|
+*+* سمبوسة التفاح +*+*
احم احم 1 2 3 شباب الصوت واضح اقدم لكم باكورة طباخاتنا بعد الرتبه الجديده طبعاً انتوا تدرون اني صرت شيف مع مرتبة الشرف المقادير رقاق تفاح احمر سكري دارسين ( قرفه) نشاء سكر بني مو ترحو تجيبو ابيض وتقولو ابوثنيان يسمنا زبده قدر ملعقه الطريقه يقطع التفاح الى قطع صغيره بعد مانحط الزبده في القدر وعلى نار متوسطه تحركينه الين ماتذوب تحطين التفاح وتحركيه وبعدين تضيفين الدارسين ( القرفه) وتحركي وتضفين السكر البني انتبهو ماهو الابيض وتحركي وتضفين النشاء. عشان يمتص مويه التفاح وتحركي لمده دقيقتين اذا زدتي اطبخي من جديد. والله عاد انا شيف وانا حر اسمعو الكلام ...... بعدين نلفه في الرقاق كاننا نسوي سمبوسة رمضان الكميه جاهزه ...... خليكم معايا هاالحين نقليها في الزيت خلصوت قلى رشوعليها سكر ناعم وبالهناء والعافيه * على فكرة انا ما اعرف شي اسمه بالجرام ولا بالكيلو انا اعتمد واقدر الكمية بالنظر ماهو بكره تجيني وحده او واحد يقولى كم جرام وكم اونصه شوفوني علمتكم شيف المنتدى ابوثنيان :) |
الف شكر لكن ماذا تعنى بالرقاق؟قصدك عجينه السمبوسه المعتاده؟
|
اخي الفاضل . . ابو ثنيان . . الله الله على هالوصفات الطيبة . . وصفة لذيذة فعلا . . شكرا لك اخي الفاضل . . وفقك الله . . |
عفوا ما هو الرقاق وشكلها فظيعه الأكله مدام فيها دارسين تسلم يا شيفنا على جهودك في أرضاء بطوننا
|
أخي الشيف الفاضل أبوثنيان.. وصفة لذيذة جداااااً.. جزاك الله خير.. |
ما دام الاكلة فيها تفااااح اكيد بتطلع زاكية :22:
الف شكر اخي ابو ثنيان على الاكلــة {{{ والرقاااق هية العجين السمبوسة}}}} :17: وصحتين وعافية |
عاشت إيدك أولاً على هذي الوصفة :22:
وثانياً ألف مبروك عل الشيوفية :14: |
اقتباس:
هيا بزاتها يامنى عجينه السنبوسه المعتاده |
اقتباس:
شاكر ومقدر تشجيعك للمواهب الشابه في رحاب الطبخ |
اقتباس:
تسلمين وهي العجينه مالت السمبوسه انتبهي لا تسمنين وتقولين ابوثنيان اهو السبب :) |
اقتباس:
العصفورة بنفسها مشرفنا والله تواضع من حضرتك تشكرين عليه بس مازلنا طلبه في مدرستك يامشرفتنا الفاضله |
شيف المنتدى المميز
تاخر عليك اللقب واكيد اي طبق تقدمه نطبقه بدون سؤال تسلم |
اقتباس:
حنان شاكر حضورك ياريت تجر بيها راح تعشقيها |
بسم الله والحمدلله والصلاة والسلام على رسول الله اخي الكريم الف مبروك لقب الشيف يا شيف وتستحق ذلك ومشكوووووور على الوصفة :22: جزاك الله كل خير تحيتي لاخي في الله |
اقتباس:
تسلمين يامدام ريرو على فكرة ممكن تغيرين بدل التفاح تحطين اناناس بس بدون قرفه الله يبارك بيكي وعقبال مانفرحلك بالمراقبية |
اقتباس:
تسلمين يا ام بدر ابشركم الخير جاي بس يوافق تركي على طلبي ويصير خير وكل تاخيره وفيها خيره وعقبال مانشوفك مراقبه عامه |
اقتباس:
اختي الفاضله تقوي الله اسعدني حضورك الله يبارك فيكي وعقبال مانشوفك مراقبه عامه على جميع المنتديات :) |
بصراحة شكلها تفتح الناس بإذن الله أجربها وأرد إذا عجبتني والا لا...
بس عندي سؤال دائما محيرني إحنا عرفنا من موضوع لك سابق انك تشتغل في مكتب............يعني مو طباخ... فماأدري هل أنت تقول لأم ثنيان إرتاحي اليوم وطبخكم عليّ؟؟؟و تجهز حلى بنفسك؟؟ والا إنك كل ماسوت إم ثنيان شيء قلت لها وش طريقته ووش هي مقاديره؟؟؟وجيت كتبته لنا....يعني بالعربي لاطشها؟؟ أو إن هذا من مخلفات العزوبية وأيام التعب والطبخ والنفخ؟؟ أختار إحد الخيارات وممنوع الإتصال بصديق السموحة بس اللقافة مثل مايقولون وأنا بصراحة أبغى أتثقف.......وسلامتكم. أم جمانة |
اقتباس:
اختي الفاضله ام جمانه ولا لقافه ولا شي من حقك تسألى اولا ياستي انا معشت حياة العزوبية بمعناها الحقيقي ، تزوجت وانا طالب من صغري وانا في المطبخ بديت مقشر ثوم وبعدين ترقيت الى مقطع بصل وبعدين بداء يعتمد على في زيادة الماء تقليب تحريك وشوي شوي ولكن الاهل اكتشفو مقدرتي على الطبخ وانا عمري 13 سنه واتذكر اول طبخه لى هي السليق وهاذي لها سالفه طويله بخصوص زوجتي بالعكس انا احيانا اللى اسويلها طبخات اذا كان عندها عزيمه او كانت مشغوله والوقت ما يخدمها بخصوص الحلويات للاسف انا ماني جيد في ظبطها ممكن الكيك والجبنيه البسبوسه بس ماهو ذاك الابداع بس امشي الحال انا احب واتفنن في الاكلات البحريه ، العصيرات ، لو يوم سويتلكم عصير رز لا تستغربو :) في البر طبعاً مافي غير الكبسه والقصديره وفي الشوي اعجبك لان نصه مااكول قبل مايوصلهم.......ومعروف عند الاهل انا ملك القلي بس ماني متاكد هم يلعبون على او صدق يعجبهم قلييء مدري اجابتي كافيه او مازال هناك غموض |
الله يعطيك العافية على التكرم بالرد وخلاص وضحت الرؤيا
وأنا رجعت ورديت الان ودورت الموضوع ولقيته في الصفحة الثالثة علشان أقلك إني توني مسويتها وباسجل إنطباعي مثل ماوعدتكم :( وأتمنى أن الكل يسويها لإنها سهلة وطعمها راقي جداااا مع إني سويت حبة وحدة تفاحة كتجربة وطلعت معاي خمس سنبوسات والعيال نايمين وماذاقوها وأكلت إثنين وجمانة وحدة والشغالة وحدة وبقيت وحده لأبو الحبابيب انتظره يرجع من سهرته علشان يذوقها وماأدري بصراحة يلاقيها والا لا...لإن عيني عليها. الله يعطيك العافية وبإنتظار جديدك |
مشكور اخي الكريم على الوصفة مجربتها من قبل وهي لذيذة جدااااا :22: الله يعطيك العافية تحياتي |
يعطيك ألف عافيه تبدولي وصفه في قمة الفخامه والترف لأنها مصنوعة بيد شيف مع مرتبة الشرف . وأرجو ألا أثقل بطلب وصفة السليق حيث أنك ذكرتها في أحد ردودك ,, جربتها يوما وأعجبت بطعمها . ولك جزيل الشكر والتقدير . |
ما شااااااء الله .... متى نزل الموضوع.... : : : الظاهر انا كنت نايمة لما انت نزلت هالموضوع :rolleyes: اخي ابو ثنيان ,,,, شيف مع مرتبة الشرف (هاي من عندي)....:28: بس سؤال و ادري يمكن بايخ بس و الله بالمرة ميييييييييح بالمطبخ الدارسين مطحون ....؟؟؟ و التفاح مقشر و لا بقشره...؟؟؟؟ و تقريبا كم ... لا تعصب و تقولي بالنظر مثل الوالدة الله يطول عمرها ..:29: شكر ا لك ... و انا بعد راح اجربها هاليومين ... بس انتظر ردك ...:27: يسلمو,.... |
بما إني الشاهدة على الأكلة ومجربتها وأعطيكم الضمان بصناعتها لإني اليوم كمان سويت منها لإن عندي أهلي وعجبتهم مرة وزوجي أمس من حسن حظه إنه لحقها وأكلها وعجبته جدا
المهم بما إني الشاهدة فسأرد عليكِ يا أخت أبيسة من باب اللقافة لإن أبو ثنيان مابين اليوم اشرايك تخلي التفاح بقشره علشان اللى يأكل منها ينزل كل شوي قطعة من القشرة من فمه :26: وبالمرة خلي الدارسين بأعواده علشان تتكسر أسنانهم. :29: لاأختي قشري التفاح وأطحني الدارسين وسويها بسرعة لاتفوتك لإنها لذيييييييذة |
يعني مو الاخ ابو ثنيان و لا امي الله يطول عمرها عصبت علي هذه المرة
انت يا الغالية يا ام جمانة :o يعني شو اسوي صدقيني مو بإيدي التخلف المطبخي في الطبخ و النفخ ...:15: المهم تسلميييييييييييييييييييييييييييييييييييييييييييييي ييييييين على الرد ... و بس اشتري الرقاق ان شاء الله اجربها تدرين هنا في الغربة بالزور لما انحصل منتوجات بلادنا,,,, و تسلميييييييييييييييييييييييييين عيوني بس حبابة لا تعصبين على تخلفي المطبخي... :16: دنا غلباااااااااااااانة ,,,:23: |
أفا عليكِ مستحيل أعصب عليكِ ابداااااا
بس ضحكتيني وحبيت امزح معاكِ شوي.. وبالنسبة للتخلف المطبخي فكلنا كنّا مثلك ومع الأيام تعلمنا ومايولد الإنسان متعلم وبإذن الله بيجي يوم وتصيرين شيف مع مرتبة الشرف ونتعلم منك. الله يسعدك ويهنيكِ يااااااارب |
تسلمين عيني
بس حبيت اشكرك على الاهداء اللي في توقيعك راااااائع... تقبلي تحياتي المعطرة |
أخي الكر يم , والشيف القدير (ابو ثنيان) بارك الله فيك وأكثر الله من أمثالك علي هذا الطرح اللذيذ يا رئيس رابطة كبار الطباخين احـتــرامـــي |
بصراحة أنا مجربتها من قبل و كانت عاجبتني مرة بس ما شاء الله عليك ابو ثنيان طريقتك مضبوطة 100% يعطيك العافية من جد تستاهل اللقب الجديد تحياتي |
من زمان جابها لنا ابوثنيان في العمل
بعد ما اكلنا وحمدنا ربنا كلنا اتوقعنا ان حرمته هيا اللى سوتها بس صدمنا ابوثنيان قال انه هوا اللى سواها بصراحه حاجه طيبه ابوثنيان يريت تعطيهم طريقة الحلى اللى سويتوا بالقرفه والشيره ولا السمك اللى بالبرتقال بصراحه شي مسكت اذا بتمشوي وراء ابوثنيان الله يعينكم على تغير ملابسكم جيبوا مقاسات اكبر شويه تسلم الايادي والله يا ابوثنيان |
الاخ الفاضل ابوثنيان
اولا مبروك على الرتبة الجديدة :14: :14: لكن هاى لاتشوف روحك علينا من الحين :( :( ترى عندنا طبخات بعد بيسون هجوم معاكس:29: :29: يعنى لامفر من الاسئلة التفصيلية واحيانا المملة لكن بما ان الطبخة سهلة وحلوة فخلاص مافى اسئلة هالمرة والله يعينك علينا :d وشكرا لك |
تهبل تسلم على الاكلة يابو ثنيان
|
| الساعة الآن 04:04 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©