|
سؤال يحيرني يارجال ...هل تتصرفون كلكم زي هالزوج؟؟؟
عندي سؤال يحيرني ... للرجال طبعا ... عجزت افسره...ارجوا اني القى رده عندكم: اذا علاقتي بزوجي سليمة ...ومرتاحين :22: وجاني يوم متضايق..طبعا هذا شي مايريحني اني اشوفه متضايق.. :11: انا طبعا راح اموت الين ارضيه..واعرف اشفيه :30: فيه رجال مايحبوا ان المرأة تسألهم .. واذا ماسألته حتى اريحه ولا اضغط عليه يمكن يزعل ويحس اني مطنشته... والله حيرتونا... وش يرضيكم نسألكم ولا مانسألكم...؟ وش اسوي له .. والله شي يتعب!!!!! وهل كل الرجال كذا مايحبوا المراة تسألهم... المصيبة لما يكونوا مرتاحين ولا عندهم مشاكل والثقة موجودة مع بعض بس لما يكون متضايق...يحتفظ بها الشي لنفسه!!!!.. ممكن تجاوبوني؟ :::::::سمر::::::::::: |
ملقوفه وودي ادلو بدلوي
معظم الرجال مثل زوجك واعتقد اللي مثل حالة زووجك انه يخبي عنك حتى لايضايقك لاا اكثر ولا اقل بس ماانكر فيه رجال مايقولون ولايفضفضون الا عند ربعهم وعلى بالهم حريمهم مايهمهم زعلهم ولا يحسبون انهم ماراح يفهمونهم . بس ارجع واقول اللي مثل حالة زوجك مايصارحك بوقتها لاانه خايف يضايقكومتاكده بعد ماتنحل يجي من نفسه ويقولك. واســـــــفه اختي سموره على لقافتي |
هذي الحالة في علم نفس الرجاااااال تسمى .. " الإنسحاب أو الدخول للكهف " ! يعني الرجال يدخل لكهفه .. بس مايسكر الباب ! لأن الكهف أصلاً ماله باب <<<< ياشين الفلسفة خخخخخ :d المهم عزيزي .. عشان تجمعين بين الميزتين اللي هي : 1- إنك بينتي إهتمامك .. 2- إنك ماضايقتيه بسؤالك .. ما إلك إلا ............. أكيد موهيفا ههههههه <<<< متى بتعقل هالبنت :11: مالك إلا أنك أول مايدخل وتحسين إنه متضايق :( هدووووووء .. إستقبليه كالعادة بإبتسامه ناعمة .. قولي له : " يعطيك العافية .. وخوذي من إيده إن كان شايل شي .. ولا تقعدين تنطنطين عشان تبوسينه مو وقته ألحين <<<< هذي بتسكت ولا شلون :23: وخليك سااااااكته .. خليه يغسل ويوسع صدره .. 2- عطيه ملاحظة صغيرة تبين إنك مهتمة .. مثلاً " خير ياقلبي كنك متضايق " .. " شفيك حبيبي كن شي شاغل بالك " " إذا في شي مضايقك قولي .. يمكن أريحك ونفكر سوا ".. وشوفي رده .. إذا شفتي إن وده يحكي .. سايريه بهدوء ولااااااا تقاطعينه .. وإذا شفتي إنه ما يبي يتكلم .. وحالف يسكت <<< لحوووول .. خلاص خليه بحاله .. وهو بيجي يحكيكلك بوقتها .. وإن ما حكالك بوقتها .. بيحكي لحماتك .. مين حماتك ؟؟؟؟؟؟؟! :29: لاااااا أمزح .. صدقيني هذي طريقتي .. والحمدلله أنا مستودع أسرار زوجي .. :18: :14: أرق تحية .. |
الاخت احســــــــــــــــــــــــــــــــــــــاس
ولا بعد كلامك كلام اتمنى زوجتي تقرا هالكلام الطيب وتبطل حنة كل ما تشوفني ضايق تفكر اني زعلان منها ولا ننتهي من الموضوع الا بزعل يعني فوق مشاكل الحياة هناك مصيبة اسمها الــــــــــــــــــــزوجــــــــــــــــــــة حتى وان كانت هي الحياة تبقى مشكلة تحياتي للجميع |
السلام عليكم اسمحوا لي اشارك
بالنسبه لي احيانا قد يحصل نوع من سوء التفاهم بيني وبين احد من اهلي امي او اخواتي او احد اخواني واجي للبيت متضايق شوي بس مااحب اني اتكلم بهالموضوع لاي احد كائن من كان وتلاحظ زوجتي اني متضايق وتقعد تزن فوق راسي وشفيك وماارد عليها بل انه قد يظطرني الوضع للخروج من البيت علشان مااكون تحت ضغطها واذا روقت جيت وحكيت لها المشكله وحاولنا نحلها سوا بلا اجحاف لاني اعرف اني اذا حكيت لها لحظة زعلي ممكن اظلم الطرف الاخر بالمبالغه بوصف سبب زعلي عشان كذا هي فهمتني وصارت اذا شافتني متضايق تسالني تحب اعمل لك شي (عصير شاهي قهوه) واذا طلبت منها او رفضت تركتني واهتمت بشئون بيتها مع بعض التلميحات انها مهتمه فيني والحمدلله انها فاهمه بس بعد ايش بعد تدريب خمس سنين |
الأخت الفاضلة ( سمر )
ذلك الذي تفصلتِ بطرحه ... أمر هام جدا .. بل من الأمور الهامة التي يجب على الزوجة معرفتها عن زوجها .. ولعله قد تطرق له بعض الاخوة الأعضاء قريباً في موضوع فهم النفسيات ... ولكن هو أمر جيد أن يطرح على هذه الجزئية البسيطة ... فجزاكِ الله خيراً . إن سمحتم لي جميعاً أود أن أبين وجهة نظري في هذا الجانب ... إن آدم .. يدخل في معترك من الحياة صعب جدا .. ويتعرض في الغالب لكثير من الصغوطات الخارجية .. وفي بعض الأحيان ( أقول بعض الأحيان ) لا يريد آدم من حواء إلا السكوت .. ويكفيه منها كثيراً أن تبين له حواء اهتمامها ... لست أعلم هل ذلك فطرة في آدم .. ولكني اكتشفت ذلك في كثير من أبناء آدم .. وأنا أقول في بعض الأحيان .. وإنما الكثير منها ينتظر آدم كلمة ملاطفة ومواساة من حواء .. وتكون تلك الملاطفة .. وتلك اللمسة الحانية .. والوقفة الصادقة سبب زوال الهم عن آدم .. وبعض بنات حواء هداهن الله .. يصررن ( بحسن نية ) على معرفة ما في آدم .. بالقوة أو بالمروة .. وهذا يزيد من الضغط على آدم كثيراً . مما يجعل الهم فوق رأسه أكبر .. وقد يدعوه كل هذا للخروج من المنزل كما تفضل أخي الفاضل ( anaaa0 ) هذا إذا ماكان صرخ بوجهها .. وهنا تبدأ تزعل ومشكلة أخرى ضمن مشكلة أولى ... هذا أمر موجود في بعض أبناء آدم ... ولست أعمم فقط يخالفني بعضهم ويقول لا يوجد في ما ذكرت .. ولكن من خلال الدراسة المتواضعة التي أجريتها على هذا الجانب ... وجدت أن الغالبية الغظمى من أبناء حوى بهذا الشكل ............ وأرى أن الطريقة التي طرحتها أختنا الفاضلة ( إحساس ناعم ) جزاها الله خيرا ، لأنني أتوقع أن من تفعل ذلك مع آدم ... فلن تخجله حقيقة .. وإن غضب منها ( لا سمح الله ) فلا يجد خطئاً عليها لأنها لم تفعل ولم تقل إلا الصواب ... أنتظر الاخوة الرجال ( أبناء آدم ) في تأييدهم لهذا الكلام من عدمه تحياتي ؛؛؛ |
اوكي اختي انا بقولج شي ...........
اول شي انتي ماتعرفين زوجك كيف يعاني من الشغل ياخذ تفكيره وهمه واهتمامه فيجي البيت يدور الراحه والانس وهذا الشي بيحصله عندج معظم المشاكل تكون في العمل او يمكن مايكون في مشكله بس مثلا ضغوط تخيله تعبان ومضايق ... المطلوب هنا اسلوب السؤال كيف يكون انتي وفنك وخبرتك بزوجك هذا مانقدر نقولك اياه بعض الحريم يطفرون بالريال يسألون بطريقه ممله وقصدهم بس فضول مش عشان يخفوون عنه هذا الشي اللى يضايق الرجل لا المفروض تغمرينه حنان وتحسينه انك اهل للثقه ممكن انه يقولك ويوثق فيج ويحس انك راح تفهمينه فعلا وتخففين عليه . بس ريحيه اذا شفتيه مضايق بابتسامه تنسيه هموم العمل وضحكيه والمرح وايد ترى مهم والمزح يعني غيري الجو وخرجيه من حالة الضيق اللى هو فيها ويم تسألينه وتطمنين عليه لاتكونين لحوحه او ادورين تفاصيل خليه على راحته . الله يسعدكم يارب ويشيل منه كل هم وضيق . |
الاخت نرجس ...لابالعكس طلتك "هي النور كله"
احساس ناعم: والله كلامك عين العقل ...دمتي الملاك في عين زوجك... وجعلك الله واحة له يجد عند كل هناءه. الحياوي = anaaaao مرور طيب ومداخلة أطيب. النور والحنان: سعدت بمروركم وتعليكاتكم الحكيمة ... استفدت مما اوردتم ...والله يعيننا وياكم. ضاحي : توجيهات سديدة ..وتنبيهات مهمة ياليت كل البنات يقرون ويستفيدون. ................................ الله لايجيب الزعل للكل وان يجعل كل واحد بستان للثاني ...يرتاح فيه كل مااتعبته الحياة.. سمر |
من واجبات الزوجه سؤال زوجها عن ما بداخله ولكن بدون الحاح حتى لا يتضايق
وقد تختلف بحسب طبيعة الزوج |
كلامك صحيح ...
اشكرك على المشاركة. |
الاخت سموره..
الامر بسيط جدآ .. انتظرى زوجك حتى يبرد ويروق بعدين اسآليه.. لان بعض الرجال يكون متضايق وطفشان, يحتاج له وقت حتى يركد ويخف الغضب اللى عنده..مثل محاكيك.!!! تحياتى لك.... |
نصيحة سديدة...
جزاك الله خير . |
الأخت .. سمورة ..
تسلمين ياقلبي على الدعوة الحلوة .. وإن شاء الله إنتي بعد تكونين أحلى ملاك بعيون زوجك .. ولو سمحتي لي ممكن أرد على بعض الأعضاء .. اقتباس:
شكراً أخوي .. بس بقولك شي .. صدقني تصرف زوجتك جداً طبيعي .. وهي تحس إن اللي تسويه هو الصح .. أنا ماعرفت سالفة " الكهف اللي تتخبون فيه " >>>> والله مدري شعندكم بهالكهف :24: انا ما عرفت هالشي وإن إن آدم يفضل.."أحياناً " الإنسحاب والصمت إلا لما قرأت كتاب .. " النساء من الزهرة والرجال من المريخ " كتاب رائع ومشوق .. للرجل والمرأة .. أقترح إنك تهديه لزوجتك .. وإنت بعد لااااازم تقراه عشان تفهم زوجتك .. :14: وترى التفاهم زين .. يعني بدال ما تنتهي السالفة بمشكلة .. تقدر تقولها : " حبيبتي .. معليش إتركيني ألحين لو سمحتي .. أنا إذا روقت بقولك شفيني .. " أو " معليش حبيبتي .. ما أبي أتكلم بالموضوع ألحين .. بعدين بقولك .. " بالتوفيق .. أخوي النور والحنان .. تسلم والله يجزاك الخير .. دمتم بخير .. |
السلام عليكم
أختي السائله : أظن ان أغلب الرجال ان لم نقل جميعهم.. في هذه الفتره -حينما يكونون متضايقين- يحبون ان ينفرودا بأنفسهم وهذا ليس يعني انه لا يحبك ..لا ابدا انما يحب أن يخلو بنفسه ويحل مشاكلة بعقل وهدوء... هل تعلمين لماذا انت متضايقه ؟ :25: لأننا نحن النساء حين نتضايق نريد من الآخر أن يشترك معنا في ضيقنا هذا ! ونشركه في مخاوفنا.. وكلما خاف معنا أكثر كلما احببناه أكثر ! وشعرنا انه يحبنا :23: المسأله هي مجرد أختلاف في الطبيعه... الرجل حين يتضايق ينفرد بنفسه.. بينما المرأه حين تتضايق تريد من الآخرين أن يعيشوا الجو نفسه... احسبيها هكذا فقط.... لذا يفضّل ان تنزوي بعيدا عن شريك حياتك حين يكون متضايقا ولكن ابدي له تعاطفك وتفهمك ( بس من بعيد لبعيد ) وحين يهدأ ويرتاح اخبريه أنك تضايقتي لضيقه ولكن احببت ان تجعليه يخلو بنفسه لأنك ( تعتقدين ) ان هذا أفضل بالنسبة له.. تمنياتي لك بدوام السعاده :) |
صباح الخير
أنا أفسرلك السالفه أول شي لما تشوفي زوجك متضايق عطيه بتسامه زي ما قلتلك أخت أحساس ناعم بعدين أسئليه بلطف شفيك عيوني متضايق حب يقولك إلي في خاطره حلوو ما حب خليه على راحته السبب أن الرجال لما تكون عنده عقبه في الحياة يحب ينزوي لحاله عشان يحل الموضوع وبعد ما يحل الموضوع يمكن يجي يقولك السالفه لأنه ما يقدر يتكلم وانا بقولكم عن نفسي أنا حب أقول حق زوجتي بشكل يومي عن العقبات إلي تصادفني في حياتي العملية واليوميه ونادراً ما أحب أتكلم على طول أحب أمخمخ في الشي إلي مضايقني وبعدين أقول حق زوجتي عشان ما أخلي شي يعكر حياتي والفضفضه أول بأول تخلي الواحد ينام وهو مرتاح البال وأنا واحد أقولها بصوت عالي ما أحب الزوج إلي ما يشارك أهل بيته أهمومه لعدة أسباب من ضمنها :- 1- أن الزوج يزعم أنه ما يبغى يضايق أهل بيته بالعقبات إلي يواجها في حياته وهذا يخلي أهل بيته ما يحسوا بمعناته ويضل يحس أنه وحيد, وما يخليهم يتحملوا المسئوليه معاه لأن لو تحملوا المسئولية معاه مراح يكونوا عوامل ضغط بل بلعكس راح على قد ما يقدرا راح يخفوا الضغط عليه ويكونوا عون له في الحياة 2- إذا ما اشركم راح يواجه عقبات كثيره مع أسرته بحيث أنه بيكون له خطط وهم لهم خطط في الحياة وراح يصير تصادم دائماً لكن لو اشركم راح يوحد المنطلقات للخطط ويمكن متتعارض هذي المخططات مع بعضها البعض. ولكم أحلى ورده أخوكم سي سيد |
الله يوفق الجميع ويجزاكم خير
واعتذر اختصار الردود لانشغالي... دمتم بخير سمر |
| الساعة الآن 08:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©