفير هذي بعض المعلومات العامة: - اغلب شوارع فانكوفير لازم تدفع فلوس مقابل الوقوف فيها. وسعر الوقوف يختلف من شارع الي اخر. - ما بين الساعة 6 الي 9 الصباح و ما بين الساعة 3 الي 6 بعد الظهر من يوم الاثنين الي يوم الجمعة من كل اسبوع يكون وقوف السيارات ممنوع في اغلب الشوارع و بالذات في وسط المدينة حتي لو كنت دافع فلوس مقابل الوقوف ، واذا نسيت توخر سيارتك من الطريق اللي فية الوقوف ممنوع في الاوقات هذي الله يعينك على المخالفة والله يعينك تروح لم الشركة الي سحبت سيارتك و تدفع لهم قيمة السحب. - في مواقف السيارات الجانبية اللي ما تكون على الطرق الرئسية يمنع الوقوف فيها بعد الساعة 12 بالليل الي الساعة 6 الصباح. - قبل ما توقف سيارتك في اي مكان اقراء اللوحات وتاكد انه ممكن توقف سيارتك و الاوقات الي ممكن توقف فيها. - في وسط المدينة من الصعب جداً انك تحصل موقف للسياره و اذا حصلت موقف فهو في العاده غالي. - لازم تعرف ان الدوران للخلف بالسيارة ممنوع منع بات واذا ديورت ممكن تاخذ مخالفة ، اذا احتجت تديور ادخل احد الحارات وديور و ارجع للخط الي انت تبية. - اذا و وصلت الي تقاطع رائيسي او فرعي ولا فية اشارة فعرف ان اول واحد يوصل للتقاطع هو اول واحد يعدي التقاطع. - اذا كنت تمشي في خط مكون من اكثر من مسار وفجاة واحد من المسارات كان مسدود وحبيت تغير مسارك بعد ما توقف فعرف ان السيارات تبي توقف لك عشان تعدي ونت لازم تسوي زيهم. - اقصي سرعة للسيارة في الشوارع اللي ما فيها لوحات تحدد السرعة هو 50 كم في الساعة ، و اذا تعديت السرعة هذي بتاخذ مخالفة وقيمة المخالفة تعتمد على سرعتك عندما يصيدونك. - اقصي سرعة للسيارة في المناطق الي تكون حول المدارس هي 30 كم في الساعة اوقات الدراسة الرسمية. اما بالنسبة للفطور فنتم ممكن تفطرون في الفندق. او روحو لمطعم الفطور المفضل بالنسبة لي و هو مطعم اي هوب ( I HOP ). قايمة الفطور عندهم طويلة بس افضل ما عندهم هو البان كيك بجميع انوعة بالاضافة الي تشكيلة واسعة من بيض الاومليت. بعد ما تخلصون من الفطور جهزو اموركم و خذو معكم الكميره حقتكم و توجهو الي حديقة بحيرة الغزال ، دير ليك ( Deer Lake الحديقة لها مدخلين الاول كما هو موضح في الخريطة يؤادي الي المدخل الرئيسي للحديقة ، عند المدخل الرئيسي هذا بتحصلون مبني فيه صور و معلومات كاملة عن الحديقة. ممكن تتجولون في المنطقة المحيطة بالمبني او تتجهون الي البحيرة عبر الممرات التي تمر بين اشجارالحديقة. في الحديقة بتستمتعون بمشاهدة اشجار من كل شكل ولون بالاضافة الي الحيونات الصغيرة ، و الطيور مثل البط و الاوز في البحيرة. عند البحيرة نفسها ممكن تستاجرون لكم قارب صغير و تجدفون عليه في انحاء البحيره. طبعاً ممكن تصيدون سمك اذا حبيتو بس لازم يكون عندكم تصريح لصيد السمك من بلدية فانكوفير. و ممكن انكم تجيبون معكم فحم و بعض اللحوم و تشوون عند طرف البحيرة. بعد ما تخلصون من التجوا في المنتزه ارجعو لم سيارتكم و توجهو الي حديقة بحيرة برنبي ( Burnaby Leek ). المنتزه اكبر بكثير من منتزة الدير ليك ، البحيرة فبه على شكل نهر طويل ، ممكن تتمشون بين الاشجار و على ضفاف البحيرة عبر الممرات المخصصه للمشي ، مسافة الممشاء عبر الممرات و حول البحيرة في حدود 4 كم ، في المنتزة ممكن تستاجرون قارب و تجدفون علية داخل البحيرة او ممكن تستاجرون لكم خيول و تتمشون عليها في المنتزة ، و ممكن طبعاً تشوون في المنتزة. في بعض ايام نهاية الاسبوع يكون فيه سباقات تجديف قوارب بين فرق مختلفة في مدينة فانكوفير ، المنتزه بتلقون فيه المقر الرئيسي لنادي التجديف في مدينة برنبي. بعد ما تتمشون في المنتزهين و تتمتعون بطبيعتها الخلابة اكيد بتكونون جعتو من كثر المشي ، تعالو معي الان خلوني اعشيكم على حسابكم في واحد من افضل المطاعم الايطالية في مدينة فانكوفير ، المطعم اسمة انتونز ( Anton’s )، و يقع على شارع هيستنق الشرقي مقابل المرفأ البحري لمدينة فانكوفير. المطعم بيجيكم على اليسار اول ما تاصلون عند اخر ملف يسار ، طبعاً لانه ممنوع تديورون في وسط الخط دور لكم على حاره على اليمين او اليسار و ديورو معها و ارجعو للخط اللي علية المطعم ، الشارع اللي علية المطعم ممنوع الوقوف فية ايام الاسبوع من الاثنين الي الجمعة ما بين الساعة 1500 الي 1800 ، فا اذا رحتو للمطعم في الاوقات المذكوره وقفو سيارتكم في الحاره اللي خلف المطعم و ادخلو مع باب المطعم الخلفي. المطعم فية قايمة طويلة من كل ما لذ و طاب من الماكولات الايطالية. و اذا بتاخذون شوري في الاكل، فخذو التالي: اول ما تجلسون في المطعم بيجيبون لكم خبز ايطالي حار و طازج مع الزبده ، و هذا يكون بالمجان. خذو لكم سلطة سيزر او سلطة انتونز (سعر السلطة الوحده 7 دولار). و اذا تبون شوربة اطلبو شوربة المينستروني ( Minestrone )، و هي عباره عن شوربة خضار خفيفة ( سعر الشوربة 5 دولار) اما بالنسبة للطبق الرئيسي فيعتمد على نوع الصلصة اللي تحبونها. اذا تحبون الصلصة الحمرا بقطع لحم البقر المفروم ، اطلبو لنقويني بولانيز ( Linguine Bolognese ). ( سعر الطبق 9 دولار). اما اذا تحبون صلصة الاكلات البحرية فطلبو الفوتاتشينو فروتي دي ماري ( Fettuccine Frutti di Mare ) وهي خليط من ثمار البحر مع الفطر. ( سعر الطبق 10 دولار) و اذا تحبون الصلصة البيضا فطلبو الفوتاتشينو الفريدو ( Fettuccine Alfredo ). لكن اطلبو منهم يبدلون لكم الهام (لحم الخنزير) بالدجاج او لحم البقر او حتي بربيان اذا بغيتو. الطبق مكون من صلصة جبنة البرميزان البيضا مع اللحم اللي تختارونه. ( سعر الطبق 9 دولار) احرصو اذا رحتو للمطعم تروحون له قبل الساعة 1800 لانه بعد كذا بيكون مليان و بتضطرون تمسكون سرا الين تفضا طاولة ، مع العلم ان المطعم ما يستقبل الحجز المسبق. اذا خلصتو من المطعم ارجعو للفندق و عاد اما نامو او روحو للسينما او مرو السوق و تسوقو. ( يتبــــــــع ) |
مشكور على هالرحلة
بس تحتاج فلوس و الله كريم |
أخي ..شكرا على الموضوع .. يعطيك العافية ... والله تكلفت كثير ...
بس بصرااااااااحة ..من الصورة الأولى ( وأدري بتقول عني نقة ) ...أنا حسيت المدينة ... ضجيج ومزعجة ... وماتوحي بالرومانسية أبدا .... عمارات وأسفلت ,,وأسفلت ..وعمارات ... نريد خبرتك أخي في مدن هادئة ....ساحرة ...غير مستهلكة سياحيا ... وشكرا لك ...ألف ..ألف ...ألف شكر |
أول مشاركاتي .. في مدينة لها مكانه خاصه في القلب
أنا عشت فيها قرابة الثلاث سنوات تقريباً نوعاً ما أنت ساكن في مكان بعيد .. بيرنابي !! وهالمكان بعيد عن الداون تاون وسعة صدر الداون تاون المدينه للسائح تعتبر جنه ... وخصوصاً إذا كان مثلك ماشاء الله من النوع اللي يروح ويجي ويروح سينما وحدائق اما نظام ابو عرّاب حق لندن وجنيف والترزز والفشخره فهو مايمشي في فانكوفر :D أنا ماحسيت بجمال الديره إلا يوم تركتها للإسف .. لكن الله كريم . ولي عوده لها ان شاء الله العيب الوحيد فيها وخصوصاً هالفتره ... كثرة السعوديين فيها :( وإذا تبي تتأكد رح لشارع روبسون وشف العالم المتبطحه عند ستار بكس ولا بلينز مشكور .. ولي عوده مع الصور .. خلنا ندعمك شوي :) |
مشكور اخوي والله يعطيك العافيه ........ مع انك عورت قلبي !!!! انا اعشق الطبيعه
الخلابه....... واخوي ان شاءالله بيروح لفان كوفر ....... ازعجنا الفتره الماضيه وهو يقول بروحلها !!!!!!!! تحيااااتي |
موضوعك وايد حلو وانه اتابعه من زمان في كذا منتدى وبصراحة شوقتني اني اروح فانكوفر لكن عندي بعض الأسئلة مثلاً هل تعرف شقق بدل الفندق لأنا احنا عايلة وعندي أطفال فما راح ارتاح في الفندق وحوالي كم أسعارها اذا عندك فكرة .
والشيء الثاني لاحظت ان أكثر سياحتها هي عبارة عن الحدايق والأسواق ما في أشياء ثانية سياحية غير كمدينة الألعاب مثلاً وغيرها من أماكن ومشكور. |
8
8 الأخ كلي إحساس أبرد عليك نيابةً عن كاتب الموضوع بحكم خبرتي في الديره للأسف الشديد الديره لاتصلح للعوائل !! فيها مدينة ألعاب صغيره جداً ( قريبه من هيستنق ستريت ) لا تتوازى مع إمكانات المدينه الطبيعيه . المطاعم العربيه قليله جداً .. وسيئه للأسف أذكر منها مطعم منى Mona's موجود في YaleTown في شارع Homer إن لم تخني الذاكره مطعم كارافان موجود على روبسون ستريت بالتقاطع مع سيمور سترييت << سيمور شارع لا تقربه لا أنت ولا عيالك أنواع الصياعه آخر الليل :D المطاعم العربيه فضيحه وتسيء للمجتمع العربي كاملاً .. فهي سيئه وخدمتها أسوأ !! طبعاً فيها شارع إسمه Hasting كارثة في أمريكا الشماليه .. وهو أكثر شارع فيه مخدرات الله يحفظنا وكل مسلم في أمريكا الشماليه .. وللعلم الحكومه الكنديه لم تستطيع السيطرة عليه منذ فترة بعيده .. بل وللأسف أنها إفتتحت أماكن خاصه للراغبين في تعاطي المخدرات عن طريق الإبر لتوزعها لهم مجاناً خشية إنتقال الأمراض من إبره لإبره !!! أنظر إلى أين وصل الحال ؟؟ من الأشياء التي تستحق الزيارة Vancouver Aqurium وهو موجود في ستانلي بارك .. خاص بعالم البحار وفيه عرض خاص بالدلافين .. يستحق الزيارة صراحه وسيعجب الأطفال . من الأشياء اللي ممكن تزورها بعد جبال الروكي .. طبعاً بعيده عن فانكوفر .. لكن تستحق العناء والتعب لها ... وتستحق فترة ثلاثة أيام . أيضاً إذا وصلت لفانكوفر يجب أن تزور مدينة بانف .. فهي مكان من ضرب الخيال .. يستحق يومين فقط .. ولكن ستشاهد أشياء يشيب لها الرأس .. وتبي تروح رحلتك تسبيح وتهيليل من عظمة الخالق عز وجل . الشقق المفروشه كثيرة جداً .. وأسعارها متفاوته ... ومن الممكن أن تجدها على الإنترنت ... غالباً الأسعار تتراوح من 1700 - 2500 دولار كندي . بالنسبة للأسواق .. تراها قليله .. وحبيبي صاحب الموضوع مركز على أماكن بعيده مثل Burnaby .. Surry وغيرها .. وهذه الأماكن بعيده جداً عن وسط البلد .. ووسط البلد هو الحياة وهو فانكوفر ككل !! وسط البلد لا يوجد فيه أسواق تفتح النفس بإستثناء Pacific Center فقط .. أما البقية _ صفر على الشمال ) للحق .. يوجد محلات في شارع روبسون جميله جداً .. وكلها ماركات قويه .. Armani .. Monaco .. mex .. وغيرها الكثير من المطاعم والمقاهي أيضاً !! بالتوفيق لك .. وإذا عندك أي شي لايردك إلا الكيبورد أخوي :) .. حنا نعين ونعاون .. وعذراً لصاحب الموضوع على دخلتي على الخط |
مشكور أخوي على الشرح
بس انه وحده مش واحد وبعدين انه اسمع ان كل من راح لها مدحها من جذي حطيتها في بالي وقلت أسأل عنها أكثر . |
انا بعد عشت فيها 3 شهور المدينه بطراااااااانه ولا تفوتكم مدينه بجمبها اسمها فكتوريا فيها حدائق جنان ومدينه راااااايقه.................... احب اضيف حاجه ان الدولار الكندي بريالين ونص.
وبعدين الأيجارات رخيصه مو غاليه زي ما تتخيلون وبعدين هناك ماراح تحتاجون سياره الا فالرحلات الطويله . بس لا تفوتكم فعلا تستاهل 4اجمل مدينه فالعالم |
الله يعطيك العافية
|
مشكور اخوي على هالمعلومات القيمة بس لازم الرحلات الطويلة نأجر سيارة يعني مافي قطارات أ أي حد يودينا
والله يعطيكم العافية |
سبحان الله
مبروك على الرحله الرائعه فعلا vancouver من اجمل المدن اسئل المجرب انا لئ عايش فئ Richmond اربع سنوات الي هئ جنب سبحان اللهVancouver:d
|
html بغداد فيها حقها من الجمل ادعو ربي انها ترجع زي ما كانت قبل 20 سنة مشكور على المشاركة wind-6090 كل شي في الدنيا هذي يبي فلوس انشاءالله ربي يرزقك و تشوف المدينة الجميلة فانكوفر مشكور على المشاركة سكوتر المدينة بالعكس هادية و جميلة و تاخذ العقل بجمالها انا الصوره حطيتها في المقدمة لانها اعجبتني. لكن فانكوفر ما يضاهيها جمال اي مدينة في العالم. مشكور على المشاركة شرحك سرا انا صحيح كان سكني في مدينة برنبي بس ما تركت مكان الا ورحت له فيها ، حط في بالك انا زرت فانكوغر اكثر من 12 مره ، يعني ما فيه مكان الا و رحت له. و كان متعتي في فانكوفر في التجول في حدايقها و غاباتها و طبيعتها اللي ما لها مثيل. ونت يبي لك رجعة لفانكوفر بعد ما تقرا الموضوع هذا كله و بتحبها اكثر. من ناحية كثرة السعوديين فيها فعتقد انا لي دور كبير في الشي هذا لاني لي اكثر من سنة و نصف و انا اكتب عنها في الكثير من المنتديات. لكن تبقا فانكوفر هي فانكوفر اجمل مدينة في العالم. لك الشكر على المشاركة. حلم الغد انا ما كتبت الموضوع هذا الا عشان اعور قلوبكم بفانكوفر ، لانها عورت قلبي بجمالها. و ترا اللي ما يروح الها يعتبر ما سافر ولا راح الي اي مدينة في العالم. لك الشكر كلي إحساس انا كتبت الموضوع هذا في كذا منتدى و حبيت انقله الي المنتدى هذا لاني اعتقد فانكوفر هي افضل مكان لقضاء شهر عسل او اعادة الرومنسية لحياة المتزوجين. و انا اخالف الاخ شرحك سرا ، المدينة بالعكس من افضل الاماكن للسفر العائلي. و فانكوفر فيها الكثير من الشقق انت بس انو على السفرة و انا اعطيك عناوين بعض الشقق. لك الشكر majed2243 الدولار الكندي الان بحدود 3 ريال ، و مدينة فكتوريا بالفعل جميل ة لكن فانكوفر اجمل بكثير. ملاااك الله يعافيكي canadian فانكوفر ما فيه زيها وبس مشكورين على مشاركاتكم في الموضوع و لكم اجمل تحية ___________________ تعذروني عن الانقطاع في اكمال الموضوع من قبل بس انا يوم لقيت ما فيه تجاوب اول ما نزلت الموضوع فضلت ما اكملة ، لكن بعد ما قريت مشاركاتكم الكريمة ابكمل الموضوع بس تكفون ادعموني بمشاركاتكم و انا اوعدكم انكم بتسافرون معي لم مدينة ما فيه مثلها في العالم |
اليوم الرابع من الوصول الي فانكوفير: الفطور اليوم هو من اختياركم ، يعني ممكن ترجعون الي مطعم اي هوب او تفطرون في الفندق او ما تفطرون بالمره. المهم بعد ما تقررون وش بتسوون في الفطور جهزو حالكم و خذو معكم كميرتكم و لاتنسون تلبيون ملابس مريحة و جزم مريحة للمشي. اباخذكم اليوم الي اجمل و اروع حديقة ( منتزة ) في مدينة فانكوفير ، اباخذكم الي حديقة الملكة الزبيث ( Queen Elizabeth Park ). و لان الطريق من الفندق الي المنتزة طويل ، هذا وصف تفصيلي للطريق: -) لين طلعتو من مواقف الفندق الموجوده تحته لفو يمين على شارع كنقز بوروه ( Kingsborough St ) -) بعد ما تلفون يمين على الشارع السابق و بعد حوالي 100 متر بيجيكم شارع ولنقدون ( Willingdon Ave ) لفو يسار مع الشارع ، اول ما تلفون مع الشارع بيجيكم اشارة تحت الجسر الخاص بالقطار الكهربائي ، بعد ما تتعدون الاشارة المرورية بحوالي 3 كيلومتر بيجيكم اشاره ثانية ، لفو معها يمين على شارع امبيريال ( Imperial St ) ( بتلاحضون عند التقاطع على يمينكم نهائة حديقة السنترال) -) اثنا مشيكم على شارع امبيريال بتلاحضون حديقة السنترال ، بعد كذا بتجيكم اشارة مرورية ، تعدو الاشارة و خلوكم ماشين في طريقكم نفسة ، شارع الامبيريال اللي انتم علية بيتغير اسمه الي شارع 49 شرق ( E 49 St ). و انتم على الشارع بتلاحضون انه ينحني بشكل بسيط نحو اليمين ، استمرو في المشي علية. -) استمرو في مشيكم على الشارع نفسة الين تجيكم اشارة مرورية على تقاطع شارع 49 شرق مع شارع مين ( Main St ). قبل ما توصولون للتقاطع هذا بتكونون تجاوزتو حوالي 5 اشارات مرورية من اخر اشارة ذكرتها لكم ( طبعاً هذا ما يشمل الاشارات المرورية الخاصة بالمشاة. عند اشارة شارع مين لفو يمين. -) امشو على شارع مين الين تجيكم اشارة مرورية على تقاطع شارع 41 شرق ، تعدو الاشارة هذي الين تجيكم اشارة شارع 33 شرق ، عند الاشارة هذي لفو يسار ، و بكذا تكونون وصلتو لمنتزة الملكة الزبيث. اذا دخلتو المنتزة امشو الين تجيكم مواقف السيارات ، في داخل المنتزة بتطير عقولكم من جمالة الخلاب ، فية حدايق زهور منتم شايفين زيها في عمركم كله ، و بحيرة ماء مليانة طيور من كل الاشكال و الانواع. في قلب المنتزة جبل عالي مليان اشجار من كل شكل ، اذا حبيتو امشو مع الممرات الخاصة بالمشاة و اصعدو الجبل الي قمته ، الجبل هو اعلى نقطه في الجزء الغربي و الشرقي لمدينة فانكوفير ، اذا صعدتو الي قمة الجبل بتقدرون تشوفون اغلب اجزاء فانكوفير. المنتزة فيه كل انواع الاشجار و النبتات و الزهور اللي تنمو في جميع ارجاء كندا. لا تنسون تصورون كثر ما تقدرون لاني متاكد انكم منتم ناسين اي شي تشوفونه. ايضاً في داخل المنتزه يوجد مبني كبير على شكل قبة زجاجية ، روحو للقبة و ادفعو دولار واحد للشخص و تمشو بين الاشجار و الطيور ، القبة هذب في داخلها اشجار و نباتات و زهور ما تنمو الا في المناطق الاستوائة ، عشان كذا بتلاحضون الرطوبة و الحراره العالية شوي داخل المبني هذا. عند باب المبني الزجاجي و حوالية بتلقون ناس يبيعون التحف المنوعة و بتلقون ناس قاعدين اذا حبيتو ممكن يرسمون لكم اشكالكم بالاقلام الرصاصية في خلال 10 دقايق. التمشية داخل المنتزة بتاخذ منكم حدود 4 ساعات ، بعد كذا ممكن تروحون للمطعم الموجود في المنتزه و تستريحون و اذا كنتم جوعانين ممكن تتغدون فية. اذا كان الجو زين ولا فيه امطار احرصو انكم في المطعم تجلسون في البلكونة اللي تطل على المنتزة ، بتدخلون في جو رومنسي ما فية زيه و بتدعون للي. بعد كل التمشية هذي اكيد بتكونون تعبتو ، ممكن ترجعون للفندق و ترتاحون. اما اذا فيكم حيل تتمشون زود ممكن تروحون لم سوق اوكريج ( Oakridge Centre ). السوق يتكون من دورين و فيه حدود 150 محل ، السوق صغير مقارنه بالمترو تاون ، لكن فيه شي ماهو في سوق الميترو تاون ، فيه محلات مجهورات و تحف من البلور تاخذ العقل ، انا ما عمري شفت على كثر ما ادور اسواق المجوهرات شي زي الي شفته في السوق هذا. يا ناس عندهم مجوهرات خيال ولا في الاحلام ، ولا تحف البلور و الزجاج يافيها تفنن ماهو في الدنيا هذي. اهم شي و انتم في السوق لا تنسون تشترون الفشار اللي بمذاقات مختلفة ، و ركزو على الفشار الحار. ( يتبــــــــع ) |
بسم الله والحمدلله والصلاة والسلام على رسول الله جزاك الله كل خير على هذه المعلومات المفيدة يستحق موضوعك ان يثبت ونسخة لمفضلة عالم السياحة والسفر عند اكتماله بارك الله بك على هذا الجهد المميز تحيتي ومودتي |
تقوى الله هلا والله بمشرفتنا الغالية اشكرك على الثقة الغالية في تثبيت الموضوع. و ان شاءالله يعجبك الموضوع مع نهايتة لكي اجمل تحية |
اليوم الخامس من الوصول لفانكوفر اليوم اباخذكم معي في مشوار طويل شوي ، بس يستأهل. بعد ما تفطرون في الفندق أو في احد المطاعم القريبة منه و اللي ذكرتها من قبل ، جهزوا نفسكم ولا تنسون الكمرة حقتكم و امشوا معي: جسر كابيلانو المعلق Capilano Suspension Bridge من أول ما تبدون تمشون على شارع ويلنقدون بإيجيكم 4 إشارات مرورية ( هذا ما يشمل اشارات المشاة) ، بعد الإشارة الرابعة بإيجيكم جسر و تحته طرق سريع ، لفو يسار و امشوا مع الطريق السريع هذا. ابتلو ماشين مع الخط السريع ، الخط السريع بيمشي بكم فوق جسر البوندري اللي يعبر فوق مضيق خليج فانكوفر ، و بتشوفون البحر على يمينكم و يساركم ، بعد ما تعبرون الجسر بيبدا الخط بالصعود على شكل خفيف ، استمروا بالمشي علية. و انتم على الخط بإيجيكم مخرج على اليمين يوديكم الي شارع كابيلانو (Capilano Rd) اطلعوا مع المخرج و ابدوا في السير على شارع كابيلانو ، الخط بيبدا يصعد جبل بشكل واضح. و هو عبارة عن جسر خشبي معلق بين قمتي جبلين ، الجسر مثبت بوايرات حديدية سميكة و أرضيته مصنوعة من ألواح خشبية. الجسر يعد واحد من اهو المعالم السياحية في فانكوفر. من على ظهر الجسر الشخص بيشوف نهر كابيلانو أسفله و هو على ارتفاع ما يقارب 200 متر ، بالإضافة إلي النهر و من على ظهر الجسر بتشوفون الأشجار الخضراء المنتشرة في كل محل و الغابات الكثيفة. عبور الجسر ممكن يكون مخيف شوي لأصحاب القلوب الرهيفة ( الخوافين) لأنه يبدأ يتحرك و يهتز على خفيف لمن تمشون عليه ، لكن إذا قدرتو تمشون إلي نهاية الجسر و وصلتو للطرف الأخر ، فالمكافاءه اللي تنتظركم هي غابات مطرية في منتها الروعة و الجمال. أيضا يوجد في منتزه الجسر محل تحف عنده أشيا بصراحة تأخذ العقل من المنحوتات الخشبية و الفخار و الزجاج الملون ، لا تفوتكم البلورات الزجاجية اللي على شكل بطة ، و تكفون اللي يروح للجسر يشتري لي وحده لان نفسي فيها الي ألان ( إنا كنت شريت وحده و للأسف ضاعت مع عفشي على الخطوط السعودية). بس تراها غالية شوي ، يعني في حدود 200 إلي 900 دولار. لمن توصلون للطرف الثاني من الجسر و تدخلون جوا الغابات المطرية ، بتحصلون جسور معلقة صغيرة ممدودة بين رؤؤس الأشجار الطويلة ، فيه زى الدرج تطلعكم للجسور هذي ، و إذا مشيتو فوقها يتكونون فوق رؤؤس الأشجار و بتشوفون الغابات أسفل منكم على ارتفاع يقارب 30 متر. المشي من فوق الجسور هذي و بكل بساطة بيأخذ أنفاسكم. إذا حبيتو تتغدون او تأكلون لكم شي خفيف في المنتزه ، مرو على احد المطعمين الموجودة فيه. و ترا الدخول للمنتزه حق الجسر بحدود 5 دولار. جبل قروس Grouse Mountain بعد ما تنتهون من التجول في جسر كابيلانو ، اركبوا سيارتكم و توجهوا الي جبل قروس ، الجبل قريب من موقع جسر كابيلانو و على امتداد نفس الخط ، استمروا في السير الين يتهي الخط بتجيكم مواقف سيارات ، وقفو فيها و روحوا لم مكتب تذاكر التلفريك ، تذكرة التلفريك حدود 30 دولار كندي. الرحلة على التلفريك تستغرق حدود 15 دقيقة ، و من ظهر عربة التلفريك بتشوفون اغلب أجزاء مدينة فانكوفر بتشوفون البحر و بتشوفون الأنهار و البحيرات ، باختصار ال 15 دقيقة هذي بتكون رحلة العمر. عندما توصلون إلي قمة جبل قروس بتحصلون مجموعة من المحلات اللي تبيع التحف و الملابس بالإضافة إلي المطاعم. الجبل هو مخصص في الأصل للتزلج ، لذلك بتلاحظون ان فيه قمة ثانية صغيرة و جميع الأشجار المؤدية اليها مقطوعة و مزالة من الطريق. لكن لأنكم بتروحون للجبل في الصيف منتم محصلين ثلج ، لكن جمال الطبيعة في اعلى الجبل بالإضافة للمناظر لجميع المناطق المحيطة به و اللي تشوفونها من إطراف الجبل قمة في الروعة. و ممكن الواحد يمشي و يصعد الي قمة الثانية الموجودة على الجبل ، او تركبون ما يشبه الزلاجات اللي ترفعكم الي القمة هذي. و لمحبي المغامرة ممكن إنكم تأخذون رحلة على الهيلكبتر الموجودة في الجبل ، الهيلكبتر بتلفبكم على القمة و الوديان المجاورة لها بالإضافة إلي اغلب أجزاء شمال فانكوفر. و في طريق العودة من الجبل للفندق ممكن إنكم تتعشون في اي مطعم على الطريق او في احد المطاعم القريبة منه . بكذا نكون انتهينا من اليوم الخامس للرحلة. ( اذا لم تظهر بعض الصور اعيدو تحديث الصفحة او قوموا بوضع مؤشر الفارة على ألصوره ومن ثم اضغطوا الزر الأيمن للفارة و قوموا باختيار إظهار/مشاهدة ألصوره) ( يتبـــــــع ) |
الف شكر لك اخي الكريم
و زلمسي (النمسا) اجمل بمليون مرة كافي مسمينها.....جنه الله على الارض فعلا رمانسيه و رووووووووووووعه لشهر عسل واللي يروح لها يتمنى ما يرجع منها بس الرحله اليها مكلفه...... و شكل فانكوفر دخلت بالي...... الوعد بعطله الربيع ان شالله.... دوووووووت |
لا معليش اخوي دوت
لا تقول ان زلمسي اجمل من فانكوفر الين تروح فانكوفر و تشوفها و بعد ما تروح فانكوفر انا مستعد ابصم بالعشرة من الان انك بتنساء سويسرا و زلمسي للابد. مشكور على مشاركتك الكريمة في الموضوع لك اجمل تحية |
اخوي Esperanza
موضوع متشعب ماشاء الله عليك .. ولا بقيت لنا صور ننزلها :d لكن أنا قد تكلم لي واحد من الشباب عن قصه قد قراها في المنتديات ... ولما قابلته قبل فتره وقلت له إن فيه موضوع كاتبه واحد عن فانكوفر... قال بس Esperanza !! :11: ... قلت وش دراك .. قال هذا اللي له قصه في الفلبين .. لذلك عاد وقالي القصه من جديد .. لكن للأسف يقول إنك رفضت تكملها !!! :21: أنت شوقتني لها وترى إذا ماعلمتني .. يصكني راسي ويصدع ... :d حتى لو ترسل لي رساله خاصه .. أهم شي تكمل القصه |
شرح سرا
هلاو مرحبا بك انا مدري اي قصة اللي قال لك خويك اني ما كملتها. اذا كان قصدك الموضوع هذا ، فالموضوع كامل و جاهز عندي بس انا قاعد انزله جزء جزء. اما اذا كان قصدك موضوع الفلبين فنا ايضاً كملته و اذا حصل لي فرصة نزلته في المنتدى هذا. لك الشكر و التحية |
اليوم السادس من الوصول لفانكوفير اليوم ابيكم تصحون بدري ، يعني حدود الساعة 8 الصباح لان وراكم مشوار طويل شوي ، اهم شي تاخذون معكم شوية ملابس لانكم اذا حبيتو ممكن تمرحون لمدة ليلة وحده في المكان اللي بوديكم لمة. بحيرة هيرسون Harrison Lake البحيرة هذي تبعد عن الفندق حوالي 130 كم و مشوارها حوالي ساعة و نصف بالسيارة ، طبعاً مسافة 130 كم ما تحتاج للمده هذي كلها لو انكم في السعودية و تمشون بسرعة على الخط ، لكن لان اقصي سرعة على الخط السريع اللي بتمشون عليه للبحيرة هو 90 كم في الساعة ، فالمدة تقريباً مناسبة. ولا تفكرون تتعدون السرعة هذي ولا صادتكم الشرطة و غرمتكم. بالنسبة للفطور لا تشيلون هم ، على الخط الكثير من المطاعم اللي ممكن توقفون في واحد منها و تفطرون فيه. اتبعو الخط الازرق من الفندق الي الخط السريع و سمة كندا هاوي ( ترا الطريق للخط السريع هو نفس الطريق اللي اختوه لمن رحتو لم شمال فانكوفير و الجسر المعلق) ، لمن توصلون للخط السريع روحو يمين ( اليسار يودي الي شمال فانكوفير). الطريق للبحيرة بيمر على قريتين هم ابتسفورد ( Abbotsford) و شيلواك (Chiliwack) ، البحيرة هي من اجمل الاماكن اللي انا زرتها في فانكوفير ، البحيره لمن توصلون لها بيبدو شكلها صغير من الشاطي حقها ، لكن اول ما تستأجرون قارب و تبدون تتجولون فيه على ضفافها و بين الجبال المحيطه بها بتلاحضون انها كبيره بالفعل. في وسط البحيرة جزيرة اسمها جزيرة ايكو (Echo Island) و معناها بالعربي جزيرة الصدى و سميت بالاسم هذا بسب ارتداد الاصوات من على جانبها الغربي المقابل للجبال. البحيرة بحجمها الكبير و البالغ حوالي 70 كم تخترق الجبال المحيطه بها من اكثر من اتجاه. المياه في غالبها ماهي عميقة ولكن في بعض الاحيان يوصل عمقها الي اكثر من 1000 متر. لمن توصلون للقرية اللي تطل على البحيرة ممكن انكم تمضون يومكم فيها و تتمتعون بالتجول على شاطئ البحيرة و تستاجرون لكم قارب و تسوقونه بنفسكم في ارجاها الكبيرة. بالاضافة للبحيرة ، يوجد في القرية ينابيع ماء حار من البحيرة نفسها تنفع للاسترخاء بالذات للي عضامه توجعه. و ايضاً بالقرب من البحيرة على الخط السريع القادم من فانكوفير فيه شلالات في منتها الجمال و الروعة اسمها شلالات براديل فال (Bridal Veil Falls). ممكن انكم تجيبون معكم لحمكم و فحمكم و تشوون عند البحيرة او ممكن تتغدون في المطاعم الكثيرة المحيطة فيها. اذا حبيتو تمرحون في منطقة البحيرة و تتمشون فيها زياده في اليوم الثاني فيه عدة خيارات للسكن. فيه شاليهات على جوانب البحيرة في وسط الغابات المحيطه فيها في منتها الجمال في منتجع شاطئ ايكو (Echo Beach Resort) الشالية يكلف في حدود 280 دولار كندي. اذا كنتم تبون تسكنون فيه اتصلو عليهم و احجزو احد شاليهاتهم ، و هذا رقم تلفونهم: و الخيار الثاني هو انكم تسكنون في فندق بنقلو (Bungalow Motel). و سعر الغرفة عندهم في حدود 80 دولار كندي ، ميزت الفندق هذا انه يتبع لشركة ، تنضم رحلات سياحية في المنطقة. اذا كنتم تبون تطلعون في احد رحلاتهم السياحية ، اتصلو على الرقم التالي و احجزو معهم: بالنسبة للرحلات السياحية اللي هم ينضمونها في منطقة بحيرة هيرسون فهي تنطلق من الفندق الساعة 9 صباحاً و تكلفة التمشية هي 75 دولار كندي للشخص و هذا المبلغ يشمل الغداء. ( يتبــــــــــــع ) |
السلام عليكم Esperanza
أنا في كندا للدراسه لكن راح اروح تورنتو كاجازه اسبوع وين تنصحني اروح؟ |
يحرر من التثبيت مع التحية والشكر الكبير لكِ اختي على هذا المجهود الطيب والمميز والمفيد ونسخة للمفضلة تحيتي واحترامي |
أنا أقصد موضوع الفلبين .. يقول نهاية القصه ماكملتها
|
شكرا على الرحله الجميله والحلوة
ونتمنى لك رحلات اكثر حتى تنقل لنا انطبعاتك ورايك فيها خالص تحياتى |
رحلة جميلة وممتعة
بس ممكن تخبرنا عن Dawson إذا كنت سمعت عنها شيء او تعرفها او اي معلومات وبالنسبة للتعامل مع الكنديين بصفة عامة ايش هو انطباعك عنهم ؟ خاصة اذا كان السائح عربي ؟ في انتظار اجابتك |
مشكور اخوي
لكن بسألك هل يوجد مساجد قريبة من الاماكن التي ذكرتها؟؟ |
موضوع شيق أكمل شوقتنا كثير .
|
اخي اسبرانزا
قرأت موضوعك في الاقلاع وهنا وجدددددددددددددددا اعجبت بهذه المدينه واول مره اسمع عنها بانها من اجمل المدن وياليت اقدر اروح لها |
فدن هلا اخوي بالنسبة لتورانتو فنا ما عندي فكرة عنها. بس اشهر شي فيها هو شلالات نياقرا تقوى الله مشكورة يا مشرفتنا على التثبيت شرحك سرا لا موضوع الفلبين كملت اللي انا اقدر اكتبه على النت احمد شوبير لا شكر على واجب ريما الجديدة الحقيقة ما اعرف المدينة هذي بالنسبة للشعل الكندي فهو اكثر شب انا تعاملت معه احترام و ذوق مع الكل الغرسي فيه حدود 7 مساجد في فانكوفر كلي إحساس انشاءاله اكمل الموضوع للنهائية ايلاف فانكوفر تم تصنيفها على مستوا العالم و للعام السادس على التوالي كافضل مدينة للعيش و للاقامة لكم الشكر و التحية |
السلام عليكم ورحمة الله اليوم الثامن ، التاسع و العاشر من الوصول الي فانكوفير الان و بعد ما سكنتو في وسط فانكوفير (الداون تاون) و لان الداون تاون فيها الكثير من الاماكم السياحية و المطاعم و الاسواق ، فنا بذكره كلها لكم بدون توزيع او ترتيب و انتم خططو بانفسكم الترتيب اللي بتروحون فيه للمحلات هذي.. http://www.myshatha.com/Vacouver/air/007.jpg http://www.myshatha.com/Vacouver/air/010.jpg http://www.50005000.com/Honeymoon/111.jpg هذي بعض الصور لوسط مدينة فانكوفر ( الداون تاون)، مع ملاحضة ان الفندق اللي انتم فيه بيكون في الصوره الاخيره حسب ماهو موضح. منتزه ستانلي Stanley Park http://www.50005000.com/Honeymoon/112.jpg http://www.50005000.com/Honeymoon/113.jpg الخط الازرق هو للطريق من الفندق الي المنتزه ، الطريق سهل و واضح ، اذا طلعتو من الفندق و خليتوه على يمينكم و مشيتو على طول بيوقف الخط و يلف يمين ، انتم لفو يمين و بكذا بتكونون على طريق بورارد (Burrard) ، امشو على طريق بورارد الين يجيكم تقاطع شارع بيندر الغربي (W Pender st) لمن توصلون التقاطع هذا ممكن تلفون معه يمين و تمشون عليه الين يلتقي مع شارع جورجا الغربي (W Georgia st) الين توصلون للمنتزه ، او بامكانكم و نتم على شارع بورارد تمشون الين تقاطع جورجا و تلفون معه يمين و تمشون على طول الين يجيكم المنتزه. انتبهو اذا قربتو من المنتزه انكم ما تنسون تلفون يمين مع مدخل المنتزه (بيجيكن لوحه مكتوب عليها اسم المنتزه و على اللوحه سهم بتجاهه) لانكم اذا نسيتو تلفون بتكونون على الطريق الي يعبربكم فوق جسر الاسد الي شمال فانكوفير. المنتزه هذا انا تكلمت عنه بتوسع و حطيت له الكثير من الصور في موضوع (اشتقت لكي يا فانكوفير) لذلك انا بكتفي بكم صوره له و بشرح بسيط. المنتزه لا يبعد عن فندق البان باسيفك اللي انتم فيه الا مسافة قصيره و ممكن توصلون له سير على الاقدام او بالسياره اذا كنتم استأجرتو سياره. المنتزه هذا هو الاكبر في مقاطعة برتش كلومبيا و الاجمل ، اذا وصلتو للمنتزه و نويتو تلفونه كله فنتم محتاجين على الاقل نصف يوم ، عشان كذا اطلعو له من بدري ، و انتم في المنتزه ممكن تركبون في العربات اللي تجرها الخيول او الباصات السياحية اللي تلف ابكم فيه ، انا افضل انكم تمشون على رجليكم داخل المنتزه ، صحيح ان الشي هذا بيكون متعب شوي و بيستغرق وقت اطول بس بالطريقة هذي بتشوفون كل شي و بتتمتعون بالجوله هذي ، المنتزه فيه عدد من المطاعم و ممكن تاكلون فيها و فيه ايضاً عدد من المحلات اللي تبيع التحف اذا كان ودكم تشترون لكم تذكار من المنتزه. لا تستغربون و انتم تمشون في المنتزه انكم تشوفون الكثير من الحيوانات الطليقة اللي تتمشاء فيه ، ترا ما منها اذية اذا انتم ما حاولتم تقربون منها. ولا تنسون و نتم في المنتزه تركبون القطار الصغير اللي يلفكم داخل المنتزه. http://www.myshatha.com/Vacouver/air/001.jpg http://www.myshatha.com/Vacouver/air/003.jpg http://www.myshatha.com/Vacouver/air/004.jpg http://www.50005000.com/Honeymoon/137.jpg http://www.50005000.com/Honeymoon/115.jpg http://www.50005000.com/Honeymoon/116.jpg هذي بعض الصور للمنتزه من الجو و الارض - مركز عالم الحياة البحرية - Vancouver Aquarium Marine Science Centre http://www.50005000.com/Honeymoon/117.jpg http://www.50005000.com/Honeymoon/118.jpg http://www.50005000.com/Honeymoon/119.jpg الخط الازرق هو الطريق من الفندق لعالم البحار، هو نفس الطريق الي منتزه ستانلي لكن الفرق انكم اذا وصلتو الي تقاطع شارع دينمن (Denman St) و انتبهو للتقاطع هذا لانه صعب رؤيته و يكون في العاده ممنوع انك تلف يسار من على شارع جورجا الي شارع دنمن ما بين الساعة 3 الي 6 مساً ، بعد ما تكونون على شارع دنمن لفو يمين مع اول تقاطع يجيكم اللي هو شارع البني (Albeini St) و امشو مع الشارع الين يجيكم مركز عالم البحر على نهاية الشارع على يساركم. في هذا المركز سوف تشاهدون مختلف انواع الحياة البحرية و تتمتعون بالتفرج على عروض الحيتان و الدلافين (لا تفوتون عروض الحيتان البيض ، وجيها مملوحة). المركز من بدايه اليوم الي ان يغلق فيه العديد من العروض المقدمة من ادارة المركز مثل: عروض حيتان البلوقا (الحيتان البيض) عروض اسماك الدلفين مشاهده اطعام الاسماك مشاهده اطعام اسماك القرش عروض الحيتان المركز يفتح من الساعة 9:30 صباحاً الي الساعة 7 مساً . تكلفة الدخول للشخص البالغ هي 17.50 دولار. و لمن عمرهم بين 13 و 18 تكون التكلفة 12.95 و للاطفال 9.95 بامكانكم مشاهده عرض D3 للمركز من الخارج والداخل عبر هذا الرابط: (انتضرو حتي يتم تحميل العرض بالكامل و من ثم تضهر لكم شاشة صغيره و جمبها خريطة ، الخريطة عليها نجوم ذهبية كل نجمة لمنطقة مختلفة من المركز ، اذا ضغطتو على النجمة بتشوفو فيها عرض يختلف. التحميل حسب سرعة الانترنت عندكم بيستغرق حدود 5 دقايق). http://www.vanaqua.org/tourflash/interface.html اما اذا حبتو تشوفون افلام للمركز ، فضغطو على الروابط التالية و شوفوها مباشره. الرابط التالي حجمه 10941 ميقاء و هو عالي الوضوح بستخدام الكويك تايم (Quicktime ) ، و يفضل للي عندهم دي اس ال. http://www.vanaqua.org/visit_us/vide..._tour_LgQ.html اما الرابط هذا فهو لنفس الفلم السابق و بنفس مشغل الكويك تايم ولكن وضوحة اقل (شاشة صغيره)، حجم الملف 995 كيلوبايت. http://www.vanaqua.org/visit_us/vide..._tour_SmQ.html اما اذا ما كان عندكم برنامج تشغيل الكويك تايم فممكن تشوفون الفلم عن طريق الريل بلير حق الوندوز (Windows Media Player) ، حجم الملف 8072 ميقا. http://www.vanaqua.org/visit_us/vide..._tour_LgW.html و هذا نفس الفلم السابق بستخدام الريل بلير ولكن بوضوح اقل ، حجم الملف 884 كيلو بايت. http://www.vanaqua.org/visit_us/vide..._tour_SmW.html بعد ما تنتهون من التجول في المركز ممكن انكم تتناولون وجبة خفيفة في في احد الكفيهات الاثنين الموجوده في المركز. ( يتبــــــــــــــع) |
عالم العلوم Science World http://www.50005000.com/Honeymoon/138.jpg الخط الازرق هو الطريق من الفندق الي عالم العلوم http://www.50005000.com/Honeymoon/139.jpg هذي صوره لمدخل مبنى عالم العلوم عالم العلوم هو مركز يحتوي على احدث ما توصلت اليه التكنلوجيا مع عدد من العروض التكنلوجية و العلمية و الالعاب المتعدده. و عن طريق الرابط التالي ممكن تشوفون فلم لعالم العلوم: http://www.scienceworld.bc.ca/genera...video_tour.htm ساعات العمل هي : من الاثنين الي الجمعة من الساعة 10 صباحاً الي السالعة 5 مساًً. ايام السبت و الاحد من الساعة 10 صباحاً الي الساعة 6 مساً. تكلفة الدخول لعالم العلوم هي : 19 سنة و ما فوق و التمتع بكل اجزاء المعرض 18.75 دولار اقل من 19 سنة 14.50 دولار. بالاضافة الي عروض التكنلوجيا المختلفة فان عالم العلوم لديه ما يشبة صالة السينما الكبيره و التي تحتوي على واحده من اكبر الشاشات في العالم و التي ان شغلت سوف تجعلك تشعر و كانك في داخلها. العروض في المعرض و بالذات المتعلقة بالتكنلوجيا و العلوم لا حصر لها ، اذهبو لعالم العلوم و سوف بكل تاكيد تستمتعون بالمكان. و طبعاً اذا حبيتو تاكلون ففيه كم مطعم في المعرض. سينما سي ان ايماكس CN Imax Theatre و فيها يتم عرض افلام على شاشات كبيره ، الافلام افتراضية و المقصود منها ان تعايشها حتي ان غرفة السينما و الكراسي تتحرك مع الفلم لتعيش في داخله بحق. طبعن اوقات عرض كل فلم و سعره يختلف لذلك انتم ممكن تتصلون عليهم و تاخذون المعلومات اللي انتم تونها: تلفونهم المجاني من داخل كندا : 18005824629 و التلفون الغير مجاني هو: 6046822384 و موقعهم هو في الكندا بليس ، في نفس مبني الفندق اللي انتم فيه. قرية الغاز Gastown http://www.50005000.com/Honeymoon/125.jpg الخط الازرق هو الطريق لقرية الغاز وهي تعتبر اقدم منطقة في فانكوفير ، فيها ساعة تشتغل على البخار ومجموعة كبيرة من المطاعم والمحلات الي تبيع التحف والهدايا الكندية . الشارع دايم مليان سياح و التجول فيه ممتع. http://www.50005000.com/Honeymoon/127.jpg http://www.50005000.com/Honeymoon/128.jpg صور من قرية الغاز اما اذ احبيتو تتسوقون في الداون تاون فعندكم سوق البان بسيفك (Pacific Centre ) http://www.50005000.com/Honeymoon/129.jpg السوق موجود على تقاطع شارع هو (Howe) و شارع جورجا ، اطلعو من الفندق و خلوه على يساركم ، الخط يلف اجباري يسار ، و هذا هو شارع هو ، امشو على طول مع الشارع الين يجيكم السوع على يساركم عند تقاطع شارع جورجا. و يعتبر ثاني اكبر سوق في فانكوفير ، يتكون السوق من حوالي 200 محل موزعة على 3 ادوار ، افضل مافيه سوق ايتون الموجود على طرفه الشمالي ، سوق ايتون هذا عندهم ماركات ملابس خياليه ما تلقاها في اي سوق ثاني في فانكوفير.. السوق جمبه مجموعه من الفنادق و الاسواق الاخري ، طبعاً اشهر فندق جمبه هو فندق الفور سيسونز. http://www.50005000.com/Honeymoon/130.jpg http://www.50005000.com/Honeymoon/131.jpg http://www.50005000.com/Honeymoon/132.jpg و عندكم ايضاً الاسواق و المحلات الموجوده على الشارع السياحي الاول في فانكوفير ، شارع روبسن (Robson) ، في الشارع هذا بتلقون الكثير من المحلات و الماركات العالمية بالاضافة الي الكثير من المطاعم. http://www.50005000.com/Honeymoon/140.jpg http://www.50005000.com/Honeymoon/141.jpg http://www.50005000.com/Honeymoon/142.jpg صور من شارع روبسون. و فيه في الداون تاون اماكن كثيره غير هذي ، فعلى سبيا المثال فيه جزيرة غراندفيل (هذي تكلمت عنها في موضوع اشتقت لكي يا فانكوفير) و فيه الحى الصيني و الكثير غيره.. مطاعم الداون تاون: 1) مطعم جو فورتيز (Joe Fortes) ويقدم تشكيلة من الاكل البحري والايطالي وانواع المشويات المختلفة. اكلهم رايييق. المطعم موجودعند تقاطع شارع روبسون و شارع ثرلو (Thurlow). http://www.50005000.com/Honeymoon/133.jpg اتبعو الخط الازرق من الفندق للمطعم. 2) مطعم نرفانا (Nirvana Restaurant ) ويقدم ماكولات هندية رائعة ولازم تجرب. المطعم موجود في قرية الغاز. 3) مطعم مصنع المكرونة (The Old Spaghetti Factory ) مطعم اكلة ايضاً رائع من الاكل الايطالي والغربي. المطعم موجود ايضاً في قرية الغاز. 4) مطعم ستيبوز (Stepho's ) و هو مطعم يوناني اكلهم يهبل و له طعم و مذاق خاص، طبعن اللي يعرف الاكل اليوناني يعرف انه قريب من العربي ، ولكن بالطريقة اليونانية. المطعم دايم مزحوم عشان كذا انصحكم تحجزون فيه طالوه قبل ما تروحون له. و هذا رقم تلفونه: 6046832555 http://www.50005000.com/Honeymoon/134.jpg اتبعو الخط الازرق من الفندق للمطعم ، اذا طلعتو من الفندق خذو طريق بوردارد و امشو على طول عليه الين يجيكم تقاطع طريق ديفي ، لفو يمين من عند ديفي ، امشو على ديفي الين تجيكم اول اشاره ، بعد الاشاره هذي بيجيكم المطعم على اليسار ، ترا المطعم مو واضح اذا ما تعرفونه ، لكن تراه مباشره قطع الشارع من صيدلية كبيره اسمها درق مارت (Drug mart). 5) مطعم اندايلس (Andale's) و يقدم ماكولات مكسيكية و اسبانية. اللي يحب الاكل المكسيكي مثلي لا يفوت المطعم هذا. http://www.50005000.com/Honeymoon/135.jpg http://www.50005000.com/Honeymoon/136.jpg اطلعو من الفندق و خذو شارع بورارد و اتبعو الخط الازرق ، بتمشون مسافى في حدود 15 دقيقة بتعدون خلالها جر بورارد الين توصلون الي تقاطع شارع برودواي ( Broadway) لفو يمين عند التقاطع ، عند ثالث لفة على اليمين بيجيكم المطعم. و بكذا نكون خلصنا اليوم الثامن التاسع و العاشر من رحلة فانكوفير (يتبــــــــــع) |
السلام عليكم ورحمة الله اليوم الحادي عشر من الوصول لفانكوفر اليوم بوديكم لم مكان مختلف و بعيد شوي بس انشاءالله يستاهل مشواره ، اطلعو من الفندق حدود الساعة 10 الصباح ولا تنسون تفطرون. حديقة حيوانات فانكوفر Vancouver Zoo الحديقة تقع خارج فانكوفر على بعد 55 كيلو على طريق كندا السريع و هو نفس الطريق المؤدي الي بحيرة هيرسون. الحديقة كبيره و يوجد فيها العديد من الحيوانات بالإضافة الي مناطق لعب للأطفال و دور سينما صغير يعرض افلام تتعلق بالحونات الموجوده في الحديقة. عندما توصلون للحديقة ممكن انكم تتجولون فيها على رجليكم او تركبون احد القطارات الموجودة في الحديقة و تتجولون فيها مع شرح من دليلكم على القطار ، او ممكن تستأجرون عربات هوائية تتسع لشخصين او أربعة ( سعر عربت الشخصين 15 دولار في الساعة ، و الاربعة اشخاص 25 دولار في الساعة) الحديقة يوجد فيها محل يبيع الهدايا التذكارية و التحف و هو نفس المكان اللي تستأجرون منه العربات الهوائية. أيضا في الحديقة محلات تبيع بعض الاكلات السريعة اذا جعتو و حبيتو تاكلون. و اهم شي انكم ما تفوتون التفرج على اطعام الاسود و النمور من قبل موظفي الحديقة عند الساعة 1 ظهراً من كل يوم. أوقات عمل الحديقة: من الساعة 9 صباحً الي الساعة 7 مساً سعر الدخول للحديقة هو : 13 دولار لمن فوق 16 سنة 10 دولار لمن هم اصغر من ذلك. http://www.50005000.com/Honeymoon/143.jpg الخط الأزرق هو الطريق من الفندق الي الحديقة. http://www.50005000.com/Honeymoon/144.jpg اطلعو من الفندق و خلوه على يساركم بعد ما يلف الشارع اجباري لليمين بيجيكم تقاطع شارع هيستنق ، لفو معه يسار و امشو على طول. http://www.50005000.com/Honeymoon/145.jpg بتكونون مشيتو على شارع هيستنق حدود 20 دقيقة و تكونون عديتو 6 تقاطعات رئيسية ، بيجيكم عند اخر تقاطع شارع رينفرو (Renfrew) ، لفو عن التقاطع هذا يسار. http://www.50005000.com/Honeymoon/146.jpg اول اشاره و تقاطع يجيكم بعد ما تلفون يسار لفو معها يمين ، الشارع اللي بتلفون معه اسمه شارع ووأل (Wall) ، امشو مع الشارع هذا الين يجيكم مخرج على طريق كندا السريع (Canada Hwy) على يمكينكم ، اطلعو على طريق كندا و امشو على طول. http://www.50005000.com/Honeymoon/147.jpg http://www.50005000.com/Honeymoon/148.jpg بتكونون مشيتو حوالي 30 دقيقة بعدين بيجيكم مخرج على اليمين لشارع رقم 264 (264th st) ، اطلعو مع المخرج هذا و امشو على طول بعدين بتجيكم حديقة الحيوانات عند اول ملف يمين. http://www.50005000.com/Honeymoon/149.jpg هذي خريطة حديقة الحيوانات. http://www.50005000.com/Honeymoon/150.jpg هذا القطار اللي يمشيكم في الحديقة. http://www.50005000.com/Honeymoon/151.jpg هذي ساحة لعب للاطفال في الحديقة. http://www.50005000.com/Honeymoon/153.jpg http://www.50005000.com/Honeymoon/154.jpg هذي العربات الهواية http://www.50005000.com/Honeymoon/155.jpg http://www.50005000.com/Honeymoon/156.jpg http://www.50005000.com/Honeymoon/157.jpg http://www.50005000.com/Honeymoon/158.jpg http://www.50005000.com/Honeymoon/159.jpg http://www.50005000.com/Honeymoon/160.jpg http://www.50005000.com/Honeymoon/161.jpg http://www.50005000.com/Honeymoon/162.jpg http://www.50005000.com/Honeymoon/163.jpg http://www.50005000.com/Honeymoon/164.jpg هذي صور متفرقة لحيوانات الحديقة انا اتوقع انكم تقعدون في حديقة الحيوانات حدود 4 ساعات و بعدين ترجعون ، يعني بتكون الساعة حدود 4 ، و بتوصلو الفندق حدود الساعة 5. اذا وصلتو للفندق ريحو لكم حدود ساعتين او ثلاث بعدين اطلعو و تعالو معي لم محل بتتفرجون منه على وسط مدينة فانكوفر و المناطق المحيطه بها. برج مركز هاربور Harbour Centre Tower اعلى نقطة في البرج تبلغ حدود 200 متر و فيها مطعم و مكامن للتمتع بمشاهده اغلب مناطق وسط فانكوفر و المناطق المحيطة بها. البرج مفتوح للزوار بين الساعة 8:30 صباحاً الي الساعة 10:30 مساً الدخول للبرج يكلف مبلغ 10 دولار للبالغين. و 7 دولا للصغار. http://www.50005000.com/Honeymoon/165.jpg هذي صوره للبرج بالليل http://www.50005000.com/Honeymoon/166.jpg الصورة هذي توضح موقع البرج و موقع الفندق ، لاحظوا انه قريب من الفندق و اكيد انكم شفتوه و لاحظتوه. http://www.50005000.com/Honeymoon/167.jpg http://www.50005000.com/Honeymoon/168.jpg http://www.50005000.com/Honeymoon/169.jpg هذي بعض المناظر اللي ممكن تشوفونها من أعلى البرج. الرابط التالي فيه فلم لأعلى البرج من جوا. http://www.maxvr.com/tourism_vancouv...25&p=undefined بعد ما تخلصون من التفرج على فانكوفر من أعلى البرج ارجعو للفندق و تعشو في احد مطاعمه الكثيره ، وبعدين نامو بدري لان عندنا طلعه لم مكان ثاني بعد ما تصبحون. ( يتبـــــع ) |
| الساعة الآن 11:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©