|
أمي لم تشجعني على الزواج !
بسم الله الرحمن الرحيم
السلام عليكم اخواني واخواتي اتمنى ان تسمعوا لسالفتي وتعطوني الحل انا الظاهر اني بنجن من تصرف امي والله ما توقعتها من امي الحنونه الطيبه انا شاب طبعاً طالب وباقي علي مده قليله واتخرج من الجامعة وكذلك انا اعمل في فتره المساء >> والله ان فتره المساء ريحتي شوي يعني ما ارجع البيت الا العشاء وشوي اجلس مع الأهل وانام مع ان فيها تعب بس كذا عاجبني بعد المشكله الي صارت لي مشكلتي اني اتصلت على الوالده الله يحفظها وقلت لها يمه انا ابي اتزوج >> اكنت بتوقع انا تبارك لي لكن تفاجأته انها قالت لي رح لبوك قله انا مالي دخل في الأول كنت احسبها تمزح لكن طلعته جاده في كلامها قلت لها يمه انا اتكلم من جد ابي اتزوج قامت تصارخ علي انا مالي دخل فيك رح لبوك ومن الكلام هذا قلت انتي امي وانتي الي لازم تفاتحين ابوي في الموضوع قالت انا مالي دخل رح لبوك وتفاهم انت وياه طبعاً سكرت الخط وقعده كم يوم زعلان ما كلم احد في البيت والله حتى اني ادخل واحب راسها وراس ابوي بدون كلام معهم وثماً اروح لغرفتي ابوي كان يناظرني بنظرات وانا كنت اصد عنه << مع العلم ان مسألته البيت منحله مافيها اي اشكال ابد مع العلم ان الوظيفه ليست حكوميه الي اشتغل فيها بس انا باصم بالعشره اني ما راح انفصل منها لأن انا مدير فيها >> المهم السالفه الأن نسوها لكن المسأله بعد فتره من الزمن كنت جالس مع اخواني وكانوا يمزحون ويقولن يمه زوجي ولدك علشان يطلع عندنا ولد اخو او بنت اخو قالت إن شاء الله بعد سنتين بنزوجه بصراحه انا انقهرت مره قلبي ولع جمره لأن ما عاد احب كلمته اعرس او متى العرس من مجرد اني اسمع الكلمه هذي اتضايق واحاول اني اغير الموضوع والسبب كله من امي والله الذي لا إله إلا هو اني اموت من القهر ويتقطع قلبي اذا شفت اخوييا معهم عيالهم الصغار والله ان بعض الأوقات صدري كنه بينفجر ودي بزوجه تواسيني ولد اضمه لصدري طبعاً الأن انا احتمال كبير اني اتوظف قبل لا تنتهي الصيفيه هذي<< دعواتكم ان ربي يرزقني بوظيفه رسميه صباحيه على مرتبه حلوه >> لكن المشكله ان الأن انا ما اكذب عليكم ودي اتزوج اليوم قبل بكره << على فكره مو عشان مسألته فراش بالعكس ولكن ودي احس بالأبوه وحنان الزوجه ووحده تسمعني >> لكن عقب حركته امي ما اقدر اتزوج وراح أأخر الزواج احتمال خمس سنوات وهذي اقدر عليها بكل سهوله لأني راح اول ما أتوظف إن شاء الله راح أخذ سلفه من البنك وأبدى في مجال التجاره على خفيف يكون حجتي ان علي دين وما اقدر افتح بيت وبعد ما تتحسن الظروف بطلع لهم بتصريفه ثانيه وسبب هذا كله الي بسويه ان راسي يابس وعنيد مره انا اكتب لكم الأن والأهات في صدري بتذبحني تكفون شوفوا لي حل ولي يرحم والديكم واسف على الإطاله |
بسم الله الرحمن الرحيم
السلام عليكم ورحمه الله وبركاته طيب خذ امك على جنب واجلس انت واياه جلسه مصارحه وقل لها كل الي في بالك واتكلم معها عن سبب زعلها ولماذا لاتريد انك تتزوج ولاتدمر نفسك علشان كلام بسيط يمكن انها تحبك وماتبي تجي وحده وتاخذك منها بسهوله علشان كذا تدور حجج ومهما كان هاذي والدتك ولست في غنى عنها وخذها باالسياسه ترى مافي ارق من قلب الام وارجع واكرر اجلس معها جلست مصارحه علشان تعرف كل الي في قلبها وان شاء الله تتسهل امورك وتتزوج وتخلف عشرين ولد |
ابو وراء
ويبقى السؤال, لماذا فعلت أمك هذا؟؟؟؟؟ لماذا؟ لماذا؟ |
بنت الحروب
ياهلا بك اختي وهذا الي فاقع قلبي انا الولد الكبير من بين اخواني وامي تحبني مووووووووووووووووووووووووووووت وما ترضى فيني بكلمه حتى ان اخواني بعض الأيام يغارون مني مع ان عمري الأن 24سنه لكن جلسته مصارحه معها وبذات في هذا الموضوع ما اقدر مره لأني من النوع الكتوم مررررررررره بغير ما تتصورين |
طفولته الشباب
هذا الي قاهرني مدري ليش مدري بسبب اني ماني موظف رسمي بصراحه ماني قادر افكر مدري وش السالفه اليوم بالي منشغل بقوه من البارح صاحي وابي النوم يجيني ما قدرت آآآآآآآآآآآآآآآآآآآآآآآآآه يالقلبي |
اول شي هدي بالك
يااخي لاتستعجل وتحكم على امك ...يمكن سبحان الله هذاك اليوم كانت امك معصبه مره وجيت انت ففشت فيك ...انا من راي الاخوان اتكلم مع امك وشوف وش اللي خلاها تعصب هذاك اليوم...ومسالة انك كتوم مرررررره تراها ماتنفع ...تجيبلك امراض...وتعال اتقول تبي تتزوج؟ ترى الوحده منا ماتحب الرجال الكتوم مررررره...اتمنى لك كل التوفيق |
اول شئ الكتمه لها اضرار على نفسيه الانسان في المستقبل
وثانيا ان الكتمه هي الي تخليك بعيد عن امك ولاتقدر انك تفهمها وبعدين الانسان لحم ودم وله طاقات محدوده ماهو حديد انا اكبر اخواتي وكنت مثلك كتومه واخاف ان اصارح امي بكل شئ ولكن اتضح لي بعد فتره انني قلت لامي اريد ان اقول لكي كل ما عندي فلاحضت انها تفرح اذا اردت ان اقول لها كل مابداخلي وصار شئ عادي باالنسبه لي ولاتقول لااقدر قدرت ان تتعلم وتتوضف ولاتقدر ان تصارح امك فهي انسانه وليست شبح وترئ الرجال تسوي المستحيل سبحان الله امي وابوي يبون يزوجون اخواني واخواني رافضين وانت تبي تتزوج واهلك رافضين باالتوفيق ان شاء الله ............................. |
اخي الكريم اهديك هذا الرابط .. قد يفيدك .. قصة كفاح طالب جامعي من أجل الزواج!! مع تمنياتي لك بالتوفيق تحياتي |
وعليكم السلام ورحمة الله وبركاته
طيب يااخوي قل لأبوك السالفة مثل ما قالت لك أمك وريح رأسك.....ليش تعاند وتتعب أعصابك ونفسيتك!!!!!!!!!! يااخوي لا زم تعذر أمك المسكينة وإلا مافي أم ماتحب تفرح بولدها وهذه أمنية حياة كل أم تشوف ولدها عريس بس لاتنسى أن أمهاتنا الأولين متعودين إن الكلام في هذا الموضوع خاص بالرجاجيل ويمكن والدك من النوع الشديد علشان كذا هي تبغاك أنت تكلمه مباشرة وفي إحتمال إنها كلمة أبوك من قبل إنها تبغى تفرح بك وأبوك عصب عليها وقال لها لاتتدخلي... وممكن.....وممكن.............وممكن إحتمالات كثيرة يااخوي لازم تتعذر فيها للوالدة ولاتنسى ترى رضى الوالدين أكبر مفتاح للبركة والرزق ...يعنتي لاتزعل من أمك وماتكلمها مهما يكون ولازم تعرف إن مافي أحد في الدنيا يحبك مثل أمك أبداااااااااااااااااااااااااااااا. ....................... |
السلام عليكم ورحمة الله وبركاته اخي الفاضل / ابو رواء يتضح لى من طرحك ، انك تعيش في صدمة كبيرة :29: من رد والدتك ( رعاها الله لك ) لأنك متعود بتلبية طلباتك منها وانت تقول اقتباس:
ردة فعل امك طبيعية جداً جداً ، لأن الزواج اكبر مسؤوليه تقع على الانسان وانت لا زلت في الجامعة ووالدتك لا تريدك ان تنشغل حالياً بغير دراستك وحياتك العلمية فالمرأة عندما يتقدم احداً لخطبتها تسأل :27: ماذا يحمل من شهادات؟؟ وكم راتبة ؟؟ واين سيقيم مع زوجته ؟؟ و.و.و........الى مالا نهاية!!! وانت تعرف هذة الاسئلة ,,, لذا امك تريد مصلحتك اولاً ، وتريد لك رفعة الشأن وعلاوة المقام فتيقن انها بكل تأكيد تحبك حباً قريناً لقلبها فتقبل ذلك بروح طيبة ـــــــــــــ وانت ماشاء الله تبارك الله رجل ( عصامي ) تدرس نهاراً وتعمل ليلاً ، والقليل منهم بمثلك ، وايضاً تربيتك صالحة ويظهر لى :d اقتباس:
و ألف إمرأة تتمناك :14: خالص احترامي |
mergis
ممكن تكون معصبه بس المفروض انها بعد ما تهدء او بعد فتره تكلمني او على الأقل قولي اصبر شوي على الأقل تواسيني يعني مو تجي بالقوه مع اني انا ولدها الكبير يعني اول واحد يتزوج عندها الوحده منكم ما تحب الكتوم صح انا كتوم على الأشياء الخاصه فيني بقوه مرررره اما مع زوجتي الي الظاهر بتطول كم سنه الوضع بيتغير مره لأنها راح تكون قلبي وروحي وحافتظته اسراري |
بنت الحروب
اشكرك مره اخرى على قدومك اختي والله انك صادقه في ان الكتمه متعبه والله ان من كثر ما اتكم بعض الأيام اني ادوخ وما اقدر اوقف زين والله اني اكتب الأن وقلبي يوجعني والله بعض الأيام اذا فكرت في مسألته الضيقه اخاف انه يجيني شي اما مسألته المصارحه هذي صعبه مرررررررررررره بغير ما تتخيلينها يمكن البنت مع امها صح بس الولد ومع امه او ابوه هذي صعبه موووووووووت |
littelulu
يعطيك العافيه على المرور وعلى الرابط |
ام جمانة
المشكلة ان ابوي قالت له الوالده لكن لا حياة لمن تنادي بعدين ابوي مو من النوع العصبي بالعكس انسان فاهم حتى اول ما دخل النت لي الناس تتكلم ليش عطيته وجهه قال اهم كبير ويعرف مصلحته نفس وولدي انا واثق فيه ومربيه زين لكن كل المشكله اهي انه ما يبيني اسكن في الدور الثاني عندهم مع انه مستقل عنهم مره والإيجار انا ما قدر عليه اخاف ابلش لأن فلوس الإيجار احطها في مشروع احسن مدام مالي دخل ثابت اما على رضى الوالدين هذا انا حاسب له مليوووووووون حساب وما اقدر اعصاهم في شي بس في هذي المسأله ما اقدر والحمدلله علاقتي معهم تمام التمام بس موضوع العرس صرت اكرهه كره حتى لو من احد ثاني انا مدري هذي فتره وبتزول ولا بتطول لأني اشوف واحد اعرف حركته قريبه من حركتي سوت عليه امه ولأن شايب وما تزوج عافته نفسه |
اخوي وجه الخير
الله جزاك خير على كلماتك التي منذو ان قرأتها احسست براح نوعاً ما شوف اخوي مسألته البنت انها بتسأل هذا طيبيعي بس تصدق لو قلت لك اني مطلوب للزواج من كم واحد حتى اخرتها قبل يمكن شهرين بس واحد يبي يزوجني اخته والثاني يبي يزوجني اخت زوجته حتى قلت له انت ابوها قال مالك دخل في خالي انا ماقلت لك الا انا متأكد ولو منت رجال ماجيت اقول لك والله الرجال هذني على جنب وقعد يحاول فيني ونا رافض وقال لي شف متى ما عزمته قالي وبشر اما الثالث اخو واخوانه عارضين علي اختهم حتى ما ينادوني الا بالنسيب حتى امهم معهم والله انها حاله ربي يفرجها يارب |
ضاقت فلما استحكمت حلقاتها فرجت وكنت أظنها لا تفرج ..
معليه اخوي اصبر شوي .. ان شاء الله اذا تخرجت وتوظفت ترضى أمك ومايصير عندهاا أي ماانع .. !! ترى انا بنت ، واعرف اهم شي لو خطبت اي احد ، وش درس ؟ و وش وظيفته ؟ البناات هالحين ما عندهن استعداد يبدون من الصفر مع ازواجهن :29: ولا تكرررره العرس.. لا لا ، الله يخليك ، انا لي خال نفس سالفتك وهالحين كبير لا ولد ولا سند مرة يحزن حاله:( ان شاء الله امك ترضى ، وترى هي ما قالت كذا الا من حبه لك .. والله الزواج صعب هالايام .. بس هدي اعصاابك ، وروق ، وان شاء الله ربي ما يكتب الا خيررررر .. خلك واثق بربي ، وادع دايم بالزوجة والذرية الصااااااااااااالحة .. دام الله معك لا تخاف !! وعسى ان تكرهوا شيئاً وهو خير لكم !! هد اعصابك ، وروق بالك ، اصلا انت تقول ما تخرجت يعني توك ! البناات ما يتزوجن قبل الجامعة هالحين :29: خذ امك على جنب ، وكلمها بالطيب .. واضح من كلامك انك بااار وتعزك .. فلو اخذتها بالهدوء ، وسولفت معاها شوي شوي .. على اساس انك بتفضفض وتبي احد يفهمك .. صدقني بتليين الامهات طيبات وقلوبهم حنينة .. قد صارتلي مع امي :25: موفق يا رب والله يكتبلك الخير .. وزي ما قالولك الاخوان هد اعصابك بس ، وخذها بهداوة ,, واهم شي الدعاااء الصالح :) |
أنصحك بأن تفاتح والدك بالموضوع ولا تتأخر أبدآفي الزواج لأن وضعك مهئ جدآ لذلك
|
أخوي لو تكرمت حلل معي الموضوع
أنت تقول: المشكلة ان ابوي قالت له الوالده لكن لا حياة لمن تنادي ..........................يعني أمك ماقصرت وكلمت الوالد وتقول أنه رافض أنك تسكن معاهم والإيجار أنت ماتقدر عليه......................يعني وش ذنب أمك؟؟ ......الوالدة ماعصبت في ردها عليك إلا لأنها زعلانة من موقف الوالد وكأنها تقول لك في ردها روح كلم أبوك خليه يوافق لإنها تبغى تفرح بك بس الظروف ماتسمح يعني يااخوي لو فكرت مافي أي سبب لزعلك كون نفسك وأسس حياتك ولاقي بيت وتوكل على الله ولا تعافي الزواج أبدا ترى هذه وسوسة من إبليس كما قال سبحانه وتعالى( إنما النجوى من الشيطان ليحزن الذين آمنوا وليس بضارهم شيئا إلا بإذن الله وعلى الله فليتوكل المؤمنون ﴿10﴾ يعني الشيطان يبغى يضيق خلقك ويحزنك وينكد عليك على شيء ماله أي أساس من الصحة فلا تستسلم وأنظر للأمور بنظرة تفاءل وتفاهم مع الوالد إنك تسكن معاهم مؤقت إلى أن تكون نفسك وتنقل وبإذن الله بتلاقي القبول أخوي وسعها توسع وضيقها تضيق وكل شيء مكتوب لك بيوصلك . |
يوم صعب
اشكرك على كلماتك بصراحه انا الأن الحمدلله هديته شوي بس عندي نقطه وودي اوضحها صح انا توني ادرس بس فيه كذا طالب حتى بدون وظيف ومتزوجين بس انا ما فاتحتها في الموضوع الا لأني مرتب كل شي يعني حتى مصروف شهري ما ابي منهم اقدر اشيل نفسي يعني كل شي مرتب ترتيب صح وحاط جيع الأحتمالات قدامي لأن مثل ما قلتي الزواج صعب والواحد ماله داعي يورط بنت الناس معه لكن الله يكون في العون ويفرجها رب العالمين |
um soso
افاتح ابوي وهو عارف بالسالفه انا ماني ناقص صدمه جديده ثماً بعدها اسوي شي اندم عليه |
ام جمانه
اصلاً الوالده رافضه زواجي قبل لا تكلم ابوي يعني وانا اكلمها ردته علي على طول لكن الحمدلله الأن بديته اتحسن شوي وصدري بداء في الهدوء وبدأ التفكير والتحدي لأن اكون نفسي بنفسي وانسى الزواج شوي حتى لو وصل عمري 30 سنه ماهمني بس ابدى بقوه حتى اني ما خليهم يدفعون ولا ريال من تكاليف زواجي وإن شاء الله كله بيكون بكدي وتعبي اسف كل الأسف احس اني ادوشتكم معي ودوختكم لكن ردودكم صحتني مما انا فيه يعطيك الف عافيه والله يجزاكم كل خير |
السلام غليكم ورحمه الله وبركاته اخي الكريم الله يفرجها عليك يمكن تكون امك في ببالها بنت محدوده وبدها لما تتقدم ليها يكون بيدك وظيفه وتكون مخلص جامعه وباني مستقبلك المهم كلم امك واحكي لها اريدك تدوري ليه على عروووس على زوووئك وكمان احكي لها يما ما تحبي تشوفي ولادي يلعبو بلبيت وينادو عليكي يا تيتا يمكن قلبها يرق ويحن شوي وربي يفرجها عليك ويرزقك الزوجة الصالحة بإذنه تعالى والسلام عليكم |
تقريبا وضعك شبيه لوضعي بس انا موظف حكومي والوالده تاركه الموضوع على خواتي وخالتي وانا الصراحه مليت وطفشت من جد وزهقت انواع الهواجيس
اخوي انا مثلك وحاس بالي انت حاس فيه |
اخوي الله يفرجها لك، بس نصيحتي لك اختار زوجتك بنفسك، لا تعتمد على الأهل اذا كنت تبي تعيش بسعاده، لأن الأهل ما يدرون شنهو في بال البنت والولد، ولما تتزوج ركز على صاحبة الخلق والدين وبعد ما تكون نفسك تزوج علشان ما تحتاج لأحد وتوفر حياه كريمه لزوجتك
الله يسر لك امورك وتأكد اذا بيصي شي ر بيصير باذن الله ولا احد يقدر يمنعك |
hanan-a
وعليكم السلام ورحمته الله وبركاته مسألته امي في بالها بنت صحيح في باله بنت لا ويوم الخميس اخوها الكبير خطبني وحاول فيني لكن زواجي من هذي النت من سابع المستحيلات لأن الفارق بيني وبيها كبير للغايه |
عالمي بحق
الله يكون في العون ويرزق كل واحد منا ما تمنى وإحسن شف اخوي احسن حل انك تمسك احد خواتك العاقلات والفاهمات وتضبط وضعك |
night2005
مسأله أختار الزوجه بنفسي طبعاً هذا أكيد هذا زواج مو لعبه بعدين عشره عمر يعطيك العافيه |
اشغل نفسك بأشياء اخرى .. عشان تنسى هالسيـــرة لفترة من الزمــن ولا تفكر فيها وتضيق صدرك .. عجل في تجارتك وانصحك تدخل سوق الأسهم وبعدها بتنسى كل اهلك مو بس سيرة الزواج ... واسأل مجرب ..
|
انت ما زلت صغير ..
---- ليس هناك وسائل للتواصل في المنتدى |
| الساعة الآن 02:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©