|
ممكن معلومات عن البحرين والشرقيه
اهلا بكم اعزائي
اعزائي ان شاء الله الاسبوع الجاي بروح للدمام والخبر والبحرين 5 ايام ولقيت في هل المنتدي الرائع كل الاسواق والمجمعات بس للاسف مالقيت شاليهات والله تعبت وانا ابحث عن شاليهات ومنتجعات في الشرقيه ابي اعرف اسمائهم واذا احد يعرف اسعارهم بس للان مالقيت بعد ابي اعرف شنو في الشرقيه محلات عبي وملافي وفي اي مكان وياريت لاني اعشق رداء الفخامه والشرقيه فممكن اتفيدوني وبالنسبه للبحرين رحت للبندر وكان عادي فياريت اذا احد يعرف شاليهات غيره ادري اني عقدتكم بس ياريتكم اتساعدوني :17: :17: :17: |
معقوله ولا احد بس 5 زوار
يلي ميخالف الي يحط روابط راضيه انا مها قلب المنتدي النابض شفيكم طنشتوني راح ابكي ههههههههههههه |
أختي الكريمة.. قليل من الصبر وسأرى بإذن الله ما أستطيع أن أخدمك به.. حفظكِ الله.. |
مراقبتنا الكريمه الف الف شكر لمواساتي ههههههههههه
وانا بالانتظار يالغاليه |
يقول زائر للشرقيه..
إذا كنت تحب البحر فعليك بكورنيش الخبر وشواطئ نصف القمر الساحرة وشواطئ الجبيل الفاتنة ! وتقدر تروح المنتجعات السياحية على شواطئ نصف القمر ... مثل : منتجع الهوليدي ان منتجع شاطئ النخيل منتجع قرية الخليج وإن كنت تحب مناظر غابات النخيل و التراث فعليك بمدينة القطيف وبجزيرة تاروت .. حيث تشاهد النخيل على جانبي الطرقات .. وفي جزيرة تاروت تشاهد القدم و الآثار التاريخية لعصور ما قبل الميلاد ! وإذا كنت تحب الجبال و المغامرات ... فعليك بجبل القارة بالأحساء حيث تمارس مغامرة تسلق هذا الجبل العالي و الشهير ... وتدخل في مغامرة شيقة حيث تتجول داخل الجبل في مغارات ومداخل وكهوف لا تنتهي وحاول اكتشاف أعماقه الداخليه! ومن عجائب هذا الجبل ... أن داخله يكون بارد في فصل الصيف ، ودافئ في فصل الشتاء! وتحتاج لساعات طويله وانت تتجول داخله في الممرات الضيقة و الواسعة و الجميلة و المخيفة ...... إلخ ويقول آخر.. انصحك ان تزور مدينة الجبيل تبعد عن الدمام تقريبا 80 كيلو بها اماكن ترفيهيه جميله لك ولعائلتك وبها فنادق ويقول آخر.. مشكور على اختيارك الشرقيه لقضاء اجازتك فيها وبالنسبه اسعار الشاليهات فهناك الدمام اللي بطريق سيهات ب650 ريال غرفتين مع منافعها وعندك نصف القمر ب800 ريال والله يوفقك هذا وسأحاول أن أجد المزيد عنها وعن البحرين.. |
طيب المنتجعات الي ذكرتي شاطي النخيل وغيره شنو احلي واحد فيهم وكم اسعارهم وانا سمعت ايضا عن منتجع شاطي الغروب
ممكن معلومات اكثر لاني عارفه لو وداني زوجي وطلع اي شي مو نفس المدح الي راح امدحله والله لحصل زف ويمكن ايردني الكويت بعد فممكن توضيح لاني والله بحث في الانترنت ما لقيت الي ابي |
تروحين وترجعين بالسلامه ان شاء الله ...كذا بتخلينا نحاتيك تدرين فيني صفه مو زينه اجلس احاتي الي يسافر وبالذات اذا كان حبيب الى ان يرجع .... لاني في الاصل اخاف من شيئ اسمه طريق عموما وخلينا من الهذره الي مالها داعي اذا كان على ديرتي فياحلوها الشرقيه فيها اماكن كثير حلوه من الكورنيش الى المجمعات الواحه وخبر بلازا وفؤاد سنتر وجمعه سنتر وغيرو كثير............ الى المنتزهات وابرزها منتزه الملك فهد والقلعه وغيرها ... كثير بس يمكن هذا الي يحضرني والبقيه لن يقصر معك الاخوه والاخوات واذا كان على الشاليهات مشكله اعرفهم لكن ما اعرف اساميهم اكيد ما استفدتي بشيئ بس حبيت اخدم واذا كان على البحرين فأنا .......... ماراح اقول لان المراقبه رمانو راح تحذفها عشان كذا ماراح اقول شيئ فيها |
يا حياتي يا هنوده معقوله ديرتك وما تعرفين اسماء الشاليهات فيها
غريبه بس يا حياتي طريق السياره ولا ركبه الطياره لاني صج اخاف موت من الطياره وما احب اركبها يا هلا بمشاركتك يالغاليه وحضورك شرفني |
يا هلا فيك يا مها ، تشرفي الشرقية بحضورك
بما أن السؤال الحين على الشاليهات عندنا ففي مجموعة: 1- شاطيء الغروب - الدخول للاعضاء و ضيوفهم. 2- منتجع الهوليدي إن ـ شاليهات راقية جزء منها غرف فندقية و جزء شاليهات منفصلة. 3- قرية الخليج. 4- شاطيء النخيل. هذا اللي اتذكره الحين و إذا تذكرت مكان ثاني أرجع أرد عليك. تحياتي |
مراقبتنا الكريمه بارك الله والف شكر للمور والمشاركه
تحياتي |
هلا اختي مها
هي صدق البحرين مش ولا بد بس أكيد نستاهل زيارتج لنا ويا هلا ويا مرحبا فيج حبيبتي هذا الرابط تبع موضوعي عن البحرين و ان شاء الله يفيدج و ان شاء الله بحاول ابحث عن المزيد http://www.66n.com/forums/showthread...E1%CE%E1%ED%CC |
ايثار الف الف شكر علي الرابط وعلي المشاركه يالغاليه
بس بصراحه انا اموت في البحرين بس دائما زوجي يلح انا نقعد في الخبر يومين بس ابي الاماكن علشان اوافق لاني ودي قطر والبحرين بس اقنعوني بصراحه ما ودي اودي عيالي شاليهات البحرين لان هناك عادي المايوهات وغيره علشان شذي الح علي شاليهات الخبر والف الف شكر |
مرحبا الغاليه ليش ماتروحين جزيرة حوار في البحرين ؟ ترى وايد حلوه وتقدر تقعدين لج جم يوم
|
........ نعتذر منك يمنع وضع روابط خارجية SuperFadi1 |
معلومات اضافيه عن حوار
ويتم الحجز عبر الاتصال بالمكتب الرئيسي .. اتصلي على هاتف البداله 181 واطلب مكتب حجوزات حوار .. وينظم هذا المكتب رحلا بحريه للجزيره مع اقامه للمدة التي ترغبين فيها بالفندق الراقي او الشاليهات الجمليه المطله على البحر مباشره .. حوار جزيره جميله جدا وهادئه وتتميز بالحياه الفطريه الطبيعيه فيمكنك رؤية الغزلان تركض والطيور بأشكالها الجميله .. كما انها تحوي بركة سباحه كبيره بألعابيها المائية .. وعدة نشاطات ترفيهيه للأطفال والكبار وفي الليل ينظم الفندق حفلات خاصه بالصغار من مسرحيات والعاب وسابقات ونقس الحنا ورسم على الوجه وتوزيع الحلويات وكل ذلك بالمجان .. فعلا ان حوار جزيرة تستحق الزياره لجمالها وروعة مناظرها وبحرها النظيف .. و الاماكن اللي تستحق الزيارهIفي البحرين .. محميه العرين وهي عباره عن محميه طبيعه واسعة المساحه تضم مختلف انواع الحيوانات والطيور و النباتات و الرحلات تكون منظمة و جولات بالباص ومحمية العرين عباره عن حديقه جميله حدا وسعر تذكرة الدخول 1 دينار بحريني للشخص البالغ وتقع في منطقة الصخير .. وكذلك يمكنك زيارة متحف البحرين الوطني وبيت القرآن و ستسمتعون بتاريخ البحرين .. وكذلك هناك مفاجئات صيف البحرين .. وذللك في المجمعات التجاري مثل السيف ومجمع البحرين والدانه والعالي وكلها تقع في منطقه واحده وتسمى ضاحية السيف .. و يمكنك زيارة المعرض العالمي وهو عباره عن عدة دول مثل سوريا لبنان هند ايران باكستان مصر يمن كويت عمان الاردن الصين وكل هذه الدول تشارك ببيع منتوجات وبضائع وتتميزز برخص اسعارها .. ويقه هذا المعرض على ارض صالة البحرين للمعارض .. بالنسبه للبحر .. يمكنك زيارة النادي البحري وهو عباره عن كورنيش جميل وهادئ وفيه عدة مطاعم وجلسات للعائلات وهو بالقرب من المتحف في منطقة المنامه .. ويوجد بالنادي البحري رحلات بحريه ليليه على ظهر بانوش مع بوفيه عشاء بسعر 4 دينار للشخص البالغ .. وكذلك يمكن زياره كورنيش الملك فيصل والكورنيش القديم وكذلك شاطئ المريديان .. او بلاج الجزائر .. ولا تخافي فالبحرين صغيره جدااااااااااااااااا وكل منطقه لا تبعد عن الاخرى الا بدقائق معدوده .. و اهل البحرين طيبين اسئلي عن هذه المناطق وسوف تجديها بكل سهوله ,, واذا اردت اية معلومات اضافيه عن اسواق او مجمعات او مطاعم او اماكن ترفيهه لا تترددي بالسؤال ويا هلا ومرحبا فيكم بديرتكم |
الف الف شكر وبالفعل سمعت عن جزيزه حوار بس بصراحه كنت ناويه اروحلها بايام الشتا لان هالايام رطوبه وحر حيل فمادري اخاف اروح واضيق من الحر
بس راح اشوف راي زوجي لاني حسب علمي ان حوار هي عباره عن جزيره بين قطر والبحرين وتبعد بالسفينه ساعتين صح ولا لا وانا رلاحت شاليهات البندر السنه الي فاتت مثل هالوقت كان وناسه بس كنت انا وزوجي بروحنا يعني بدون اليهال الف الف شكر للتوضيح والمشاركه الف الف شكر |
مهوووويتي ... وش هالخيانه.. بتروحين عني ......!!
الله يسعدك ياااااارب وتروحين وترجعين بالسلاااامه .. وأنا اليوم إن شاءالله بروح البحرين وبرجع بكره (ادري أني بطوووووول واجد ههههاي :d ) تبين الصدق البحرين ترد الروح .. وأهلها طيبين وااااجد ... ويدخلون القلب ... و ودي أني أطول بس أنتي أدرى بقانونين قراقوش :d .. قالي تبغين تجين تعالي بوقع العقود وبنرجع الدوحه قلت له عاااادي ... أنا لزقه :d .... خخخخخخ .. خبرج أنا الحارس الأمين عليه :22: .. وهذي عيوني معااااه @،@ ......!! الله يحفظك ويسعدك ويبارك لك في كل لحظه يااااارب ... تحياتي ياحبيبه عمري والله ... |
حاضرين لج اختي .. لا بالعكس حوار حلوه بالصيف الحر فيها مو مثل الديره
وو مدة الرحله ساعه الا ربع |
هنوفه : تروحين وترجعين بالسلامه يارب :22:
لولي : الف شكر لسرعه االردو :) الف الف الف شكر علي المرور والمشاركات الرائعه |
طارت عني الطياره .........
:( :( :( |
ليش شنو السبب يا هنوفه غريبه مارحتي بالموعد المحدد
ماعلي يا الغاليه الجايات اكثر ان شاء الله |
اقتباس:
زوجي الذكي :d .. شاف وقت الطياره 9:30 وهي 8 .. وقدر الله وماشاء فعل ... وحجز على اليوم العصر الساعه 4 وقالي من الساعه 12 إحنا هناك :d ....!!!!! يعطيك ألف عافيه ... وتسلمين ياعمري على اهتمامك بفلمي الأكشن .. هروب الطائره من هنوفه ....هههاي :d :d .. تحياتي ياقلبي |
يعني انت مسافره اليوم
اذا كنت مسافره اتروحين وتردين بالسلامه يالغاليه ولا تنسين لا رديتي اكتبيلي شنو احلي شي في البحرين ناطرتك |
ابي اقولك ان منتجع شاطئ الغروب والهوليدي إن حلوين صح بس غالييييييييييين !!!!!!!
والمجمعات فيه الواحه والراشد والخبر بلازا والجمعه سنتر وفؤاد سنتر والتركي وفيه اشياء كثيييييييير ترفيهيه مثل قريه الدولفين في الدمام وفن تايم في الدمام والخبر عشان الاطفال !!!! بالاضافه الى اسواق كثير ومجمعات واماكن ترفيهيه بس ماتنفع بعضها عشان الحر !!!!!!!!! تحياااااااتي |
حياك الله يا مها في الشرقية و البحرين و نتمنى انشاء الله ان الاقامة تكون طويلة و تستمعي بوقتك.
طبعاً الشرقية تتميز عن البحرين بكثرة المنتجعات و المنتزهات اضافة الى الجو المحافظ الأنسب للعوائل. عموماً بامكانك الحصول على رقم أي من هذه الجهات عبر الاتصال على دليل الهاتف على رقم 905. المنتجعات: قرية الخليج (الهاف مون) قرية النخيل (الهاف مون) منتجع الهوليدي ان (الهاف مون) منتجع اشراقة المجد (الهاف مون) بافانا بيتش (الهاف مون) منتجع لافونتين (الهاف مون) قرية الشعلة (الهاف مون) منتجع نصف القمر (الهاف مون) منتجع شاطيء الغروب (الخبر) شاليهات المنيرة (القطيف) الواجهات البحرية: كورنيش الدمام كورنيش الخبر كورنيش الجبيل شاطيء نصف القمر (الهاف مون) شاطيء العقير (الاحساء) شاطيء سلوى (الاحساء) كورنيش القطيف كورنيش رأس تنورة (رأس تنورة) المدن الترفيهية: هابي لاند (الدمام) توي تاون (الدمام) الدانة (الدمام) فن تايم (الدمام) قرية الدولفين (الدمام) منتزه الملك فهد (الدمام) مدينة الخليج الترفيهية (الدمام) سندباد الخليج (الدمام) قرية العزيزية (الخبر) مدينة الأمير محمد بن فهد (الهاف مون) الحكير (الاحساء) السندباد (الاحساء) منتزه القلعة (القطيف) المتنزهات و الحدائق: مدينة الملك فهد (الدمام) الواجهة البحرية (الخبر) منتزه الدفي (الجبيل) منتزه الأندلس (الجبيل) منتزه شاطيء النخيل (الجبيل) منتزه الاحساء الوطني (الاحساء) جبل القارة (الاحساء) الفنادق: فندق الدمام شيراتون (الدمام) فندق الحمراء هوليدي ان (الدمام) فندق البحيرة (الدمام) فندق كارلتون المعيبد (الدمام) فندق العريفي (الدمام) فندق آسيا الدمام (الدمام) فندق الدمام بالاس (الدمام) فندق الخبر هوليدي ان (الخبر) فندق ميريديان (الخبر) فندق القصيبي (الخبر) فندق بارك بلازا (الخبر) فندق رمادا (الظهران) فندق الظهران الدولي (الظهران) فندق الجبيل انتركونتينتال (الجبيل) فندق الهفوف (الاحساء) فندق الخيمة (الاحساء) فندق الاحساء انتركونتنينتال (الاحساء) الشقق المفروشة: الشقق المفروشة كثيرة جداً و في الخبر تجدين أكثرها في حي الجوهرة أو العقربية أو البندرية أو الخبر الشمالية , و في الدمام أغلبها في حي الحمراء أو الزهور أو الشاطيء. الاستراحات: الاستراحات تنتشر بكثرة في الدمام و القطيف و الاحساء و من الصعب حصرها. بالامكان الاتصال بدليل الهاتف لارشادكم بارقامها. مطاعم: دارين - أكلات بحرية (الدمام و الخبر) كوبر شندني - أكل هندي (الدمام و الخبر) البحار - صيني (الدمام) القرية الصينية - صيني (الدمام و الخبر) القرية الشعبية - سعودي (الدمام) ماضينا - سعودي (الدمام و الخبر) شاهيناز - ايراني (الدمام) لفانا - ايراني (الدمام) تشيليز - مكسيكي (الخبر) فلامنجو - مكسيكي (الخبر) روما - ايطالي (الخبر) أوليف جاردن - ايطالي (الخبر) بيت التنور - صيني (الخبر) طبعاً هذا ناهيك عن مطاعم الفنادق أسواق و مجمعات تجارية: مجمع الواحة (الدمام) الدمام مارينا مول (الدمام) الدمام سنتر (الدمام) الدانة (الدمام) ابن خلدون بلازا (الدمام) الحياة بلازا (الدمام) سيتي بلازا (الدمام) سيتي ماكس (الدمام) سوق الحب (الدمام) الخبر مول (الخبر) الخبر بلازا (الخبر) مجمع الراشد (الخبر) الجمعة سنتر (الخبر) فؤاد سنتر (الخبر) مجمع العيسى (الخبر) مجمع الرحمانية (الخبر) شارع السويكت (الخبر) مجمع الظهران (الظهران) البستان (الاحساء) الموسى مول (الاحساء) مجمع الجبر (الاحساء) المتاحق و الأماكن التاريخية: متحف الدمام الاقليمي (الدمام) القرية الشعبية (الدمام) متحف أرامكو (الظهران) متحف الاحساء الوطني (الاحساء) مسجد جواثا (الاحساء) قصر خزام (الاحساء) قصر صاهود (الاحساء) قصر ابراهيم (الاحساء) منزل البيعة (الاحساء) قلعة تاروت (القطيف) قلعة دارين (القطيف) الأسواق الشعبية: سوق الحب (الدمام) الحراج (الدمام) سوق السبت (ابقيق) سوق أبومية (ابقيق) سوق القيصرية (الاحساء) سوق السويق (الاحساء) سوق البدو (الاحساء) سوق السمك (القطيف) سوق الخميس (القطيف) أتمنى أننا نكون أفدناك تحيااااااااااتي |
حلم الغد : الف شكر للمرور والمشاركه وفعلا الجو هالايام حار جدا وهذي الي خلاني ااجل سفرتي للاسبوع القادم بس شنو نسوي علي الاقل نغير جو لان العطله بالفعل بدت تنتهي وكلها 30يوم وبنرجع دواماتنا
ريوناردو : بالفعل الف الف الف شكر للمرور والمشاركه وبالفعل اعطيتني اشياء كثير اكيد راح اسوي برنت واخذها معاي بس ياتري حد عاوف يرشحلي منتجع بالشرقيه حلو واسعاره زينه وعلي البحر |
| الساعة الآن 11:28 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©