الســـلام عليكم ...كيفكم ان شاء الله طيبين

اشكرك يا العزوبي الاخير على اثارة هذا الموضوع لانني والله العظيم اعيش نفس الوضع اللي انت عايشه...اللهم اني عايش مع اهلي مو لوحدي...

امي الله يطول عمرها دايم تقولي يالله بنزوجك فلانه.. يالله بنخطب لك فلانه..كل اسبوع ولا اسبوعين تشاورني على بنت شافتها او احد قال لها...ويعلم الله ان البنات اللي تقولي عنهم امي والنعم وستين نعم..واي شخص يتمنى ان يتزوجهم.....لكن احس ان بداخلي لا يوجد هناك ادنى رغبه للــــــزواج ما ادري ليه؟؟...طبعا الاحساس هذا مو دايم يجيني يعني ما اكذب عليكم احيانا ودي اتزوج... لكن بشكل عام لايوجد لدي ذلك الميول القوي للزواج ...بل احيانا اشعر انه لايوجد لدي ذلك الميول للمرأه او الجنس الناعم ابد...مع اني والحمدالله حافظ نفسي من الحرام ومحافظ على صلاتي جماعه في المسجد..احيانا اشعر ان هناك عيب فيني او شي داخلي مدري عنه..واحيانا اقول لا يا ولد تعوذ من ابليس ما فيك الا العافيه...

كان عندي بنت عم ومن صغري وانا كان ودي فيها فلما كبرت البنت خطبها واحد غيري..المهم بغيت اسوي الحرب العالميه الثالثه في البيت عندنا ..لاني كنت معارض بشده لهذا الزواج لاني كان ودي فيها مثل ما قلت لكم..المهم شاءت الاقدار ان هذا الزواج لم يتم لان بنت عمي رفضت العريس...طبعا اخوكم تقطع من الفرحه...في هذه الحاله بالله عليكم وش كان المفروض اسوي؟؟؟؟؟

جت امي وابوي واختي والعائله كلها قالوا يالله..جاك يا مهنا ما تمنى..يالله نخطب لك البنت...تتوقعون وش كان ردي؟؟؟

رفضت الموضوع؟؟؟....

ليه رفضته مدري ليه؟؟ مدري وش صار فيني؟؟

وكأن هدفي كان بس اني ما اخلي هذا الزواج يتم....!!!
كأن واحد عملي سحر...بنت عمي اللي كنت ابيها واقمت الدنيا ولم اقعدها يوم انخطبت...واللي كنت احلم فيها من صغري...يوم تهيأت الظروف قلت ما ابيها...ويعلم الله مو لاني كرهتها او اني شفت منها شي مو زين لا والله...بس سبحان الله مثل ما قلت لكم اصبح لا يوجد لدي اي ميول قوي للمـــــرأه او الزواج وتكوين اسره....الخ

والبنت الحين جالسه مع اهلها اقصد انها ماهي مخطوبه في الوقت الحالي وا نا خايف يجي واحد ثاني يخطبها ويتزوجها وذيك الساعه ما ينفع الندم...


عموما انا اسف للاطـــــاله ...وارجو التفاعل من الاخوان.. ودمتم