|
ابي كلام حب
السلام عليكم و رحمة الله وبركاته
انا عمري 19 سنه متزوجه من 9 شهور من زوج عمره 25 .. قضينا فيها خطوبه مدتها 6 شهور كانت من اروع ما يمكن ,,, احب زوجي وايد وهو يحبني .امممم..فيه كل المواصفات اللي تحلم فيها اي بنت .. ملتزم .. يصلي صلواته بالمسجد .. يحاول انه هو يوصلني للدوام بنفسه من غير ما يعتمد على حد ,,,مسكني في بيت بروحي وعندي خدامه ,,,, والدته متوفيه وهو صغير ..ماعاش عند ابوه,,تشتت بين اهل امه وابوه ,,لحد ما تزوج ابوه من وحده كانت نعم الام له ولاخوانه .... اشتغل وهوفي بيت ابوه بعمر صغير ( 17 سنه) واعتمد على نفسه ,,,كان ما يحب تحكمات والده فيه لين ما طلع وسكن في بيت بنفسه ,,,و صار ما يزور حد ,,, وانعزل كليا عن العالم ... حتى ما كان يزور والده ,,, تدين بشده وصار يروح للمسجد ويقرا قرآن ووو تشدد بعدها رد لابوه بس بزيارات متقطعه .... رغم كل ظروفه ,,, بتقولون لي وين المشكله ,,, طيب ... مشكلته ما يشبعني من كلام الحب .حتى على الفراش ,,, مع انه مشبعني من هالناحيه .... ... حده كلمة احبك و اموت فيك ,,, انا ابي اكثر ابيه يقولي ان الحياه ماهي حلوه من غيري .. او يقولي البيت ماله طعم الا وانا موجوده فيه ..ابي رومانسيات ... ابي اعيش جو شاعري بكلامه ,,,, ابيه يهمس بأذني اني احلى مافي الكون ابيه ابيه ابيه ..آآآه والله كلام كثير بخاطري اسمعه .... انا توني متزوجه ..ابي اسمع اني اروع زوجه ابي احس ان للحين لي رونقي ... ابي احس به يحبني ,,هويحلف انه يموت فيني ... هو حتى لو يزعلني ما يراضيني ,,والله اضطر اني ارضى بروحي لاني ادري ان محد بيراضيني ... ولا بيجبر بخاطري ... انا ما ابيه يجي يبوس يدي ..لا ..والله بكلمتين بيلقاني عنده ,,, ابغى لي رجعت من الدوام اللي اداومه لمدة 9 ساعات ,,,, يبوسني ويقولي يعطيكي العافيه ,,,, ما قصرتي يا ام فلان ,,,, ما قام يمسك يدي في السياره مثل ايام الخطوبه ,,,, حتى ع الاكل ..في ايام الخطوبه كان يأكلني بيده ,,, الحين لو وقفت طول مدة الاكل ما يسألني ليه ما تاكلين ,,,, :( ما صار يرسل لي مسجات ,,,, الا ناااادر ,,,, او اذا اناارسلت له.... تعبت من الليالي الرومانسيه اللي اسويها ومن اللبس كل ليله ,,, ومن التعطر ومن الشموووع ووووووووووو اني اودي الشغاله كل اسبوع لمدة 3 ايام لبيت اهلي عشان ناخذ راحتنا ,,,, ببس مافي فايده ,,, صرت اشوف المسلسلات ,,والممثل يقول للي قدامه كلام احب ,,, والله اذوووب وكنه قايله لي انا ...او اذا شفت تلفون وحده من صديقاتي وزوجها مرسل لها ( احبك يا اغلى زوجه بالدنيا ) اموووووووووووووت ,,,ليش انا زوجي ما يقولي هالكلام ,,, ,,,, والله تعبت,,,,, ما اشتكيت لاحد الا للوالده ,,, قالتلي فاقد الشي لايعطيه ,,,, بس بعد ما كنت مقتنعه ,,, .. بتقولون لي قوليله انك محتاجه ..والله قلتله ...تنرفز زعل و طلع من البيت .. قالي انا اسويلك كل شي وانتي مش حاسه بالنعمه اللي عندك ... واني مهما اعطيكي ما تشكرين ,,,, اانا احاول اعطيك فلوس عشان ما يقصرك شي .. اناخليت كل اصدقائي عشان اقعد معاكي و اناما اصرف من راتبي شي على نفسي كله عليكي و اناو انا وانا في الاخير تميت ابكي قلت له خلاص ما ابي شي منك ...:(مابيك تقولي شي .. تم ساكت بعدين طلع من البيت .... راح ورجع ,,,, ولا كلمني ,,, صدقوني عفت الدنيا ... قلت ليتني ما طلبت ... رحت له بعدين اراضيه ,,,, وقلت له ان يكفيني الشرف انه زوجي ,,, وشوي من الكلام الحلو ,,,, لين ما قالي خلاص ..انا اوكي ....مع اني عارفه انه ما كان اوكي ,,, مرت الايام وصرت بس اقوله ..قولي احبك .. ويردها وراي او يقولي انتي تدرين اني احبك .... ,, ووووبس كل ما ابي اطلب منه ,,,, بس انا مب عاجبني الحال .... انا ابغى اكثر ... صدقوني قايمه بواجبي...بيتي ,,,,ووو به ,,,, صرت بعض الاحيان ما اروح لاهلي عشان اقعد معاه ,,, ما ازور حد من صديقاتي ,,, اسكر جوالي عشان ما تتصل اي وحده من صديقاتي وتلهيني عنه ,,, وش اسوي ساعدوووني ,,,,, ؟؟ |
اصبري عليه وبيتعلم منش وهم بعد الزواج تبرد حاجتهم للهاي الاشياء وهم انتي اثقلي اشويه عشان هو يطلب منش بطريقه تعجبش وهم لاتنسين يمكن عنده اشياء تشغله او يمكن تعود على انك انتي الي تباشري وتشبع اثقلي وبشوفي النتيجه لكن ها مو تثقلي تسكري عنه الابواب خير شر
|
الأخت ... محتاجه حب ... تدرين إن زوجك لو كرر الكلام بيصير ماله داعي وعندك إنتي بالذات ، وبيصير روتين ينطق به اللسان كل يوم ... ويصير من لسانه مو من قلبه ... طولي بالك شوي ... وكل كلمه تحبينها وتبي تسمعينها قوليها حقه ... وماهو بشرط تسمعين الرد على الفور ... ! المهم تعلمينه شوي شوي ... ولاتبخلين عليه في أي شيء مو تقولين مليت من اللبس والرمانسية كل ليلة ... والمفروض العمر كله تعاملينه بهالطريقة ... ولو حسستي زوجك بحيرتك بهالموضوع راح يزيد عناده أو جفاه ... خليه براحته جايز في شيء مضايقه خارج حدود حياته بالبيت ومهو حاب يقولك عليه ... وتابعيه ... ! وراح تلاحظينه بعد فترة يحاكي نفسه ليش هالمرة تقولي كلام عاطفي يهز القلب وأنا جاف معها وماني معبرها ... وبعدين يسألك وراك ماتقولين لي الحكي الزين اللي كنتي تقولينه ... وين أحبك ... وين أموت فيك ... إلخ . ( بس لا تمليين من تهيئة الجو الرومانسي له بالبيت كل يوم )
أكل العنب حبة حبة ... ما هو بالعنقود .......... ! ترى الثقل (المعقول) صنعة ... |
حبيبتي فاقدة الحب ... والله الحل بإيدك انتي ... تعرفي ليش لان كلام الوالدة صحيح فاقد الشيء لايعطيه ... هذا الكلام وطريقة التعبير عن الحب شيء مكتسب وليس فطري يعني احنا نتعلم من الي حولنا كيف نعبر عن مشاعرنا ... واذا ما شفنا المثال امامنا صدقيني ما نعرف .. انا قلت الحل بإيدك أعني في هالشي انك برقتك وبحركاته وبتعبيرات غير مباشرة تعلميه انه يتكلم .. وبعدين الحياة قدامكم طويييييييلة بإذن الله .. مو شرط كل شيء يتغير خلال ايام من الآن .. عادي انتي بعدك ما عبرتي حتى السنة الأولى من الزواج .. صدقيني تحتاجين المزيد .. اختك الي تكلمك والله مريت بنفس الوضع بس مو نفس المشكلة ... في بداية الزواج اول كم شهر كنت اتعقد كل ما اشوف موقف ما يعجبني وتتسكر الدنيا في وجهي وابكي كأني اخطأت في اختيار زوجي .. ومن هالكلام المبالغ فيه .. بس بعدين فكرت ... انتي وانا ماخذين ازواج في نفس العمر تقريبا .. زوجي اصغر من زوجك سنة .. يعني لسة الحياة قدامهم عشان يتعلمو .. وبنفس الوقت ليش اتعب حالي بمشكلة وأصر انها تنحل بنفس الوقت .. لا خليها تنحل بعد سنة .. سنتين .. ثلاثة ... سبحان لله لما بديت افكر بهالطريقة .. شعرب بالهدووووووء حتى في ردة الفعل .. مافي مشكلة ... خلي يتصرف بهالطريقة هالمرة .. اكلمه برقة .. بوقت هو هادئ فيه .. اذا عادها اذكره انه هالشي يؤذيني ... وخليها .. مع الايام يتعلم ايش الي تحبيه وايش لاء .. نرجع لموضوعنا .. وعلى فكرة والله انا مثلك ما كملت السنة من زواجي بعد .. لكن والله تأكدي الرجال مو كاملين .. وزوجك حرام مسكين والله يحبك وشكله كذلك ولكن لايعرف التعبير الحقيقي .. يعني فهميه انك بالعكس تزعلي اذا منع نفسه من حاجة لخاطرك .. لانك انت تحبيه وتتمنين تشوفيه مرتاح .. لان انتي ترتاحين بالمقابل .. وبالنفس الوقت تفهميه ان الفلوس ما هي دليل سعادتي .. انتي زوجي حياتي هو سعادتي وراحتي .. شوفي انتي لاتقصري عليه بأي كلمة حب ابداً .. لاتناديه باسمه .. ناديه بكل كلمات الحب والغزل الي تخطر على بالك .. ولا تملي من انك تتزيني كل يوم وتحطي الشموع .. والسبب انه ما يقول كلمة حب حلوة تعجبك .. لا بالعكس .. زوجك يريد يعبرلك بس مايعرف .. انتي قدري هالشيء .. وانتي الي تبادري بكل شيء جميل .. ولما تريدين تقوليله قولي احبك ويرد عليكي انتي تعرفين اني احبك .. قوليله بمزح .. النسوان عقلهم صغير ... تلحسلي عقلي انت بهالكلامات ... يعني تلميحات بين فترة وفترة ... ذكريه ان الكلمة الطيبة صدقة ... وهكذا سامحيني حبيبتي على الإطالة ... بس انتي كمان ادخلي كل المواضيع الي مثل مشكلتك واتعلمي كيف تقدرين تغيرين هالشيء بزوجك .. لان عمرك انتي كمان تحتاجين لأشياء كثيرة لتتعلميها .. والكل مثلك لاتستعجلي على زوجك .. اقولك مرة ثانية طولي باااااااااااااااالك .. الحياة قدامك طويلة باذن الله والله يسعدكم سامحيني على الإطالة تحياتي لك اختك م |
سلام عليكم اختي
وفقكي الله ويارب ويارب يتحقق مرادج ((((((((((((((ويابخت زوجج فيج ))))))))))))))) طبعاً انا ماأشعل نار القهر فيج :21: انا قصدي اني انا اعاني من خطيبتي من هذه الناحية مررررررررررره جافه ودايم اقول يمكن فترة الخطبة وبعدين تتغير معا العلم اني مو مقصر معاها في هذه الناحية اهي بنفسها تقول السانك عذب ((((((((((((المهم ماني نطول في سالفتي))))))))))))) (((((((((((((((((((((بس))))))))))))))))))))))))))) ))) بس عندي استفسار بسيط انت السانج عذب ولا لا يعني لزم انتي تعطينه على شان يعطيج وصدقيني حاول اكثر واكثر (((((كسري عينه بكلامج الحلو))))))))) وبأذن الواحد الأحد يتغير اخوج :::::::::::ماكس |
أختي
أنا عندي نفس المشكله تمام انا بعد صارلي 9شهوروأنا عمري 18سنه نفس حكايتج بضبط بس شو الفرق أن أمه عايشه أبوه متوفي أنا أعاني نفس مشكلتج أيام الخطوبه أحلى أيام حياتي كنت مخطوبه 7شهور و الصراحه أحلى أيام حياتي بس عقب الزواج نفس حكايتج تماما لا مسجات ولا كلام حلو مليت من كثر المفاجأت إلي اسويله ولبس كلام الحلو ما مقصر بشي موليه من ناحية الفلوس يعني أنا أعاني من نفس المشكله حياته كانت كلها كفاح يوم كان صغير17سنه أعتمد ع عمره انا لأقولج أصبري بنشوف لين متى هل الحال أسمحيلي وااااااااااااااااااايد لأن أنا روووح أبي الحل |
اختي
انت لازلت صغيرة لهذا فانت مهتمة با المظاهر انت تؤكدي انه يحبك وهذا هو المهم انتما الان في حالة زواج ناجح اي انكما في حالة تكوين اسرة ناجحة بإذن الله ولستما في حالة تمثيل فيلم حب هندي احمدي الله كثيرا على حالك الراهن |
يمكن حياتج في نوع من الروتين الممل وانتي مب حاسه في هذا شي .....
او انه كلامكم واحد ومواضيعج وحده ...... ماعليج غير شي واحد هو انه اتذكرينه بايام الخطوبه بس اتحاولين تختارين الوقت المناسب والاسلوب المانسب وتبدين انتتي بالكلام الحلو واذا رد من الدوام تبدين انتي بالسلام والكلام الحلو ...... يمكن تكون في نتيجه واتمنى اني اكون فدتج .....وحاولي اطمنينا عليج ا الله معاج snfOOrh |
اقتباس:
انا لو باتم انتظره يقول ما راح يقول ,,,, باقولج ايش هو الشي اللي شاغله ... موضوع العيال ..... تأخر حملي .. او بالاصح ما تأخر ....انا اتبع علاج تنشيط مبايض وانتوا عارفين انه ياخذ له وقت .... يمكن هالشي بتقولن انه بيخليه يقصر في كلام الحب ,,,, بس المشكله انه من اول ايام الزواج واحنا على هالحال.. والله ياجماعه ما انكر انه مب مقصر معاي في شي ..الا في هالشي ,,,, بس,,, |
اقتباس:
هو قالي هالكلام ؟,,, انه لو كرره راح يصير باهت ,.,,, انا خلني اسمعه بالاول عشان يبهت ,,,. اقتباس:
اقتباس:
|
اقتباس:
آه راح احاول ,, |
اقتباس:
انا قلت ..اني انا اللي راح اتكلم ..بس بعض الاحيان الواحد يكون وده حد يرفع منه ,,او يعطيه دافع يتكلم ... |
اقتباس:
الله يعيننا ,,,,, آآآآه يقولي زوجي هذا دلع بنات .... احنا تونا صغار وعلى دنيا المحبه جديد ... نبي نضحك نبي نتدلع .... |
اقتباس:
صدقني ما هو فيلم هندي ,,,, هذي رغبه و حاجه |
اقتباس:
من ناحية روتين ممل .. هو اكثر من الممل ,,,... وعلى طاري تذكيره ... ذكرته ... قالي ذيك ايام وهاذي ايام ... يقولي ايام الخطوبه مافيها مسؤوليات,,,انا معاه والله ومقدره ..بس شاسوي ... محتاجه حب ,,,, محتاجه صدر يضمني ويقولي الله لا يحرمني منك ... محتاجه احس اني سويت لهالانسان شي .. وصدقيني ,,هو اول ما يجي من الدوام اكون انا مبخره البت ومرتبته ومجهزه عشاااه ,,, واول ما يجي اكون انا واقفت له ع الباب لكنه يمشي و يخليني ,, حتى هو اعترف مره انه هو ماله خلق لهالمواضيع اول ما يجي من الدوام ,,, يعني لا تلزقين يا بنت ,,, :( |
كل وقت وله اذان
الفجر اذان الصبح اما الليل اذان العشاء يوم الخطوبة الامر يختلف اما الان صار بينكم امور مشتركة الفاراش مثلا ماكان يحدث ايام الخطوبة لكنه يحدث الان وهو نوع من انواع التعابير عن الحب والرغبة تحياتي |
اقتباس:
انا معاك ..كلامك صح ,,,, |
هل تسمحيلي اختي الغالية بنصيحة اخيرة ... والله ان شاء الله تفيدك .. في سلسلة جميلة جداً للأستاذ جاسم المطوع .. اسمها تنمية الحب بين الزوجين .. مجموعة من أربعة اشرطة .. والله انها راااااائعة وياريت تجيبين الاشرطة وتحطيها في السيارة وخليه يسمعها والله بتستانسون عليها اثنينكم .. ومافي داعي تلمحيله اي شي عن الموضوع لايكون يعاند ومايسمع الاشرطة من الاساس .. جربيها وان شاء الله تجيب نتيجة .. في السلسلة يذكر عن كلمات الحب حتى انه يقول يلا رددوا وراي وكذا اسلوبه رائع بصراحة .. بصراحة السلسلة كانت هدية من اختي العزيزة وبالفعل استمتعنا فيها انا وزوجي .. والله يسعدكم يارب ويوفقكم تحياتي لك اختك م |
باجربها ان شاء الله,,,,,عاد وين الققاها .؟
|
الأخت الفاضلة ( محتاجة حب )
الاخوة الأعضاء ـ جزاهم ربي خيراً ـ أدلوا بدلاء مطلية بالبهاء ... فما قصروا فيما طرحوا ... ولعلي أثني على كلام الأخت الفاضلة ( memoota ) .. وإن سمحتِ لي فإنه ليشرفني أن أضيف هنا بعض النقاط التي أطرحها بين يديكِ من باب التذكير فقط لا أكثر . - الصبر مفتاح الفرج . - الأمر بسيط .. وبإذن الله سوف يأتي مع الزمن . - لا تغضبي زوجك من أجل أمر بسيط .. سوف يأتي . هنا ملاحظة بسيطة على الجملة السابقة ( من أجل أمر بسيط ) : لا أنتقص من هذا الأمر البسيط .. ولا أقصد بالبساطة هنا استخفافاً بحقوقك كامرأة ... كلا وربي فإنه حق وواجب على كل زوج أن يسعد زوجته بذلك ... ولكن أقصد ببساطته مقارنة مع المشاكل الأخرى .. وبنظرة ثانية بإذن الله بمقدورك العيش فترة مع الصبر بدون كلمات الحب والغرام أو بالقليل منها ، وليس كمن يضرب زوجته مثلا كل يوم ... أو يسبها دوماً ويحقرها أمام أبنائها فرضاً ... وما شابه ذلك ... هذا ما قصدت من كلمة ( أمر بسيط ) وإلا فحقك عند الزوج كبير .. وكل امرأة كذلك .. ولكن هذا نصيبك .. حري بكِ التحلي بالصبر والحكمة .. حتى تنالي ما تريدين بإذن الله تعالى . - هناك مجموعة كبيرة من حسناته .. بل كله حسنات ( وهذا ما تفضلتِ بذكره ) أفلا يجدر بأخلاقك العليا أن كل تلك المكرمات وطريقة العيش السعيدة .. تُنسِيكِ هذا الأمر وهو شيء واحد .!!!! - بعد التصبر والحكمة وعملياً .... تابعي جميع الحلول الأكثر من رائعة التي طرحها عليكِ الاخوة الأعضاء أعلاه .. ومع الأيام سوف تجدين أجمل شاب مغرم بفتاة يكاد أن يشبعها من كل شيء .. وبكل شيء .. من ذلك الشيء الجميل ( كلمات الحب والغرام ) - لا تجعلي للشيطان عليكِ سبيلاًَ ... فهذه لعبته وهو يدور حولها معكِ ، ولا أقصد هنا التنازل .. ولكن أقصد عدم تهويل الموضوع وإغضاب الزوج .. فلا تنالي لا الزوج .. ولا كلمات الحب ( لا سمح الله ) - في يديكِ كنز ( على ما أعتقد ) أختاه أرجوكِ حافظي عليه . - لا تنسِ القوة الكبرى التي ( بإذن واحد أحد ) يتحقق لكِ فيها ما تصْبينَ إليه <<<<<< الدعاء . - أتوقع أخيراً ... أنكِ لو أديتِ واجباتك ( في هذا الجانب بالتحديد ) تجاهه ، فبدون أي طلبات ولا استنجادات .. تجدين بحول الله وقوته حقوقك ( كذلك في الجانب المطروح ) أمامك على طبق من ذهب .. وبأحلى وأبهى صورة ... (أدِّ الذي عليكِ دون البحث عن حقوقكِ .. تأتيكِ حقوقك مباشرة .. بل جرياً ). سامحيني أختاه على الإطالة ... يسر الله أمركِ .. وشرح الله صدرك .. وحقق مرادك.. وألهمك الصبر والحكمة .. ولا تتعجلي فالحياة أمامكم طويلة .. أمد الله بأعماركما في طاعته .. وزاد بينكما الحب والوئام .. وجعلكما من أفضل الأنام .. وأسعدكما بتحقيق أحلى وأجمل الأحلام .. تحياتي وتقديري ؛؛؛؛ |
يا رب تنحل مشكلتك ويدوخك كلام عسسسسسسسسسسل وشهههههههههههههد وسسسسسسسسسسسسسسكر وحلللللللللللو
بس انتي ادعي يا رب امين .....................................و السلام.....................بنوتة امورة |
حبيبتي محتاجة حب .. لااعرف أين بالضبط محل اقامتك .. ولكن ان كنت في بلد عربي ستجدينه اكيد اكيد في محلات التسجيلات الإسلامية .. انا متأكدة أنه منتشر في كل مكان ..
ولكن لدي سؤال للإدارة أن سمحت .. اعطيك عنوان موقع الاستاذ وطريقة طلب الشريط .. وانتظر رد المشرفين الله يسعدك يارب تحياتي لك اختك م |
تسلمون حبايبي والله ...
و يا اختي ان شاء الله راح ادوره في التسجيلات الاسلاميه |
الاخت محتاجه حب
لاتصيرين طماعة لان واضح من كلامك ان زوجك خليجي يعني مايعبر عن حبه بالكلام لكن بالفعل وواضح ان زوجك يحبك ويمووووووت فيك واهم شيء القلب يكفي ساكنه قلبه |
اختي محتاجه حب واضح جدا ان زوجك يجد صعوبه في التعبير عن مشاعره وأنا اعذره لاني مصابه بنفس الشئ لا وزوجي كمان زيي علشان كده احنا حاسيين ببعض وصعوبه التعبير عن المشاعر يعود لرواسب الطفوله فعندما لا يجد الطفل من يسمعه او يسمع منه الكلام العاطفي ينشأ ولديه هذه المشكله لذلك أن رأيي اولا لا تضغطي على زوجك ثانيا استمري انت معه بنفس الطريقه وشوي شوي راح يتغير وحتى لو ما تغير لا تخلي هذا الشئ ينكد عليك مادام زوجك يحبك وما يرد لك طلب حاولي تكتفي بذلك ولا تقارني زوجك بغيره فكم من رجل لسانه ينقط عسل وعمايله تجيب الجلطه هههههه
ولاتنسي ان اغلب الرجال مثل زوجك واسأل مجرب وفقك الله ويسر لك امورك |
سبحان الله نفس المعاناة ... ورده الدايم اللي يقوله لي الرجال بالأفعال مو بالأقوال .. والكلام الحلو له وقت مو كل يوم .. بس المشكلة متى يجي هاليوم ؟؟!! وصدقيني إن أهم شئ إنه ماقصر عليك بالأشياء الثانية .. وهذا أهم شئ .. ومافيه رجال كامل ... والكمال لله سبحانه ... والله يصبرنا بس ... ... تحياتي ... |
تنتظر كلمة احبك000 شايفك مشغول فيها 0000 كل شي بوقته حلو000 ليش مستعجل عليها0000 بكرة هي اللي تجيك000 وتمر كل لحظة عليك0000 انتا بس طولي بالك 000 كل شي بوقته حــــــــــــــــــلـــــــــــــــــــــــــــــو 00000
فطولي بالك 00 حـــــــــــــــــــشــــــــــــــــــــــــحــــ ـــــــــوش000000000 |
تشكرون اخواني و خواتي ع التفاعل في هالموضوع ...
الله يوفقكم ان شاء الله ... |
انا الحين في بيت اهلي و مسويه زعلانه
اتحدى اذا جا يراضيني ... الله كريم انشالله |
الموضوع ممتاز.. وهذا مو مشكلة شخصية.. بصراحة كوني رجل إستمتعت كثير وأنا أقرأ هالمواضيع والردود.. المرأة أكيد بحاجة للكلام العذب والرجل كذلك.. أعتبر الموضوع تنبيه لي وللقابلين على الزواج إنهم يحتاطوا من هالأمر في المستقبل ... ولا أملك سوى الدعاء للأخت... وشكرا...
|
تشكر ع الدعاء والله يوفقك يا رب
|
يا اختي لابد ان تعرفي أن التعبير عن الحب عند الرجال له أساليب كثيرة جدا جدا قد لاتفهمها المرأة ومنها على سبيل المثال لا الحصر .. الكلام .. الهدية .. القبلة .. الجماع .. الضم .. وغير ذلك مما قد لا تفهمه المرأة ولكن ينبغى على الزوجة أن تفطن لذلك وأن العبارات الصريحة قد لايكون الشخص متعود عليها وتحتاج إلى وقت وإلى خطط في بعض الأوقات كأن تستدرجه الزوجة إلى أن تصل به إلى ........... فحاولي أن تعطيه انتي هذه العبارات وأن تترنمي بها أمامه دائماً ومع الوقت سوف يفهم ويبدأ مبادلتك الشعور والعبارات .
|
تعبت وانا اعيد واقول ...
سنه كامله وانا اتكلم ,,,, واقول ,,,, ما اشوف منه هدايا ولا شي اذا انت تقول ان الهديه تعبير اذا نقص الكلام ,, خلاص الحين صار ما بيننا كلام ,,,, |
السلام عليكم ورحمة الله...
اختي الكريمه.. 9 شهور من الزواج؟؟؟ بصراحه فترة باكره على المشاكل فلسه توكم في سنه اولى زواج تكون العلاقه بين شد واخد وفترة الخطوبه فتره عارضه فربما فيها بدء زوجك يتعلم التعبير عن الحب مع امرأه مثلك .. وممتاز جدا ان زوجك رغم ان حياته بدئت بشيء من الشقاق ان يتكيف معك في فترة الخطوبه والا فانت على اطلاع تماما على شكاوى المخطوبات من تقصير في التعبير عن العواطف معهن وما نقوا غير ماشاء الله وحماكم ربي من كل عين.. وانا احببت ان اشاركك لاقول لك استمري واستمري في دغدغة المشاعر بالاسلوب المناسب ... اقتباس:
اذا اردت سحب كلمات الحب من فم زوجك بما يناسبك...فاسئليه في وقت مناسب مارايك بلبسي مثلا ..لماذا لا تطعمني من يداك الحانيتين ..وهكذا وبالتدريج سيألف الاسلوب فقط اجعلي نفسك في اطار المحبه والمتقبله له بكل ما فيه وابتعدي عن التذمر امامه... واليك هذا الرابط.. http://vb.66n.com/showthread.php?t=26067 واسئل الله لك التوفيق... |
اختي محتاجه حب الصبر ثم الصبر ثم الصبر
9 أشهر نعم فترة باكرة على المشاكل لكن الفترة قصيرة على الصبر انصحك بمحاولة تغيير برنامج زوجك اليومي والاسبوعي وستدعين لي بالتوفيق وانتم بعد وش تفرجون عليه ادعولي بعد .. باي س ر د ا ا ا ح |
عزيزتي
والله وانتي ماحلفتيني ((وانا اقرأ موضوعك ابكي)) لكن مااقول اللا الله يعين كل منهي بهالحال حاسه فيك الموت لاصرتي تحبيه وتشاقين له والصدمات أكثر وأكثر والموت لاصار طيب قلب ويخاف الله ومو مقصر معك الأبهالناحيه مادري الى متى؟؟؟؟؟ ماقول الا يارب |
الله يعينني يا رب ويعين جميع المسلمين و المسلمات
|
يا حبيبتي محتاجة حب .. وكل البنات الي يعانون من مشكلتك .. والله علاج قصتكم هو الصبر انا اقول الصبر .. وأعلم جيداً أنه علاج صعب .. والله صعب ..الصبر يحتاج قوة ايمان وعزيمة وإرادة ... وعندما نذكر لكم كلمة الصبر سواء انا او باقي الأعضاء الكرام .. لانستسهلها ... ابداً .. والله الصبر صعب .. ولهذا كان للصبر ذلك الأجر العظيم الذي ذكر بالقرآن والسنة .. لانه ليس بالهين ... حبيبتي محتاجة حب .. اعطي انتي الحب .. وابذلي كل ما بوسعك .. واصبري .. وانتظري النتيجة من ربك .. ولكن لاتفكري بأي شيء يضرك ويضر بيتك .. ولاتسمحي للشيطان أن يلعب بعواطفك ويحرك مشاعرك للأفكار السيئة ... ولاتفتحي له المجال ليجعل منك انسانة حزينة كئيبة .. تترك كل نعم الله عليها لتركز على شيء واحد افتقدته ... انتبهي لنفسك .. كوني قوية .. واثقة .. وذكية في تصرفاتك .. وفي كل همسة وكلمة جميلة تهمسيها بأذن زوجك .. الذي اعلم والكل يعلم انك تحبيه .. وهو يحبك .. بل يعشقك آسفة عزيزتي على الإطالة واتمنى من الله ان يوسع صدرك ويسعدك اختك م |
لا تشكى لى ابكى لك
|
حاولي تفهمية رغباتك بشكل لطيف
|
| الساعة الآن 02:15 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©