|
النظرة الشرعية (خاص للمقبلين على الزواج)
السلام عليكم ورحمة الله وبركاته......
اخواني واخواتي لنسأل الله العظيم رب العرش الكريم ان يزوج كل اعزب وان يسعد كل متزوج....... احبتي ارغب ان اسأل عن النظرة الشرعية كيف تكون؟ :) ومع من تكون؟ :) وبحظور من تكون؟ :) وكم من الوقت تكون؟ :) وماذا تقول في ذاك الموقف وانت بجانبها او وهو بجانبك يكون؟ :) ادري زهقتكم بيكون وتكون :d :30: اتمنى المشاركة من الجميع |
نسيت اقولكم شي
مشكورررررررررررررررررررررررين مقدما بس تكفون رد وها لاتنسونا بالدعاء |
سلام عليكم
من واقع تجربة انت بتروح لهم يعني انسابك البنت بتدخل عليك في المجلس معها عصير او من ها القبيل او بس تدخل كذا طبعا بحضور ابوها او اخوها لحظة هدوء عارم البنت منزله راسها دقايق ابوها او اخوها يشر لها تقوم ايها وتطلع بس هذا اهو كل السالفه بس نصيحة لا تتكلم مع البنت الا السلام عليكم ومن هالقبيل لان البنت اذا ما صلحت لك ما تكون تعلقت بكلامك وا حسن لك ما تحس بعقدة اني كلامتها وقلت لها ثم ما صار نصيب هذا بوجهة نظري والله يوفقك والله يوفقك |
السلاام عليكم والرحمة .............مجاهد النفس
بسم الله
في البداية اقول لك اخي الله يوفقك في حياتك الجديدة أنا بانصحك واقولك من واقع تجربة بما انك بتروح تشوف الانسانة اللي خطبتها يعني النظرة الشرعية وجزاك الله خير على حرصك...................... في البداية طبعا بتروح لهم (بيت خطيبتك) وتطلب تشوفها طبعا تعطيهم خبر قبل بوقت كااافي عشان البنت تستعد ... موب تطب عليهم غفلة ... تقول جيت أشوفها .... لا لازم مدة كافيه ممكن تقول أسبوع كافية عشان تجهز وتستعد نفسيا وشكليا من ناحية اللبس وغيره مع من تكون؟؟ أنا أشوف تكون مع شخص هي ترتاح البنت معاه .....تقصى انت هي البنت ترتاح مع مين يعني أمها أن كانت من محارمك مثلا امها خالتك أو عمتك ..تكون هي معكم في اثناء النظرة.....أو مثلا أخوها .......اذا كان لها أخ ترتاح له..... لكن ما أنصح يكون أبوها لان البنت بتنحرج منك وزيااااده من أبوها.. وكمااااان ما يكون خواتك أو أمك....موجودات و احذر كمان من الزحمة ...يعني يكون الجو هادي مو يتجمعوا اهل البيت كلهم عندكم....... يعني مو يجي ابوها واخوانها واخوانها الصغار هذا أكبر خطأ وبرضه لو صار كذا أنت نفسك مستحيييييييييل تاخذ راحتك ... وصعب عليك تكلمها ..... وكمان تشوفها بيكون الجو ملخبط مرررررة......بتطلع من المجلس ما كأنك شفت شئ يعني أنت وهي وشخص ثالث أفــــــــــــضل أفضــــــــــل شئ .......... والافضل ان البنت هي اللي تدخل ......بس بشرط ما يكون معها عصير او شاهي او شئ من هذا القبيل......لانها ممكن تتلخبط ومن الربكة تطيح اللي معها ...... وهذا مالاتحمد عقباه تدخل يدها فاضيه احسن ......العصير يكون موجود من قبل مو مشكلة....... أو اذا هي رفضت ..... ادخل أنت وهيه تكون جالسة ..... منتظرتك....... الوقت ...... على حسب شوفتك لها وشوفتها لك......وعلى حسب نا تشوف انت..... يعني 5 - 8 دقايق احسها كافيه .......يعني يمديك تشوفها...... وتكلمها ومعلومة مهممممممممة خلها عندك ...... البنت بتكووون مستحية اذا كانت من النوع الخجول ...يعني لا تستغرب اذا لقيتها منزلة راسها ... او تكلمها وهيه ماترد عليك .... هذا وضع طبـــيعي جدا جدا جدا جدا وكمان ..... لاتتحطم اذا طلعت من عندها وهيه ماقدرت تشوفك ...............أو تحط عينها بعينك......هذا أمر طبيعي وهذا من الحياء اللي مرغوب........والحياء من الايمان.... اما اذا كانت خطيبتك من النوع الجرئ...... بتتكلم وترفع راسها وتشوفك ..... هذا كمان شئ طيب....... اهم شئ تختار افضل الكلمات وتجلس بعيد شوي عنها ......عشان البنت لا تكرهك من أولتها فضلا عن انه مايجوز تجلس قريــــب منها لانه ....لسع هي اجنبية عنك الكلام ووش تقول هذا امر يرجع لك .....والافضل انك تجهز الكلام اللي ناوي تقوله أطلت الكلام ..... والهذرة ان الله شاء أكون أستطعت الافادة لك أخوي....وللاخوان والاخوات الغاليات... وفقك الله الجمــــــــــــــيع |
:d عندي سوال البنت تكون بدون حجاب لما يشو فها الشاب ولا تكون بحجاب ؟؟؟
صراحه انا اخدت نظره مو كويسه من هلمسلسلات الخليجيه الي عم تطلع .... يعني البنت اتكون لابسه نقاب و لما يجي شاب يطلب يشوفها تدخل بدون حجاب و هذه غير المكياج .... !!!!!! :eek: :rolleyes: |
الف شكر لك يا (صاحبة خبرة) بعد الله سبحانه
مشووووووووووووووووووووووووووووووره ياصاحبة الخبره وبصراحه استفدت كثير من الكلام المكتوب والفائدة هي:
1-نكون انا وهي وواحد زيده :d ====> بيشتري شورما 2-الوقت طوال شربي للعصير :d =====> مابيخلص العصير 3-اجلس بعدين علشان ماتحقد على اللزقه من اول نظرة :29: تسلم يدك يا (صاحبة الخبرة) |
طيب ايش رايكم بالي عقد قرانه بلا شوفه ولا إشي
لأنه باعتبار تقاليد بلدنا عيب :29: |
:d و لا واحد جاوب على سوالي ................ :29: :rolleyes:
اقتباس:
:16: بليييييييز ردوا عليه |
بدون حجاب عزيزي فهو يحقله انه يشوفها كما اخوها او ابوها يشوفها ولكن الفتره وجيزه
|
العفو اخي مجاهد النفس ان شاء الله بالفعل أكون قدرت افيدك ولو بالقليل
اخي 7abebe بالنسبة لسؤالك هو المفترض والصح أن الفتاة تكون لابسة حجاب :) وما يكون مكشوف بزيادة لانها نظرة شرعية وليست عقد ....... بناء على انها مازلت اجنبيه عن هذا الشاب ويمكن يكون فيه نصيب ويمكن لا !!! سبحان الله محد يدري فليس هناك أحقية بكشف الراس لان هناك ما يدعوه لنكاحها غير كشف الرأس وأنما الاكتفاء بابراز الوجه والكفين وسائر البدن.........((( وجهة نظر شخصية))) لكن الخرابيط اللي تطلع بهالمسلسلات ما عليك منها .... هذي تمثيل في تمثيل..... واحرص اخي 7abebe على ان تكون خطيبتك ....ذات دين :22: ...وابتعد عن هالاشكال اللي في هالسلسلات الساقطة :21: ان شاء الله أفــــــــــــــــــدتك اخي مجاهد النفس هو مايحق له يشوفها متبرجة وكاشفة الراس ومتزينة إلا بعد العقد او الملكة ...... لكن غير ذلك ...لا اخوكم 01 بصراحة انا أرى أن النظرة الشرعية أمر مهم ...وحث عليه ديننا وليس فيه شئ من الخطأ ....لكن بعض العادت الخاطئة لاتسمح به وهذا من الخطأ الفادح .... وللمعلومية النظرة الشرعية لها فوائد كبييييييييرة ..تخفى عن معظم الناس ولو كان النظر للمخطوبة فيه شي من الخطأ إو الاخلال لما امر به الرسول صلى الله عليه وسلم.... يعني الناس الحين يسووا انفسهم فاهمين ومحافظين!!!!وهذا أمر عجيب... :11: |
و الله النظرة الشرعية صعبة جدا ياإخوان
أنا لما أخطب أخاف يغمى علي, وأنا ولد, فكيف الحال للبنت. يعني الأمر مو هين, خاصة وأن النظرة تتم أمام أخوها أو أبوها يعني ماذا يفعل الشخص الذي يستحي ياأخت صاحبة الخبرة !!! فعن شخصي والله ماأستطيع حتى أرفع وجهي في وجه بنت !! |
أخوي
IIpoona باين عليك انك من النوع الحيي(اللي عنده صفة الحياء) ماشاء الله بصراحة هذي صفة نادرة في شاب هاليومين... ......انا أؤيدك في مسألة صعوبة الشوفة...............هذا أمر محد يختلف عليه أكيد ............وأنا كنت من أول المستصعبين للشوفة....بل اراها مستحييييييييييييلة بالنسبة للفتاة الامر اصعب عليها بكثيييييييييييير من الشاب ..................... انت تحس ان الامر شبه مستحيل وتستحي لكن صدقني اول ما تخطب بتحس الجرأة تأتيك شوي شوي.....في البداية في اللحظة الاولى مابتقدر ترفع وجهك في البنت ...لكن تدريجيا بتلقى نفسك تطالع فيها .....عفويا وتلقائيا ..لا وتتكلم معاها كمان... واعلم وتأكد من أن الحياء امر طيب....وماهو عيب ان الشاب يستحي وهذا الشي من ربي ......وهو من صفات الايمان ومارح يغمى عليك أظمن لك هدا الامر............والشوفة اخوي الخطوة الاولى في الحياة الزوجية ........... وهي بداية لكسر جدار الخجل والحياء عندك وعندك البنت كذلك الجرأة مارح تجيك بين يوم وليلة لازم انت تجتهد مع نفسك وتمشي خطوة لقدام....صح!؟ ان شاء الله يكون كلامي يجد قبول عندك أخوي IIpoona :) :) :) |
بارك الله فيك أختي صاحبة الخبرة,
كلام جميل فعلا, أتمنى إن أتشجع وما أكون خايب إلى درجة أني ماأقوم بالنظرة الشرعية. على عين أمي الأن فتاة وناوية أنها تزور أهلها إن شاء الله أختي صاحبة الخبرة, صراحة أنا أفكر أن أرى البنت عن طريق الصورة فقط.لأني وبدون مبالغة والله أشعر بحياء شديد. ممكن تتصوري أني أبالغ شوية لكنها الحقيقة, وأخشى أن هذا يؤثر على نظرة البنت إتجاهي وتعتبرني جبان... الله المستعان |
شكرا اختي صاحبة الخبره
احنا لما يجي شاب يشوف بنت بقصد الزواج عندنا تكون بحجابها العادي :d بس شفت بالمسلسلات و كمان لما قريت كلام بعض البنات هون بالمنتدى عن النظره الشرعيه استغربت كتير :( و على فكره انا بنوته :15: يعني اخت مو اخ |
اهلا بك مجددا ً أخوي IIpoona
ما شاء الله اخوي يعني قربت تخطب قريب ..... تقول انك تستحي حياء شديد لدرجة انك تشوف تفكر تشوف البنت عن طريق الصورة ....انا متفهمة وضعك اخوي IIpoona وانا من اللي يعيشوا مسألة الحياء ماشاء الله..... الحياء امر طيب وممممتااااز وكثير من الناس يتمنوه ويدوروا عليه كمان انا بقولك حل في مسألة حياءك الزايد شويه...... ويشهد عليه الله سبحانه وتعالى إني انصحك لوجه الله تعالى .... يعني اتمنى انك تنصت لنصايحي المتواضعه واللي كانت عن تجربة ومرور بهدي المرحلة ..... وأنا عشتها وعاشها غيري صح إني فتاة لكن انا متفهمة لحالتك .... .... ..... في البداية شغلة الحياء اللي يخليك تشوف خطيبتك عن طريق الصورة... أنا أقولك لاتشوفها بالهذي الطريقة ....الطريقة هذي من رأيي انها خطأX خطأ .... أعيد وأكرر أنا انصحك بصدق ولوجه الله الصورة لها مساؤي منها انها تظهر صورة غير عن الصورة الطبيعيه...الصورة تكون ثابته ...مجمده...ليس فيها حركة.... وانا صارت معايه حركة الصورة هذي واكتشفت بنفسي انها مااااتصلح بتاتا .... انا لمن جاء خطيبي في الشوفة ما قدرت اشوفه ولا ارفع عيني فيه .......ولو مجرد لحظه........ بعدين قلت للامي ...أنا ما شفته ...... راح هوه واعطا امي صورته وشفته بالصورة....... لمن جت الملكة ..وشفته... كان فيه اختلاف عن الصورة الفوتغرافيه والصورة المتحركة الطبيعيه للشخص.... يعني الصورة خداعة...يا أنها بتحلي أو تقبح ..... انته تشوف صورتها صح ..... لكن يمكن بعدين تختلف عليك ....نسبيا طبعا مو اختلاق جذري... غير عن ذلك ....البنت ...لها حق هيه كمان انها تشوف ....مو بس انت تشوفها .... !!!والكلام ينطبق على البنت تماما وشئ هاااام.......... سبحان الله ..................................الشوفة عامل كبـــــــــــــير في التأليف بين القلوب........... وهذا كلام ناس كثير ومجربيييييييييييين وهذا ما أمر به الرسول صلى الله عليه وسلم كمان انته إذا جيت بعدين تبغا تتخيل صورة خطيبتك في مخيلتك ..... ما تفتكر إلا هذيك الصورة الجامده وش احسن تجي في بالك صورة حيه قدامك .... والا صورة فوتغرافيه كأنك شفتها وحده عابرة في مجلة...صح كلامي؟؟؟ وهيه كمان نفس الحالة ويمكن البنت ما تقدر ترفع عينها وتشوفك ............لانها بطبيعة الموقف تستحي مررررة ......فانت موقفك أحسن منها أنا أقولك اخوي تشجع وتوكل على الله .........وشوفها شوفه شرعية ......... هذا لصالحك وصالحها هيه كمان ......... ومعلومة مهمممممممه.......اذا رحت وشافتك خطيبتك وانت تستحي ....... تأكد ان خطيبتك مارح تقول عنك جبان... تاكد وارتاح من هذي الناحية .......أصلا البنات ما يحبوا الشاب اللي يكون جرئ بزياده..... صدقني....... ..... بالعكس يمكن نقطة الحياء هذي ....ترفعك عندها...... ومااااارح تتأثر نظرتها عنك أبد ..... يمكن ترتقي للآفضل أنا أطلت في الحديث ........... ولكن آمل الفائدة والافاده ادع الله وأسئله التوفيق والثبات ...... ولاتنسى (( ومن يتوكل على الله فهو حسبه))) ياهلا وغلا فيك اختي 7abebe معليش مدري انك بنوته فكرتك ولد ...... اعذريني تشكري على المداخلة الحللللللللوة............... |
بارك الله فيك أختي صاحبة خبرة,
راح أكتب كلماتك وأطلب من أختي أن تحفظها وترددها على مسامعي يوم قبل ذهابي لرؤية العروس إن شاء الله لقد أقمت علي الحجة بفضل الله, ولا يمكنني الهروب الآن كما أنك نبهتني إلى نقطة مهمة جدا كانت تخفى علي وكما قلت, لا يمكني أن أظلم البنت, فيجب أن تراني حتى تتمكن من أخذ القرار كلماتك كانت مفيدة جدا... فلاحرمت الأجر وجنة الفردوس |
يا جماعه ليه مكبرين المسأله صحيح انا عزابي .. بس يعني كلها نظرة لبنت ليــه هالزحمــه اوكي عجبتني صار نصيب ما عجبتني شفنا غير صدقوني بهالبساطه .. الحيا والمجاملات هذي لو بدخل على وزيــر ... خلك واثق من حالك وامشي واثق الخطوه وتكلم بكل طلاقه ... خلك سيد المجلس ولا تحاول تخلي احد يفرض عليك بالكلام سواء اخوها او ابوها , وحاول تكون قمة بالجرئة وتاخذ حقك ولو تقدر اكثــر يكون افضــل .. يعني مثلا شفتها امس اطلب تشوفها مره ثانيــه وحاول تقول انهم يقربون الموعد لانك مشغول مثلا يعني بشكل عام خلك مهاجم دائما .. واذا استحيت ولا لا هذا عمي مقدر ابو البنت ترا هالكلام ما ينفع .. ولا تظن انهم بيفكرون ويتشاورون .. تراك عريس وطالب زواج وبيعطونك99% وهالايام مين الي يتزوج :25:
|
الاخ الغالي خالد
انا ما اؤيد كلامك
الموضوع مش بالهبساطة اللي انت متخيل :24: يعين تشوف بنت .. وانتهينا..!!؟؟ لا ... لازم قبل ماتقدم على خطوة تكون واثق منها.. اذا رحت تخطب بنت الناس لازم تكون متأكد من انها مناسبتك من جميع النواحي او لا مو بس شوفة بنت وانتهى الموضوع .. هو صحيح محد يجبرك تتزوجها بدون ما تعجبك لكن يكون لنسحابك وتركك لها سبب قوي ... لان مشاعر الناس مو لعبة ولازم يكون عندك فكرة على الاقل مبسطة عن الشكل... عشان تشوف وتقيس قبل النظرة.. هل تناسبك او لا.... اكيد بتسأل خواتك وامك ..قبل النظرة ومسألة انك تاخذ حقك الموضوع مافيه اخذ حقوق.. وما اتوقع ان بيكون فيه شوفة ثانية غير الشوفة الاولى إاللي هي (النظرة الشرعية) .... يمكن انت مارح تقدر كلامي وتعرفه الا اذا فكرت بالزواج والخطبة .. وفقك الله لمايحب ويرضى |
| الساعة الآن 08:24 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©