|
لا احد يقول بخيل وياليت يفهم الي في خاطري ؟
مشكله من ظمن المشكل ساتكلم عنها
في يوم من الايام استقبلت ظيفا من طرف زوجتي وتقريبا اسبوع وانا مضيفه ولله الحمد والمنه وفي يوم من الايام جاب معاه حلى فقط ويوم ان زوجتي فشلت وهي تقول بعد ماراحو يافشيله جابو معاهم حلا....................الخ ومن ظمن هالايام الي جوني فيها كنت خارج المنزل ويوم انها تتصل علي وتقوم القيامه عندها وينك المفروض انك جاي .... الخ يوم من الايام عزمونا وكنت بصراحه مبسوط لانه اخيرا فكر انه يرد عزيمتنا ويوم اني قلت لزوجتي يالله مشينا اتاري الزوجه مولمه العشاء والحلا معاها بصراحه حزت بنفسي واقول بخاطري لهالدرجه مو مهتمه بمصاريف زوجها وتكاليفه وتوفر على زوج اختها زياده على المشاكل الي صارت يوم انهمم ضويف علينا ابيكم تقولون لي هل انا بخيل والا لا لاني بصراحه والله العظيم استقبلتهم اكثر من يوم ولا ضاق صدري بس يوم انهم عزمونا وكل السفره والقهوه من بيتي انا ماحسب لهذه الامور ولكن تصرفاتها خلتني كذا لاتجاملون اذا المسئله فيها بخل قولو لي واذا تصرف زوجتي خطا قولو لي |
قال الرسول صلى الله عليه وسلم : من كان يؤمن بالله واليوم الاخر فليكرم ضيفه .
من خلال كلامك انا اشوف انك ما قصرت اكرمت ضيفك على اكمل وجه تطبيقا لكلام الرسول صلى الله عليه وسلم اما تصرف زوجتك فأنا اشوف انه عادي جدا وتصرفها هذا يثبت انك انسان كريم ببيتك وبخارج بيتك |
اذا جاب معه شكولاتة <------- يسمع بها كثير :)
او حلى هل هذا يدل انك بخيل .. لاطبعا لان كثير من الناس يستحون يزرون ناس بدون ما يقدم شيء . وسع صدرك يا رجال وشيطان حريص على المشاكل وخاصة بين المتزوجين |
يا ولد الحلال وسّع صدرك ولا تكبرها والأمر هذا طبيعي وهذا من حبها لأختها
ويمكن كمان ظروفهم صعبه شوي وحبت زوجتك تساعد أختها علشان تتجمل في الضيافه وإحتسب كل شي تعطي ضيفك حتى تؤجر عليه وحتى بيتك إذا احتسبت مصاريفه عند الله فأنت مأجور بإذن الله المهم الإحتساب وفق الله الجميع لما فيه الخير بإذنه سبحانه |
اقتباس:
بصراحه انتا ما قصرت معاه كفيت ووفيت وكثر خيرك بس تصرف زوجتك اعتبرو تصرف عادي لانو كثير الي تصرفها متل زوجتك واولهم انا :22: لا تندم على الي فات والله يعطيك الف عافيه ارق تحيه |
السلاااام عليكم
أنا اعتبر التصرف عادي يمكن اختها مشغوله اليوم بعد ماحددوا موعد الزياره او ماتعرف تطبخ أو انو زوج اختهااا بخيل...... وتصرف زوجتك عااادي جدا بل يدل على انو زوجتك مرأه سنعه ونشيطه.. ماشالله عليهااااااا :22: |
ياخي عادي يعني بيفرق معك الحلا
اهم شئ الاخلاق |
اخي الكريم احمد ربك على هذه الزوجة التي تبيض الوجه اعرف واحد من الشباب كل ما اتصل على زوجته قال لها جاي ضيوف اليوم قومت الدنيا ولا قعدتها وتسوي كل شئ وهي بوزها مترين انت لست بخيلاً وهي ليست مبذره ولكن من الكرم المحمود إن شاء الله تحياتي |
اخي الكريم
رفقا بزوجتك فهي على الغالب انها من الزوجات التي تحب بياض الوجه ومثلها تشكر وتقدر ولا ارى في قبول الهدية من قبلكم من زوج الاخت فيه ما يعيب انصحك ان تفتح قناة للحوار مع زوجتك عما يدور في صدرك ولكن ليكن حوارا هادئا تصلوا به الى التفاهم حول امور حياتكم تحياتي |
عاااااااادي يا خوي
لا تكون حساس مره انا حسيت فيك والله وفهمت وجهة نظرك ........ لكن صدقني تصرف زوجتك بيدل على كرم بيتكم وطيب اصلكم والاخوان اللي سبقوني كفوا ووفوا بعدين ليه ما يكون في صداقه بينك وبين زوجتك قول لها وش ضايقك واسمع منها انا متاكده بترتاح نفسيتك وربي يسعدكم دنيا واخره |
انا مع كل اللي سبقوني..
الأمر بسيط ومايستاهل .. لاتكبر الامور اخي الفاضل ولاتنظر الى الصغائر .. ماشاء الله على زوجتك .. الله يحفظها لك حبت تبيض وجهك قدام اختها وزوج اختها.. ولو انا مكانها بسوي كذا .. |
..اخي الكريم.. الكيف
الموضوع لا يمت للبخل بصله ولكن بطبيعة الحياة الرجل يشعر بتعبه وبالمال الذي يحضره لمنزله ويريد ان يوازن, وفي المقابل بعض النساء يدركون هذا الامر وبعضهم لا لا اعلم اي الرجال انت, هل انت ممن لا تعلم زوجته براتبه ام لا. ان كانت لا تعلم فبإمكانك توضيح ذلك لها لمشاركتك اقتصاديا في تنظيم مصروفات المنزل, وان كنت لا تريدها ان تعلم بإمكانك مشاركتها بتخصيص قدر من المل لتشتري هي بها متطلبات المنزل, وان كانت تعلم ولم يلفت انتباهها ذلك فعليك بلفتها له. معضم النساء يردن وانحن ايضا عندما كنا صغار كل شئ نريد.. ولكن عندما اصبحنا نقبض ونصرف تتغير الاحداث ونشعر بطعم المدخلات والمخرجات. هي فكرة ضايقتك, قد تكون كريم الطباع لدرجه شعرت بها بالسلبيه حينما زاروك ولم يحضروا لكم مستوجبات الزياراة , وانت هنا في المقابل تضيفهم على مستوى عال. المهم ان لم تكن الضائقه ماليه.. فتقبل اختلاف الطباع وكرم الانفس وفقك الله |
زوجتي الوحيده التي اذا اجتمعو اهلها تخليني اشحن السياره من كل شي
ومن راتبي اما بقية الاهل وازواج الاخوات فانهم اذا جابو شي يجيبونه على استحياء كلهم اغنى مني وحتى زوجاتهم ماشائالله تبارك الله شهر شهرين الامر عادي لكن على طول وزوجتي لايهمها مصاريفي فاني ساقف ضدها ولن اكون كريما على حساب غيري لانهم ماعندهم ذرة رجوله ووجيههم وسيعه لو ان المسأله متبادله بيننا والله لااحسب لهذا لاشي ولكن من طرف واحد مااقول الا يامن شرى له من حلاله عله لانها اصبحت مشكله اذا زوجتي لا يهمها شأني |
والله المسأله تعتمد على حالتك الماديه...يعني لو انت على قد الحال
تقدر تعترض على تصرف مرتك..لكن لو ميسور او على الاقل راتبك زين>>>لاغني ولافقير.. فاسمحلي...حتى لو ظايقك ان زوجتك تودي لهم شي...المفروض اصلا ماتتكلم في يمها ولا يم غيرها خصوصا زوجتك لأن المره تكره ان زوجها يبخل عليها لو بأتفه الاشياء وتبيني اكون صريحه... لو كانت حالتكم الماديه ماتسمح اكيد زوجتك ماراح تودي لهم شي ...لأن انتوا اولى واهي اصلا مو مضطره تسوي هالحركه..عشان ترضيهم بالعكس انتو اكرمتوهم وهالشي يكفي لكن بما انها قررت انها تودي معاها حلا ...او ماشابه..للتجمل بس فمعناها انكم ميسورين...وهالاشياء بصراحه مراح تأثر في صرفيتكم ...يعني انتوا ماراح تجوعون لما اهي تتجمل يم اهلها...يعني كلامك كله ماله داعي بصراحه...شكلك بخيل....اممم بس موبخيل واجد مدامك اكرمت ظيفك لأن المسأله اصلا ماتستحمل نقاش..لاتزعل مني بس ..مادري احس اني متأكده من ظنوني اسفه على جرأتي بس صدقني من مصلحتك تعرف هالشي لأن لو كان طبعك يظايق زوجتك...جرب اكرمها..والله ان تحبك وتموت فيك ونصيحه....ترى المرا ما تحب الرجال البخيل..ويمكن بعد زوجتك مبذره؟!!مين عارف عموما شوف اذا انت قاعد تحسب شوكلته ووش شربته ..يعني بخيل..ولو اني ماتوقع كذا..كلامك غير |
اخوي اعذرني..الان انا فهمت وضعكم
يعني المشكله في زوجتك مو فيك انت يعني لما تحاسبها كذا هذا لان وظعكم غير الي في بالي الله يساعدك بس |
يا اخي احمد ربك ان عندك مثل الزوجه هاذي 00
كثير من الازواج يتمنى ان عنده مثل زوجتك تبيض الوجه قدام ضيوفه 00 لانها بتصرفها راح ترفع من شأنك وسط جماعتك بدون ماتشعر انت 0 واذا المسائله مسئله اكل وشرب فمافيه مشكله انشاء الله ولا تكبر الموضوع وتضيق صدرك وتفاهم مع زوجتك بحيث مايكون فيه تبذير وبنفس الوقت ما تقطعها من الميزه الحلوه اللي فيها 0 تمنياتي لك بالتوفيق 0 |
أخواني الكرام.. أخي الكريم ..الكيف
كل الأمور سهل حلها ولكن لا تعالج هكذا: (فاني ساقف ضدها ولن اكون كريما على حساب غيري ) قل : ( سأتحاور معها وأعمل على أن تفهمني ولن أكون معها الا كريما) ووضح لها الكرم ووضح لها الاسراف ووضح لها ظروفك وبشكل شعوري.. قل لها أنا لدي أمر يضايقني- أنا متضايق هل لك مساعدتي.. ليس لدي الكثير لأشتري لاننا بحاجة للمبلغ في أمور أخرى كيف نتصرف. اسألها وبلطف .. كيف نعبئ المنزل بكل هذه الأغراض.. ربما تكتشف ان لديها نقص مقابل اخواتها فتحاول التعويض عنها بالاسراف أمامهم وربما تكتشف كم هي تحبهم وترغب بإكرامهم بالحوار تستطيع حل الامور.. وتذكر بالمقابل.. كما ذكر الاخ الكريم يوجد نساء يرفضون شراء شئ للضيوف ويضيوفون فقط بشاهي وقهوه, وعندهم مبدأ ليه نخسر علشان الناس صح أن زوجتك أخطأت بالاسراف وخير الامور الوسط وهذا ما نعمل وادعوك لتعمل عليه. ولكن تأكد إن لم تحل المسئلة بودية وبمشاعر فسيتحول الامر الى صراع بينكما لذا اعمل على الحوار وفقط الحوار. تحياتي لك. وبالتوفيق. |
| الساعة الآن 07:55 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©